Escaparate de Xove

23/Outubro/2020 Departamento de Emprego e Desenvolvemento Local
• 

• •  Unha iniciativa promocional do Empresariado de Xove
• ESCAPARATE DE XOVE sae hoxe á luz ofrecendo  interesantes produtos e servizos. Esta plataforma xa conta con 55 empresas rexistradas, 26 ofertas e promocións e tamén con oportunidades de emprego.
• ESCAPARATE DE XOVE é unha plataforma que quere unir todas as empresas e profesionais do municipio, amosando os seus produtos e servizos e actuando coma un centro comercial unificado.
• ESCAPARATE DE XOVE nace para potenciar os puntos fortes do empresariado de Xove, aproveitando a súa unión e capacidade de organización, o apio do Concello e as posibilidades que ofrece a dixitalización.
• ESCAPARATE DE XOVE ten como obxectivos:
  • Amosar á clientela as vantaxe do consumo local que ofrece o noso empresariado
  • Impulsar as relacións comerciais entre as empresas e coa clientela incrementando a súa presenza na Internet
  • Facilitar unha canle de comunicación para a oferta e a demanda de emprego
  • Atraer a novas iniciativas empresariais

Será unha plataforma viva que cada empresa poderá actualizar a diario, nela veremos os datos principais  de cada negocio: o seu lema, a súa ubicación, como acceder ao servizo de venta en liña, entrega a domicilio, ofertas e promocións e se aceptan curriculos vitae.

ESCAPARATE DE XOVE ofrece un MAPA DE OFERTAS e promocións, é dicir, que poderás ver nun único link as ofertas de todo o municipio. Entra e descubre estas promocións. Hoxe podes atopar unha grande variedade: descontos e bonos de tratamentos de beleza; descontos en alugueiro de carpas para celebracións; cestas de Nadal personalizadas; envíos gratuítos de compras en liña; descontos en actividades de formación; Eurovales, vales descontos e vales de 20€ en roupa; ofertas de perruquería; cartas especiais de fin de semana en restaurantes; promoción de lavados de vehículos; descontos en combustibles; vehículos KM0; mobles; ofertas en supermercados; descontos en material escolar e libros; descontos en seguros médicos; seguros de vivenda; descontos en limpezas de portais; descontos en xerseis de inverno; ofertas de moldes de forno; flores artificiais; regalos de señalización REC FLASH; promoción de aloxamento de fin de semana,... ATA 26 OFERTAS E PROMOCIÓNS.

No seu primeiro día de andaina, esta plataforma xa conta con 55 empresas, conviven empresas de todas as actividades, algunhas moi antigas e outras recén creadas:

• O CAMILO CARPINTERÍA
•  A BALEA VERDE-ACTIVIDADES DE OCIO
•  ACOSTA MUEBLE

 (...)

Leer más:Escaparate de Xove

Concurso Fotografía Medioambiental 2020

22/Outubro/2020 Departamento de Cultura e Comunicación
• 

Acta do xurado do VII Concurso de Fotografía Medioambiental “Xove, A Súa Costa e o Seu Mar”

    En Xove, a 1 de outubro de dous mil vinte, sendo as 12:00 horas, reúnese no despacho do Técnico Municipal de Cultura o Xurado do VII Concurso de Fotografía Medioambiental “Xove, a súa costa e o seu mar” organizado pola Concellería de Cultura do Concello de Xove, Xurado formado polos fotógrafos xovenses Dº Santos Cordovilla Rodríguez e Dº Guillermo de Pazos Sánchez do Colectivo de Fotógrafos de Xove, e o fotógrafo e pintor Dº Enrique Toral Orbea, actuando como Secretario o Técnico Municipal de Cultura e Comunicación do Concello Dº Mario Eijo Barro.

   Procedemento de avaliación:

   Antes de comezar a avaliación das distintas fotografías presentadas, o Secretario procedeu a numerar polo exterior os sobres presentados, realizando unha correlación en orde ao seu rexistro de entrada no Concello. De seguido, o Secretario foi abrindo os sobres, un por un, comezando polo nº 1 e seguindo a correlación anterior. A continuación, os membros do xurado foron visionando e avaliando as fotografías dos traballos presentados na orde citada. Unha vez que o xurado tivo decidido cales foron as fotografías merecedores dos premios convocados, por parte do Secretario, e tendo en conta as “fichas de autoría”, procedeuse a porlle nome aos autores/as das fotografías premiadas.

   Rematado o proceso de avaliación, o Xurado acorda conceder os seguintes premios:

Premiados:

• Primeiro premio de 120 €uros: Dº EMILIO PÉREZ VÁZQUEZ coa obra “COÍDO“.
• Segundo premio de 100 €uros: Dº PABLO FERNÁNDEZ FRÁ coa obra “ENERXÍA LIMPIA“.
• Terceiro premio de 90 €uros: Dº ANTONIO HERRERA HUERTA coa obra “RAMPA DE LA BALLENERA“.
• Cuarto premio de 75 €uros: Dº GERMÁN PALEO NAVARRO, coa obra “CABO MORÁS“.
• Quinto premio de 65 €uros: Dº JUAN ANTONIO FERNÁNDEZ VÁZQUEZ, coa obra “ XUNTOS“.

