Aberto o prazo para solicitar árbores autóctonos e frutais 2016

21/Outubro/2016 Delegación de Agricultura
• 

O Concello de Xove, a través da Concellería de Agricultura, Gandeiría e Montes, acaba de ABRIR  O PRAZO para SOLICITAR ÁRBORES FROITEIRAS, FORESTAIS E PRANTAS DE XARDÍN.  Este prazo abreuse  onte, luns 24 de outubro e rematará o vindeiro 30 de decembro do presente ano.

Tódalas persoas do Concello que queiran solicitar árbores ou prantas, o poden facer  no Departamento de Agricultura en horario normal de oficina. 

Escola de Natación de Xove (apertura de plazo inscripcións)

20/Outubro/2016 Concellería de Deporte e Turismo
• 

A Escola de Natación de Xove, abre o PRAZO DE INSCRICIÓN para os Cursos para o vindeiro ano 2017.  En total ofertaranse 750 prazas para todo o ano, nos distintos niveis de iniciación e perfeccionamento a natación, tanto para nenos, como para adultos.

XXIV Festa da Terceira Idade en Xove

18/Outubro/2016 Departamento de Servizos Sociais
• 

A FESTA DA TERCEIRA IDADE,  que xa vai pola súa XXIV edición, vai dirixida ás persoas pensionistas maiores de 60 anos (xubilados) cos seus cónxuxes ou parellas do noso Concello. Ata hoxe martes 18 de outubro está aberto o prazo para apuntarse, o cal poden facer no Departamento de Servizos Sociais en horario de oficina do Concello. A mesma vai desenvolverse o VENRES 21 DE OUTUBRO con actividades ao longo de todo o día, con arranxo ao seguinte programa.

• • 12:30 horas.- Misa no Salón de Actos do Centro Cívico, acompañada por un Cuarteto de Cordas da Escola Municipal de Música.
  • 14:00 horas.- Xantar no Restaurante Louzao de Area.

Unha vez rematado o xantar, por parte do Concello, vaise facer entrega dun agasallo aos máis maiores da Festa, home e muller. Posteriormente tódolos participantes van disfrutar dun baile. O Concello, o mesmo que en edicións anteriores, pon autobuses gratutitos a disposición de tódolos participantes que así o queiran, tanto para ida como para o retorno.

Rematadas as obras de “Mellora de accesos a explotacións agrarias do Concello de Xove”

10/Outubro/2016 Departamento de Obras
• 

Xa foron rematadas as obras de “Mellora de accesos a explotacións agrarias do Concello de Xove” (PEIM 2016) executadas en Labradela e Carballás por importe de 71.980,00 euros e financiadas pola Axencia Galega de Desenvolvemento Rural ao abeiro da resolución de 25 de xaneiro de 2016 e o Concello de Xove.

A Escola de Maiores de Xove comezou o curso 16/17

05/Outubro/2016 Departamento de Servizos Sociais
• 

Un ano máis o Departamento de Educación Familiar puxo en marcha a Escola de Maiores cun total de 42 persoas anotadas. A Escola no só ten unha finalidade de acadar e reforzar coñecementos, senón tamén unha función social (fomentar as relacións sociais), psicológica (mellorar a autoestima) e de saúde (fomentar hábitos de vida saudable). Na escola tamén se aproveita para que os alumnos desenvolvan as súas potencialidades e capacidades.

A Escola está divida en 3 grupos segundo o nivel de coñecementos dos participantes: Un grupo para persoas que xa teñen unha certa preparación e un segundo grupo intermedio para persoas con coñecementos moi básicos e  un terceiro grupo para persoas con mínimos coñecementos. A Escola comezou o pasado 3 de outubro  e rematará as súas actividades a mediados de xuño, coas vacacións correspondentes de Nadal, Entroido e Semana Santa. 

