Festas de Lago 2026

16/Xullo/2026 CONCELLO DE XOVE
• 

Lago xa está preparado para vivir as súas festas patronais. Os días 17, 18 e 19 de xullo, no Campo da Festa de Lago será o punto de encontro para celebrar por todo o alto as festas na honra da Virxe do Carme e San Antón.

Axudas ó Estudo: Comedor, Estancia e Transporte 2026

15/Xullo/2026 Departamento de Servizos Sociais
• 

 Foi publicada no B.O.P. do 14 de xullo de 2026 a convocatoria das axudas do Concello de Xove na modalidade de comedor, estancia e transporte, polo que está aberto o prazo de presentación das solicitudes, ata o día 11 de agosto de 2026.

Os modelos estarán a disposición das persoas interesadas no Rexistro Municipal do Concello e no Departamento de Servizos Sociais.

EXTRACTO BASES PUBLICADAS NO BOP DE 14-7-2026 

Avisos de velutina: 012

14/Xullo/2026 Delegación de Agricultura
• 

CAFETEAR: un espazo para conectar, compartir e medrar

09/Xullo/2026 Departamento de Emprego e Desenvolvemento Local
• 

CAFETEAR é unha iniciativa promovida polo Departamento de Emprego e Desenvolvemento Local do Concello de Xove que nace coa finalidade de crear un punto de encontro entre persoas emprendedoras e empresarias do municipio. A proposta consiste en compartir un café mentres se fortalecen relacións profesionais, se intercambian experiencias e se xeran novas oportunidades de colaboración.
As reunións celébranse, de maneira habitual, o primeiro luns de cada mes, entre as 8:00 e as 9:00 horas, nun ambiente distendido, próximo e participativo. Cada sesión ten lugar nun establecemento de hostalaría diferente do municipio, favorecendo tamén o coñecemento e a dinamización do comercio local.
De forma excepcional, o CAFETEAR deste mes celebrarase o 13 de xullo, no Café Bar Pepe, mantendo o mesmo horario de 8:00 a 9:00 horas. Nesta ocasión, o encontro estará aberto non só ás persoas emprendedoras e empresarias de Xove, senón tamén a todas aquelas que desexen participar, aínda que desenvolvan o seu proxecto empresarial fóra do municipio. Falaremos das axudas e subvencións abertas en prazo de solicitude, en concreto explicaremos o PROGRAMA EMEGA.

Durante o encontro, as persoas participantes teñen a oportunidade de presentar a súa actividade, compartir as súas inquedanzas, necesidades e proxectos, así como coñecer outras iniciativas empresariais e explorar posibles vías de colaboración.
Os principais obxectivos do CAFETEAR son:

• Tecer redes de colaboración entre as empresas participantes e o Departamento de Emprego e Desenvolvemento Local.
• Dar a coñecer os produtos e servizos das empresas asistentes, favorecendo o coñecemento mutuo.
• Identificar necesidades formativas e de apoio para planificar accións e servizos adaptados á realidade empresarial.
• Promover campañas e iniciativas conxuntas de difusión, promoción e publicidade.
• Compartir información de interese sobre formación, subvencións, axudas, recursos e outras oportunidades para o tecido empresarial.

CAFETEAR é, en definitiva, un espazo pensado para impulsar a cooperación, fortalecer o tecido empresarial e fomentar o emprendemento a través do diálogo, o intercambio de experiencias e a creación de sinerxías.

XIII FESTA DO PERCEBE EN XOVE

08/Xullo/2026 CONCELLO DE XOVE
• 

A XIII Festa do Percebe celebraráse o vindeiro 18 de xullo en Xove cunha completa xornada gastronómica e festiva.

A Asociación de Festexos A Medorra organiza un ano máis a XIII Festa do Percebe, unha cita xa consolidada no calendario estival do municipio e que terá lugar o vindeiro sábado 18 de xullo na praza do Centro Cívico de Xove.

A xornada dará comezo ás 12.00 horas co acto inaugural e o pregón, que nesta edición correrá a cargo da conselleira do Mar, Marta Villaverde, quen será a encargada de abrir oficialmente unha festa dedicada á exaltación dun dos produtos máis apreciados da nosa costa.

Ao longo de toda a xornada, veciños e visitantes poderán degustar percebe de excelente calidade, procedente das nosas costas, recoñecido polo seu extraordinario sabor e pola súa frescura, converténdose nun dos grandes protagonistas gastronómicos do verán mariñán.

O ambiente festivo estará garantido coa animación musical de Os Charangos de Neda e do grupo de cantos de taberna Espera que vou mexar, que percorrerán o recinto enchendo a xornada de música, alegría e bo ambiente.