   E para que conste aos efectos oportunos, unha vez rematado o traballo de selección dos premios, asinamos a presente Acta en Xove, sendo as 14:00 horas do un de outubro de dous mil vinte.

BECAS E AXUDAS AO ESTUDO CURSO 2020/2021

21/Outubro/2020 Departamento de Servizos Sociais
• 

Ponse en coñecemento de todas as persoas interesadas que o prazo para solicitar as becas e axudas ao estudo para o curso 2020/2021 abarcará DO 20 DE OUTUBRO AO 09 DE NOVEMBRO DE 2020

Documentación a presentar para solicitar Bolsas e Axudas ao estudo segundo as bases vixentes:

•  Solicitude, declaración doutras axudas obtidas para a mesma finalidade e certificación acreditativa do cumprimento dos requisitos, obrigas e condicións necesarias para a obtención da bolsa (facilitaranse os modelos normalizados no Departamento de Servizos Sociais ou na Sede Electrónica do Concello).
•  Fotocopia do DNI do solicitante.
• Fotocopia do Libro de Familia.
• Certificado ou acreditación de estar matriculado/a nos estudos para os que se solicita a axuda.
• Notas acadadas no curso 2019/2020, con excepción de educación infantil e primaria.
• Fotocopia compulsada da Declaración da Renda de todos os membros maiores de idade da unidade familiar ou certificado negativo de Facenda ou calquera outro documento acreditativo dos ingresos familiares (nóminas, certificacións de empresas, pensións,...).
• Certificación expedida pola entidade bancaria no que conste o  número de contra e titular da mesma.

                                      ANEXOS                                                     

     DOCUMENTACION NECESARIA

• • • SOLICITUDE BECAS
    • DECLARACION RESPONSABLE
    • DECLARACION REQUISITOS
    • DECLARACION OUTRAS AXUDAS

NO CASO DE QUE DESEXE FACER A PRESENTACIÓN DA SOLICITUDE A TRAVES DA SEDE ELECTRONICA (con certificado dixital ou CHAVE365)
UTILICE A INSTANCIA XERAL E ADXUNTE A DOCUMENTACIÓN.  -----> ENLACE -->

Presentación de ... "ESCAPARATE DE XOVE"

09/Outubro/2020 Departamento de Emprego e Desenvolvemento Local
• 

ESCAPARATE DE XOVE é unha plataforma que unirá todas as empresas e profesionais do municipio, amosando os seus produtos e servizos e actuando coma un centro comercial unificado.

Onte no Salón de Actos tivo lugar unha reunión de traballo presentada polo Alcalde José Demetrio Salgueiro Rapa e na que Ruth Paz, directora técnica da empresa PROCAT explicou as caracteristas, funcións, utilidades e a forma na que rexistrarse na plataforma.

ESCAPARATE DE XOVE nace para potenciar os puntos fortes do empresariado de Xove, aproveitando a súa unión e capacidade de organización, o apio do Concello e as posibilidades que ofrece a dixitalización que  ten como obxectivos:

• Amosar á clientela as vantaxe do consumo local que ofrece o noso empresariado
• Impulsar as relacións comerciais entre as empresas e coa clientela incrementando a súa presenza na Internet
• Facilitar unha canle de comunicación para a oferta e a demanda de emprego
• Atraer a novas iniciativas empresariais

TODAS AS EMPRESAS E PROFESIONAIS DO MUNICIPIO poden formar parte desta plataforma, para obter máis información deben poñerse en contacto con Rosa Lage, a axente de emprego e desenvolvemento local do Concello de Xove.

O próximo día 20 de outubro estará en funcionamento e desvelaremos todo o seu contido

CONTACTO: Rosa Lage, AEDL do Concello de Xove (982 59 20 01 –Ext: 246).

ITV VEHICULOS AGRÍCOLAS 2020

07/Outubro/2020 Delegación de Agricultura
• 

O XOVES 5 DE NOVEMBRO DE 2020, realizarase a ITV DE VEHÍCULOS AGRÍCOLAS en Xove, diante do Cuartel da Garda Civil (Xove).

HORARIO:   9:00 h a 13:30 h   ---- 15:15h a 18:00h.

