Papá Noel chega a Xove… un día de maxia e alegría para grandes e pequenos.

Detalles

CONCELLO DE XOVE

Creado en Martes, 23 Decembro 2025 00:16

Última actualización en Viernes, 26 Decembro 2025 12:20

Publicado el Martes, 23 Decembro 2025 00:16

Este luns 22 de decembro Papá Noel cumple o soño dos máis pequenos de Xove coa sua visita especial ao concello.

Acompañado pola concelleira de cultura Mª Dolores Meitín, o lexendario personaxe chegou dende o Polo Norte para repartir alegría e maxia nesta época navideña.

Esta tarde transladouse ao pavillón municipal, onde moitos nenos e nenas o esperaban coas suas cartas e os seus mellores desexos para este nadal. O ambiente encheuse de risas e emoción mentres Papá Noel escoitaba atentamente aos máis pequeniños e lles entregaba moreas de caramelos.

A festa continuou con unha tarde de xogos, bailes e diversión para toda a familia. Os máis pequenos desfrutaron de actividades lúdicas, mentres os maiores se unían á celebración con entusiasmo. Tanto rapaces como pais e nais pudieron desfrutar en familia dos múltiples xogos e bailes preparados para todos os asistentes.

Ao longo de toda a tarde poideron desfrutar dunha tarde moi animada con música, baile e moita diversión no pavillón municipal.

Risas, moitas risas e sobre todo diversión caracterízaron esta tarde de luns onde o frío non impediu que se vivisen momentos moi divertidos.

A xornada concluiu compartindo un chocolate quentiño e retiraronse coa emoción da tarde vivida e a ilusión da noite de noiteboa, coa esperanza posta nos agasallos desexados.

ORZAMENTO XOVE ANO 2026

Detalles

CONCELLO DE XOVE

Creado en Viernes, 19 Decembro 2025 11:42

Última actualización en Viernes, 19 Decembro 2025 11:58

Publicado el Viernes, 19 Decembro 2025 11:42

O Orzamento do Concello de Xove para o ano 2026, aprobado inicialmente no pleno do venres 19/12/2025, ascende a 9.212.000 € no seu Estado de Ingresos e a 8.222.000 € no Estado de Gastos, aprobándose polo tanto cun superavit inicial de 990.000€ co fin de cumplir o obxectivo de estabilidade orzamentaria.O Estado de Gastos supón un aumento de 428.000€ respecto ó ano 2025. E o Estado de Ingresos increméntase en 1.055.000€ respecto ó ano anterior.Os gastos de persoal supoñen un 45,70% e ascenden a 3.757.000€, no que se inclúen as subidas salariais anunciadas polo goberno.Os gastos en bens correntes e servizos elévanse a 3.538.800€, un 43,04% do total.

Sigue asignándose unha importante cantidade, de 522.000€ para subvencións a asociacións, clubes e ós diferentes tipos de axudas municipais.Os investimentos previstos inicialmente para diferentes obras de mellora supoñen 400.000€.En canto ós Ingresos máis relevantes, o que segue a ser o máis importante o Capítulo 1, de Impostos Directos, no que se encadran IBI, Vehículos e sobre todo o IAE, estímase en 4.083.000€.

Temos que destacar que o a política de gasto que máis incrementa a súa dotación son os Servizos Sociais, debido ó incremento da dotación do servizo de axuda no fogar, os servizos de conciliación familiar ou o servizo de madrugadores posto en funcionamento a primeiros de curso.

O Capítulo 2, estímase un ingreso de 360.000€ por imposto de construccións.

No Capítulo 3, de Taxas e outros ingresos, estímanse 2.289.760€, capítulo que sube respecto ó ano 2025 pola previsión de incremento de recaudación ca taxa do 1,5 de vias e voos que pagan as empresas suministradoras de electricidade polo consumo derivado da entrada en funcionamento das cubas de Alcoa.

As Transferencias tanto do Estado como da Comunidade Autónoma para sufragar gasto corrente estímanse en 2.027.800€.

