Bandeira Azul: Praia de Esteiro ´2025

Detalles

CONCELLO DE XOVE

Creado en Miércoles, 09 Xullo 2025 08:21

Última actualización en Miércoles, 09 Xullo 2025 08:23

Publicado el Miércoles, 09 Xullo 2025 08:21

Comprácenos anunciar que a praia de Esteiro do Concello de Xove, recibiu unha vez máis, o pasado 04 de xuño, de mans do Presidente da Xunta, Alfonso Rueda, a prestixiosa Bandeira Azul; un símbolo que destaca o compromiso coa calidade medioambiental, a sostenibilidade e a seguridade nas nosas costas.

A adxudicación da Bandeira Azul impulsa a imaxe de Xove como destino turístico e natural de referencia, atraendo a un público que valora a sostenibilidade na xestión ambiental.

No acto de izado da bandeira, que tivo lugar no día de ontes, estiveron o Alcalde Demetrio Salgueiro e a Concelleira de Turismo e Medio Ambiente Cecilia Duarte, xunto ao xerente de Esteiro Surfing e Surf Café, Nacho, o monitor de surf Xoel e os socorristas José Ramón e Brais, que cada ano vixían e coidan o benestar da praia e dos milleiros de visitantes que a ela acoden.

Día para celebrar este logro que pon en valor o esforzo colectivo por manter os nosos espazos naturais en perfecto estado. A Bandeira Azul é un distintivo internacional, que recoñece a aquelas praias e portos deportivos que cumpren con rigurosos criterios de calidade en áreas como a limpeza, a accesibilidade e os servizos de conservación do entorno natural.

Este recoñecemento non só é un motivo de orgullo para o municipio de Xove, senon que tamén destaca o esforzo continuo da administración local e a colaboración dos cidadáns na preservación e millora das nosas praias.

Tamén se izou a Bandeira do programa "Praias sen fume", consolidando así o noso compromiso coa saúde pública e a protección do medio ambiente. A iniciativa busca fomentar espazos libres de fume en contornas naturais, especialmente nas zonas costeiras máis frecuentadas durante os meses de verán. A sinalización da praia como espazo sen fume ten carácter voluntario e educativo, e non leva aparellada sancións, preténdese, sobre todo, sensibilizar á cidadanía sobre os efectos nocivos do tabaco e reducir a presenza de cabichas na area, un dos residuos máis contaminantes e difíciles de eliminar.

Dende o Concello de Xove, agradecemos o apoio de todos aqueles que fan posible que a praia de Esteiro siga sendo un referente de calidade e sostenibilidade.

Invitamos a todos a desfrutar deste marabilloso entorno natural e a seguir contribuíndo ao seu coidado.

Festa do Percebe Xove ´2025

Detalles

CONCELLO DE XOVE

Creado en Martes, 08 Xullo 2025 10:48

Última actualización en Martes, 08 Xullo 2025 10:49

Publicado el Martes, 08 Xullo 2025 10:48

Onte pola tarde tivo lugar a presentación do cartaz da décimo segunda edición da Festa do Percebe de Xove, que este ano se vai levar a cabo o sábado 19 de xullo na praza do Centro Cívico de Xove.

Na presentación estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín.

Ás 12 da mañá dará comezo a festa co pregón a cargo de D. Basilio Otero, presidente da Federación Nacional de Cofradías de Pescadores e a xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.

Rutas Guiadas Verán 2025

Detalles

CONCELLO DE XOVE

Creado en Martes, 01 Xullo 2025 22:45

Última actualización en Martes, 01 Xullo 2025 22:47

Publicado el Martes, 01 Xullo 2025 22:45

XOVE PRESENTA A SEGUNDA EDICIÓN DAS RUTAS GUIADAS PARA ESTE VERÁN 2025

O Alcalde, Demetrio Salgueiro e a Concelleira de Turismo, Cecilia Duarte presentaron esta tarde o novo programa de rutas guiadas da empresa Rutas Galicia Norte, unha iniciativa turística e educativa que invita a veciños e visitantes a coñecer a riqueza natural, cultural e histórica do municipio.