• • PODE SOLICITAR CITA PREVIA: Por teléfono: 902 30 90 00     A través da páxina web:   www.sycitv.com - Cita previa

Revisión do Inventario de Camiños Municipais

05/Outubro/2020 CONCELLO DE XOVE
• 

BANDO

D. JOSÉ DEMETRIO SALGUEIRO RAPA, Alcalde Presidente do Concello de Xove

Polo presente comunicase que o vindeiro venres día 9 de octubro de 2020, entre as 9:00 e as 14:00 da mañana, o persoal da empresa PROCAT INGENERIA Y MEDIOAMBIENTE encargada da realización dos traballos de REVISIÓN DO CATÁLOGO DE CAMIÑOS MUNICIPAIS INCLUÍDOS NO INVENTARIO DE BENS E DEREITOS DE TITULARIDADE MUNICIPAL, estarán ao dispor de todos os veciños/as de Xove no Salón de Plenos da Casa do Concello ós efectos de facilitar calquera información que sexa solicitada, resolver dúbidas e mesmo recibir suxerencias sobre o traballo realizado.

Como consecuencia do protocolo COVID 19 prégase que os veciños/as interesados comuniquen telefónicamente a súa intención de asistir ( 982 592001 ) ós efectos de asignarlles unha hora concreta a fin de evitar aglomeracións.

O ALCALDE,

Campionato de España Xuvenil de Bolos

22/Setembro/2020 Departamento de Cultura e Comunicación
• 

O club de Bolos Xove sigue en racha.---> A finais de agosto pasado celebramos os éxitos do Club de Bolos Xove no Campeonato de España Femenino. Pois ben, continuando con esta racha victoriosa, o Club de Bolos Xove acaba de conseguir uns excelentes resultados na categoría Xuvenil no Campeonato de España celebrado este pasado fin de semana, concretamente os dias 19 e 30 de marzo, na localidade asturiana de Navelgas.

 O Club de Bolos Xove só participou con 3 xogadores neste campionato, iso sí, os tres de altísimo nivel, tal como se demostrou ao final. Estes xogadores foron Xenxo Salgueiro, Javier Alonso e a xogadora Julia López, esta última vixente Campeona de España en categoría absoluta feminina.A participación de Julia nestes campeonatos débese a que o reglamento dos mesmos perminten a participación mixta, dahí que Julia tivo a oportunidade de medirse ao resto dos participantes, todos de categoría masculina. Hai que decir que no xogo de bolos, polo menos nas categorías inferiores, non se nota tanto a diferenza entre homes e mulleres, xa que os perfís físicos inda non está totalmente definidos.

 Categoría individual: A participación de Julia foi excelente, chegando a semifinais, sendo batida polo seu compañeiro de equipo Javier Alonso. Inda así, na pelexa pola 3º posto, Julia impúxose ao actual campión galego da categoría Ismael Torres. A final enfrentou a Javier Alonso enfrentouse a Cristian Prieto do Club Frouxais de Ourense, quen finalmente se acabou impoñendo. Pero bueno, o segundo posto de Javier e o 3º de Julia consideramos que é un éxito extraordinario dado o nivel dos participantes. Nesta categoría individual tamén particpou o noso xogador Xenxo Salgueiro, pero os nervos desta súa primeira participación no Campeonato de España fixeron que non puidera clasificarse entre os 8 primeiros.

Categoría por parellas.-  Pero bueno, Xenxo desquitaríase no campeonato por parellas, onde formou parella coa súa compañeira de equipo Julia López, proclamándose brillantemente campións de España por parellas, impoñéndose por un rotundo 4-0 e 4-1 na final. Pola súa banda, Javier Alonso, formando parella con Iker Alonso, acadou o 3º posto final por parellas.

   En fin, un fin de semana redondo para o Club.

Reapertura da Piscina Municipal

04/Setembro/2020 CONCELLO DE XOVE
• 

* REAPERTURA POSTCOVID-19 PISCINA MUNICIPAL DE XOVE *

DIA: Luns día 7 de Setembro.

SERVIZO:     Baño Libre, por franxas horarias.

FORMA DE ACCESO:

• Reserva con Cita Previa (por teléfono).
• Reserva con Cita Previa (presencial)
• Máximo 1 reserva persoa/día

TELEFONO DE RESERVAS E HORAS DE ATENCIÓN:

609 13 43 20     (DE 10:00h a 13:30h / 16:30h. a 21:30h)

FRANXAS HORARIAS: (Luns a Venres)

• Sesión de mañá:   9:30h. ----- 11:00h.       ----- 12:30h.   (péchase as 14:00h.)
• Sesión de tarde:   16:00h ----- 17:30h. ----- 19:00h. -----20:30h.   (péchase as 22:00h.)
• Sábados(sesión mañá): 10:00h. ----- 11:30h.       ----- 13:00h.   (péchase as 14:00h.)

           Nº de USUARIOS POR FRANXA:  

• Mínimo 12 persoas (de forma individual)
• Máximo 15 persoas (con un núcleo familiar)

           DISTRIBUCIÓNS EN VESTUARIOS:  

• A: 4 persoas
• B: 4 persoas
• C: 3 persoas
• D: 1 persoa   ou   Núcleo familiar 4 persoas.

NORMAS COVID-19:

• Uso obrigatorio de mascarilla en toda a instalación.
• Uso de xél hidroalcohólico.
• Distancia interpersoal de 2 m.
• Desprazamentos en pasillos pola dereita.