Rematadas as obras de “Mellora de accesos a explotacións agrarias do Concello de Xove”

Detalles

Departamento de Obras

Creado en Lunes, 10 Outubro 2016 16:28

Última actualización en Lunes, 10 Outubro 2016 16:51

Publicado el Lunes, 10 Outubro 2016 16:28

Xa foron rematadas as obras de “Mellora de accesos a explotacións agrarias do Concello de Xove” (PEIM 2016) executadas en Labradela e Carballás por importe de 71.980,00 euros e financiadas pola Axencia Galega de Desenvolvemento Rural ao abeiro da resolución de 25 de xaneiro de 2016 e o Concello de Xove.

Consellos para a Mellora na Xestión de Residuos

Detalles

Departamento de Obras

Creado en Viernes, 08 Xullo 2016 14:22

Última actualización en Viernes, 08 Xullo 2016 17:33

Publicado el Viernes, 08 Xullo 2016 14:22

 NORMAS DE FUNCIONAMENTO DO SERVIZO DE RECOLLIDA DE MATERIAIS PARA O SEU TRASLADO AO PUNTO LIMPO

• Comunicar o aviso chamando ao Teléfono do Concello (982.59.20.01) e indicar o material do que se quere desfacer (mobles vellos, electrodomésticos inservibles), e a súa ubicación.
• Cando haxa avisos suficientes procederase dende o concello á súa retirada , empregando o Vehículo Municipal para darlle traslado ao punto limpo. servizo gratuito.

Para os veciños que queiran depositar directamente os materiais no punto limpo (Polígono Industrial de Camba), o horario é o seguinte:

• NO INVERNO: -Luns: de 8:00h. a 14:30h. -Martes a Venres: 8:00h. a 15:00h. -Sábados: 10:00h. a 13:00h.
• NO VERÁN: -Luns: de 9:00h. a 14:00h. - Martes a Venres: 9:00h. a 14:30h. -Sábados: 10:00h. a 13:00h.

Queda totalmente prohibido depositar nos contedores herba cortada, restos de animais mortos, restos de material de obra, neumáticos, de ser así, a empresa encargada da recollida do lixo, deixará sen baleirar ese contedor.

Para unha mellor e mais áxil recollida do lixo, debemos ter en conta:

• • Contedor Verde: restos orgánicos.
  • Contedor Amarelo: plásticos, latas e briks.
  • Contedor Azul: papel e cartón.
  • Contedor Verde redondo: vidro.
  • Contedor Verde cadrado: aceite de cociña usado.
  • Contedor Azul claro cadrado: roupa e calzado inservibles.

RECOLLE OS EXCREMENTOS DO TEU CAN E A TUA RESPONSABILIDADE!

Leer más:Consellos para a Mellora na Xestión de Residuos

EN FUNCIONAMENTO OS NOVOS ASEOS DO PARQUE DE XOVE

Detalles

Departamento de Obras

Creado en Jueves, 30 Abril 2015 12:22

Última actualización en Jueves, 30 Abril 2015 12:25

Publicado el Jueves, 30 Abril 2015 12:22

O Parque Municipal de Xove, ubicado enfronte da Praza do Centro Cívico,  conta dende agora cuns novos aseos. O Concello construiu nun lateral da parte traseira do Pavillón de Deportes uns locais adicados a este fin.O Parque é un lugar central en Xove;  usado ao longo de todo o ano por moitísimas persoas, dende mamás e papás cos seus neos ata persoas maiores, xa que conta cunha área con aparellos de mellora física, ten dende agora uns novos aseos, adaptados a persoas con minusvalías. A posta en marcha destes servicios responde a unha demanda dos usuarios, os cales, dende agora, xa poderán disfrutar destas novas instalacións, facilitándolles ao mesmo tempo o uso e disfrute do propio Parque.

