Escola Infantil: Día da Paz

Detalles

Departamento de Servizos Sociais

Creado en Martes, 31 Xaneiro 2017 14:02

Última actualización en Martes, 31 Xaneiro 2017 14:06

Publicado el Martes, 31 Xaneiro 2017 14:02

Na escola infantil este ano para celebrar o día da paz fixemos un puzzle con forma de corazón. Cada neno levou unha peza para a súa casa e decorouna e despois xuntamos as pezas e formamos este corazón.

Bono de Alugueiro Social do Plan rehaVIta

Detalles

Departamento de Servizos Sociais

Creado en Miércoles, 18 Xaneiro 2017 11:54

Última actualización en Miércoles, 18 Xaneiro 2017 14:36

Publicado el Miércoles, 18 Xaneiro 2017 11:54

Dende o Departamento de Servizos Sociais, comunicase que xa pode solicitarse  o  Bono de Alugueiro Social da Xunta  (tamén se tramita no Departamento de Servizos Sociais do Concello),  destinadas a atender con carácter urxente ás seguintes unidades de convivencia:

• • Aquelas que precisen dunha axuda para asumir o custo do arrendamento da súa vivenda, por estar inmersas en situacións de especial dificultade que determinaron a interposición pola persoa arrendadora dunha demanda de desafiuzamento por non pagamento das rendas.
  • As das vítimas de violencia de xénero que teñan dificultades para asumir o custo do arrendamento dunha vivenda e que no momento da solicitude se atopen residindo nun recurso de acollida dos integrados na Rede galega de acollemento para este colectivo e adscrito a unha Administración pública.
  • Aquelas con dificultades para asumir o custo do arrendamento dunha vivenda e que fosen privadas da súa vivenda habitual por danos sufridos nesta, derivados dunha circunstancia imprevisible e sobrevida, tales como incendios, inundacións, etc.
  • Aquelas que, tendo sido beneficiarias do Programa Aluga, rematasen o período máximo de desfrute desa axuda dentro dos nove meses anteriores á data da presentación da súa solicitude de subvención do Programa de bono alugueiro social.
  • Aquelas que, tendo sido arrendatarias dunha vivenda de promoción pública de titularidade do IGVS, finalizase a vixencia do seu contrato, a partir da entrada en vigor desta orde.
  • Aquelas que, por concorrer circunstancias de emerxencia social e non acadar o límite mínimo de ingresos establecido no Programa de vivendas baleiras, a comisión de seguimento e coordinación do citado programa lles propoña a adxudicación dunha vivenda no marco do citado programa.

Leer más:Bono de Alugueiro Social do Plan rehaVIta

Aberto o prazo para solicitar o Tícket Eléctrico Social de Galicia

Detalles

Departamento de Servizos Sociais

Creado en Martes, 17 Xaneiro 2017 10:33

Última actualización en Martes, 17 Xaneiro 2017 11:44

Publicado el Martes, 17 Xaneiro 2017 10:33

Dende hoxe, no  Departamento de Servizos Sociais do Concello xa se poderán tramitar as axudas da Xunta de Galicia  para o pago de parte da factura eléctrica a través do tícket eléctrico social de Galicia.

 Normativa: Orde do 22 de decembro de 2016 pola que se establecen as bases reguladoras para a concesión de subvencións, en réxime de concorrencia non competitiva, para o pagamento de parte da factura eléctrica a través do tícket eléctrico social de Galicia, e se procede á súa convocatoria para o ano 2017 (código do procedemento IN414A). Extracto  (DOG nº 10 do 16/01/2017)

Obxecto:Subvencionar parte da factura eléctrica ás unidades de convivencia con menores ou discapacitados cuxos ingresos totais da unidade de convivencia non superen 1,5 veces o IPREM (9.585,19 €/ano).

Contía :Será unha cantidade fixa de 180 € ao ano para as unidades de convivencia que cumpran os requisitos, e de 300 € ao ano para as que acrediten ser ademais familia numerosa.

Gastos subvencionables: Serán as facturas de electricidade (IVE incluído) cuxo período de lectura estea comprendido entre o 1 de xullo 2016 e o 30 de xuño do 2017. No caso de que unha factura abranga un período que saia en parte do período subvencionable, considerarase subvencionable o custo rateado dos días incluídos nel.

 ----> MÁIS INFORMACIÓN NA SEDE ELECTRÓNICA DA XUNTA E NO DEPARTAMENTO DE SERVIZOS SOCIAIS DO CONCELLO <---------

 Prazo de presentación: Do 17 de xaneiro ao 15 de xullo de 2017.