Asimesmo, estímanse 180.800€ por ingresos patrimoniais e 270.000€ por transferencias de capital por diferentes subvencións que recibe anualmente o Concello.

O orzamento do Concello de Xove para o exercicio 2026 cumpre o obxetivo de estabilidade orzamentaria e do límite de débeda.

Entre as previsións do goberno está realizar unha modificación de crédito despois do primeiro trimestre de 2026, posto que nese momento disporemos de máis datos de ingresos reais, para así poder acometer novas, importantes e necesarias obras ó longo do ano que ven, como son a mellora da rede de abastecemento para mellorar a calidade da auga ou o cumprimento do convenio asinado ca Deputación de Lugo para o arranxo da rede viaria provincial.

Concerto de Nadal coa Escola Municipal 2025-26

Detalles

CONCELLO DE XOVE

Creado en Miércoles, 17 Decembro 2025 09:17

Última actualización en Miércoles, 17 Decembro 2025 09:24

Publicado el Miércoles, 17 Decembro 2025 09:17

Tradicional Concerto de Nadal coa Escola Municipal de Xove e a Orquestra Clásica de Xove e un chamamento moi especial aos rapaces que empezaron na escola de música a finais dos anos 80.

A Concellaría de Cultura do Concello de Xove anuncia a celebración do seu tradicional Concerto de Nadal, unha cita xa consolidada dentro da programación cultural do municipio. O evento terá lugar o sábado 20 de decembro ás 18:00 horas no Salón de Actos do Centro Cívico de Xove.
Nesta ocasión, o tradicional Concerto de Nadal da Escola Municipal de Música e da Orquestra Clásica de Xove contará cunha proposta moi especial. O programa inclúe a interpretación de seis temas do disco Xente Cativa, un traballo gravado pola propia Escola Municipal de Música nos seus inicios, alá polo ano 1988.
Naquel momento, as pezas non dispoñían de partituras escritas, polo que para este concerto empregarase a gravación de audio orixinal como fondo musical, recuperando así a esencia e o espírito daquel proxecto pioneiro.
A música era obra de Nacho Fonseca, profesor asturiano, e o disco orixinal está interpretado en bable, constituíndo unha valiosa mostra de recuperación da memoria musical e cultural da escola.

Na actualidade a música escribiuna Xan Carballal e vai estar interpretada polo alumnado da Escola Municipal de Música de Xove. O concerto chega da man de máis de trinta alumnos e alumnas da Escola Municipal de Música de Xove e membros da Orquestra Clásica de Xove, que ofrecerán ao público un variado programa musical da nostalxia daquelas pezas gravadas polos primeiros alumnos da escola no ano 88 e pensado para gozar en familia e para manter o espírito do nadal.
A veciñanza está convidada a asistir e gozar deste concerto pensado para toda a familia e que é a avanzada do que se está a traballar para o próximo ano 2026, onde se vai conmemorar o 40 aniversario da creación da Escola Municipal de Música de Xove e o 35 aniversario da celebración do curso de Semana Santa.
E dende o Concello de Xove faise tamén un chamamento moi especial a todos aqueles rapaces e rapazas que, alá polo ano 1988, se iniciaron na música clásica na Escola Municipal de Música, cando os ensaios tiñan lugar no CEIP Pedro Caselles Rollán, e que hoxe se atopan espallados por distintos puntos da xeografía galega, para que se acheguen a desfrutar deste Concerto de Nadal. Con este encontro preténdese facelos partícipes da evolución do disco Xente Cativa a través do alumnado actual da escola, ao tempo que poidan revivir, gozar e reconfortarse cun proxecto ilusionante que eles mesmos comezaron a finais dos anos 80 no colexio de Xove.
Dende o Concello destacan que este acto pretende dinamizar a vida cultural do municipio e crear un espazo de encontro para veciños e visitantes, resaltando sempre o traballo e adicación que amosan sempre cara a programación cultural do noso concello. Dende a Concellaría de Cultura destácase que esta actividade, xa tradicional no municipio, ten como obxectivo poñer en valor o talento local, apoiar a formación musical da mocidade e fomentar a participación cidadá nos actos culturais do concello.

