Éxito da I Xornada Micolóxica en Xove.

13/Outubro/2026 CONCELLO DE XOVE
• 

O Concello de Xove levou a cabo este sábado a I Xornada Micolóxica de Xove, unha iniciativa que reuniu 50 participantes procedentes de distintos lugares da Mariña, nunha xornada marcada polo compañeirismo, a aprendizaxe e a paixón polo mundo dos cogomelos.

A actividade comezou cunha introdución no salón de actos, na que os asistentes puideron coñecer os aspectos básicos da xornada e prepararse para a saída ao campo. A continuación, os participantes desprazáronse ata a parroquia de Monte, onde realizaron unha saída micolóxica para localizar e identificar diferentes especies de cogomelos.

Despois do xantar, a actividade continuou cunha posta en común das especies atopadas, que permitiu comentar e analizar os exemplares recollidos, así como resolver todas as dúbidas e cuestións que foron xurdindo entre os participantes.

A xornada converteuse nunha oportunidade para compartir coñecementos, intercambiar experiencias e gozar dunha afección común nun ambiente de convivencia e compañeirismo, achegándose ao mesmo tempo á riqueza natural do municipio de Xove.

Desde o Concello de Xove faise unha valoración moi positiva desta primeira edición, tanto pola participación rexistrada como polo interese e a implicación das persoas asistentes.

O éxito desta I Xornada Micolóxica anima a seguir promovendo actividades que fomenten o coñecemento do medio natural, a divulgación e a convivencia entre a veciñanza e as persoas afeccionadas á micoloxía.

Linea Verde (Avisos de incidencias varias)

09/Outubro/2026 Concellería de Medio Ambiente
• 

CASE 500 INCIENCIAS SOLUCIONADAS A TRAVÉS DO SERVIZO LÍNEA VERDE NO CONCELLO DE XOVE

Grazas a implantación deste servizo, os veciños dispoñen dun canal directo de comunicación co Concello de Xove, para infformar sobre os desperfectos localizados no municipio. Líne Verde favorece o uso das “boas prácticas” medioambientais e, en consecuencia, no desarrollo do municipio sostible.

App Línea Verde Concello de Xove - Avisa da túa incidencia online

OUTUBRO 2026 – O servizo Línea Verde implantouse en Xove no ano 2021. Os veciños desta localidade demostraron moi boa acollida e proba delo, é o uso continuo que fan do mesmo.

O tipo de incidencias que máis se comunicaron son aquelas que fan referencia a “aceras e calzadas” (20%), seguido do “alumbrado” (17%), “parques e xardíns” (11%), “basuras” (10%) e “puntos de auga” (10%). A día de hoxe puxéronse solución a todas as incidencias comunicadas a través deste servizo.

Para poder utilizar este servio é necesario proceder a descargar a APP LÍNEA VERDE. Para elo, o usuario accede a Google Play ou APP Store en función da tecnoloxía empleada no seu Smartphone (Android/iOS). Unha vez localizada, lévase a cabo a descarga de forma gratuita. A partir deste momento, o usuario selecciona o municipio sobre o que quere comunicar a incidencia. O precedemento é moi rápido e sinxelo.

Para comunicar unha incidencia, basta con pinchar sobre o botón “Nova incidencia”. Un despeglabe coas diferentes tipoloxías de incidencias aparece na pantalla. O usuario selecciona aquela sobre a que quere comunicar. De forma autómatica, a APP detecta as coordenadas exactas nas que se ubica o desperfecto. O seguinte paso é adxuntar unha foto da incidencia e observación sobre a mesma. Xa só queda dar ao botón de enviar. Unha vez enviada, persoal do concello recibe notificación do desperfecto comunicado. A partir deste momento, inícianse os trámites para dar solución a incidencia detectada. O cidadán, a súa vez, recibe notificación no seu teléfono móvil sempre que se produza un cambio no estado da mesma.

 imaxe da presentación

Peón Forestal para acondicionamiento de espazos municipais

06/Outubro/2026 Departamento de Emprego e Desenvolvemento Local
• 

Subvención para Entidades Locais que contraten persoas mozas inscritas no Sistema Nacional de Garantía xuvenil, no ámbito da Comunidade Autónoma de Galicia, cofinanciadas pola Unión Europea no marco do programa FSE+ Galicia 2021-2027.

O Concello de Xove acaba de formalizar un contrato laboral dun peón forestal polo período de 9 meses cun mozo inscrito no Sistema Nacional de Garantía Xuvenil grazas á subvención recibida pola Xunta de Galicia para esta actuación. A axuda da Consellería de Emprego, Comercio e Emigración consiste en 16.902,64 euros, o Concello de Xove aportará a diferencia dos custes laborais do peón forestal que prestará os seus servizos no proxecto denominado ACONDICIONAMENTO DE ESPAZOS MUNICIPAIS.