Eliminación dun punto negro do acceso á praia de esteiro

Detalles

Departamento de Obras

Creado en Miércoles, 15 Abril 2015 14:22

Última actualización en Viernes, 17 Abril 2015 21:04

Publicado el Miércoles, 15 Abril 2015 14:22

Esta obra, denominada “Mellora de seguridade no núcleo de Ceranzos”, está incluída no POS (PLAN DE OBRAS E SERVIZOS) da Deputación. Conta a mesma cun investimento de 28.931,91 €uros, dos cales o noso Concello aporta 15.775,05 €uros, aportanto da Deputación o resto.

A estrada, que conduce á Praia de Esteiro e ten o seu inicio no cruce de A Vara, ten no núcleo de Ceranzos un punto negro, un auténtico tapón entre dúas casas, tan estreito que impide o paso de dous coches simultaneamente, dificultando tamén o paso dos autobuses escolares; estamos a falar dunha estrada que, sobre todo nos meses estivais, ten moito tráfico, xa que conduce a nosa praia de Bandeira Azul de Esteiro. Pois ben, dende o Concello decideuse eliminar este punto negro, incluíndoo no POS deste ano 2015.A obra, que se está executando nestes intres, consiste en eliminar unha das casas (que está abandonada dende hai anos) para así gañar espacio e facilitar o tránsito. A área vaise retranquear, quedando limitada cun muro de nova construcción. En definitiva, unha moi sustancial mellora desta estrada, que sen dúbida notarán os veciños e os moitos visitantes e usuarios da Praia de Esteiro.

Obras de mellora nas aula da Escola Municipal de Música de Xove

Detalles

Departamento de Obras

Creado en Martes, 24 Marzo 2015 18:07

Última actualización en Martes, 24 Marzo 2015 18:37

Publicado el Martes, 24 Marzo 2015 18:07

Esta Escola, ubicada no antigo Colexio de Palmeiro, acaba de ser obxecto de importantes reformas nas súas aulas. A dinámica diaria de funcionamento da Escola, xunto coa intensa actividade da mesma, fixo necesaria a reforma dunha parte importante das aulas da mesma. Básicamente, o que se fixo foi dividir algunhas das aulas co fin de ampliar o número de espazos da Escola. Con isto preténdese aproveitar e rendabilizar máis os espazos existentes, adecuando os distintos espazos ás actividades propias da Escola.

Agora a Escola dispón de dous tipos de espazos, uns máis grandes con aulas destinadas a grupos numerosos para música en movemento, linguaxe musical, coro, orquestra,..., e outros máis pequenos para traballar individualmente ou con pequenos grupos de cámara. En definitiva, con estas obras preténdese MELLORAR O FUNCIONAMENTO DIARIO DA ESCOLA coa conseguinte MELLORA NA CALIDADE DOS ESTUDIOS MUSICAIS. Estas obras de adecuación foron realizadas polo personal de obras do propio Concello, contando cun investimento cercano aos 12.000 €.-

Aberto o prazo para solicitar Axudas a lucido exterior de Vivendas 2015

Detalles

Departamento de Obras

Creado en Miércoles, 04 Marzo 2015 13:37

Última actualización en Miércoles, 04 Marzo 2015 21:42

Publicado el Miércoles, 04 Marzo 2015 13:37

A Xunta de Goberno Local do Concello, en sesión de data 25/2/015,  acordou a  aprobación das bases que rexerán a concesión de subvencións para o remate exterior (lucido de fachadas) de vivendas unifamiliares con mais de 5 anos de antigüidade,acondicionamento do entorno e accesos a vivendas unifamiliares no termino municipal desde vias de titularidade pública así como para a construcción ou acondicionamento de muros opacos de peche de solares no casco urbano de Xove.

CONVOCATORIA E BASES NO PORTAL TRANSPARENCIA -->

A finalidade destas subvencións é a de mellorar a estética das vivendas dos nosos veciños co fin de que se integren mellor na paisaxística rural, pero tamén se pretende mellorar o entorno das propias vivendas, facilitando o acceso das mesmas. A mellora da calidade das vivendas e os seus entornos contribúe significativamente á mellora da calidade de vida dos veciños que as habitan.

