Actuacións da Xunta de Galicia para a evolución tecnolóxica da Tdt en Xove

Detalles

CONCELLO DE XOVE

Creado en Martes, 01 Setembro 2026 08:52

Última actualización en Martes, 01 Setembro 2026 08:59

Publicado el Martes, 01 Setembro 2026 08:52

A Xunta de Galicia puxo en marcha unha serie de actuacións para realizar os cambios necesarios e cumprir coa Fase 1 do proceso de evolución tecnolóxica da TDT nos centros de extensión de cobertura do sinal de televisión dixital terrestre.

No Concello de Xove, hoxe realizáronse actuacións nos seguintes lugares:

• A RIGUEIRA (SAN MIGUEL):• A Abelá • A Ponte do Carro• Ferrol• Labradela• Lamas• O Canaledo• O Pazo• O Prado Vello• San Vicente• O Torrillón• Soutorredondo• Vila
• O MONTE (SANTO ISIDORO):• As Cancelas
• XUANCES (SAN PEDRO)* Camba* Campo Susao* O Cruceiro* Pereiraboa
• PORTOCELO (SAN TIRSO)* Canelas* Portocelo* Villalpol

 Estas actuacións forman parte do proceso de adaptación e evolución tecnolóxica da rede de TDT.

Corte do tráfico en Lago

Detalles

CONCELLO DE XOVE

Creado en Viernes, 28 Agosto 2026 13:26

Última actualización en Viernes, 28 Agosto 2026 13:26

Publicado el Viernes, 28 Agosto 2026 13:26

AVISO PARA TODOS OS USUARIOS E USUARIAS DA VÍA QUE VAI DENDE O CRUCE DO CENTRO SOCIAL DE LAGO ATA O BURGO DA BARXA, NA MESMA PARROQUIA DE LAGO

Os vindeiros días 31 de agosto, 1 e 2 de setembro, esta estrada permanecerá cortada ao tráfico con motivo dos traballos de mellora da ponte da Barxa.Durante estes días levaranse a cabo estudos xeotécnicos necesarios para obter información que permita planificar e executar adecuadamente as actuacións de mellora desta infraestrutura. Para realizar estes traballos é imprescindible que a maquinaria e o equipo humano poidan traballar in situ na propia ponte, polo que non será posible manter o tráfico rodado pola vía.

Por este motivo, recoméndase aos usuarios e usuarias que utilizan habitualmente esta ruta que empreguen outras vías alternativas e paralelas durante os días indicados. Só se permitirá o acceso ás dúas vivendas situadas na Barxa. Desculpen as molestias que este corte poida ocasionar e agradecemos a súa comprensión e colaboración.

Festas de Xove 2026: Contos de igualdade

Detalles

CONCELLO DE XOVE

Creado en Viernes, 28 Agosto 2026 08:58

Última actualización en Viernes, 28 Agosto 2026 08:59

Publicado el Viernes, 28 Agosto 2026 08:58

As festas patronais de Xove deron comezo este xoves cunha actividade especialmente pensada para os máis pequenos da casa.

Ás 12.00 horas tivo lugar a actuación de Caxoto, que presentou o espectáculo Moito que limpar (contos de igualdade), unha proposta de contacontos que achega aos nenos e nenas, dun xeito divertido e próximo, historias e reflexións arredor da igualdade.

Ante a previsión de chuvia, a actividade, que estaba dentro do Programa Ler Conta Moito, tivo que cambiar a súa localización inicialmente prevista na praza anexa á biblioteca e trasladouse ao salón de actos do Centro Cívico de Xove, onde finalmente se desenvolveu con total normalidade.

Foron moitos os nenos e nenas, acompañados tamén por familiares e maiores, que se achegaron ata o Centro Cívico para desfrutar dos contos de Caxoto. A actuación permitiu aos máis pequenos vivir un momento de diversión e, ao mesmo tempo, achegarse a valores como a igualdade e a convivencia.

Deste xeito, as festas patronais de Xove comezan cunha actividade familiar que pon aos máis pequenos no centro da programación e que dá o pistoletazo de saída a varios días de celebracións na honra a San Bartolo e a Virxe do Carme.

XL Festival de San Bartolo

Detalles

CONCELLO DE XOVE

Creado en Lunes, 24 Agosto 2026 13:03

Última actualización en Lunes, 24 Agosto 2026 13:05

Publicado el Lunes, 24 Agosto 2026 13:03

O Concello de Xove anima a participar no XL Festival de San Bartolo, unha das grandes citas co folclore das festas patronais.