XIII Concurso de Karaoke

Detalles

CONCELLO DE XOVE

Creado en Martes, 09 Decembro 2025 14:02

Última actualización en Viernes, 19 Decembro 2025 08:59

Publicado el Martes, 09 Decembro 2025 14:02

O Departamento de Cultura xa está anotando aos participantes para o karaoke que se celebrará o vindeiro venres día 26.
Xove acollerá o venres 26 de decembro ás 21:30 h no Pavillón Municipal de Deportes a XIII edición do seu tradicional Concurso de Karaoke, unha das citas máis destacadas e agardadas dentro da programación cultural do Concello para estas datas de nadal.
Para elo xa está aberto o prazo de inscrición e dende a organización animamos a todas as persoas, sexan profesionais do micrófono ou simples amantes da música, a anotarse xa para participar. Non importa a idade nin o estilo musical: o importante é pasalo ben e compartir un momento único.
Convertido xa nunha actividade de grande tradición e arraigamento no municipio, o Karaoke de Nadal de Xove destaca cada ano polo seu éxito de participación e pola crecente afección pola música con participantes tanto do propio concello como de concellos limítrofes. Trátase dunha das propostas máis animadas, festivas e familiares destas datas, reunindo a persoas de todas as idades nun ambiente lúdico, participativo e cheo de talento.
Nesta XIII edición, o concurso manterá a súa estrutura habitual con tres categorías: peques, iunior e veteranos e en cada unha delas entregaranse tres premios, distinguidos entre 2 á mellor voz e un á mellor caracterización.
En total repartiranse 900 euros en premios, recoñecendo así o esforzo, o talento vocal e a creatividade na posta en escena dos mellores participantes.
O Concello de Xove anima a toda a veciñanza e visitantes a gozar dunha noite moi musical, divertida e chea de emoción, que cada ano fai as delicias do público asistente e contribúe a dar máis vida á programación cultural do nadal no municipio.

BASES REGULADORAS

FICHA INSCRIPCIÓN VETERANOS

FICHA DE INSCRIPCIÓN JUNIOR

FICHA DE INSCRIPCIÓN PEQUES

----> LISTADO DE CANCIÓNS <--------

Presentación do Programa de Actividades de Nadal 2025-26

Detalles

CONCELLO DE XOVE

Creado en Sábado, 06 Decembro 2025 12:33

Última actualización en Sábado, 06 Decembro 2025 12:37

Publicado el Sábado, 06 Decembro 2025 12:33

O Concello de Xove presenta a programación cultural de nadal: un conxunto de actividades para tódolos públicos. O alcalde de Xove Demetrio Salgueiro acompañado da concelleira de cultura Mª Dolores Meitín veñen de presentar a programación de actividades culturais de nadal, diseñada para ofrecer diversión e maxia a toda a veciñanza que queira acercarse a desfrutar nestas datas tan entrañables.

O programa cultural para este nadal desenvolverase ata o 5 de xaneiro e inclúe unha ampla variedade de propostas que combinan tradición e entretemento e pensando sempre en tódalas idades.

Relevantes son tamén as actividades propostas dende o Departamento de emprego e desenvolvemento local para este nadal coa organización da VII Gala do Emprendemento Local, un cabaret guiado por Dani Rios para tódolos públicos, e do mercado de nadal “O faio de Generosa”, que a maiores nos deleitará coa participación do grupo de pandereteiras Xaora.

Este xoves día 4 de decembro xa deu comezo o inicio da programación con un emotivo acto inagural das luces navideñas da man do alumnado da escola municipal de música que interpretou unhas fermosas panxoliñas a tódolos asistentes.

E así ao longo de todo este mes poderemos contar con variedade de propostas: actuacións de maxia, obras teatrais, concurso de karaoke, concerto de acordeóns, inhables para os máis pequenos, festas infantís e moita, moita animación.

Tamén contaremos con eventos destacados ano tras ano como a especial visita de Papá Noel o día 22 e o 5 de xaneiro a tradicional Cabalgata de Reis polas rúas de Xove e que poñerá o punto final a estas datas de nadal.