Prazo de presentación de solicitudes : Do día  2 de marzo ata o 12 DE XUÑO DE 2015 ( Ambalas dúas datas incluídas)  .-IMPORTE MÁXIMO : 450€

Leer más:Aberto o prazo para solicitar Axudas a lucido exterior de Vivendas 2015

Telefónica leva INTERNET ós Núcleos Rurais do Concello

Detalles

Departamento de Obras

Creado en Martes, 13 Maio 2014 14:18

Última actualización en Martes, 13 Maio 2014 14:42

Publicado el Martes, 13 Maio 2014 14:18

O director de Telefónica en Galicia visitou hoxe o concello para explicar as melloras introducidas trala conclusión do Plan de Banda Larga da Xunta

• • Máis de mil setecentos veciños poderanse beneficiar do despregamento da tecnoloxía 3G-UMTS
  • Dispoñen xa das mesmas ofertas que nas cidades, e en toda a área mellorou a cobertura de datos en mobilidade
  • No conxunto de A Mariña, máis de 11.500 habitantes de 856 núcleos de poboación poden xa acceder a Internet

Máis de mil setecentos veciños de Xove poden acceder xa á Internet de calidade trala conclusión neste concello, por parte de Telefónica e dentro do Plan de Banda Larga da Xunta de Galicia, dos traballos de despregamento da tecnoloxía UMTS-3G.
Os núcleos de poboación beneficiados no despregue son os de O Alto de Gago, Ancil, A Áspera, A Barxa, As Casas Longas, A Torre, Vilar, As Cancelas, Gondar, As Hedradas, O Loureiro, As Penas Agudas, O San Salvador, O Soutovello, Vilariño, A Aldea de Abaixo, A Aldea de Arriba, O Barreiro, O Carballo, As Cruces, O Portiño, Canelas, Portocelo, San Cristovo, Vilachá, Vilapol, A Abelá, O Canaledo, Cornide, Os Cortellos, Ferrol, Labradela, Lamas, O Pazo, Pazos, A Ponte do Carro, O Pradovello, Regosangüento, San Vicente, Soutorredondo, O Torrillón, Ventoselle, Vila, Vilela, Albarán, A Cabandela, O Cabo, Fontaíña, As Fontes, Xanarde, O Lagar, A Lagoela, Lodeiro, As Poceiras, A Torre, A Rocha, A Aceveda, O Bargo, Cabo de Vila, Camba, Campo Susao, Castelo, Ceranzos, O Cruceiro, Fontao, Illade, Os Loureiros, Pena, Pereiraboa, Prada, Reboredo, Toimil e A Vara.
En todos eles pódese acceder xa á Internet con velocidades de 7 megas. É unha oferta de completo Hogar Dixital, pois Telefónica subministrará unha base wifi á que se poden conectar vías inalámbrica distintos dispositivos como o ordenador, o móbil ou a tableta.
O director de Telefónica en Galicia, Manuel Alonso, trasladou hoxe os detalles do despregamento ao alcalde do municipio, Demetrio Salgueiro. Ambos compareceron posteriormente ante os medios para dar conta dos resultados obtidos polo plan en Xove.
Tecnoloxía 3G .-A tecnoloxía empregada por Telefónica é a UTMS-3G na banda de 900 Mhz., con grande capacidade de propagación en zonas rurais orográficamente complexas. Deste xeito, ademais de poder contratar o acceso á Rede, a cobertura de datos en mobilidade mellorou sensiblemente no entorno dos devanditos núcleos de poboación, puidendo ser activada nalgúns casos por primeira vez. Para elo, Telefónica puxo en servicio dous novas estacións base en Xove, unha en Xuances e outra en As Cancelas, e dotou con tecnoloxía UMTS-900 as outras tres xa existentes en Camposusao, Xove e Mandela. A estas habería que sumar as de Penedo, O Castelo ou Leiro, que a pesar de estar en concellos limítrofes, tamén dan cobertura ao municipio.

