Convocatoria de BECAS e AXUDAS ao ESTUDO curso 2015/2016
Ponse en coñecemento de todas as persoas interesadas que o prazo para solicitar as becas e axudas ao estudo para o curso 2015/2016 abarcará DO 15 DE OUTUBRO AO 19 DE NOVEMBRO DE 2015.
Documentación a presentar para solicitar Bolsas e Axudas ao estudo segundo as bases vixentes:
-
- Solicitude, declaración doutras axudas obtidas para a mesma finalidade e certificación acreditativa do cumprimento dos requisitos, obrigas e condicións necesarias para a obtención da bolsa (facilitaranse os modelos normalizados no Departamento de Servizos Sociais).
- Fotocopia do DNI do solicitante.
- Fotocopia do Libro de Familia.
- Certificado de empadroamento colectivo.
- Fotocopia da matrícula en curso.
- Fotocopia das notas acadadas no curso 2014/2015.
- Fotocopia compulsada da Declaración da Renda de todos os membros maiores de idade da unidade familiar ou certificado negativo de Facenda ou calquera outro documento acreditativo dos ingresos familiares (nóminas, certificacións de empresas, pensións,...)
- Certificado acreditativo de estar ao corrente no cumprimento das obrigas tributarias co Concello de Xove.
SOLICITUDE DE BECAS E AXUDAS O ESTUDIO
DECLARACION OUTRAS AXUDAS --<>-- DECLARACION RESPONSABLE
acordo da Xunta de Goberno Local de 17 de setembro de 2015 de convocatoria para a concesión de axudas e bolsas ao estudo 2015 .
Vista a Proposta de Alcaldía que a seguir se transcribe:
Vista a Ordenanza xeral de subvencións aprobada provisionalmente polo Concello Pleno na súa sesión de 19 de decembro de 2011.
Vistas as Bases Reguladoras da concesión de axudas e bolsas ao estudo do Concello de Xove aprobadas pola Xunta de Goberno Local na súa sesión de data 18 de setembro de 2014 para o Curso 2014 - 2015.
Visto que se considera conveniente efectuar a convocatoria de ditas subvencións par ao presente o curso 2015-2016 sen necesidade de modifica-las Bases referenciadas, agás obviamente, o prazo de presentación de solicitudes e a preceptiva reserva de crédito.
DISPOÑO
ÚNICO. Que previa emisión de informe de Secretaría con relación ao procedemento e a Lexislación aplicable para convocar e conceder as axudas descritas, e informe de intervención en relación á existencia de crédito para a atención do gasto derivado da concesión das mesmas, de ser ámbolos dous informes favorables, se proceda á aprobación das meritadas bases e á convocatoria das axudas para o curso 2015 - 2016.
Efectúese igualmente retención do crédito dispoñible na correspondente partida do Estado de Gastos.
Vistos os informes emitidos polo Secretario e a Interventora municipais obrante no expediente, a Xunta de Goberno Local, por unanimidade en votación ordinaria acorda:
-
Proceder á convocatoria pública das bolsas e axudas ao estudo para o curso 2015-2016, de acordo coas anteriores bases reguladoras fixando o prazo de presentación de solicitudes desde o 15 de outubro de 2015 ata 0 19 de novembro de 2015.
-
Autorizar o gasto de 40.000,00 € con cargo á partida 326.481 do Estado de Gastos para o exercicio de 2015.
-
Ordear a súa publicación na páxina web municipal e no taboleiro de anuncios do concello e mediante a colocación de Edictos nos lugares de costume.
bases reguladoras vixentes