Bolsas e Axudas ó Estudo 2016
Pola Xunta de Goberno Local, fixose a aprobación das bases regulamentadoras para a Concesión de bolsas e axudas para o curso escolar 2016-2017 nas modalidades seguintes:
Bolsas e axudas ao estudo universitario, Bolsas e axudas para ciclos formativos que cursen especialidades que non existan en Xove, San Cibrao, Viveiro ou Burela; Axudas para alumnos/as discapacitados/as físicos ou psíquicos que asistan a clases de educación especial ou a terapias de estimulación; Axudas para compra de material escolar; Axudas para estudos de doutoramento e Axudas para máster.
DOCUMENTACIÓN A PRESENTAR POLOS SOLICITANTES : 
Solicitude, declaración doutras axudas obtidas para a mesma finalidade e certificación acreditativa do cumprimento dos requisitos, obrigas e condicións necesarias para a obtención da bolsa (facilitaranse os modelos normalizados no Departamento de Servizos Sociais).
- Fotocopia do DNI do solicitante.
- Fotocopia do Libro de Familia
- Certificado de empadroamento colectivo.
- Certificado ou acreditación de estar matriculado/a nos estudos para os que se solicita a axuda
- Notas acadadas no curso 2015/2016, con excepción de educación infantil e primaria.
- Fotocopia compulsada da Declaración da Renda de todos os membros maiores de idade da unidade familiar ou certificado negativo de Facenda ou calquera outro documento acreditativo dos ingresos familiares (nóminas, certificacións de empresas, pensións,...)
- Certificado acreditativo de estar ao corrente no cumprimento das obrigas tributarias co Concello de Xove.
PRAZO E LUGAR DE PRESENTACIÓN DE SOLICITUDES.- Os interesados en acceder ás axudas deberán solicitalo no impreso normalizado facilitado polo Concello. As solicitudes atoparanse a disposición dos interesados e poderán presentarse nas dependencias de Servizos Sociais do Concello dende o 3 de novembro ata o 16 de decembro de 2016.
