Concello de Xove

Reencontro´s Fest 2026

Detalles: CONCELLO DE XOVE; Creado en Viernes, 10 Abril 2026 22:36; Última actualización en Viernes, 10 Abril 2026 22:37; Publicado el Viernes, 10 Abril 2026 22:36

A Asociación de Festexos O Alto do Cruceiro celebra o seu 20 aniversario cunha cea-baile.

A Asociación de Festexos O Alto do Cruceiro conmemora o seu 20 aniversario coa organización dunha cea-baile que terá lugar o vindeiro sábado 25 de abril, a partir das 22:00 horas, no pavillón municipal de deportes do Centro Cívico de Xove. Co obxectivo de revivir vivencias e anécdotas, así como lembrar momentos inesquecibles, a entidade promove este encontro para conectar diferentes xeracións, unindo familias e amizades nun ambiente de alegría e nostalxia. O menú será elaborado pola Pulpería Mario de Viveiro e estará composto por empanada, polbo á feira, carrilleiras de porco ibérico ao mencía, carrot cake, café e chupito, cun prezo de 40 euros por persoa e pódense anotar ata o 20 de abril.

IMG-20260410-WA0003

A velada estará amenizada pola Disco Móbil Conxuro, garantindo música e diversión durante toda a noite. Os membros da asociación, que tamén integran a comisión de festas encargada da tradicional Festa dos Callos no Alto do Cruceiro, queren facer partícipes deste evento, en primeiro lugar, a todos os veciños e veciñas da parroquia de Xuances, así como á veciñanza de Xove en xeral e a todas aquelas persoas que manteñan algún vínculo coa zona ou que desexen gozar dunha noite especial de boa compañía, recordos e emocións compartidas.

cartel REENCONTROS FEST 1

XXXV Curso de Formación Orquestral

Detalles: CONCELLO DE XOVE; Creado en Viernes, 13 Marzo 2026 13:46; Última actualización en Viernes, 13 Marzo 2026 13:48; Publicado el Viernes, 13 Marzo 2026 13:46

O XXXV Curso de Formación Orquestral aposta polo proxecto “Xente Miúda” na súa edición de Semana Santa en Xove.

A XXXV edición do Curso de Formación Orquestral está organizada pola Asociación Prestoxove e conta co patrocinio do Concello de Xove. Nesta edición participarán como profesorado convidado Carmen Varela, responsable da sección de violíns; Nara Carballal, á fronte das seccións de violas e violonchelos; Daniel Roca, encargado da sección de vento; e Barúk Domínguez, que traballará co alumnado da sección vocal do proxecto.A organización do curso mantén unha estrutura semellante á de anos anteriores. As mañás, en horario de 10:30 a 14:00 horas, estarán dedicadas aos ensaios seccionais e xerais de orquestra no colexio de Palmeiro. Polas tardes, de 16:00 a 19:00 horas, realizaranse ensaios de música de cámara, así como leccións maxistrais das distintas especialidades.

IMG-20260312-WA0030

O Curso de Formación Orquestral está aberto a alumnado de corda, vento e canto, con diferentes niveis instrumentais, que desexe participar nesta experiencia formativa.

Como parte da programación, o martes 31 ás 18:00 horas terá lugar un concerto de música de cámara, no que o alumnado ofrecerá actuacións en diversas formacións. A clausura do curso celebrarase o mércores 1 de abril ás 18:00 horas coa representación do proxecto “Xente Miúda”, interpretado conxuntamente por todos os participantes. Éstes concertos levaranse a cabo no Salón de Actos do Centro Cívico de Xove, con entrada libre e gratuita para tódolos públicos.

A XXXV edición do Curso de Formación Orquestral incorpora este ano unha importante novidade, xa que o eixo central do programa será a preparación do proxecto musical “Xente Miúda”, que se combinará co traballo e a organización de diferentes grupos de música de cámara.