Entregados os premios do Concurso de Postais de Nadal

Detalles

Departamento de Servizos Sociais

Creado en Lunes, 16 Xaneiro 2017 18:59

Última actualización en Martes, 17 Xaneiro 2017 10:46

Publicado el Lunes, 16 Xaneiro 2017 18:59

Esta entrega, que se desenvolveu hoxe no Salón de Plenos do Concello, contou coa presencia do alcalde Demetrio Salgueiro e da concelleira de cultura Dolores Meitín.O Concello de Xove, a través da Concellería de Cultura, puxo en marcha unha nova edición do Concurso de Postais. Coma en anos anteriores, o Concurso destinouse a nenos/as e rapaces/as de Xove, en especial aos alumnos/as do CEIP Pedro Caselles e do IES Illa de Sarón.  Segundo idade, tivemos cinco categorías: Preescolar (nenos/as de 3,4 e 5 anos); 1º e 2º de Primaria; 3º e 4º de Primaria; 5º e 6º de primaria e 1º a 4º de ESO. En cada unha destas categorías concedéronse tres premios, un primeiro, un segundo e un terceiro premio. Unha das postais premiadas neste Concurso poderá ser seleccionada como postal institucional do Concello para as vindeiras festas de Nadal. 

Cada concursante puido presentar un ou máis traballos a este Concurso. Lóxicamente, dende o Concello o que se pretendeu con este Concurso foi potenciar a participación e creatividade dos nosos rapaces.

Leer más:Entregados os premios do Concurso de Postais de Nadal

Aprobadas as Becas e Axudas ao Estudo 2016/2017

Detalles

Departamento de Servizos Sociais

Creado en Jueves, 12 Xaneiro 2017 12:24

Última actualización en Jueves, 12 Xaneiro 2017 17:51

Publicado el Jueves, 12 Xaneiro 2017 12:24

No pasado mes de outubro de 2016 foron aprobadas, un ano mais, as bases reguladoras da concesión de Bolsas e Axudas ao Estudo do Concello de Xove, rematando o prazo de presentación das solicitudes o día 16 de decembro do mesmo ano.

As modalidades das axudas, como ven sendo habitual, son as seguintes:

• • Modalidade 1.- Bolsas e axudas ao estudo universitario.
  • Modalidade 2.- Bolsas e axudas para ciclos formativos que cursen especialidades que non existan en Xove, San Cibrao, Viveiro ou Burela.
  • Modalidade 3.- Axudas para alumnos/as discapacitados/as físicos ou psíquicos
    
  • Modalidade 4.- Axudas para compra de material escolar.
  • Modalidade 5.- Axudas para estudos de doutoramento.
  • Modalidade 6.- Axudas para máster.

O día 9 de xaneiro de 2017 celebrouse a sesión da Xunta de Goberno Local, logo da Xunta Municipal de Portavoces, na que se adoptou a aprobación da concesión dun total de 74 axudas das 88 solicitudes presentadas. As axudas concedidas,  foron:

• • 20 para estudos universitarios: 27.025,81 €.  
  • 4 para ciclos formativos que non existen na comarca: 1.657,98 €.  
  • 8 para alumnos/as con discapacidade: 7.500 €.  
  • 40 para compra de material escolar: 4.185 €.  
  • 2 para máster:  1.000 €.

Dende a Concellería de Servizos Sociais  quérese destacar o esforzo orzamental que o Concello fai cada ano co fin de potenciar a educación no noso Concello, nunha aposta clara polo futuro dos nosos xoves; recordamos que estas axudas abranguen a tódolos estractos educativos, dende os estudios infantís ata os estudios universitarios, doutoramentos e masters.  

Significativo é tamén o incremento no investimento, como podemos apreciar nos datos que mostramos a continuación, que mostran as cantidades investidas polo Concello nos tres últimos anos, cun incremento do 7% no 2016 con respecto ao 2015 e cun 5 % no 2017 respecto do 2016: ANO 2015 (CURSO 2014/2015):  36.810,67 €; ANO 2016 (CURSO 2015/2016):  39.372,64 € (+ 7%) e ANO 2017 (CURSO 2016/2017):  41.368,79 € (+ 5%)

A diferenza de convocatorias anteriores, neste curso o pago das axudas realizarase por TRANSFERENCIA BANCARIA (ultima semana de Xaneiro).

O total das axudas para este curso 2016/2017 é de 41.368,79 €.

