X Concurso de Karaoke de Xove

15/Decembro/2022 Departamento de Cultura e Comunicación
• 

 . Xa está aberta a inscrición.-

Dentro do Programa de Nadal deste ano, un dos seus pratos fortes vai ser o CONCURSO DE KARAOKE, que este ano celebra a súa X edición o VENRES, 30 DE DECEMBRO NO PAVILLÓN MUNICIPAL DE DEPORTES.

Este Concurso presenta tres categorías: PEQUES para menores de 12 anos; IUNIOR de 12 anos ou máis e menores de 18; VETERANOS para maiores de 18 anos. As BASES, FICHA DE INSCRICIÓN e a RELACIÓN DE CANCIÓNS para participar pódense consultar nas Oficinas Xerais do Concello, no Departamento de Cultura e na Web do Concello. Tamén podemos enviar toda esta documentación por email (Bases, Ficha de Inscrición e Relación de Cancións), se así nolo solicitan.

A inscrición neste Concurso é de carácter totalmente gratuita. Pois ben, a inscrición xa está aberta. A mesma pódese facer de varias maneiras, ben presencialemente nas oficinas do Concello, máis concretamente na oficina do Técnico Municipal de Cultura en horario de oficina, ou ben por teléfono, chamando ao Concello; neste segundo caso a documentación haberá que aportala con posterioridade. Para a inscrición só se esixe unha copia do DNI do participante se este é maior de idade e, se é menor, unha focopia do DNI do pai, nai ou titor/a do mesmo.

A inscrición vai estar aberta con carácter xeral ata o xoves 29 de decembro. A inscrición vai estar aberta tamén o mesmo día de celebración do Concurso (venres 30), en horario de 17:00 a 19:00 horas no Pavillón Municipal, para os que inda queiran apuntarse.En canto aos premios do Concurso, temos 3 por categoría: dous premios á Mellor voz e 1 premio á Mellor caracterización

• • • PREMIOS:
    • Premio á “Mellor voz” : 2 premios de 60 euros
    • Premio á “Mellor caracterización”: 60 euros
    • IUNIOR
    • Premio á “Mellor voz”: 2 premios de 90 euros
    • Premio á “Mellor caracterización”: 90 euros
    • VETERANOS
    • Premio á “Mellor voz” : 2 premios de 150 euros
    • Premio á “Mellor caracterización”: 150 euros
    • En total son 900 €uros en premios en metálico.

E importante sinalar que o pago dos premios vaise realizar o mesmo día do Concurso, ao remate do mesmo; con isto queremos darlles facilidades aos premiados/as que veñan de fóra de Xove, para que non teñan que volver a desprazarse ata Xove para poder cobralo premio.

----BASES REGULADORAS CONCURSO KARAOKE 2022-----

Ficha inscricipción Mayores

Ficha inscripcion Menores

 LISTADO CANCIONES KARAOKE 2022-2023

Programación Nadal 2022-2023

07/Decembro/2022 CONCELLO DE XOVE
• 

Gala de Emprendemento 2022

07/Decembro/2022 Departamento de Emprego e Desenvolvemento Local
• 

Inscricion para cursos da Piscina Municipal de Xove 2023

02/Decembro/2022 CONCELLO DE XOVE
• 

A Escola Municipal de Natación pon en marcha un novo programa de Cursos de Natación para o ano 2023:

(Nivel Blanco – Amarelo – Verde – Azul – Vermello )

Actuación do gruo de teatro "Croa cos Chairos"

02/Decembro/2022 CONCELLO DE XOVE
• 

XXXIV TIRADA DE BOLOS - XXIII SUB 16 - XIV LIGA FEMININA (TEMPORADA 2022/2023)

01/Decembro/2022 CONCELLO DE XOVE
• 

 Tarde agradable e campo en perfectas condicións.

Liga Senior Masculina.- Importante victoria do líder e vixente campión. Coa súa victoria e os malos resultados dos seus inmediatos perseguidores, Miguel pon xa uunha importante distancia cos seus inmediatos perseguidores, e con 16 puntos sobre Javier Alonso pode afrontar as vindeiras tiradas con tranquilidade. Nas próximas tiradas veremos se Javier Alonso, Arturo López, Francisco Pérez,…poden seguir o ritmo de competición que está impoñendo Miguel, quen, menos na tirada do Cruceiro (5 de novembro) onde non puntuou, no resto quedou 1º ou 2º.

Liga Senior Feminina.- Nesta tirada Julia López volveuse humana, e foi superada por Belén Meitín e por unha gran Paula Campo, na súa mellor participación este ano.

A victoria de Belén aúpaa á segunda posición da táboa con 23 puntos, catro máis que Salomé Bermúdez, que ocupa a terceira posición con 19 puntos. Xa a unha distancia considerable temos a Concepción Piñeiro e Dolores Baño, con 9 puntos as dúas, Paula Campo con 7 e Carmen Roca con 6.

Liga sub 16.- Nesta Liga os Irmáns Cancelos Martínez, Jordi e Naia, siguen mandando na clasificación, xa que a súa regularidade participando en prácticamente todas as tiradas, fai que manteñan unha cómoda ventaxa. Pero bueno, Naia Cancelos está pisándolle os talóns ao seu irmán, a un só punto do liderato, razón polo cal esperamos un importante duelo pola cabeza entre eles nas vindeiras semanas.

