Axudas a traballadores que se acollan á redución de xornada para o coidado de fillos/as.

Detalles

Departamento de Servizos Sociais

Creado en Lunes, 02 Febreiro 2015 10:46

Última actualización en Lunes, 02 Febreiro 2015 10:50

Publicado el Lunes, 02 Febreiro 2015 10:46

Publicadas as bases das axudas para os traballadores que se acollan á redución de xornada para o coidado de fillos/as .- As persoas solicitantes deberán terse acollido á redución entre o 1 de xaneiro e o 31 de decembro de 2014

Normativa: Resolución do 22 de decembro de 2014, da Secretaría Xeral da Igualdade, pola que se regulan as bases para a concesión das axudas á conciliación da vida familiar e laboral como medida de fomento da corresponsabilidade para os traballadores que se acollan á redución da súa xornada de traballo, cofinanciadas polo Fondo Social Europeo (FSE), e se procede á súa convocatoria para o ano 2015.(DOG nº 9 do 15/01/2015)

Tamén poderán acollerse a esta axuda os traballadores que, cumprindo os requisitos establecidos, adopten un/unha menor ou o/a teñan en situación de acollemento familiar, nas modalidades de acollemento familiar permanente ou acollemento familiar preadoptivo. Neste suposto, non se terá en conta a data de nacemento, pero para ter dereito á axuda non deberán transcorrer máis de tres anos desde a data da decisión administrativa ou xudicial de acollemento ou  da resolución xudicial pola que se constitúe a adopción. O/a fillo/a polo/a que se solicita a axuda terá que ser menor de 12 anos.

No caso das familias non monoparentais, serán subvencionables todos os períodos traballados durante o ano, co límite máximo de oito meses, sempre que un dos períodos sexa dun mínimo de 60 días naturais ininterrompidos, aínda que o resto sexan inferiores aos 60 días, e sempre que a muller traballe de xeito continuado ou que o tempo non traballado non supere o 5 % do tempo total correspondente aos períodos que se van acumular. Nestes casos, cando haxa dous ou máis períodos subvencionables que non sexan acumulables, concederase a axuda por aquel que sexa o máis favorable para o interesado.

Prazo de presentación:Ata o 20 de febreiro de 2015. MÁIS INFORMACION NO DEPARTAMENTO DE SERVIZOS SOCIAIS DO CONCELLO. 982 592001

Leer más:Axudas a traballadores que se acollan á redución de xornada para o coidado de fillos/as.

Aberto o plazo para solicitar prestación ecónomica por fillos menores de 3 anos.

Detalles

Departamento de Servizos Sociais

Creado en Lunes, 02 Febreiro 2015 09:53

Última actualización en Lunes, 02 Febreiro 2015 10:50

Publicado el Lunes, 02 Febreiro 2015 09:53

Dirixido as  persoas que teñan ao seu cargo fillos menores de 3 anos na data de 1 de xaneiro de 2015 (nados entre o 2.1.2012 e o 1.1.2015, incluídos) e que, por razón dos ingresos obtidos durante o ano 2013 nin elas nin ningún dos membros da unidade familiar estivesen obrigadas a presentar a declaración do IRPF. No caso de fillos/as adoptados ou acollidos entre o 31 de decembro de 2013 e o 31 de decembro de 2014, a prestación poderase conceder durante os tres anos posteriores á data da inscrición no Rexistro Civil ou, cando esta non sexa necesaria, a partir da data da resolución xudicial ou administrativa que a declare. Nos supostos de nulidade, separación ou divorcio, o pai/nai que teña a custodia dos fillos, de acordo co establecido no convenio regulador ou senteza de separación ou divorcio. En ningún caso poderán ser beneficiarias as persoas proxenitoras privadas da patria potestade das súas fillas ou fillos, ou se a tutela ou a garda fose asumida por unha institución pública. 

Prazo de presentación:  Ata o 14 de marzo de 2015. MÁIS INFORMACION NO DEPARTAMENTO DE SERVIZOS SOCIAIS DO CONCELLO. 982 592001

Leer más:Aberto o plazo para solicitar prestación ecónomica por fillos menores de 3 anos.

