Xornada de Primeiros Auxilios da Escola de Maiores

• 

Hoxe,  21 de abril, tivo lugar no Salón de Actos do Concello de Xove unha Xornada de Primeiros Auxilios, que forma parte das actividades da programación da Escola de Maiores. A esta charla acudiron persoas dos tres grupos da Escola, que se amosaron moi interados por temas relacionados coa súa vida persoal e entorno, participando de forma activa durante toda a actividade e valorando de forma moi positiva a información recibida.

Esta xornada foi impartida por persoal de Universidade de Santiago de Compostela e é complementaria doutra anterior impartida o pasado mes.  Na mesma coñeceron o funcionamento dun desfibrilador e a maniobra de reanimación cardio-pulmonar.