A idade dos alumnos/as está comprendida entre os 60 e os 88 anos. Esta Escola compleméntase cun taller de memoria que se realiza despois de rematado o curso,  durante  o mes de xullo, como acto final. Dentro das actividades programadas, durante o ano realizan varias excursións de tipo cultural ao exterior, actividades dun día  por Concellos de Galicia e Asturias. Tamén asisten a charlas e outras actividades complementarias de interese: charlas médicas, información sobre cuestións de seguridade impartidas pola Guardia Civil, etc.

Novas do Plan de Emprego Municipal

04/Outubro/2016 Departamento de Emprego
• 

Festa do Ramo no Alto Do Cruceiro- Xuances

29/Setembro/2016 Departamento de Cultura e Comunicación
• 

Esta Festa está organizada pola ASOCIACIÓN CULTURAL E DE FESTEXOS "ALTO DO CRUCEIRO", da cal formamos parte e, organizamos por undécimo ano consecutivo a FESTA DO RAMO, a cal terá lugar o venres 30 de setembro e o sábado 1 de outubro, no Alto do Cruceiro. Antes de seguir con outras cousas, decir que esta festa a recuperamos despois de 16 anos sen celebrarse. O lugar de celebración será no CAMPO DA FESTA "ONOFRE LOUZAO", un recinto inaugurado hai un par de anos en honra a Don Onofre Louzao, máximo promotor desta festa e falecido hai 3 anos. Este recinto está ubicado nas inmediacións do centro social do Alto do Cruceiro, a uns 150 metros da estrada nacional Viveiro-Ribadeo, polo que acceso á mesma é moi fácil e sinxelo. Inda que esperamos e desexamos con todas as nosas forzas ter uns bos días climatolóxicos, pode que non sexa así, polo que dispoñemos DUNHA GRAN CARPA. Para unha maior comodidade dos visitantes dispoñemos de amplos aparcamentos no entorno do campo da festa.- 

En canto ó amplo programa de actividades, destaca a celebración da FESTA DOS CALLOS, no seu DÉCIMO ANIVERSARIO, e que terá lugar o venres 30 de setembro a partires das 8 da tarde. Trátase dunha festa gastronómica, dun producto tan noso como son os callos, e a proposta que lles facemos é a seguinte: os participantes, polo módico prezo de 5 €uros, van poder degustar dunha abundante ración de callos, pan e viño. En total contaremos con máis de 1000 racións, as cales esperamos que se agoten. Para conseguir estas racións, no mesmo lugar da festa contamos cun posto onde os visitantes van poder adquirir tickets por valor de 5 €uros, cos cales despois cambiarán polas conseguintes racións de callos. Co estómago ben cheo, remataremos a Festa cun bo programa de baile a partires das 11 da noite, amenizado pola orquestra COSTA OESTE e L.BAN DJ

En canto ó programa de actividades previsto para o sábado 1 de outubro temos:   Ás 13:00 horas: Misa Solemne e Procesión,  Ás 14:00 horas: Sesión Vermú a cargo do GRUPO PEKADOS,  Ás 18:00 horas: Partido solteiros contra casados, no campo anexo ó da Festa,   Ás 22:30 horas: Verbena co GRUPO PEKADOS e a ORQUESTRA TELEVISIÓN.- Para rematar, a Comisión quere darlle as grazas a todas a s persoas, institucións, empresas, etc. que, de forma desinteresada, colaboran coas nosas Festas: Concello de Xove, comercios da zona e un especial agradecemento para os nosos veciños.

Clausura da X Semana de Seguridad de Alcoa na Mariña

22/Setembro/2016 Departamento de Cultura e Comunicación
• 

Hoxe, ás 13:30 horas no Salón de Actos do Centro Cívico de Xove, o alcalde  Demetrio Salgueiro, acompañado polo alcalde de Cervo e membros de Alcoa, clausurou a X SEMANA DE SEGURIDAD DE ALCOA EN A MARIÑA. Como acto final, Alcoa donoulle a cada concello un desfibrilador.