Esta axuda esta cofinanciada nun 60% pola Unión Europea no marco do Programa FSE+Galicia 2021 – 2027, dentro do Obxectivo político 4 “Unha Europa máis social e inclusiva, por medio da aplicación do piar europeo de dereitos sociais”, Prioridade 5 “Emprego xuvenil”, Obxectivo específico ES04.1. “Mellorar o acceso ao emprego e a medidas de activación de todas as persoas demandantes de emprego, e en particular das persoas mozas, especialmente a través da aplicación da Garantía Xuvenil dos desempregados de longa duración e os grupos desfavorecidos no mercado laboral, e das persoas inactivas, así como mediante a promoción do emprego por conta propia e a economía social”, e Medida 5.A.02. “Facilitar a mellora da empregabilidade das persoas mozas desempregadas”.

Escola Municipal de Música de Xove presenta o novo curso 2026-27

05/Outubro/2026 CONCELLO DE XOVE
• 

Este sábado tivo lugar nas instalacións do antigo colexio de Palmeiro a presentación do novo curso escolar 2026-2027, nun encontro no que as familias tiveron a oportunidade de coñecer de primeira man o funcionamento da escola e as principais novidades de cara ao novo curso.

Durante a xornada, o equipo da escola presentou ás familias os horarios, a organización e o funcionamento do centro, así como os diferentes aspectos relacionados co día a día do alumnado. O encontro permitiu tamén resolver dúbidas e compartir información de interese para afrontar o inicio do curso con claridade e confianza.

A presentación serviu, ademais, como punto de encontro entre as familias e o equipo da escola, reforzando a importancia da comunicación e da colaboración entre a comunidade educativa.

Desde a escola agradecen a participación das familias nesta xornada e a súa disposición para iniciar, xuntos, este novo curso 2026-2027 con ilusión e compromiso.

Recepción da obra de Ancheamento da Curva das Gulpilleiras, na Rigueira.

24/Setembro/2026 CONCELLO DE XOVE
• 

O Concello de Xove ven de recepcionar as obras de mellora e ancheamento da curva das Gulpilleiras, na parroquia de A Rigueira. Esta actuación, executada pola empresa Carferlo, S.L., permitiu transformar de maneira notable este tramo e mellorar as condicións de seguridade e circulación para os usuarios da LU-P-2604 Xove-Monte-Valcarría neste punto concreto da zona da curva.

Esta mellora foi incluida dentro do Plan Único da Diputación, onde ésta colaborou cunha achega de 206.000 euros e o restantes 165.000 euros foron con fondos das arcas municipais para sumar unha inversión total na obra de máis de 370.000 euros.

Para facer posible esta ampliación os propietarios de parcelas colindantes fixeron unha donación gratuita porque foi necesario executar tamén un reforzo do terreo mediante a construción dun muro de contención, garantindo así a estabilidade da plataforma viaria.

Ademáis da mellora da sección da estrada, a intervención incluíu unha nova sinalización horizontal e vertical, coa finalidade de ordenar a circulación e incrementar a seguridade neste punto da vía. Un dos elementos máis destacados da actuación foi a configuración dun triple carril, que permite organizar de maneira máis eficiente os movementos dos vehículos. Por unha banda, dous carrís facilitan a continuidade da circulación polo vial principal, mentres que o terceiro permite o desvío cara aos lugares de Soutorredondo e Vila.

A maiores aproveitouse esta obra para facer traballos de mellora na rede principal de abastecemento de auga que consistiron en susituir por unha nova a antiga rede procedente do Torrillón e que comunica co depósito de Montevelle.

Desde o concello de Xove salientan a importancia deste tipo de actuacións destinadas á mellora e conservación da rede viaria provincial, especialmente en puntos nos que o incremento da sección da estrada e a reorganización da circulación contribúen a facer máis seguros e funcionais os desprazamentos da veciñanza.

A recepción das obras pon así o punto final a unha actuación que supón unha mellora significativa das condicións deste tramo da vía LU-P-2604, tanto para o tráfico que continúa polo itinerario principal como para os vehículos que se dirixen cara a outros núcleos de población.

Concertos didácticos da Escola de Música

22/Setembro/2026 Departamento de Cultura e Comunicación
• 

A Escola Municipal de Música de Xove leva a música aos centros educativos do municipio con concertos didácticos

Xove, 22 de setembro de 2026. A Escola Municipal de Música de Xove desenvolveu durante a xornada de hoxe, martes 22 de setembro, unha actividade de divulgación musical nos centros educativos do municipio, desprazándose ata o IES Illa de Sarón e o CEIP Pedro Caselles Rollán para ofrecer unha serie de concertos didácticos dirixidos ao alumnado.

Mestres e alumnos da Escola participaron nestas actuacións, nas que interpretaron diferentes pezas musicais ao tempo que explicaban diversos recursos, elementos e formas musicais. A iniciativa permitiu achegar a música ao alumnado dunha maneira dinámica e participativa, combinando a interpretación en directo coa vertente educativa e formativa.

Esta actividade enmárcase nas accións de promoción e difusión que a Escola Municipal de Música de Xove realiza ao longo do curso para fomentar o interese pola práctica musical entre os máis novos e dar a coñecer a súa oferta educativa.