O Instituto Galego de Vivenda e Solo convoca axudas ao alugamento de vivendas.

Detalles

Departamento de Servizos Sociais

Creado en Martes, 20 Xaneiro 2015 09:38

Última actualización en Jueves, 22 Xaneiro 2015 14:42

Publicado el Martes, 20 Xaneiro 2015 09:38

 Estas axudas ao alugamento de vivendas teñen por obxecto facilitar o acceso e a permanencia nunha vivenda en réxime de aluguer a persoas físicas con escasos medios económicos, mediante a concesión de subvencións para afrontar os custos do alugueiro.

 O Instituto Galego de Vivenda e Solo ven de convocar as subvencións do Programa de axuda ao alugamento da vivendas do Plan estatal de fomento do alugamento de vivendas, a rehabilitación edificatoria e a rexeneración e renovación urbanas 2013-2016.

Estas axudas van dirixidas a persoas maiores de idade titulares ou que están en condicións de subscribir un contrato de arrendamento de vivenda, que os ingresos das persoas que compoñen a unidade de convivencia non superen os límites establecidos na convocatoria das axudas, que a renda de aluguer non supere, en ningún caso, os 600.-€ mensuais e, que todos os menbros da unidade de convivencia, acrediten que se atopan ao día nas súas obrigas tributarias.

O Departamento de Servizos Sociais do Concello de Xove ponse ao servizo dos seus veciños e veciñas para dar máis información e/ou para a tramitación destas axudas. Recordamos que o prazo remata o xoves 19 de febreiro (incluído o 19).

Contía das subvencións : O importe das axudas, poderá chegar ao 40 % da renda anual que se deba satisfacer polo alugamento da vivenda habitual e permanente, cun límite máximo de 2.400 € anuais por vivenda.

O prazo para solicitar as axudas estará aberto ata o 20 de febreiro de 2015..- As solicitudes poden tramitarse en https://sede.xunta.es co procedemento VI432A.- Máis información no DOG do 19 de xaneiro de 2015 e en http://igvs.es/web/actuamos/195

* O Indicador Público de Renda de Efectos Múltiples, IPREM é un índice empregado en España como referencia para a concesión de axudas, bolsas, subvencións ou o subsidio de desemprego.
O IPREM publícase anualmente a través da Lei de Orzamentos. Para 2014 fixouse en 532,51 € mensuais.

http://igvs.xunta.es/web/actuamos/834  ---------- > ENLACE TRAMITACION XUNTA

Abono anticipado das deduccións familiares por familia numerosa ou discapacidade no Imposto da Renda

Detalles

Departamento de Servizos Sociais

Creado en Miércoles, 14 Xaneiro 2015 10:55

Última actualización en Miércoles, 14 Xaneiro 2015 11:08

Publicado el Miércoles, 14 Xaneiro 2015 10:55

Normativa.- Real Decreto 1003/2014, de 5 de decembro, polo que se modifica o Regulamento do Imposto sobre a Renda das Persoas Físicas, aprobado polo Real Decreto 439/2007, de 30 de marzo, en materia de pagos a conta e deducións por familia numerosa ou persoas con discapacidade a cargo. (BOE nº 295 do 6/12/2014) Orde HAP/2486/2014, de 29 de decembro, pola que se aproba o modelo 143 para a solicitude do abono anticipado das deducións por familia numerosa e persoas con discapacidade a cargo do Imposto sobre a Renda das Persoas Físicas e regúlanse o lugar, prazo e formas de presentación. (BOE nº 316 do 31/12/2014)

 Deducións.-As deducións, que poderán alcanzar os 1.200 euros anuais por cada descendente ou ascendiente con discapacidade e por familia numerosa, e os 2.400 euros no caso de familias numerosas de categoría especial, calcularanse de forma proporcional ao número de meses en que se cumpran os requisitos.

