MONTE Clausura a XXIII Edición do Campionato de Tute

23/Marzo/2026 Departamento de Cultura e Comunicación
• 

O Centro Social de Monte, coa colaboración do Concello de Xove, vén de clausurar a XXIII edición do seu tradicional campionato de tute, unha cita xa consolidada no calendario social da zona.

Nesta edición participaron un total de 18 parellas nun campionato que deu comezo o pasado mes de novembro e que se desenvolveu ao longo de todos os fins de semana ata este sábado, día no que tivo lugar a súa clausura.

O peche do campionato celebrouse cunha cea de confraternidade na que todos os participantes puideron compartir un agradable momento xuntos, poñendo en valor o bo ambiente que caracterizou a competición ao longo destes meses. Durante a velada tamén se realizou a entrega de trofeos aos gañadores, da man do alcalde de Xove Demetrio Salgueiro e a concelleira Mª Dolores Meitín.

Os resultados finais foron os seguintes:

• Primeiros clasificados: Moncho e Ángel
• Segundos clasificados: Eduardo e Suso
• Terceiros clasificados: Ferino e Trevin

Así mesmo, a organización, ademáis de un obsequio para todos os asistentes, tamén quixo ter un detalle especial coas mulleres participantes —Sara, Ana e Isabel—, destacando a súa implicación e animando a que na próxima edición se sumen máis xogadoras.

A xerente do local, Lorena Pérez, agradeceu enormemente a participación nesta XXIII edición do campionato e salientou o fantástico ambiente vivido cada fin de semana, elemento clave para o éxito desta iniciativa.

Club de Lectura na Biblioteca Municipal

23/Marzo/2026 Departamento de Cultura e Comunicación
• 

O Departamento de Cultura do Concello de Xove pon en marcha unha nova iniciativa cultural dirixida ás persoas afeccionadas á lectura: a creación dun Club de Lectura na Biblioteca Municipal de Xove. Este proxecto nace co obxectivo de crear un espazo de encontro para todas aquelas persoas que disfrutan dos libros e que desexan compartir a experiencia da lectura con outras persoas.

O club concíbese como un lugar de reunión periódica no que, nun ambiente de respecto, tolerancia, participación e entretemento, os participantes poderán comentar e intercambiar impresións sobre a lectura dun mesmo libro. Trátase dunha actividade pensada para fomentar o gusto pola lectura, o diálogo e a convivencia arredor da literatura.

Con este propósito, a Biblioteca Municipal organiza un primeiro encontro informativo e de toma de contacto para iniciar a posta en marcha do club. A reunión para todas as persoas interesadas terá lugar o venres 27 de marzo ás 19:00 horas nas instalacións da biblioteca.

Este encontro servirá para explicar o funcionamento do club, recoller propostas das persoas asistentes e establecer conxuntamente as directrices desta nova actividade cultural, coa intención de que resulte atractiva e enriquecedora para todas as persoas participantes.

Dende o Concello de Xove anímase a todas as persoas amantes da lectura e usuarias da biblioteca a achegarse a esta primeira reunión e a formar parte deste novo espazo de encontro cultural, no que compartir e disfrutar xuntos da boa lectura.

Faladoiro en corresponsabilidade II

23/Marzo/2026 Turismo, Investigación Social e Muller
• 

FICHA DE INSCRIPCIÓN

O Concello de Xove inicia novamente o trampeo antivelutina en todo o termo municipal.

20/Marzo/2026 Delegación de Agricultura
• 

Un ano máis, o Concello de Xove vén de iniciar a campaña de trampeo para a prevención da vespa velutina en todo o termo municipal.

Como en anos anteriores, a empresa SERPA é a encargada de levar a cabo tanto o trampeo como a monitorización e detección do avispón oriental ao longo dos 89 quilómetros cadrados que abrangue o municipio, co obxectivo de garantir unha cobertura eficaz en todas as zonas e previr a expansión desta especie invasora. Dende o Concello levase polo menos 6 anos con tratamentos preventivos e de trampeo para controlar e evitar a proliferación da vespa asiática.

A vespa velutina continúa a ser unha das principais ameazas para o sector apícola da zona, xa que ataca directamente ás abellas nos colmeares, provocando unha importante diminución da produción e afectando de maneira directa aos ingresos económicos dos apicultores locais.

Ademais, a empresa SERPA informou da posible chegada a Galicia de novas especies invasoras, detectadas xa no sur do país e que poderían avanzar cara ao norte. Por este motivo, e de maneira complementaria ao labor habitual contra a vespa velutina, desenvolverase no Concello de Xove un programa de monitorización experimental e específico co fin de detectar de forma temperá a presenza destas posibles novas especies e actuar de maneira preventiva; trataríase dun monitoreo preventivo de detección temprana de avispas invasoras (Orientalis e Bicolor).

Dende o Concello de Xove reitérase o compromiso coa protección do medio natural e co apoio ao sector apícola, fundamental para a economía local e a conservación da biodiversidade.

Taller de Yoga para adolescentes

20/Marzo/2026 Departamento de Servizos Sociais
• 

¿Tienes entre 12 y 17 años y quieres desconectar del estrés, conocerte mejor y sentirte más en calma? 

Te invitamos a un taller de yoga pensado especialmente para ti, donde combinaremos movimiento, respiración y relajación en un ambiente cercano y divertido.

