La Xunta realizará cribados en Xove para frenar la transmisión del virus

Rally da Mariña Lucense 2020

11/Decembro/2020 CONCELLO DE XOVE
• 

TRAMO DE XOVE  (SÁBADO 11 DE DECEMBRO DE 2020)

Aberto o prazo de Solicitude de Arbores...

11/Decembro/2020 Delegación de Agricultura
• 

Pagamento das Axudas para os Autónomos de Xove

02/Decembro/2020 Departamento de Emprego e Desenvolvemento Local
• 

O Concello puxo en marcha hai uns meses unha serie de   medidas excepcionais co fin de paliar os danos producidos; enter estas medidas destacan as AXUDAS DESTINADAS A APOIAR AOS TRABALLADORES AUTÓNOMOS E MICROEMPRESAS para facer frente aos efectos originados polo estado de alarma con motivo do Covid-19. Establecéronse dous tipos, unha para establecementos obrigados ao peche e outra para os que – sen estaren obrigados a pechar- xustificasen unha reducción igual ou superior ao 40% dos seus ingresos en relación ao semestre anterior.

Inicialmente habíase previsto destinar 100.000 € a estas axudas, que serían ampliadas se fose necesario. Finalmente, estas axudas cuxa solicitude estivo aberta ata o 1 de setembro, supuxeron unha cantidade de 67.875 €, repartidos en 49 solicitudes aprobadas, cantidade que xa lle foi ingresada aos solicitantes.

Trátase dun esforzo importante do Concello por axudar a manter a súa estrutura económica, en especial aos traballadores autónomos e microempresas, duramente golpeados pola crise do Covid-19 e os seus demoledores efectos. Lóxicamente, isto compleméntase coa axuda que o Concello mantén aos traballadores de Alcoa e da continuidade da producción da mesma na nosa Comarca. A defensa dos postos de traballo é un obxectivo fundamental e irrenunciable para o Concello.

Papá Nöel e os Reis Magos máis cerca dos nosos nenos

25/Novembro/2020 Delegación de Agricultura
• 

 Que este ano está a ser complicado non é unha novidade. O Covid-19 trastocou as nosas vidas de tal maneira que temos que estar constantemente reiventándonos. Pois ben, a novos problemas, novas solucións. Unha das preocupacións de moitas familias, e por ende, de moitos nenos e nenas, vai ser a visita de Papá Noel e dos Reis Magos. Os protocolos da Covid-19 aféctannos a todos, e a Papá Noel e aos Reis Magos por suposto que tamén. Dadas estas circunstancias, dende o Concello de Xove -e pensando nas ilusións dos nosos miudos, nesas datas especiais que fan que para eles sexan uns días máxicos- imos ofrecerlle a todas as familias de Xove un novo servizo, novo e moi novedoso.

Dende o Concello poñemos a disposición de todas as nosas familias unha plataforma para que os nosos nenos poidan falar con Papá Noel e cos Reis Mago. Os pais que queiran que Papá Noel ous os Reis Magos chamen aos seus fillos, terán que acceder ao portal www.nadal2020.es, e concertar unha cita cos representantes de Papá Noel e dos Reis Magos, os cales, na data e hora indicada lle farán aos neno/s nena/s unha vídeochamada online, a través do WASAP.

   Inscricións para PAPÁ NOEL: do 25 de novembro ao 17 de decembro.

• • Inscricións para os REIS MAGOS: do 25 de novembro ao 29 de decembro.

   Pode ser que algún pai ou nai non teña wasap e non poida recibir a videochamada; pois ben, para que ningún neno/a  se quede sen poder falar con Papá Noel e cos Reis Magos, deberán chamar ao teléfono de información da plataforma 641 585 245, e dende ese teléfono facilitaránlle a ese pai ou esa  nai a maneira de que o neno/a poida falar con Papá Noel ou cos Reis. En todos os casos, a reserva de cita pode ser para Papá Noel, para os Reis Magos ou para ambos. Este servizo é de carácter totalmente gratuito para as familias, dado que os custos asúmeos o Concello.

 Dende o Concello de Xove, e máis concretamente dende a Concellería de Cultura, animamos a todos os pais e nais de Xove a entrar nesta plataforma www.nadal2020.es e pidan cita para que os seus fillos podan falar mediante videochamada con Papá Noel e cos Reis Magos. Se algún pai ou nan non pudiesen acceder a esta  plataforma, a través do teléfono 641 585 245 pódese arranxar o das chamadas aos nenos.

Plan de Acción e a Enerxía

25/Novembro/2020 CONCELLO DE XOVE
• 

O plan de Acción para o Clima e a Enerxía do Concello de XOVE é o instrumento polo cal o Concello de XOVE concretará as actuacións que levará a cabo co fin de reducir as emisións de gases de efecto invernadoiro no seu concello nun 40% tomando como ano de referencia para  o inventario de emisións do Concello o ano 2010 e como ano límite para acadar este compromiso o ano 2030.

• 1. Comprometer á mitigación do cambio climático a acadar: al menos un 40% de redución das emisións de CO2 para o ano 2030.
• 2. Inventariar as emisións de referencia en tres dos sectores considerados clave na produción de Gases de Efecto Invernadoiro: Municipal, Terciario, Residencial e Transporte.
• 3. Definir accións clave de mitigación previstas para poñer en marcha a estratexia xeral.
• 4. Comprender as áreas do ciclo de adaptación nas o Concello progresou dende a data de referencia 2010 ata a actualidade.
• 5. Avaliar os riscos e vulnerabilidades que ten o municipio como consecuencia do cambio climático.

Non á violencia de xénero

24/Novembro/2020 Departamento de Servizos Sociais
• 

Axudas á Agricultura polo COVID dende a Xunta de Galicia

05/Novembro/2020 Delegación de Agricultura
• 

AXUDAS SECTORES AGRARIOS DESFAVORECIDOS POLA CRISE DO COVID 19 

Fáise publico que a Xunta de Galicia publicou a ORDE do 28 de outubro de 2020 pola que se establecen as bases reguladoras da concesión das axudas temporais e excepcionais aos sectores agrarios máis desfavorecidos pola incidencia da crise do COVID-19, cofinanciadas polo Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e se convocan as axudas para o ano 2020 (códigos de procedemento MR436E e MR436F). 

Solicitude de Árbores e Plantas 2020

29/Outubro/2020 Delegación de Agricultura
• 

Ábrese en Xove o prazo para Solicitude 

A Concellería de Agricultura, Gandeiría e Montes do noso Concello abre o prazo para solicitar ÁRBORES FROITEIRAS, ÁRBORES FORESTAIS AUTÓCTONAS E PLANTAS ORNAMENTAIS. Trátase dunha iniciativa que a Concellería ven desenvolvendo dende hai anos co fin de mellorar o medio natural do Concello e o entorno das nosas vivendas. A esta iniciativa poden acudir todas as persoas que estén censadas no noso Concello.

   Como novidade este ano, tamén se abre esta solicitude a tódolos propietarios de parcelas ubicadas no noso término municipal que non estén censados en Xove, cuxas parcelas estén afectadas pola faixa de protección de incendios de núcleos rurais, vivendas, etc. Neste caso, estes propietarios só poderán solicitar ÁRBORES FORESTAIS AUTÓCTONAS

O prazo para solicitar é dende o 3 de novembro ao 30 de decembro, ámbolos dous días incluídos. As solicitudes haberá que facelas nas oficinas do Departamento de Agricultura en horario de oficina, de 9:00 a 14:00 horas.