Termalismo Social IMSERSO 2017

Detalles

Departamento de Servizos Sociais

Creado en Miércoles, 14 Decembro 2016 13:04

Última actualización en Miércoles, 14 Decembro 2016 13:20

Publicado el Miércoles, 14 Decembro 2016 13:04

O Programa de Termalismo ofrece acceso a tratamentos térmicos nos establecementos con manantiales de auga mineral medicinal declaradas de utilidade pública, contribuíndo así a mellorar a calidade de vida das persoas maiores e promover o envellecemento activo, mellorando saúde e prevención de dependencia.

 Poderán participar no Programa de Termalismo, as personas residentes en España, que reúnan algún dos seguintes requisitos:

• • Ser pensionista de xubilación ou incapacidade permanente do Sistema de Seguridade Social español.
  • Ser pensionista de viuvedade con cincuenta e cinco ou máis anos de idade do Sistema de Seguridade Social español.
  • Ser pensionista por outros conceptos ou perceptor de prestacións ou subsidios de desemprego, con sesenta ou máis anos de idade do Sistema de Seguridade Social español.
  • Ser asegurado ou beneficiario do Sistema da Seguridade Social español, con sesenta e cinco ou máis anos de idade.

Documentación: Se a temporada pasada a persoa solicitou praza e reunía os requisitos para participar no programa, o IMSERSO remitiralle por correo un modelo simplificado para a renovación da súa solicitude. Se accede por primeira vez ao Programa ou volve a solicitalo logo de non telo feito no ano 2015, deberá formalizar nova solicitude e informe médico:

• Solicitude. A Declaración sobre o estado de saúde efectúaa o propio solicitante e, no seu caso o seu cónxuxe. Non precisa ir ao médico para que a cumprimente.

Prazo de presentación: Para participar no proceso de adxudicación de praza : Para as quendas dos meses de febreiro a agosto, ambos inclusive: ate o día 13 de xaneiro de 2017 e para as quendas dos meses de setembro a decembro: ate o día 12 de maio de 2017.

Para a súa inclusión na Lista de Agarda de prazas, para cubrir as prazas que vaian quedando vacantes por renuncias ou outras circunstancias: Para as quendas dos meses de febreiro a agosto, ambos inclusive: ate o día 12 de maio de 2017 e para as quendas dos meses de setembro a decembro: ate o día 31 de outubro de 2017.

Sen perxuízo de que as persoas solicitantes poidan formular a súa solicitude nos prazos e termos establecidos anteriormente, coa finalidade de simplificar trámites, remitiranse comunicacións singulares a todas as persoas solicitantes que, reunindo os requisitos da convocatoria do ano 2016, os seus expedientes estén completos.

Máis información:Balnearios participantes 2017  e Web IMSERSO 

Programa Xuntos Polo Nadal 2016

Detalles

Departamento de Servizos Sociais

Creado en Domingo, 06 Novembro 2016 12:30

Última actualización en Lunes, 07 Novembro 2016 17:44

Publicado el Domingo, 06 Novembro 2016 12:30

SI ES MAIOR E ESTÁS SÓ/SOA NO NADAL, PODES PASAR ESTAS DATAS ACOMPAÑADO/A.

A Consellería de Política Social, a través da Dirección Xeral de Maiores e Persoas con Discapacidade organiza este programa de promoción do envellecemento activo e convivencia, destinado ás persoas maiores que se atopen soas nestas datas, xa sexa por carencia de familiares ou amigos, a perda do seu cónxuxe ou por outras circunstancias.

 Este programa levarase acabo entre ol 23 de decembro de 2016 e o 2 de xaneiro de 2017, e comprende os seguintes servizos:

• • Estancia na residencia durante 11 días (10 noites).
  • Aloxamento, en habitacións compartidas e manutención en réxime de pensión completa.
  • Desprazamento en autobús desde os lugares que se establezan nas localidades de Santiago, A Coruña, Ferrol, Pontevedra, Vigo, Lugo e Ourense ata as residencias de tempo libre e viceversa.
  • Actividades de animación sociocultural.

A recollida das persoas participantes efectuarase o día 23 de decembro pola mañá e a volta o día 2 de xaneiro despois do xantar. 

  máis información no DEPARTAMENTO DE SERVIZOS SOCIAIS DO CONCELLO e tamén  na 

Acta Selección de Coidadora para a Escola Infantil de Xove

Detalles

Departamento de Servizos Sociais

Creado en Viernes, 04 Novembro 2016 09:05

Última actualización en Viernes, 04 Novembro 2016 09:27

Publicado el Viernes, 04 Novembro 2016 09:05

RESOLUCIÓN DO CONCURSO PARA A SELECCIÓN URXENTE DE PERSOAL LABORAL TEMPORAL DE 1 COIDADOR/A A XORNADA COMPLETA PARA A ESCOLA INFANTIL DE XOVE (PROGRAMA DEPUEMPREGO)