O Concello de Xove anima á veciñanza e ás persoas que nos visiten a gozar da XL edición do Festival de San Bartolo, unha das citas máis esperadas dentro do programa das festas patronais na honra de San Bartolo e a Virxe do Carme.

O festival, organizado un ano máis pola Asociación Cultural Saíñas de Xove, terá lugar o sábado, 29 de agosto, ás 19:30 horas, no Pavillón de Deportes de Xove e ofrecerá ao público unha tarde de música, baile tradicional, festa e diversión.

Nesta edición, o programa contará coa actuación do grupo Xoaniña da A. C. Saíñas, que volverá amosar o traballo que desenvolve a asociación a prol da conservación e difusión da nosa cultura e do noso folclore.

Como grupo convidado, o festival contará coa presenza da Asociación Folclórica O Arco da Vella, de San Miguel de Reinante, unha formación que achegará a Xove a súa música, os seus bailes e o seu saber facer, contribuíndo a crear ese ambiente festivo que caracteriza esta celebración e que, de seguro, fará as delicias do público asistente.

Desde o Concello de Xove queremos agradecer á Asociación Cultural Saíñas o seu traballo constante e incansable ao longo de todo o ano, así como o seu importante labor social e cultural. Grazas á súa dedicación, o noso folclore mantense vivo, transmítese entre xeracións e o nome de Xove viaxa por outros lugares, levando con orgullo a nosa identidade e a nosa cultura.

O XL Festival de San Bartolo convértese así na guinda das festas patronais, nun encontro para gozar da música e do baile tradicional e, sobre todo, para compartir unha xornada de festa coa veciñanza e con todas as persoas que se acheguen ata Xove.

Desde o Concello convidamos a toda a veciñanza e a quen nos visite a acompañarnos o sábado, 29 de agosto, ás 19:30 horas, no Pavillón de Deportes, para gozar desta gran festa do folclore.

Boas festas a todos e todas e vémonos no XL Festival de San Bartolo!

Festas de Xove 2026

Detalles

CONCELLO DE XOVE

Creado en Viernes, 21 Agosto 2026 12:56

Última actualización en Viernes, 21 Agosto 2026 13:02

Publicado el Viernes, 21 Agosto 2026 12:56

Xove prepárase para vivir as súas Festas Patronais na honra a San Bartolo e a Virxe do Carme do 27 ao 31 de agosto.

 O Concello de Xove e a Asociación de Festexos Montevelle presentan a programación das Festas Patronais 2026, que se celebrarán do 27 ao 31 de agosto, cun amplo programa de actividades pensado para todos os públicos e que combina tradición, cultura, música, gastronomía e lecer.

As celebracións darán comezo o xoves 27 de agosto ás 12 da mañá cunha actividade infantil na praza anexa á biblioteca a cargo de Caxoto, dentro do programa Ler Conta Moito. Pola tarde, o Salón de Actos do Centro Cívico acollerá o pregón das festas, que será pronunciado por D. Oliver Escobar, veciño de Xove e catedrático na Universidade de Edimburgo. A xornada rematará coa representación da ópera rock "O camiño do amor", do Grupo Claxxon, incluída no programa Concertos do Xacobeo.

O venres 28 de agosto continuará a programación coa actuación da Maga Fani para o público familiar ás 12 da mañá. Ás 20:00 horas celebrarase a tradicional Sardiñada Popular, amenizada pola Charanga NBA, e seguida dunha gran verbena coas orquestras Ritmo Joven e Grupo América.

O sábado 29 de agosto, día grande na honra a San Bartolo, comezará cos pasarrúas da Banda Naval de Viveiro e os cabezudos da A.C. Saíñas. Ás 13:00 horas celebrarase a misa solemne e a procesión, seguidas da sesión vermú coa Orquestra Principal. Pola tarde terá lugar o XL Festival de San Bartolo da man da A.C. Saíñas no pavillón de deportes para deleitar a todo o público asistente do mellor folklore popular. A noite culminará cun espectáculo de fogos de artificio e unha verbena amenizada polas orquestras Principal e Gran Parada, e rematando coa Disco Móbil Conxuro.

O domingo 30 de agosto, dedicado á Virxe do Carme, celebrarase a misa solemne e procesión acompañadas pola Banda CC.TT. Ntra. Sra. de la Misericordia. A continuación desenvolverase a sesión vermú co Grupo Nueva Fuerza e pola tarde. Ás 19:00 h levarase a cabo no Campo Municipal de fútbol de Xove o XXXVI TORNEO “CONCELLO DE XOVE” de Fútbol, que enfontará a U.D. Xove- Lago vs C.D. As Pontes. E xa pola noite, a verbena contará coa actuación da recoñecida Orquestra El Combo Dominicano.