   Para potenciar a participación nesta categoría a Concellería de Deportes do Concello de Xove, xunto co Departamento de Educación Física do Colexio Pedro Caselles Rollán, estamos celebrando unhas Xornadas de Promoción do Bolos para todos os alumnos/as do Colexio Pedro Caselles. Das tres xornadas previstas xa se celebraron as dúas primeiras, o martes 29 de novembero (cursos 1º e 2º de Educación Primaria), xoves 1 de decembro (3º e 4º) quedando por celebrar a terceira o vindeiro mércores 7 de decembro (5º e 6º).

A vindeira tirada do sábado 3 de decembro vaise desenvolver NO CENTRO SOCIAL DE MORÁS.

XORNADAS DE PROMOCIÓN DOS BOLOS EN XOVE 2022

29/Novembro/2022 Departamento de Cultura e Comunicación
• 

Un ano máis, e xa coa XXXIV Tirada de Bolos Concello de Xove en marcha, o Concello, a través da súa Concellería de Deporte, xunto co Colexio Pedro Caselles Rollán de Xove, organizan unhas XORNADAS destinadas a promocionar o xogo dos bolos para os alumnos/as do colexio.

   As xornadas, que comezaron hoxe, vanse desenvolver do seguinte xeito:

• • HOXE, MARTES, 29 DE NOVEMBRO DO 2022 (10:45 a 12:30 horas): 1º e 2º de EP.
  • XOVES, 1 DE DECEMBRO DO 2022 (12:30 a 14:15 horas): 3º e 4º de EP.
  • MÉRCORES, 7 DE DECEMBRO DO 2022 (12:30 a 14:15 horas): 5º e 6º de EP.

Estas Xornadas, que veñen celebrando dende hai varios anos, contan coa colaboración do Departamento de Educación Física do Colexio Pedro Caselles, neste caso co profesor Jacobo Varela e outros profesores, a quen lles damos as grazas pola colaboración prestada para organización destas actividades.  As xornadas teñen unha doble vertente, con explicacións teóricas a cargo do Técnico de Cultura Mario Eijo, e unha parte práctica a cargo do veterano xogador José González Rodríguez, quen se vai a encargar de explicarlles de forma práctica como se tira, como hai que coller a bola, etc.

O obxectivo destas Xornadas, amáis da promoción deste deporte en sí, é o de incorporar novos xogadores/as á Liga de Bolos Municipal, dado que hai uns anos tivemos un baixón no número de xogadores ao retirarse moitos dos vellos xogadores e non haber relevo; debido a isto, o Concello hai 22 anos decidiu crear unha Liga Sub 16 co fin de ir preparando xogadores/as que puideran cubrir as vacantes producidas polas citadas retiradas de vellos xogadores.Lóxicamente, por idade, os mellores sitios onde se poderían atopar novos xogadores serían os centros educativos, neste caso o CEIP Pedro Caselles.

Becas e Axudas ó Estudo 2022/2023

10/Novembro/2022 Departamento de Servizos Sociais
• 

Ponse en coñecemento de todas as persoas interesadas que o prazo para solicitar as becas e axudas ao estudo para o curso 2022/2023 será ata o 29 de novembro de 2022.

AS SOLICITUDES TRAMÍTANSE NO DEPARTAMENTO DE SERVIZOS SOCIAIS DO CONCELLO (982 592001 -ANA/MARÍA)

Documentación a presentar para solicitar Bolsas e Axudas ao estudo segundo as bases vixentes:

• • Solicitude, declaración doutras axudas obtidas para a mesma finalidade e certificación acreditativa do cumprimento dos requisitos, obrigas e condicións necesarias para a obtención da bolsa (facilitaranse os modelos normalizados no Departamento de Servizos Sociais ou na Sede Electrónica do Concello).
  • Fotocopia do DNI do solicitante.
  • Fotocopia do Libro de Familia.
  • Certificado ou acreditación de estar matriculado/a nos estudos para os que se solicita a axuda.
  • Notas acadadas no curso 2021/2022, con excepción de educación infantil e primaria.
  • Fotocopia compulsada da Declaración da Renda de todos os membros maiores de idade da unidade familiar ou certificado negativo de Facenda ou calquera outro documento acreditativo dos ingresos familiares (nóminas, certificacións de empresas, pensións,...).
  • Certificación expedida pola entidade bancaria no que conste o  número de contra e titular da mesma.

DOCUMENTACIÓN

• • 01-SOLICITUDE
  • 02-DECLARACION OUTRAS AXUDAS
  • 03-DECLARACION REQUISITOS
  • 04-DECLARACION RESPONSABLE 
  • --- > BASES REGULADORAS

NO CASO DE QUE DESEXE FACER A PRESENTACIÓN DA SOLICITUDE A TRAVES DA SEDE ELECTRONICA (con Certificado Dixital ou CLAVE) UTILICE A INSTANCIA XERAL E ADXUNTE A DOCUMENTACIÓN.  -----> ENLACE -->