CONCELLO DE XOVE

XVI Foliada da Mariña

12/Setembro/2024 CONCELLO DE XOVE
• 

Hoxe tivo lugar a presentación do cartaz da XVI Foliada da Mariña que organiza a AC Saíñas de Xove  e que vai ter lugar este vindeiro sábado 14 de setembro na praza do concello a partir das 20 horas.Na presentación estiveron os membros da directiva de Saíñas Jairo Miguez, Uxío Dayán e Noa López, acompañados  do alcalde Demetrio Salgueiro e a concelleira Dolores Meitín. 

Dende o Concello invitamos a veciños e foráneos a vir desfrutar desta foliada en moi boa compañía. 

XIII Encontro de Palilleiras Concello de Xove

04/Setembro/2024 Turismo, Investigación Social e Muller
• 

Aberto xa o prazo para inscribirse no

XIII Encontro de Palilleiras Concello de Xove

Dende a departamento de Muller e Igualdade do Concello de Xove informamos que xa está ABERTO o PRAZO ata o 30 de setembro para inscribirse no XIII Encontro de Palilleiras “Coas nosas mans” do Concello de Xove, que se celebrará en Xove o próximo 5 de outubro.

Poderán inscribirse tanto asociacións de palilleiras como postos de venda ata o 30 de setembro. Os vendedores e vendedoras só se poderán inscribir cubrindo a solicitude para postos de venda que encontrarán na web www.xove.es, e enviándo a ó correo electrónico Esta dirección de correo electrónico está protegida contra spambots. Usted necesita tener Javascript activado para poder verla.

As palilleiras, ademais de poder inscribirse no correo electrónico mencionado enchendo a solicitude que atoparán na web do Concello, poderán facelo tamén chamando ó teléfono no Concello: 982592001 ata o 30 de setembro.

• Solicitude Asociacións
• Solicitude postos de venta

Matricula Escola de Música 2024-2025

04/Setembro/2024 CONCELLO DE XOVE
• 

  Está aberto o prazo de solicitude de matrícula para o curso 2024-25 na Escola Municipal de Música de Xove dende o día 2 ata o día 30 de setembro para maiores de 4 anos ou que cumpran os 4 anos no ano 2024.

O impreso de solicitude poderase recoller no Rexistro do Concello ou descargala da web  e entregalo cuberto no mesmo Rexistro ou ben mediante Sede Electrónica do Concello de Xove como instancia xeral e adxuntando ficha de solicitude cuberta.

O día 3 de outubro facerase público o listado definitivo de admitidos na Escola Municipal de Música de Xove para o curso 2024-25. Para máis información: Esta dirección de correo electrónico está protegida contra spambots. Usted necesita tener Javascript activado para poder verla..

IMPRESO DE SOLICITUDE MATRICULA ESCOLA DE MÚSICA 2024-2025

Presentación das Festas de Portocelo 2024

03/Setembro/2024 CONCELLO DE XOVE
• 

Na presentación do cartaz estaban presentes os membros da comisión organizadora (Asociación de Festexos A Medorra): Jordi Meitín, Julio Lamelas e Borja Cociña, acompañados polo alcalde de Xove Demetrio Salgueiro e as concelleiras Dolores Meitín e Cecilia Duarte.

Actuación de Saiñas dentro do programa de Festas

03/Setembro/2024 CONCELLO DE XOVE
• 

 Actuación da Asociación Cultural Saíñas dentro da programación das festas de Xove o pasado sábado ás 20 horas nun pavillón municipal ateigado de xente.

O grupo invitado foi A.C. Os Trazantes de Tenorio, de Pontevedra.

Día da Infancia 2024

03/Setembro/2024 CONCELLO DE XOVE
• 

Rematamos onte as festas patronais de Xove 2024 co día da infancia.

Inchables enchían a carpa situada na praza e tamén no pavillón municipal para resgardarse ante o tempo inestable que tivemos durante as todas as festas.

Así e todo, os nenos e nenas puideron desfrutar dunha tarde de lecer no Centro Cívico de Xove.

Actuación do Mago Albert...

30/Agosto/2024 CONCELLO DE XOVE
• 

A pesar das inclemencias meteorolóxicas o mago Albert puido facer a sua función cambiando o seu escenario para o Salón de Actos, onde nenos e adultos puideron disfrutar da súa actuación.

Adxuntamos fotografías do Mago Albert  con “O mago Albert ten moito conto” que tivo lugar hoxe venres, ás 12 da mañá .

Remata o Programa Xove Concilia Verán

30/Agosto/2024 CONCELLO DE XOVE
• 

O PROGRAMA CHEGA Á SÚA FIN COA PARTICIPACIÓN DE 100 MENORES

O próximo 6 de setembro remata o programa de conciliación do Concello de Xove, Xove Concilia Verán. O Concello de Xove pon en marcha a medida Xove Concilia Verán para axudar á conciliación da vida familiar, laboral e persoal das familias de Xove durante o período de vacacións escolares. O programa comezou o pasado 1 de xullo e chegará ó seu remate o vindeiro 6 de setembro, cunha participación dun centenar de menores de idades comprendidas entre os 3 e os 10 anos.

Durante este período, e en horario de 8:45 a 14.00h., o programa traballou os valores, a igualdade e a xestión das emocións dos nenos e nenas.

Fixeron varias excursións á praia, traballaron con contos, contacontos, e con multitude de xogos. Así mesmo participaron en xogos deportivos e de motricidade, estes últimos para os máis pequenos, e asistiron a actividades ó aire libre: obras de teatro, funcións de maxia e contacontos.

Este venres, 30 de agosto, o Alcalde e as Concelleiras de Xove fixeron entrega dos diplomas de fin de curso á tódolos/as participantes do Xove Concilia Verán 2024.