• Beneficios: * Reduce el estrés y la ansiedad* Mejora la concentración* Aumenta la autoestima* Conecta contigo mism@
• Lugar: Casa del director Xove Galicia  .- Fecha: 28 de marzo  .- Plazas limitadas No necesitas experiencia previa, solo ganas de probar algo nuevo ✨
• Reserva tu plaza por mensaje directo o en 691235185     ¡Te esperamos para compartir este momento contigo!
• 

XXII Festa do Polbo o vindeiro Xoves Santo.

19/Marzo/2026 Departamento de Cultura e Comunicación
• 

O Concello de Xove colabora e patrocina un ano máis a celebración da XXII Festa do Polbo, unha cita gastronómica xa consolidada que organizan os hostaleiros da localidade e que ten como obxectivo poñer en valor un dos produtos máis representativos das nosas costas.

Nesta edición participarán oito locais de hostalería de Xove, que ofrecerán aos asistentes diferentes elaboracións de polbo para destacar a versatilidade e calidade deste produto tan apreciado na gastronomía galega. Os locais participantes son: Bar Pepe, Cafetería A Roda, Cociña, O Cabaliño, A Fuga, A Cívica, O Refugio e Cafetería Antoxo.

A festa terá lugar o vindeiro Xoves Santo, 2 de abril, a partir das 13:00 horas. Durante a xornada, os establecementos participantes servirán cazolas de polbo elaboradas de distintas formas a un prezo de 15 euros, co obxectivo de que veciños e visitantes poidan gozar deste manxar nun ambiente festivo.

A partir das 19 h. a xornada gastronómica estará tamén amenizada por membros da A.C. Saíñas e polo grupo de percusión da comparsa Habelas Hainas, de Barreiros, que percorrerán os locais participantes levando música e animación para contribuír ao ambiente festivo desta celebración.

Dende a organización, os hostaleiros convidan a veciños e visitantes a achegarse a Xove este Xoves Santo para desfrutar desta xornada gastronómica, que combina tradición, sabor e ambiente festivo nunha das citas culinarias destacadas da Semana Santa na comarca.

Na presentación do cartaz estiveron presente o alcalde Demetrio Salgueiro, a concelleira Mª Dolores Meitín e distintos representantes dos locais de restauración participantes, apostando pola calidade do produto e o bo facer da hostalería local.

1ª Charla para familias e docentes

18/Marzo/2026 Turismo, Investigación Social e Muller
• 

 Celebrada o 11 de marzo: Comunicación Consciente e Corresponsable.

Sesión en diferido da primeira charla en corresponsabilidade da programación do Concello de Xove para o 8M. Unha sesión dinámica onde compartimos e aprendimos ferramentas para mellorar a convivencia e a corresponsabilidade. As próximas charlas serán: o 25 de marzo (Organización, estudos e responsabilidade compartida), e o 8 de abril (Corresponsabilidade na educación sobre o uso das tecnoloxías). Para participar debe cubrirse a ficha de inscrición dispoñible no Concello de Xove.

XXXV Curso de Formación Orquestral

13/Marzo/2026 CONCELLO DE XOVE
• 

O XXXV Curso de Formación Orquestral aposta polo proxecto “Xente Miúda” na súa edición de Semana Santa en Xove.

A XXXV edición do Curso de Formación Orquestral está organizada pola Asociación Prestoxove e conta co patrocinio do Concello de Xove. Nesta edición participarán como profesorado convidado Carmen Varela, responsable da sección de violíns; Nara Carballal, á fronte das seccións de violas e violonchelos; Daniel Roca, encargado da sección de vento; e Barúk Domínguez, que traballará co alumnado da sección vocal do proxecto.A organización do curso mantén unha estrutura semellante á de anos anteriores. As mañás, en horario de 10:30 a 14:00 horas, estarán dedicadas aos ensaios seccionais e xerais de orquestra no colexio de Palmeiro. Polas tardes, de 16:00 a 19:00 horas, realizaranse ensaios de música de cámara, así como leccións maxistrais das distintas especialidades.

O Curso de Formación Orquestral está aberto a alumnado de corda, vento e canto, con diferentes niveis instrumentais, que desexe participar nesta experiencia formativa.

Como parte da programación, o martes 31 ás 18:00 horas terá lugar un concerto de música de cámara, no que o alumnado ofrecerá actuacións en diversas formacións. A clausura do curso celebrarase o mércores 1 de abril ás 18:00 horas coa representación do proxecto “Xente Miúda”, interpretado conxuntamente por todos os participantes. Éstes concertos levaranse a cabo no Salón de Actos do Centro Cívico de Xove, con entrada libre e gratuita para tódolos públicos.

A XXXV edición do Curso de Formación Orquestral incorpora este ano unha importante novidade, xa que o eixo central do programa será a preparación do proxecto musical “Xente Miúda”, que se combinará co traballo e a organización de diferentes grupos de música de cámara.

“Xente Miúda” é un proxecto que reúne un total de 15 cantigas da autoría de Nacho Fonseca, incluídas nun disco gravado baixo maqueta instrumental no ano 1988 polo alumnado da Escola Municipal de Música de Xove. Para esta edición do curso, as pezas foron revisadas, reescritas e arranxadas por Xan Carballal, adaptándoas ás características do alumnado actual que participará no curso.

O disco orixinal gravárase sobre unha maqueta instrumental e incluía a tradución ao galego dos textos, xa que a versión inicial estaba en asturiano. Agora, a recuperación deste proxecto supón unha actualización tanto musical como textual, pensada expresamente para o alumnado da escola. Ademais, “Xente Miúda” desenvolverase ao longo do ano en distintos formatos, coincidindo coa celebración do 40 aniversario da creación da Escola Municipal de Música de Xove.