As festas pecharanse o luns 31 de agosto, festivo local en Xove e que aproveitamos para conmemorar o Día da Infancia, cunha tarde de inchables na praza do Concello para o desfrute dos máis pequenos.

Desde a organización convídase a toda a veciñanza e ás persoas visitantes a participar nunhas festas que volverán converter Xove nun punto de encontro para a convivencia, a música, a tradición e a diversión, grazas á colaboración da veciñanza, do tecido asociativo, empresas locais, e das distintas entidades que fan posible esta celebración.

Feira de Gando de San Bartolo 2026

Detalles

CONCELLO DE XOVE

Creado en Viernes, 14 Agosto 2026 16:22

Última actualización en Viernes, 14 Agosto 2026 16:24

Publicado el Viernes, 14 Agosto 2026 16:22

A Feira de Gando do San Bartolo volverá reunir a tradición gandeira en Penas Agudas o luns 24 de agosto.

Como cada ano, e mantendo viva unha tradición que se remonta a tempos ancestrais, o recinto feiral de Penas Agudas, na parroquia de Monte (Xove), acollerá a tradicional Feira de Gando do San Bartolo, unha cita xa consolidada no calendario festivo e gandeiro da Mariña lucense. A xornada dará comezo ás 10.00 horas coa recepción do gando no campo da feira. Durante a mañá desenvolveranse os tradicionais concursos gandeiros, nos que se premiará ao gandeiro ou gandeira que presente o maior número de reses cabalares e tamén ao que achegue o maior número de reses vacunas, recoñecendo así o esforzo e a implicación dos profesionais do sector.

Xa pola tarde celebrarase o agardado concurso de marcha, no que os cabalos participarán tras seren medidos por un xuíz, establecéndose dúas categorías: exemplares de menos de 1,50 metros e exemplares de máis de 1,50 metros de alzada.

O programa completarase cunha misa solemne ás 11.00 horas na igrexa parroquial de Monte. Ao remate terá lugar unha sesión vermú con animación musical, que continuará durante a tarde para crear un ambiente festivo en todo o recinto e ofrecer unha xornada de convivencia para a veciñanza e visitantes.

A organización, a cargo da Comunidade de Montes Veciñais en Man Común Costa de Laxamoura, anima á cidadanía e aos visitantes a achegarse ata Penas Agudas para gozar dunha feira que representa unha parte fundamental da historia e da identidade da parroquia de Monte. Ademais de poñer en valor a riqueza do sector gandeiro, a Feira do San Bartolo constitúe un punto de encontro para compartir tradicións, impulsar o mundo rural e desfrutar dunha xornada festiva en contacto coa natureza e cos animais.

Desde o Concello de Xove, como ente colaborador, convídase tamén a todas as persoas a visitar a feira e a desfrutar desta cita única, onde a paixón polos animais, a tradición gandeira e a hospitalidade da parroquia de Monte convértense, un ano máis, nos grandes protagonistas.

Cardioprotección no Concello de Xove

Detalles

CONCELLO DE XOVE

Creado en Viernes, 07 Agosto 2026 08:30

Última actualización en Viernes, 07 Agosto 2026 08:31

Publicado el Viernes, 07 Agosto 2026 08:30

Xove convértese nun dos concellos máis cardioprotexidos de Galicia coa incorporación de tres novos desfibriladores de última xeración
O Concello de Xove vén de reforzar de maneira significativa a súa rede de cardioprotección coa adquisición de tres novos desfibriladores automáticos Mindray de última xeración, nun investimento de arredor de 4.000 euros. O material foi entregado por Camilo, de Emergal Ensino, S.L de Mondoñedo. Na entrega estiveron o alcalde Demetrio Salgueiro e as concelleiras Dolores Meitín, Cristina Iglesias e Cecilia Duarte.
A adquisición a parte dos tres desfibriladores, inclúe tamén dúas bolsas de intervención equipadas con parches e mascarillas para actuacións de emerxencia.
Con esta incorporación, o Concello completa a cobertura existente, que xa contaba con dous desfibriladores: un situado na Piscina Municipal e outro no vehículo dos vixiantes municipais, co obxectivo de poder desprazalo rapidamente a calquera punto onde sexa necesario.

