Nunca está de máis recordar vellos tempos, e iso foi o que fixo hoxe D. Antonio Lorenzo Villar.
Pois ben, o Sr. Lorenzo Villar foi recibido polo Alcalde Demetrio Salgueiro; na reunión, o Sr. Lorenzo Villar aproveitou para rememorar a súa infancia en Vilar-Lago, parroquia, por certo, á que tamén pertence o Alcalde.
Para rematar esta visita, o Alcalde fíxolle entrega dos dous volumes de “Xove Noutros Tempos I e II”; editados polo Concello, estes albums de fotografías antigas sen dúbida lle traerán moitísimos e bos recordos a D. Antonio Lorenzo.