 Requisitos .-Realizar unha actividade pola que se cotice á Seguridade Social ou mutualidad alternativa. Ter dereito á aplicación do mínimo por descendente ou ascendiente con discapacidade, ou ser ascendiente ou irmán orfo de pai e nai formando parte dunha familia numerosa.

Límites.-O límite para cada unha das deducións serán as cotizacións e cotas to­tales á Seguridade Social e/ou mutualidades devengadas en cada período impositivo. Se se tivese dereito á dedución por contar con varios ascendientes e/ou descendentes con discapacidade, o límite aplicarase de forma independente respecto de cada un deles.

Quen poden solicitar o abono anticipado? Ascendentes, ou irmáns orfos de pai e nai, que formen parte dunha familia numerosa. Contribuíntes con dereito á aplicación dos mínimos por descendentes ou ascendentes con discapacidade.

Solicitude e documentación.- A solicitude do pago anticipado poderase realizar de maneira colectiva ou individual mediante a presentación do modelo 143, por cada unha das deducións, acumulables entre si, ás que os beneficiarios teñan dereito (100 euros mensuais por familia numerosa e por cada descendente e ascendiente con discapacidade; 200 euros no caso de familias numerosas de categoría especial). Título de familia numerosa e/ou certificado de discapacidade: os solicitantes deben comprobar que contan coa documentación acreditativa de familia numerosa e o certificado de discapacidade do ascendiente ou descendente. As Comunidades Autónomas enviarán directamente esta documentación á Axencia Tributaria. Número de Identificación Fiscal (NIF) de todos os solicitantes, así como dos descendentes e ascendientes con discapacidade. Para menores de 14 anos que non conten con NIF poderase solicitar un NIF coa letra "K" de menores nas oficinas da Axencia Tributaria. Alta na Seguridade Social ou mutualidad e prazos mínimos de cotización (nas solicitudes colectivas abonda con que o requisito o cumpra quen figure como primeiro solicitante).

Compatibilidade: Estas deduccións son compatibles e acumulativas, entre sí e coa deducción por maternidade de nais traballadoras con fillos < 3 anos, que se mantén.

Procedemento de solicitude.- Poderán solicitarse a partir do 7 de xaneiro de 2015 (Modelo 143):

De forma individual, por cada contribuínte con dereito ás deduccións ou de forma colectiva, por todos os contribuíntes que poideran ter dereito á deducción respecto dun mesmo ascendente, descendente ou familia numerosa. Por Internet (Sede electrónica da AEAT, con DNI e, certificado dixital ou Cl@ve-PIN por cada solicitante), telefónicamente (901 200 345 ,achegando casilla 415 do IRPF 2013) ou nas Delegacións e Administracións da AEAT.

As axudas poderanse solicitar tamén de forma presencial, a partir do 3 de febreiro, nas oficinas da Axencia Tributaria. Resumo da modificación do regulamento do IRPF (Ministerio).- Máis información Axencia tributaria

NADAL 2014-2015 EN XOVE

Detalles

Departamento de Servizos Sociais

Creado en Martes, 23 Decembro 2014 11:17

Última actualización en Miércoles, 31 Decembro 2014 14:39

Publicado el Martes, 23 Decembro 2014 11:17

 O programa de Nadal do Concello continua a súa marcha. Dentro do amplo espectro de actividades deseñados, para os vindeiros días temos:

Xoves, 25 de decembro – DÍA DE NADAL.- A partires das 17:00 horas (5 da tarde), no Pavillón Municipal de Deportes imos ter o ESPECTÁCULO DE ANIMACIÓN “A BAILAR”, con músicas e bailes en especial para nenos/as. Rematado este espectáculo, os participantes poderán disfrutar dunha chocolatada. E para rematar esta bonita xornada, tódolos nenos/as poderán disfrutar dun karaoke infantil.