A comisión organizadora pretende poñer en valor un produto tan emblemático como o percebe e convida a toda a veciñanza e aos visitantes que se acheguen a Xove durante esa fin de semana a participar nesta celebración, degustar un dos mellores percebes das nosas costas e desfrutar dunha xornada marcada pola boa gastronomía, a música e a convivencia.

A XIII Festa do Percebe será, unha vez máis, unha excelente oportunidade para promocionar a riqueza mariñeira e gastronómica do noso litoral e para vivir unha xornada festiva na que Xove volverá ser punto de encontro para todos os amantes da boa mesa e das tradicións.

Rutas gratuitas no Concello de Xove

08/Xullo/2026 Concellería de Medio Ambiente
• 

O Concello de Xove presenta o programa de rutas guiadas gratuítas para descubrir o patrimonio natural e cultural do municipio este verán.

A Concellería de Turismo e Medio Ambiente organiza, en colaboración coa empresa Rutas Galicia Norte, catro percorridos que se desenvolverán entre os meses de xullo e agosto.

O Concello de Xove, a través da Concellería de Turismo e Medio Ambiente, presenta o cartel das rutas guiadas que se levarán a cabo durante este verán co obxectivo de dar a coñecer a riqueza natural, xeolóxica, histórica e patrimonial do municipio. A iniciativa, organizada en colaboración coa empresa Rutas Galicia Norte, inclúe catro percorridos gratuítos que permitirán aos participantes descubrir algúns dos espazos máis singulares de Xove dende unha perspectiva divulgativa e sostible.

O programa desenvolverase entre os meses de xullo e agosto e inclúe as seguintes rutas:

• 16 de xullo – Ruta dos Muíños da A Rigueira.

• 30 de xullo – Os Acantilados de Papel, costa con narrativa.

• 7 de agosto – San Tirso de Portocelo, un enclave único.

• 21 de agosto – Esteiro de Xove, unha xeoloxía singular.

Ao longo destes catro itinerarios, os participantes poderán descubrir antigos muíños, acantilados de gran valor paisaxístico, praias, miradoiros, patrimonio arqueolóxico e a singular xeoloxía da costa xovense, ademais de coñecer espazos tan especiais como a coñecida ruta das fadas.

Todas as rutas comezarán ás 10:00 horas, terán unha duración aproximada de entre tres e tres horas e media e presentan un nivel de dificultade baixo ou medio, polo que están pensadas para un amplo abano de participantes.

A actividade é totalmente gratuíta, aínda que será necesaria a inscrición previa debido ao número limitado de prazas. As persoas interesadas poden formalizar a súa participación a través do correo electrónico  mailto:Esta dirección de correo electrónico está protegida contra spambots. Usted necesita tener Javascript activado para poder verla.

Con esta iniciativa, o Concello de Xove continúa apostando pola promoción dun turismo sostible e de calidade, poñendo en valor o patrimonio natural e cultural do municipio e fomentando o coñecemento e respecto pola contorna entre veciñanza e visitantes.

Dende a Concellería de Turismo e Medio Ambiente anímase a toda a cidadanía e ás persoas que visiten Xove durante os meses de verán a participar nestas rutas e descubrir o municipio dende unha nova perspectiva, combinando natureza, historia, patrimonio e divulgación ambiental.

Xornada de Concienciación Cidadá e Monitorización da Contaminación Plástica Mariña

02/Xullo/2026 Concellería de Medio Ambiente
• 

XOVE IMPULSA A INNOVACIÓN PARA PROTEXER O SEU LITORAL CUNHA XORNADA DE CONCIENCIACIÓN CIDADÁ E MONITORIZACIÓN DA CONTAMINACIÓN PLÁSTICA MARIÑA

A praia de Esteiro acollerá este sábado unha acción promovida por Resurrection Fest e Universal Plastic para xerar datos científicos que contribúan a millorar a xestión e o atractivo turístico do litoral. En Xove, este sábado 4 de xullo ás 12:00h, a Praia de Esteiro será o escenario dunha xornada de limpeza e monitorización de contaminacion plástica mariña organizada por Universal Plastic dentro da estrateia de sostenibilidade e innovación de Resurrection Fest, que continúa reforzando o seu compromiso co territorio máis aló do ámbito musical.

Durante a actividade, voluntarios e técnicos rexistrarán informacion sobre os residuos encontrados seguindo protocolos científicos, xerando datos ambientais que posteriormente serán integrados no espacio de datos ONDAS, unha infraestructura dixital desarrollada por Universal Plastic para transformar informacion dispersa en intelixencia útil para a toma de decisións públicas.

A iniciativa enmárcase dentro dos obxetivos do ODS 14 DE NACIONES UNIDAS (VIDA SUBMARINA) e contribúe ao desarrollo de novas ferramentas para mellorar a xestión das costas, fortalecer a resilencia dos ecosistemas mariños e apoiar políticas públicas basadas en datos.

