Presentación da Escola Municipal de Música
A Escola Municipal de Música fará a presentación do novo curso escolar 2010/2011 o vindeiro mércores 29 de setembro ás 20:00 horas no antigo Colexio de Palmeiro.Nesa presentación facilitaránse os horarios do novo curso e se presentará o equipo de mestres que ao longo deste ano impartirán clase.
Para os alumnos máis novos que xa cumpriran catro anos ou estean a punto, temos a Aula de Música e Movemento, onde aprenderán xogando.
Coma en anos anteriores, os maiores de 6 anos poden aprender a tocar instrumentos de corda coma violín, violonchelo, viola, contrabaixo, guitarra, etc, e instrumentos de vento coma a frauta, clarinete, óboe,..
Aos que lles gusta cantar poden apuntarse no coro e os maiores poden asistir á Aula de Formación de Adultos. No que atinxe a ensinanza de coro, polas súas propias particularidades, o prazo para inscribirse nesta modalidade vai estar aberto ao longo de todo o curso.
