XI Torneo de Padel San Bartolo 2024

15/Agosto/2024 Concellería de Deporte e Turismo
• 

O  día 13 de agosto tivo lugar a presentación do XI Torneo de Padel San Bartolo 2024, estiveron presentes no acto Demetrio Salgueiro (alcalde do Concello de Xove), Cristina Iglesias (concelleira de Deportes), Dolores Meitín (concelleira de cultura), Tamara Soto (concelleira de Servizos Sociais) así como varios xogadores e o monitor Álvaro Juárez que participan nas Clases de padel no verán organizadas durante a tempada estival na pista municipal de padel, as cales teñen un amplo número de participantes.

Como remate desta tempada organízase o Torneo de padel, no que se repartirán 1500€ en material deportivo.

Este ano como novidade amplíanse dúas categorías máis: sub-16 e sub-10, para desta forma dar a oportunidade a toda a rapazada a participar neste torneo.

Axudas ao Estudo nas modalidades de Comedor Estancia e Transporte Curso 2023/2024

05/Agosto/2024 Departamento de Servizos Sociais
• 

PRAZO PARA SOLICITAR: DO 05 DE AGOSTO AO 03 DE SETEMBRO DE 2024

As bolsas e axudas ao estudo da presente convocatoria teñen por obxecto atender a sufragar os gastos derivados de:

A) Gastos de comedor para:

Estudantes de ensinos en centros públicos da comarca da Mariña que precisen comer fóra de Xove a causa dos seus horarios, cando ditos estudos, aos que se refiren as presentes bases, non sexan impartidos nos centros de ensino do Concello de Xove

B) Gastos de estancia para:

1. Estudantes universitarios en universidades españolas.

2. Estudantes de ciclos formativos que non existan na comarca.

3. Estudantes de ensinos artísticos, profesionais e superiores e de ensinos deportivos, profesionais e superiores.

C) Gastos de desprazamento para:

1.- Estudantes que cursen estudos existentes en San Cibrao, Viveiro ou Burela, cando o seu horario escolar non sexa compatible coa liña regular de transporte de viaxeiros.

2.- Estudantes de ciclos formativos en centros da Mariña Lucense, agás os recollidos no punto anterior.

3.- Estudantes que cursen estudos existentes en San Cibrao ou Burela, e que ao regreso só dispoñan de transporte regular ata Xove e non ata a súa parada de orixe, por incompatibilidade da liña de transporte de viaxeiros.

4.- Estudantes de ciclos formativos que non existan na comarca.

5.- Estudantes de ensinos artísticos, profesionais e superiores e de ensinos deportivos, profesionais e superiores.

6.- Estudantes universitarios en universidades españolas.

As axudas recollidas neste apartado B) serán incompatibles con outras axudas estatais ou autonómicas da mesma modalidade.

As axudas recollidas neste apartado C) serán incompatibles coas axudas ao estudo do Concello de Xove na modalidade de transporte mediante o sistema de bonobús, agás naqueles casos nos que este bonobús non cubra a totalidade do traxecto.

Aos efectos das presentes Bases, enténdese por Axuda ao estudo “toda cantidade ou beneficio que o Concello de Xove conceda a quen desexe realizar ou se atope realizando estudos para a súa promoción educativa, cultural ou profesional, de acordo coas presentes bases e para os cursos académicos a que se refiran as respectivas convocatorias”

.- As persoas interesadas na concesión dunha axuda deberán cumprir o requisito de empadroamento e residencia efectiva no Concello de Xove.

.- A renda per cápita familiar non poderá superar as contías seguintes:

Para axudas de transporte e estancia: sen límite.

Para axudas de comedor, con limite 7.500.-€/renda per cápita.

.- Para ter dereito ás axudas para gastos derivados de estancia e de desprazamento, os/as estudantes deberán presentar o boletín de notas ou certificado do centro educativo de terse presentado alomenos ao 50% das materias correspondentes a matrícula.

.- No caso das axudas ao desprazamento recollidas no apartado 1 desa modalidade, os/as estudantes deberán aportar certificado do centro de ensino do horario escolar para xustificar que éste non é compatible coa liña regular de transporte de viaxeiros.