O proxecto impulsado pola área de Turismo e Medio Ambiente, inclúe unha serie de percorridos a pé por paraxes naturais, sendeiros tradicionais e puntos de interese turístico. Estas rutas estarán acompañadas por un guía especializado, Boris Vilar Vidal, que ofrecerá explicación sobre a flora, fauna, xeoloxía e patrimonio local, promovendo o respeto polo entorno e o coñecemento do territorio.

Queremos destacar a importancia de fomentar un turismo sostible que poña en valor os recursos naturais e culturais do noso municipio, ao tempo que ofrecemos aos nosos veciños, a oportunidade de redescubrir o seu entorno máis cercano.

As rutas serán os seguintes días:

• • VENRES 18 DE XULLO – RUTA DOS MUIÑOS DA RIGUEIRA, etnografía e crenzas dos habitantes do río.
  • XOVES 24 DE XULLO – ACANTILADOS DE PAPEL, COSTA CON NARRATIVA, caza de baleas e a fascinante Ansarón.
  • XOVES 7 DE AGOSTO – SAN TIRSO DE PORTOCELO, UN ENCLAVE ÚNICO, arqueoloxía e pareidolias en Roncadoira.
  • XOVES 21 DE AGOSTO – ESTEIRO DE XOVE, XEOLOXÍA SINGULAR, a paisaxe de Muiñelo a Punta da Mansa.

A inscripción será gratuita e pódese facer dende xa a través do e-mail Esta dirección de correo electrónico está protegida contra spambots. Usted necesita tener Javascript activado para poder verla. 

Con esta iniciativa, o Concello de Xove busca reforzar a identidade local, promover hábitos de vida saudables e dinamizar o turismo de natureza de forma sostible e respetuosa.

Copa de Galicia Pumptrack 2025 ´Xove

Detalles

CONCELLO DE XOVE

Creado en Martes, 01 Xullo 2025 10:51

Última actualización en Martes, 01 Xullo 2025 11:25

Publicado el Martes, 01 Xullo 2025 10:51

 Este sábado, 5 de xullo: II G.P Concello de Xove. Copa de Galicia Pumptrack 2025
Este ano o Concello de Xove xunto con Sportskids, volven organizar unha das probas da Copa de Galicia Pumptrack 2025 a cal este ano e puntuable para o ranking da Real Federación Española de Ciclismo e non deixarán indiferente a ninguén, denominada COPA DE GALICIA PUMPTRACK 2025 - II G.P CONCELLO DE XOVE
O Pumptrack de Xove e dos mais punteiros de Galicia e actualmente está entre os 3 favoritos de todos os riders galegos.
O Concello de Xove un ano máis aposta por esta modalidade de ciclismo e por traer xente de toda España e Portugal.
Desde o Concello e desde a Organización esperan que todos os ciclistas que se desprazarán para a proba, vindos de toda a xeografía española e portuguesa, gocen dun gran evento.
A proba poderá ser seguida en vivo a través de Youtube, asi que non vos perdades unha das mellores probas do panorama galego.

Comeza o Programa Concilia Verán 2025

Detalles

CONCELLO DE XOVE

Creado en Lunes, 30 Xuño 2025 11:22

Última actualización en Lunes, 30 Xuño 2025 11:45

Publicado el Lunes, 30 Xuño 2025 11:22

O pasado luns deu comezo no Concello de Xove o programa Xove Concilia Verán, para un total de 90 nenos/as anotadas durante os meses de verán, ata a primeira semana de setembro. O programa está cofinanciado pola Consellería de Política Social e Igualdade e polo Ministerio de Igualdade, dentro do Plan Corresponsables.

O Concello de Xove, a través do Departamento de Servizos Sociais, Sanidade, Muller e Políticas de Igualdade, e do seu servizo de conciliación denominado, Xove Concilia, ofrece un servizo de conciliación familiar para nenas e nenos de 3 a 10 anos, de luns a venres, de 8:45 a 14:00 h. O servizo, levado a cabo por monitoras e monitores profesionais, conta con actividades lúdicas e educativas de calidade, que promoven valores saudables na ocupación do tempo libre durante o período das vacacións escolares de verán.