“Xente Miúda” é un proxecto que reúne un total de 15 cantigas da autoría de Nacho Fonseca, incluídas nun disco gravado baixo maqueta instrumental no ano 1988 polo alumnado da Escola Municipal de Música de Xove. Para esta edición do curso, as pezas foron revisadas, reescritas e arranxadas por Xan Carballal, adaptándoas ás características do alumnado actual que participará no curso.

CARTEL semana santa 2026 page-0001

O disco orixinal gravárase sobre unha maqueta instrumental e incluía a tradución ao galego dos textos, xa que a versión inicial estaba en asturiano. Agora, a recuperación deste proxecto supón unha actualización tanto musical como textual, pensada expresamente para o alumnado da escola. Ademais, “Xente Miúda” desenvolverase ao longo do ano en distintos formatos, coincidindo coa celebración do 40 aniversario da creación da Escola Municipal de Música de Xove.

Gañadores do Concurso de Caretas 2026

Detalles: CONCELLO DE XOVE; Creado en Miércoles, 11 Marzo 2026 12:47; Última actualización en Miércoles, 11 Marzo 2026 12:50; Publicado el Miércoles, 11 Marzo 2026 12:47

O Concurso de Caretas de Entroido é unha actividade que, como cada ano, organiza este servizo municipal co obxectivo de fomentar a creatividade e manter viva unha das celebracións máis populares do calendario.

WA 1773173537574

O certame contou cunha destacada participación de nenos e nenas do municipio, que presentaron propostas moi variadas, cheas de imaxinación, cor e orixinalidade. O xurado destacou especialmente o alto nivel dos traballos presentados, así como o esforzo e dedicación das persoas participantes.

Os traballos premiados foron os seguintes:

EDUCACIÓN INFANTIL:1º PREMIO: Elsa Baño Bouza.- 2º PREMIO: Brais Sánchez Labayén.- 3º PREMIO: Xare González Celaya
1º e 2º EDUCACIÓN PRIMARIA:.-1º PREMIO: María García Val.- 2º PREMIO: Zoe Sierra Escobar.- 3º PREMIO: Isabela del Valle Lozada Salinas
3º e 4º EDUCACIÓN PRIMARIA:.- 1º PREMIO: Anaïs Romero Suárez.- 2º PREMIO: Celia Maseda Peña.- 3º PREMIO: Alejandro Loyola Vidal
5º e 6º EDUCACIÓN PRIMARIA:.- 1º PREMIO: Jesús López Franco.- 2º PREMIO: David Burgos Peloche.-3º PREMIO: Ainara Sánchez Lage
E.S.O.:.-1º PREMIO: Óscar Bértolo Casabella.-2º PREMIO: Marcos Mariño Ferrería.-3º PREMIO: Aya El Omari

Tras a correspondente deliberación, o xurado acordou conceder os premios nas distintas categorías establecidas nas bases do concurso, valorando aspectos como a creatividade, a elaboración e a utilización de materiais.

Dende o Concello de Xove e a Biblioteca Municipal quérese felicitar a todas as persoas participantes polo seu traballo e agradecer tamén a colaboración das familias, que cada ano contribúen a facer desta actividade unha cita xa consolidada dentro da programación cultural do Entroido no municipio.

A entrega de premios terá lugar nos próximos días no centro educativo de Xove, nun acto no que se recoñecerá publicamente o talento e a participación dos máis pequenos e pequenas.

Emprender para Abrir Camiño 2026

Detalles: CONCELLO DE XOVE; Creado en Martes, 10 Marzo 2026 10:57; Última actualización en Martes, 10 Marzo 2026 10:58; Publicado el Martes, 10 Marzo 2026 10:57

Xove Concilia Semana Santa 2026

Detalles: CONCELLO DE XOVE; Creado en Martes, 03 Marzo 2026 11:43; Última actualización en Martes, 03 Marzo 2026 11:43; Publicado el Martes, 03 Marzo 2026 11:43

Cartel Xove Concilia Semana Santa

Antroido 2026.-. Presentación

Detalles: CONCELLO DE XOVE; Creado en Miércoles, 28 Xaneiro 2026 11:57; Última actualización en Miércoles, 28 Xaneiro 2026 11:57; Publicado el Miércoles, 28 Xaneiro 2026 11:57