“Cada limpeza non só retira plástico do medio natural. Tamén xera información que permite comprender millor cómo chega a contaminacion, cómo evoluciona e qué medidas poden aplicarse para prevenila”

A tecnoloxía utilizada durante a xornada forma parte dun proxecto financiado pola Secretaría do Estado de Dixitalización e Intelixencia Artificial (SEDIA) para o desarrolo dun espacio de datos especializado en contamiación plástica mariña, conectado con ODIS, o sistema internacional coordinado pola Comisión Oceanográfica Intergubernamental da UNESCO (UNESCO-IOC).

TURISMO, CIENCIA E INNOVACIÓN EN XOVE

A xornada contará coa participación do Alcalde de Xove, Demetrio Salgueiro e a Concelleira de Medio Ambiente e Turismo Cecilia Duarte, poñendo en valor o papel que poden desempeñar as administracións locais na incorporacion da innovación tecnolóxica e a xestión dos seus recursos naturais.

Os datos obtidos permitirán identificar patróns de acumulación de residuos e apoiar futuras estratexias de conservación e mantemento da Praia de Esteiro, contribuíndo a preservar un dos principais activos turísticos do municipio.

O obxetivo é que esa información xerada axuda a desarrollar solucións cada vez máis eficaces para manter as praias en mellores condicións durante todo o ano, reforzando a imaxe de Xove como un destino comprometido coa sostenibiliade e a calidade ambiental.

RESURRECTION FEST: SOSTENIBILIDADE BASADA EN DATOS

Con esta iniciativa, Resurrection Fest da un paso máis na súa estratexia de responsabilidade corporativa, incorporando a xeracion de datos ambientais como parte do seu compromiso co territorio onde se celebra o festival.

A colaboración con Universal Plastic permite que as accións ambientais non se limiten a unha limpeza puntual, senon que contribúan a creación do coñecemento ciéntifico e ferramentas dixitais que poderán ser utilizadas por administracións públicas, investigadores e entidades ambientais para mellorar a xestión do litoral.

GALP A Mariña Ortegal: Foro de Avaliación EDLP

25/Xuño/2026 Departamento de Emprego e Desenvolvemento Local
• 

O Concello de Xove quere convidar, no nome do GALP A Mariña Ortegal a participar no Foro de Avaliación da Estratexia de Desenvolvemento Local Participativo (EDLP), que terá lugar hoxe, xoves 25 de xuño ás 18:00 horas no Salón de Actos do Concello de Xove.

Este encontro constitúe un momento especialmente relevante para o Grupo, xa que supón a presentación pública dos resultados do proceso participativo desenvolvido para a avaliación intermedia da Estratexia, un traballo que contou coa implicación de confrarías, concellos, asociacións de redeiras e outros axentes representativos do territorio. Grazas ás súas achegas foi posible realizar unha análise compartida sobre o traballo desenvolvido ata o momento e sobre os retos que debemos afrontar de cara aos próximos anos.

Durante o Foro presentaranse os principais resultados acadados polo GALP desde o inicio do actual período de programación do FEMPA. Tras tres anos de traballo, o Grupo conseguiu activar de maneira progresiva os mecanismos de execución da Estratexia, acadando un volume de execución financeira do 37,06 % do total da EDLP. Neste período concedéronse máis dun millón de euros en axudas destinadas ao sector pesqueiro, contribuíndo ao desenvolvemento de proxectos que reforzan a competitividade do sector, favorecen a diversificación económica e impulsan o desenvolvemento sostible das nosas comunidades costeiras.

Así mesmo, abordarase o importante impulso que supuxo a última convocatoria de axudas correspondente ao ano 2026, na que se aprobaron un total de 27 proxectos. O investimento subvencionable destas iniciativas alcanzou case os 4,5 millóns de euros, mobilizando unha axuda pública superior aos 2 millóns de euros. Estes datos reflicten a crecente capacidade de dinamización do GALP e o interese do territorio por aproveitar as oportunidades que ofrece o programa FEMPA.

O Foro permitirá tamén compartir as principais conclusións extraídas do proceso de avaliación. Entre elas, destaca a necesidade de seguir reforzando o apoio ás confrarías e ás entidades do sector pesqueiro, así como continuar impulsando iniciativas vinculadas á economía azul que contribúan á creación de actividade económica, emprego e oportunidades para o futuro da Mariña e Ortegal.

O Foro está concibido como un espazo aberto de reflexión e diálogo no que poder intercambiar opinións, formular propostas e contribuír á definición das prioridades que deben orientar a actuación do GALP nos vindeiros anos. A súa experiencia e coñecemento do territorio son imprescindibles para seguir construíndo unha estratexia útil, participativa e adaptada ás necesidades reais das nosas comunidades costeiras.