Ademáis para isto dende o Departamento de Cultura facemos un chamamento a toda a veciñanza que queira unirse ao desfile real como paxes ou axudantes con vestimenta propia destas datas para participar na cabalgata, podendo inscribirse cubrindo un impreso de voluntariado na Oficina Municipal de Información Xuvenil (OMIX) antes do 26 de decembro.

O alcalde Demetrio Salgueiro destaca a importancia de manter viva a ilusión do nadal en Xove para que estas festas sexan un tempo de unión e alegría para todos á vez que quere agradecer a tódalas persoas voluntarias e asociacións colaboradoras o seu apoio na organización destes eventos.

Xove inicia a sua programación cultural de nadal coa inaguración das luces

Detalles

CONCELLO DE XOVE

Creado en Viernes, 05 Decembro 2025 14:37

Última actualización en Viernes, 05 Decembro 2025 14:38

Publicado el Viernes, 05 Decembro 2025 14:37

Onte pola tarde deu comezo a programación cultural de nadal no Concello de Xove con un emotivo acto de inaguración das luces navideñas.

O evento celebrado na praza do concello contou coa participación do alumnado da Escola Municipal de Música de Xove, que deleitou a tódolos asistentes cunhas panxoliñas e música festiva enchendo o ambiente de maxia e alegría para desfrute de tódolos presentes que malia a choiva que caía intensamente non deixaron de aplaudir e arroupar aos rapaces.

Como xa ven sendo tradición, alumnos e alumnas da escola de música acompañaron coas súas voces e cos seus instrumentos o tan esperado momento no que se acenden as luces que nos guían cara a chegada do Nadal; e fixérono interpretando catro panxoliñas tradicionais: Con un sombreiro de palla, El tamborilero, Noche de paz e Imos xa pra aldea, mesturando así a tradición de diferentes culturas.

Dende o Concello queremos agradecer especialmente ao profesorado e alumnado da escola de música a sua sempre colaboración e disponibilidade para eventos que se organizan e onde coa sua participación e talento permiten manter sempre viva a tradición.

Xove presenta o Calendario Municipal 2026

Detalles

CONCELLO DE XOVE

Creado en Martes, 02 Decembro 2025 08:34

Última actualización en Martes, 02 Decembro 2025 08:34

Publicado el Martes, 02 Decembro 2025 08:34

O Concello de Xove, da man do Alcalde, Demetrio Salgueiro Rapa, e da Concelleira de Cultura, Dolores Meitín Guerreiro, presenta o Calendario 2026. Unha iniciativa municipal que cada ano se envía nestas datas a tódolos domicilios do concello.

A temática elixida para este 2026 mestura a riqueza paisaxística e cultural das oito parroquias xovenses. Cada mes do próximo ano vai ilustrado cunha paisaxe na que se integra un refrán ou expresión popular do municipio. Estas construcións foron gardadas e transmitidas de xeración en xeración, e recóllense coa idiosincrasia e maneira de falar da xente de Xove, sendo fieis ás fontes que foron os nosos antepasados. Os refráns gardan a filosofía dun pobo, o seu sentido do humor e, en definitiva, o xeito de vivir e de afrontar a incerteza da propia existencia. Podemos dicir que o almanaque deste próximo ano 2026 non só recolle o máis fermoso da paisaxe de Xove, senón tamén un pouquiño da súa alma.

O Concello de Xove agradece a tódolos/as participantes nos seus concursos de fotografía medioambiental e ó fotógrafo xovense, Emilio Pérez, pola achega das fermosas imaxes das paisaxes municipais.

O almanaque complétase cunha felicitación de Nadal do Alcalde e da Corporación Municipal do Concello de Xove, ademais dunha ampla listaxe con teléfonos de servizos de interese para a poboación.

Presentación dos resultados dos traballos arqueolóxicos en San Tirso de Portocelo 2025

Detalles

CONCELLO DE XOVE

Creado en Miércoles, 26 Novembro 2025 11:29

Última actualización en Miércoles, 26 Novembro 2025 11:36

Publicado el Miércoles, 26 Novembro 2025 11:29