Presentación cartel Entroido 2026.2

Concurso de CaReTas 2026

Detalles: CONCELLO DE XOVE; Creado en Miércoles, 21 Xaneiro 2026 11:55; Última actualización en Miércoles, 21 Xaneiro 2026 12:05; Publicado el Miércoles, 21 Xaneiro 2026 11:55

Os premios do concurso de confección de caretas de Entroido organizado polo Concello de Xove teñen por obxecto incentivar a participación cidadá, en particular dos escolares de Xove, na programación prevista para o Entroido 2026. PROPOSTA DE CONVOCATORIA E BASES

Cartel CONCURSO CARETAS DE ENTROIDO 2026

Poderá participar no concurso e ser beneficiario destas axudas calquer/a neno/a ou rapaz/rapaza empadroado/a no Concello de Xove en idade escolar (desde 4º de Infantil ata 4º de ESO)

A documentación a presentar será a seguinte:

-Ficha de inscrición establecida ao efecto FICHA

A ficha de inscrición deberá presentarse, xunto coa careta a concursar na Biblioteca Municipal con data límite 14 de febreiro de 2026.

As caretas deberán estar relacionadas con motivos de entroido. Realizaranse en cartulina, folio ou calquera outro material que se axeite ao tamaño dun folio. A técnica a empregar será libre: debuxo a lápis, rotuladores, ceras, collage, etc. A careta non incluirá ningún dato persoal do/a concursante.

Programa de Entroido 2026

Detalles: CONCELLO DE XOVE; Creado en Martes, 20 Xaneiro 2026 13:32; Última actualización en Martes, 20 Xaneiro 2026 13:34; Publicado el Martes, 20 Xaneiro 2026 13:32

Bases do Concurso Desfile de Entroido 2026

Cartel Entroido 2026

Ficha de Inscrición para Individuais e Parellas

Ficha de Inscricións para Grupos (3 ou máis persoas) e Carrozas.

Entrega os premios do Concurso de Postais de Nadal

Detalles: CONCELLO DE XOVE; Creado en Viernes, 16 Xaneiro 2026 19:14; Última actualización en Viernes, 16 Xaneiro 2026 19:15; Publicado el Viernes, 16 Xaneiro 2026 19:14

O Concello de Xove celebrou este venres a entrega de premios do tradicional Concurso de Postais de Nadal, organizado cada ano pola Biblioteca Municipal de Xove. O acto tivo lugar no CEIP Pedro Caselles Rollán e reuniu, nun bonito encontro, a todo o alumnado premiado tanto deste centro educativo como do IES Illa de Sarón. Os premios foron entregados polo alcalde Demetrio Salgueiro e a concelleira de cultura Mª Dolores Meitín.

Os gañadores e gañadoras desta edición foron os seguintes:

- Categoría Educación Infantil: Lara Díaz, Vera Insua e Elsa Baño.
- 1º e 2º de Educación Primaria: Xoel Sánchez, María García e Clara Casariego.
- 3º e 4º de Educación Primaria: Jimena Paleo, Anaïs Romero e Alejandro Loyola.
- 5º e 6º de Educación Primaria: Jesús López, David Burgos e Paula Fernández.
- ESO: Óscar Bertolo, Paula Pérez e Andrés Alcalde.

Desde o Concello de Xove queremos agradecer a participación, felicitar ás persoas premiadas e recoñecer tamén o labor do xurado, composto por membros de asociacións inscritas no Concello de Xove, que de maneira totalmente desinteresada realizan cada ano o complexo traballo de valorar as numerosas postais presentadas.

IMG-20260116-WA0007

Grazas a todos e todas pola vosa implicación. A Biblioteca Municipal de Xove xa está a traballar na próxima convocatoria: o Concurso de Caretas de Entroido.

Enquisa ás empresas sobre consumo enerxético.