Os tres novos equipos distribuiranse do seguinte xeito:
Un desfibrilador fixo no Salón de Actos Municipal, un espazo que acolle numerosos eventos con gran afluencia de público.
Outro desfibrilador fixo no Pavillón Municipal, onde se desenvolve unha intensa actividade deportiva e social durante todo o ano.
Un terceiro equipo irá nunha mochila portátil de emerxencias, para dar cobertura ás festas, eventos culturais, deportivos e demais actividades que se celebren nas diferentes parroquias do municipio.
Estes desfibriladores destacan por ser dos máis modernos do mercado. Son totalmente automáticos e capaces de detectar de maneira automática se o paciente é adulto ou infantil, sen necesidade de cambiar os parches, o que permite unha actuación máis rápida, sinxela e eficaz en situacións de emerxencia.
O Concello de Xove conta xa con persoal formado para o manexo destes dispositivos e, ademais, impulsará novos cursos de formación dirixidos a asociacións, clubs e colectivos do municipio, co propósito de que cada vez máis persoas saiban actuar correctamente ante unha parada cardiorrespiratoria.
Con este novo investimento, Xove reforza o seu compromiso coa seguridade e coa saúde pública, consolidándose como un referente en cardioprotección e garantindo unha maior cobertura en todo o territorio municipal, tanto nas instalacións municipais como nas festas e eventos que se desenvolven ao longo do ano.

Festas de San Pedro Fiz (Xuances) 2026

Detalles

CONCELLO DE XOVE

Creado en Lunes, 03 Agosto 2026 10:25

Última actualización en Lunes, 03 Agosto 2026 10:26

Publicado el Lunes, 03 Agosto 2026 10:25

As festas patronais de San Pedro Fiz en Esteiro celebraranse os días 8 e 9 de agosto cun completo programa de actividades para tódolos públicos.

O Concello de Xove anima á veciñanza e ás persoas visitantes a participar nas festas patronais na honra a San Pedro Fiz, que se celebrarán os días 8 e 9 de agosto no campo da festa situado nas inmediacións da praia de Esteiro, un dos areais máis fermosos e concorridos do municipio, distinguido ademáis coa Bandeira Azul pola calidade das súas augas.
A programación dará comezo o sábado, 8 de agosto, ás 10:00 horas, co tradicional lanzamento de bombas de palenque, anunciando que Esteiro está de festa. Ás 14:00 horas celebrarase a sesión vermú, amenizada polo Grupo Lecer.

Xa pola tarde, ás 20:00 horas, terá lugar a tradicional Festa da Empanada e do Bolo Preñado, unha cita gastronómica que estará acompañada pola música dos gaiteiros da Asociación Cultural Saíñas de Xove.
A partir da noite, a música será a gran protagonista cunha verbena amenizada polo Grupo Lecer e a Orquestra Sinfonía, garantindo unha noite de festa e diversión para tódolos públicos.
Como broche á xornada, á medianoite celebrarase o tradicional Conxuro da Queimada, seguido dunha degustación gratuíta para tódalas persoas asistentes.
As celebracións continuarán o domingo, 9 de agosto, cunha misa solemne ás 13:00 horas na capela de San Pedro Fiz (Ceranzos), que contará coa participación do Coro de Valdeflores. A continuación terá lugar a tradicional procesión, acompañada musicalmente polos gaiteiros da A.C. Saíñas de Xove.
A festa trasladarase de novo ao campo da festa, fronte á praia de Esteiro, onde ás 14:30 horas dará comezo unha gran sesión vermú amenizada polo Dúo Son de Festa, poñendo o punto e final a unha fin de semana marcada pola música, a gastronomía, a tradición e a convivencia.
Estas festas están organizadas pola Asociación de Veciños San Pedro de Xuances, cuxos integrantes levan semanas traballando con ilusión e dedicación para que todo se desenvolva á perfección. A entidade quere agradecer expresamente a colaboración da veciñanza, dos comerciantes e de todas aquelas persoas que contribúen ao bo desenvolvemento desta celebración na parroquia.
Pola súa banda, o Concello de Xove, como entidade colaboradora, quere recoñecer o importante labor que realiza a Asociación de Veciños San Pedro de Xuances na conservación e recuperación desta festa tradicional, exemplo do compromiso co patrimonio cultural e co dinamismo do rural.
O Concello convida á veciñanza e ás persoas que visiten a comarca durante esas datas a achegarse a Esteiro para gozar dunhas xornadas de boa gastronomía, excelente ambiente e música, nun enclave paisaxístico privilexiado, onde a harmonía, a convivencia e a hospitalidade volven converter esta celebración nunha das citas festivas máis especiais do verán no municipio.