O despregamento en Xove forma parte das actuacións do Plan de Banda Larga para dotar de cobertura a todos os galegos. Esta acción, adxudicada a Telefónica en setembro de 2011, ten como obxectivo facilitar o acceso á Rede de 11.300 novos núcleos de poboación galegos ubicados en zonas de Galicia de especial complexidade orográfica, e nos que viven 250.000 persoas.

Máis cobertura na comarca .- No conxunto da comarca de A Mariña, Telefónica facilitou xa o acceso a Internet a máis de oitocentos cincuenta núcleos de poboación de catorce concellos -Alfoz, Foz, Lourenzá, Mondoñedo, O Valadouro, Barreiros, Ribadeo, A Pontenova, Trabada, Cervo, Ourol, O Vicedo, Viveiro y Xove-, o que supón que un total de 11.511 habitantes poidan actualmente conectarse a rede. Para elo, a Compañía conta con corenta e tres estacións con tecnoloxía UMTS-900 na comarca, as que habería que engadir oito máis previstas para entrar en servicio este ano.

Coa finalización do plan, Telefónica dotará de cobertura na Mariña a un total de 1.020 núcleos de poboación, o que beneficiará a 12.273 habitantes.

Máis do 97% dos galegos con acceso a Internet grazas ao Plan

O Plan de Banda Larga permitiu o acceso á Internet a máis de 710.000 galegos que carecían de cobertura en 2010. Grazas aos despregamentos do Plan a porcentaxe de poboación con cobertura pasou do 71% en 2009 ao 97% a día de hoxe.

A posta en marcha destas iniciativas está a conseguir que Galicia reduza a fenda interna entre as zonas rurais e urbanas. En 2010 a diferenza media na dispoñibilidade de acceso á banda larga entre as provincias do interior e as do eixo atlántico era do 20%, e grazas ao plan esta porcentaxe diminuiu en 2012 ata un 3,5%.

Mellorando ó acceso ó embalse do Torrillón

Detalles

Departamento de Obras

Creado en Lunes, 05 Maio 2014 22:10

Última actualización en Lunes, 05 Maio 2014 22:25

Publicado el Lunes, 05 Maio 2014 22:10

As obras de MELLORA DO ACCESO AO EMBALSE DO TORRILLÓN están prácticamente rematadas, tal como puideron comprobar hoxe o alcalde Demetrio Salgueiro e o arquitecto técnico municipal Benigno Mon, na visita que realizaron ao lugar. Este embalse, situado no lugar do Torrillón, nun outo da parroquia de A Rigueira, é un dos principais lugares de captación de auga do Concello, captando as augas do Río Rigueira.

As obras consistiron na apertura dunha pista de 300 metros de longo ata cerca do encoro. Esta pista, que inicialmente era un pequeno sendeiro de escasamente 1 metro de ancho, agora é un vial de 4 metros de ancho, o que permite o paso de vehículos ata as inmediacións. No remate desta pista construiuse unha ampla zona que permite virar (dar a volta) aos vehiculos que se desplacen ata alí para realizar labouras de mantemento.

Dende o final da citada pista ata o encoro propiamente dito hai algo máis de 100 metros, de moi difícil acceso, xa que se trata dunha zona escarpada. A solución proposta e realizada foi crear unha pasarela metálica que sigue o curso da arribada ata chegar ao embalse.

Con esta actuación persíguese facilitar a chegada dos equipos de mantemento do encoro á súa proximidade, traballo que antes se facía moi penoso xa que había que transportar os citados equipos de mantemento a man durante unha longa distancia.

Outra característica importante desta obra foi o respecto polo entorno, xa que a zona onde se ubica o encoro ten unha floresta moi bonita e ben conservada, que queda a salvo, e posta en valor, grazas á pasarela instalada. Esta obra supuxo un investimento duns 36.000 €, que foron financiados integramente polo noso Concello.