Detalles: CONCELLO DE XOVE; Creado en Martes, 13 Xaneiro 2026 12:13; Última actualización en Martes, 13 Xaneiro 2026 12:15; Publicado el Martes, 13 Xaneiro 2026 12:13

Breve enquisa necesaria para elaborar o inventario de emisións do sector terciario. Está dirixida ao comercio local do concello, centrada no consumo enerxético.

O enlace da enquisa é o seguinte: https://docs.google.com/forms/d/e/1FAIpQLScUFsQg0eJJoxwphoENVFUIdiNqpTp-O4K8vJOjI5HURd6rFA/viewform?usp=header

Dia da infancia o Domingo 4 de Xaneiro 2026

Detalles: CONCELLO DE XOVE; Creado en Viernes, 02 Xaneiro 2026 14:18; Última actualización en Viernes, 02 Xaneiro 2026 14:19; Publicado el Viernes, 02 Xaneiro 2026 14:18

O Concello de Xove celebra este ano unha das súas xornadas máis especiais dentro da programación do nadal: o Día da Infancia, unha actividade pensada para facer as delicias dos máis pequenos da casa. Esta celebración terá lugar o domingo, 4 de xaneiro, converténdose no colofón perfecto antes de despedir as festas co seu punto máis destacado: a tradicional Cabalgata de Reis, que percorrerá –so o tempo o permite- as rúas de Xove o día seguinte, 5 de xaneiro.

Durante toda a xornada do domingo, os nenos e nenas poderán gozar dunha ampla oferta lúdica pensada exclusivamente para eles. En horario de mañá e tarde a Piscina Municipal acollerá divertidos xogos acuáticos, nos que os rapaces poderán participar e pasalo en grande.

CARTEL DIA DO NENO2026

Xa pola tarde, a partir das 16:00 horas, a diversión trasladarase ao Pavillón Municipal, onde haberá diferentes inchables para saltar, xogar e desfrutar sen límite.

O obxectivo desta iniciativa é que os máis pequenos vivan unha xornada inesquecible, chea de actividades deseñadas para o seu entretemento e diversión, e que poidan descansar logo dunha tarde intensa… porque ao día seguinte a visita dos Reis Magos de Oriente volverá encher Xove de emoción, maxia e expectación.

Festa Infantil de Fin de Ano 2025

Detalles: CONCELLO DE XOVE; Creado en Martes, 30 Decembro 2025 09:06; Última actualización en Martes, 30 Decembro 2025 09:06; Publicado el Martes, 30 Decembro 2025 09:06

O Concello de Xove continúa coa súa programación cultural do nadal 25-26 e convida a todos os nenos e nenas do municipio a participar na xa tradicional Festa Infantil de Fin de Ano, que se celebrará mañá mércores 31 de decembro ás 11:00 horas no Pavillón Municipal.
A xornada comezará cunha animada festa chea de música, xogos e actividades pensadas especialmente para que os máis pequenos da casa poidan despedir o ano dun xeito divertido e participativo.
Ás 12.00 do mediodía, e sempre que o tempo o permita, está previsto que os nenos e nenas tomen as tradicionais uvas coas doce campanadas de mediodía, seguindo o reloxo da praza do Centro Cívico. Tras este momento simbólico, a celebración continuará dentro do pavillón con máis música e animación para pechar o ano cun bo ambiente festivo.
O Concello de Xove anima aos máis pequenos a achegarse e participar desta festa pensada para que a infancia viva tamén o espírito do nadal e a ilusión da chegada dun novo ano e para que teñan un momento divertido e especial no que poidan desfrutar xuntos desa experiencia festiva adaptada ás súas idades.