A Conciliación e a Corresponsabilidade nos usos do tempo son eixes principais e transversais nas políticas sociais do Municipio, desde onde se trata de avanzar cara unha organización social favorable a que mulleres e homes compaxinen en igualdade a esfera privada e a profesional. Deste xeito, desde o Concello de Xove póñense en marcha servizos públicos como o Xove Concilia, que trata de favorecer a conciliación nos períodos anuais de vacacións escolares, prestando apoio á xestión dos tempos familiares e laborais dos proxenitores.

Entregados os premios do concurso do Día das Letras Galegas

Detalles

CONCELLO DE XOVE

Creado en Martes, 17 Xuño 2025 14:11

Última actualización en Martes, 17 Xuño 2025 14:13

Publicado el Martes, 17 Xuño 2025 14:11

A Concelleira de Cultura entregou hoxe no CEIP Pedro Caselles Rollán os premios do concurso organizado pola Biblioteca Pública Municipal para o alumnado dos dous centros educativos de Xove, o CEIP mencionado con anterioridade e o IES Illa de Sarón, con motivo da celebración o 17 de maio do Día das Letras Galegas. A relación de premiados/as é a seguinte:

EDUCACIÓN INFANTIL:

1º PREMIO: (Nº 7) María García Val

2º PREMIO: (Nº 15) Elsa Baño Bouza

3º PREMIO: (Nº 14) Brais Pereira Castro

1º e 2º EDUCACIÓN PRIMARIA:

1º PREMIO: (Nº 13) Jimena Paleo Enríquez

2º PREMIO: (Nº 19) Anaïs Romero Suárez

3º PREMIO: (Nº 21) María Moreira Rego

3º e 4º EDUCACIÓN PRIMARIA:

1º PREMIO: (Nº 11) Jesús López Franco

2º PREMIO: (Nº 17) Martina Mariño Ferrería

3º PREMIO: (Nº 6) Pablo García Val

5º e 6º EDUCACIÓN PRIMARIA:

1º PREMIO: (Nº 12) Alba Maseda Franco

2º PREMIO: (Nº 9) Aya El Omari

3º PREMIO: (Nº 16) Eva Cancela Trastoy

E.S.O.:

1º PREMIO: (Nº 18) Marcos Mariño Ferrería

2º PREMIO: (Nº 22) Carla Casabella Puñal

3º PREMIO: (Nº ) DESERTO

Proba de sirenas no Depósito de Lodos Vermellos...

Detalles

CONCELLO DE XOVE

Creado en Lunes, 16 Xuño 2025 10:48

Última actualización en Lunes, 16 Xuño 2025 10:50

Publicado el Lunes, 16 Xuño 2025 10:48

O MARTES, día 17 de xuño de 2025, ás 10 da mañá, vaise a realizar unha proba das sirenas do Depósito de Lodos Vermellos de Alcoa Europe que, no caso de producirse un incidente grave, actuaría como elemento de aviso á poboación.

Esta proba vai servir para avaliar o seu correcto funcionamento así como dar a coñecer o seu son aos cidadáns.

Máis aló destes sinais acústicos, a actividade dos veciños non se verá afectada, e poden continuar coas súas actividades habituais.

A información é seguridade. Grazas pola súa colaboración.

Documental: Xove, democracia nuclear

Detalles

CONCELLO DE XOVE

Creado en Miércoles, 04 Xuño 2025 08:26

Última actualización en Miércoles, 11 Xuño 2025 08:23

Publicado el Miércoles, 04 Xuño 2025 08:26

 -->  O  Concello de Xove veu de organizar, coa colaboración do IES Illa de Sarón, a proxección do documental  de Pedro Lechuga “Xove, democracia nuclear”, sobre a mobilización contra o proxecto de construción dunha central nuclear no municipio xovense nos anos setenta.

Na proxección que tivo lugar onte, luns 10 de xaneiro, ás 16:45 h.no Salón de Actos,  aparte do alumnado do IES de Xove e profesorado do centro, tamén asistiu máis público interesado na temática.