“CONECTA CO MEDIO AMBIENTE ” no Concello de Xove.

09/Agosto/2021 Oficina Municipal Información Xuvenil oix@xove.es
• 

Este luns, 9 de agosto, ás 10 da mañá nunha aula do Centro Xuvenil do Concello de Xove e dentro do programa “Conecta co Medio Ambiente”, incluído na programación de verán da Concellería de Xuventude, tivo lugar un obradoiro de trampeo antivelutinas, que correu a cargo de José María Vázquez, da empresa SERPA, especializada na materia.

O ponente explicoulle aos rapaces a importancia de eliminar os nidos para así chegar a minimizar o impacto da praga e ensinoulles a facer trampas caseiras partindo dun envase de plástico reutilizable.

ESCALADA CON ROQ SPORT 2021

05/Agosto/2021 Oficina Municipal Información Xuvenil oix@xove.es
• 

Hoxe día 5 de agosto fomos facer escalada. Ás 10:30 horas, 20 rapaces e rapazas de Xove de idades comprendidas entre os 10 e 16 anos desprazáronse ao rocódromo do pavillón municipal de Viveiro acompañados polas técnicas de xuventude Silvia Rodríguez Barreiro e Mónica López Sanjurjo xunto co grupo de voluntariado xuvenil que participa no programa “Conect@ co Voluntariado”.

Esta viaxe está organizada pola Oficina de Información Xuvenil do Concello de Xove dentro do programa de actividades do verán “Conect@ Verán ”.

Escola de Ximnasia.- Solicitude de reservas plazas 2021

04/Agosto/2021 Concellería de Deporte e Turismo
• 

SOLICITUDE RESERVA PLAZA ESCOLA DE XIMNASIA 2021

“CONECTA COA CULTURA” no Concello de Xove.

03/Agosto/2021 Turismo, Investigación Social e Muller
• 

CONECTA COA CULTURA

Este luns, 2 de agosto, ás 11 da mañá o Concello de Xove dentro do programa “Conecta coa Cultura”, incluído na programación de verán da Concellería de Xuventude propuxo unha obra de Raquel Queizas titulada O segredo do tendal que tivo lugar na praza das árbores, con aforo limitado e seguindo as normas de prevención ante o covid-19.

 A protagonista contanos que preparou este espectáculo para presentar a tradición oral á nova xeración de nativos dixitais e que se inspirou nas lembranzas de moitas tardes escoitando as historias de súa avoa mentres tendían a roupa ao sol de agosto.

RAPEL CON ROQ SPORT 2021

23/Xullo/2021 Oficina Municipal Información Xuvenil oix@xove.es
• 

Seguimos coas actividades de aventura en plena natureza, hoxe día 22 de xullo tocou rapel. Ás 10:30 horas, 25 rapaces e rapazas de Xove de idades comprendidas entre os 10 e 16 anos desprazáronse ao monte San Roque de Viveiro ás instalacións de Roq Sport acompañados polas técnicas de xuventude Silvia Rodríguez Barreiro e Mónica López Sanjurjo xunto co grupo de voluntariado xuvenil que participa no programa “Conect@ co Voluntariado”, para aprender a descender rapeleando unha parede con seguridade ante a atenta mirada dos monitores.

Esta viaxe está organizada pola Oficina de Información Xuvenil do Concello de Xove dentro do programa de actividades do verán “Conect@ Verán ”.

ORIENTACIÓN CON ROQ SPORT 2021

15/Xullo/2021 Oficina Municipal Información Xuvenil oix@xove.es
• 

Hoxe, día 15 de xullo, ás 10:30 horas, 24 rapaces e rapazas de Xove de idades comprendidas entre os 10 e 16 anos desprazáronse ao monte San Roque de Viveiro ás instalacións de Roq Sport acompañados polas técnicas de xuventude Mónica López Sanjurjo e Silvia Rodríguez Barreiro xunto co grupo de voluntariado xuvenil que participa no programa “Conect@ co Voluntariado”, para realizar unha actividade de orientación en plena natureza onde deberán guiarse con un mapa e un compás para localizar os puntos marcados.

Esta viaxe está organizada pola Oficina de Información Xuvenil do Concello de Xove dentro do programa de actividades do verán “Conect@ Verán”.

Actividades con “A Balea Verde” 2021

13/Xullo/2021 Oficina Municipal Información Xuvenil oix@xove.es
• 

    Hoxe,  día  13  de  xullo,  ás  10:30  horas,  22  rapaces  e  rapazas  de  Xove  de   idades comprendidas entre  os  10  e 16  anos  desprazáronse ata o Portiño   de   Moras,   onde   están   situadas   as   instalacións   de   “A   Balea   Verde”,   acompañados  polas  técnicas  de  xuventude  Silvia  Rodríguez  Barreiro  e   Mónica   López   Sanjurjo   xunto   co   grupo   de   voluntariado   xuvenil   que  participa  no  programa  “Conect@  co  Voluntariado”,  para    gozar  dunha  mañá  ao  aire  libre  facendo  unha  ruta  de  sendeirismo  pola  costa,  unha  saída en kayaks  e para rematar, fomentando entre a mocidade o respecto  e  coidado  do  medio ambiente,  fixemos  limpeza  da  praia. 

Esta  viaxe  está  organizada  pola  Oficina  de  Información  Xuvenil  do  Concello  de  Xove  dentro do programa de actividades do verán “Conect@ Verán ”.  

Recepción do Alcalde ó Equipo Xuvenil SD Xove FS

12/Xullo/2021 CONCELLO DE XOVE
• 

O equipo xuvenil da SD XOVE FS foi recibido este venres no CONCELLO DE XOVE polo Alcalde Demetrio Salgueiro. O rexidor xovense felicitou aos xogadores, técnicos e directivos do clube polo titulo de campións de PRIMERA GALICIA JUVENIL E POLO ASCENSO Á LIGA GALLEGA. O equipo conseguíu o ascenso á liga autonómica ó quedar na primeira posición do seu grupo e o título de campión ó imporse na final en Naron ó Emdem Futsal de A Coruña.

Dende o clube, dar as grazas como siempre ao CONCELLO DE XOVE polo seu apoio, sen o cal todos estos éxitos non serían posibles. Intentaremos formar un bon equipo para poder competir na categoría autonómica que será todo un reto para o clube e para os nosos xogadores.