Obra de Teatro: “O Apalpador e a Nena Sen Medo”

Detalles: CONCELLO DE XOVE; Creado en Martes, 30 Decembro 2025 08:35; Última actualización en Viernes, 02 Xaneiro 2026 08:43; Publicado el Martes, 30 Decembro 2025 08:35

A compañía A Xanela do Maxín presenta en Xove a obra “O Apalpador e a Nena Sen Medo”

O Concello de Xove continúa coa súa programación cultural de Nadal e, neste marco, o martes 30 de decembro ás 18:00 horas, o Salón de Actos do Centro Cívico de Xove acollerá a representación da obra teatral “O Apalpador e a Nena Sen Medo”, da compañía A Xanela do Maxín.
Trátase dun espectáculo pensado para público familiar, no que a tradición do Apalpador cobra vida a través dunha historia chea de fantasía, humor e tenrura. A obra combina música, interpretación e participación do público, ofrecendo unha experiencia de entretemento e diversión na que pequenos e maiores poderán gozar dunha actividade máxica propia destas datas.

O Concello de Xove convida a toda a veciñanza e visitantes a acudir a esta proposta cultural que busca non só fomentar o teatro como ferramenta educativa, senón tamén celebrar o espírito do nadal mediante unha actividade accesible para todas as idades.
A entrada será libre ata completar aforo.

Yoga en familia

Detalles: CONCELLO DE XOVE; Creado en Viernes, 26 Decembro 2025 20:07; Última actualización en Viernes, 26 Decembro 2025 20:07; Publicado el Viernes, 26 Decembro 2025 20:07

yoga en familia

Actuación do Mago Charly Braun en Xove. 2025

Detalles: CONCELLO DE XOVE; Creado en Martes, 23 Decembro 2025 10:57; Última actualización en Viernes, 26 Decembro 2025 10:29; Publicado el Martes, 23 Decembro 2025 10:57

O Mago Charly Braun chega a Xove coa súa divertida proposta “A tola Academia de Maxia”

Dentro da programación cultural de Nadal organizada polo Concello de Xove, este martes 22 de decembro ás 18:00 horas, o Salón de Actos do Centro Cívico de Xove acollerá a actuación do coñecido Mago Charly Braun, que presentará o seu espectáculo “A Tola Academia de Maxia”.

Trátase dunha proposta pensada para público de todas as idades, chea de humor, participación, ilusións sorprendentes e momentos inesquecibles, coa que o artista convida a toda a veciñanza a mergullarse no mundo da maxia dun xeito entretido e espectacular.

O Concello de Xove anima a todas as familias e persoas interesadas a asistir e desfrutar desta actividade cultural pensada especialmente para estas datas festivas, buscando ofrecer unha tarde diferente, chea de fantasía e diversión.

Papá Noel chega a Xove… un día de maxia e alegría para grandes e pequenos.

Detalles: CONCELLO DE XOVE; Creado en Martes, 23 Decembro 2025 00:16; Última actualización en Viernes, 26 Decembro 2025 12:20; Publicado el Martes, 23 Decembro 2025 00:16

Este luns 22 de decembro Papá Noel cumple o soño dos máis pequenos de Xove coa sua visita especial ao concello.

Acompañado pola concelleira de cultura Mª Dolores Meitín, o lexendario personaxe chegou dende o Polo Norte para repartir alegría e maxia nesta época navideña.

Esta tarde transladouse ao pavillón municipal, onde moitos nenos e nenas o esperaban coas suas cartas e os seus mellores desexos para este nadal. O ambiente encheuse de risas e emoción mentres Papá Noel escoitaba atentamente aos máis pequeniños e lles entregaba moreas de caramelos.

A festa continuou con unha tarde de xogos, bailes e diversión para toda a familia. Os máis pequenos desfrutaron de actividades lúdicas, mentres os maiores se unían á celebración con entusiasmo. Tanto rapaces como pais e nais pudieron desfrutar en familia dos múltiples xogos e bailes preparados para todos os asistentes.

Ao longo de toda a tarde poideron desfrutar dunha tarde moi animada con música, baile e moita diversión no pavillón municipal.

Risas, moitas risas e sobre todo diversión caracterízaron esta tarde de luns onde o frío non impediu que se vivisen momentos moi divertidos.

A xornada concluiu compartindo un chocolate quentiño e retiraronse coa emoción da tarde vivida e a ilusión da noite de noiteboa, coa esperanza posta nos agasallos desexados.