 

Aquapark Cerceda 2024

05/Agosto/2024 Oficina Municipal Información Xuvenil oix@xove.es
• 

O sábado, día 3 de agosto, ás 9:30 horas, 29 mozas e mozos de Xove de entre 12 e 17 anos, desprazáronse ó Aquapark de Cerceda acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns que ofrece este parque acuático.

Esta viaxe está organizada polas Concellerías de Xuventude e Deporte e a Oficina de Información Xuvenil dentro do programa “Verán Xove 2024” .

Plan de mellora de Camiños Rurais 2023-2024

05/Agosto/2024 CONCELLO DE XOVE
• 

Xunta de Galicia.- Plan de mellora de Camiños Rurais 2023-2024 .- Centro directivo: Axencia de Desenvolvemento Rural. - Axuda Pública: 51.400 €

Proxecto: Acondicionamento e mellora de camiños en Prada e Loureiro.

• Unión Europea .- Fondo Europeo Agricola de Desenvolvemento Rural
• Europa Invirte no Rural.- Programa estratégico da PAC 2023-2027 .-Intervención 5872

X Concurso Fotografía Medioambiental 2024-

01/Agosto/2024 Concellería de Medio Ambiente
• 

O Concello de Xove a través da Concellería de Medio Ambiente, convoca o X Concurso de Fotografía Medioambiental, "Xove, a súa costa e o seu mar”. O obxectivo deste concurso é o de potenciar a participación cidadá na protección da paisaxe e o medio ambiente.Haberá unha única categoría, cos seguintes premios:

• Primeiro premio: 120 € ; Segundo premio: 100 €; Terceiro premio: 90 €; Cuarto premio: 75 € e  Quinto premio: 65 €

A temática do concurso será “Xove, a súa costa e o seu mar”. As imaxes deberán ser realizadas polos propios participantes. En ningún caso se aceptarán imaxes copiadas ou realizadas por persoas distintas das participantes. Cada participante asinará unha Declaración Responsable de ser a/o autor/a das fotografías que presenta. No caso de que o/a participante sexa menor de idade, a Declaración Responsable será asinada polo seu nai/pai ou titor/a legal. Poderanse presentar un máximo de 3 fotografías por participante. Deben ser orixinais e tomadas dentro do termo municipal de Xove. Deberanse presentar en formato dixital (JPEG) en alta calidade (sen compresión) a unha resolución mínima de 2048 píxeles sen limitación de tamaño en MB.

A documentación a presentar será a seguinte:

• Ficha de inscrición e declaración de autoría establecidas ao efecto
• Copia do N.I.F. do concursante
• CD ou pendrive que conteña as imaxes dixitais

O sobre deberá presentarse ata o día 6 de setembro de 2024, e poderase presentar tanto no Rexistro de Entrada de Documentos (Casa do Concello, camiño real, S/N; 27870, Xove), coma mediante envío por correo postal ordinario. Neste último caso, deberase facer constar no sobre pola Oficina de Correos a data de presentación, que será igualmente como máximo, o día 6 de setembro de 2024.

Bases Reguladoras------------- Ficha de Inscripción

Festas de Sumoas ´2024

01/Agosto/2024 Departamento de Cultura e Comunicación
• 

Matricula Escola de Ximnasia Rítmica 2024

31/Xullo/2024 CONCELLO DE XOVE
• 

Durante o mes de agosto ábrese prazo para a reserva de praza na Escola Municipal de Ximnasia rítmica de Xove. Para formalizar a matrícula haberá que entregar o documento adxunto  no rexistro do Concello de Xove ou ben mediante Sede electrónica.

Solicitude Matricula Escola Ximnasia- Nova incorporación

Intenso fin de semana de actividades lúdicas e gastronómicas no Concello de Xove (19, 20 e 21 de xullo):

19/Xullo/2024 CONCELLO DE XOVE
• 

-venres  (churrascada )

-sábado: XI festa do percebe na praza do Concello

-domingo: festa acuática na praia de Lago