De cara ao curso 2026-2027, a Escola manterá as súas materias e actividades habituais, incorporando ademais un reforzo especial da educación vocal. Esta nova aposta estará dirixida non só ao alumnado infantil, senón tamén ao público adulto, coa finalidade de favorecer a creación e consolidación dunha actividade coral aberta á participación da veciñanza.

Deste xeito, todas aquelas persoas que gocen do canto e desexen desenvolver esta afección terán a oportunidade de facelo a través da Escola Municipal de Música, participando nun proxecto coral colectivo que pretende converterse nun novo espazo de encontro e convivencia arredor da música.

As clases do novo curso darán comezo o vindeiro 3 de outubro. Como en anos anteriores, as persoas interesadas en matricularse poderán formalizar a súa inscrición ata o 30 de setembro nas oficinas municipais.

XII Concurso de fotografía medioambiental

22/Setembro/2026 Concellería de Medio Ambiente
• 

O alcalde, Demetrio Salgueiro, e a concelleira de Turismo e Medio Ambiente, Cecilia Duarte, presentaron esta mañá unha nova edición do concurso, que invita a descubrir e poñer en valor a riqueza natural do municipio a través da fotografía.O Concello de Xove presentou o XII Concurso de Fotografía Medioambiental, unha iniciativa promovida polo Departamento de Medio Ambiente que ten como obxectivo fomentar o interese pola contorna natural do municipio e contribuír á súa divulgación e posta en valor a través da fotografía.O alcalde de Xove, Demetrio Salgueiro, e a concelleira de Turismo e Medio Ambiente, Cecilia Duarte, foron os encargados de presentar esta duodécima edición, que volve poñer o foco na natureza, a costa e o mar de Xove, elementos que forman parte esencial da identidade e do patrimonio ambiental do municipio.

FOTOTOGRAFÍA DA PRESENTACIÓN DO CARTAZ

Durante a presentación, a concelleira Cecilia Duarte destacou que o concurso pretende animar á veciñanza e a todas as persoas afeccionadas á fotografía a mirar Xove desde diferentes perspectivas e captar, a través das súas imaxes, a beleza, singularidade e riqueza medioambiental do territorio.Pola súa banda, o alcalde Demetrio Salgueiro salientou a importancia de iniciativas deste tipo para promover o coñecemento e o respecto pola contorna natural de Xove, así como para dar visibilidade aos seus paisaxes, espazos naturais e patrimonio ambiental.

CINCO PREMIOS NUNHA CATEGORÍA ÚNICA
O concurso contará cunha categoría única e estará dotado con cinco premios:
1º premio: 120 €
2º premio: 100 €
3º premio: 90 €
4º premio: 75 €
5º premio: 65 €

As fotografías deberán estar relacionadas coa contorna medioambiental do municipio de Xove, ofrecendo unha visión persoal e creativa da súa natureza, costa e mar.

PRAZO ATA O 30 DE OUTUBRO

As persoas interesadas en participar poderán presentar as súas fotografías ata o 30 de outubro de 2026.
As obras poderán entregarse no Rexistro de Entrada do Concello de Xove ou enviarse por correo postal ordinario, facendo constar no sobre a data de presentación.

As bases completas e a convocatoria poden consultarse ó final deste artigo.Para máis información, as persoas interesadas poden contactar co Departamento de Medio Ambiente do Concello de Xove, no teléfono 982 592 001.

Desde o Concello de Xove anímase á participación nesta nova edición e a compartir, a través da fotografía, diferentes miradas sobre un territorio no que a natureza, a costa e o mar son grandes protagonistas.

BASES REGULADORAS

FICHA DE INSCRIPCIÓN

I Xornadas Micolóxicas

18/Setembro/2026 Delegación de Agricultura
• 

O Departamento de Agricultura do Concello de Xove organiza as súas I Xornadas Micolóxicas, unha nova iniciativa que abre un novo espazo de aprendizaxe, divulgación e contacto directo coa natureza. Esta primeira edición celebrarase o sábado 10 de outubro, cun programa que combina charla divulgativa, saída de campo e obradoiro práctico de identificación de cogomelos.

A actividade comezará ás 10:00 da mañá no Salón de Actos do Centro Cívico de Xove e logo dunha pequena parte teórica, os participantes desplazaranse polos seus propios medios a un punto do noso concello na procura de atopar os mellores cogomelos. Na saída de campo explorarase a diversidade micolóxica da contorna, e logo polo tarde terá lugar un obradoiro de identificación e traballarase tratando as características morfolóxicas e boas prácticas de recoñecemento seguro destes cogomelos.

A participación nestas xornadas é gratuíta, aínda que as prazas son limitadas.

As persoas interesadas deberán realizar a preinscrición antes do 3 de outubro a través da seguinte ligazón: http://bit.ly/micoloxia-xove

O Concello de Xove lembra que a realización da preinscrición non implica a reserva da praza, senon que se confirmará posteriormente, coa recomendación de traer roupa axeitada, cesta e navalla para a saída de campo.

Con esta iniciativa, o Concello aposta pola divulgación do coñecemento do medio natural e por ofrecer á veciñanza actividades formativas e prácticas relacionadas coa biodiversidade e o patrimonio natural de Xove.