Inaugurada unha nova edición de Xove 360º

Hoxe, ás 13:30 horas na Sala de Exposicións Centro Cívico, o alcalde Demetrio Salgueiro e a concelleira de cultura Dolores Meitín, acompañados polos fotógrafos presentes na mostra epor un grupo de nenos/as do Programa Xove Concilia, inauguraron unha nova edición de XOVE 360º. Esta mostra que o Concello organiza cada ano, xunto co Colectivo de Fotógrafos de Xove, vai xa pola décima edición. O título escollido para edición deste ano foi “cores”, sección na cal se presentan 8 fotografías. Decir que esta sección é escollida cada ano polos fotógrafos participantes.  O resto da exposición, 40 das 48 fotografías que a conforman,  foi de tema libre, dahí a gran variedade existente nas obras presentadas: paisaxes, retratos, flora, composicións, etc.   En total a exposición está conformada por 48 fotografías, enmarcadas en tamaño 50X40.

 Os participantes na edición deste ano, son: María del Mar Angulo, Javier Arca, Mateo Guerreiro, Andrés García, Pedro García, Rubén Pico, Pedro Vicente, Javier Villares, José Emilio Gómez,  Luis Miguel Vivas, Santos Cordovilla,  Diego Fanego e Javier Sánchez. A exposición, que se abre mañá, sábado 12 de agosto, ao público en xeral, vai estar aberta ininterrumpidamente ata o vindeiro 3 de setembro en horario de 18:00 a 22:00 horas, e  como ven sendo habitual nos últimos anos, está dentro do amplo Programa Festivo que o Concello preparou para o San Bartolo 2017.