Venres, 26 de decembro.- Este vai a ser un día moi cinéfilo en Xove, xa que ás 19:00 horas, no Salón de Actos do Centro Cívico imos ter “NA BUSCA DUNHA MIRADA – CURTAS DE XACIO BAÑO”, onde o propio artista xovense vai a presentar 4 das súas curtas: “Relación de acordes”, “Estereocopía”, “Anacos” e a aclamada “Ser e voltar”; recordamos que esta última, rodada en Xove, está preseleccionada para os premios Goya.

Este venres tamén imos ter un TORNEO DE TENIS DE MESA, o cal, como ven sendo costume, vaise desenvolver na OMIX de Xove. Neste torneo poderán participar rapaces/as entre 12 e 30 anos.

BECAS E AXUDAS AO ESTUDO 2014/2015

Detalles

Departamento de Servizos Sociais

Creado en Lunes, 22 Decembro 2014 18:06

Última actualización en Lunes, 22 Decembro 2014 18:09

Publicado el Lunes, 22 Decembro 2014 18:06

Hoxe, ás 17:00 hs, tivo lugar no Salón de Plenos do Concello de Xove a cargo do Alcalde,  Demetrio Salgueiro  e da concelleira de servizos sociais, Ana Abad, a entrega das becas e axudas ao estudo que o Concello convoca cada curso escolar.

Nesta ocasión concedéronse as seguintes axudas:

• -17 axudas para estudos universitarios, cuxa contía ascendeu a 23.388,43  €.
• -3 axudas para ciclos formativos de especialidades que non existen na comarca cunha cantidade de 1.172,24 €.
• -9 axudas para alumnos con discapacidade cun total de 6.750 €.
• -35 axudas para compra de material escolar, cuxa contía ascendeu a 4.500 €.
• -2 para máster, que suman un total de 1.000 €.

En total o Concello invisteu para o presente curso nestas becas e axudas  a cantidade total de  36.810,67 €. A cantidade investida o pasado curso 2013-2014 foi de 30.423,18€., polo cal temos un incremento de máis de 6.000 € para o actual exercicio.

ACTIVIDADES INFANTÍS DENTRO DA PROGRAMACIÓN DE NADAL

Detalles

Departamento de Servizos Sociais

Creado en Lunes, 22 Decembro 2014 14:02

Última actualización en Lunes, 22 Decembro 2014 14:03

Publicado el Lunes, 22 Decembro 2014 14:02

O programa de Nadal do Concello continua a súa marcha. Hoxe, pola mañá, tivemos:

•    De 10:30 a 11:30 h. no Salón de Actos do Centro Cívico: Xogos Infantís para nenos/as de infantil ata 4º de Primaria. Na mesma participaron 33 nenos/as; esta actividade estaba previsto celebrala na Aula Multideportiva do Concello, e debido ao gran número de inscritos houbo que pasala á Casa de Cultura.

  Seguindo coas actividades  do Programa de  Nadal, mañá  martes, 23 de decembro, teremos as seguintes:

•    De 11:00 a 13:00 h, na OMIX de Xove, para nenos/as de 3º ata 6º de Primaria, teremos un OBRADOIRO DE MANUALIDADES.
•    Ás 20:00 h., no Salón de Actos do Centro Cívico, TRADICIONAL CONCERTO DE NADAL, que porá fin ao Iº Curso de “Música no Nadal”, que organiza a Asociación Prestoxove coa colaboración  da E. M. de Música de Xove. A entrada a este Concerto é de carácter totalmente libre e gratuita.

FESTA DO NADAL NA ESCOLA INFANTIL 2014

Detalles

Departamento de Servizos Sociais

Creado en Viernes, 19 Decembro 2014 13:25

Última actualización en Viernes, 19 Decembro 2014 13:29

Publicado el Viernes, 19 Decembro 2014 13:25

A Escola Infantil de Xove tamén participa nas actividades lúdico-culturais do Concello neste Nadal 2014-2015. Neste sentido, hoxe, venres 19 de decembro pola mañá, na propia Escola, tódolos nenos/as da mesma participaron nunha Festa do Nadal, onde ademáis recibiron a visita de Papá Noel.