Clausúrase o Belén da igrexa de San Miguel da Rigueira...

Detalles

Departamento de Cultura e Comunicación

Creado en Martes, 13 Xaneiro 2026 12:06

Última actualización en Martes, 13 Xaneiro 2026 12:11

Publicado el Martes, 13 Xaneiro 2026 12:06

Clausúrase o Belén da igrexa de San Miguel da Rigueira tras recibir centos de visitas durante este Nadal

O impresionante belén instalado, como cada nadal, nunha nave lateral da igrexa de San Miguel da Rigueira, no concello de Xove, vén de clausurarse este domingo tras varias semanas aberto ao público.
Foron moitas as visitas recibidas durante estas datas. Veciños e veciñas do concello de Xove, así como persoas procedentes de concellos limítrofes, achegáronse ata a Rigueira para contemplar de primeira man este belén, que ano tras ano é montado con moito cariño, paciencia e dedicación por voluntarios e colaboradores da igrexa, de maneira totalmente desinteresada, para o desfrute de toda a veciñanza.
Este belén, que leva xa varios anos colocándose no interior do santuario, cambiou a súa ubicación co paso do tempo. Nos primeiros anos situábase ao fondo da igrexa, mentres que nos últimos nadales pasou a instalarse nunha nave lateral do edificio, permitindo unha mellor visualización e un maior aproveitamento do espazo.

A montaxe ocupa unha superficie aproximada de 40 metros cadrados e conta con figuras típicas dos beléns tradicionais, representando todas as personaxes da época e unha ampla variedade de oficios. Ademais, destaca polo seu gran realismo, xa que algunhas figuras contan con movemento, hai son ambiente de auga e paxaros, e incluso se pode apreciar a diferenza entre o día e a noite grazas ao escurecemento e posterior clareo das escenas ao amencer.

Desde a organización queren agradecer sinceramente a visita de todas as persoas e asociacións que se achegaron ata a Rigueira nestas datas tan entrañables e que souberon valorar o traballo realizado. Tamén queren facer unha mención especial e unha lembranza agarimosa para aqueles colaboradores voluntarios que sempre estiveron presentes e que xa non están entre nós.
Finalmente, os organizadores expresan o seu desexo de que no vindeiro nadal poidan mellorar e ampliar este belén, co obxectivo de volver recibir as esperadas visitas e continuar ofrecendo este espazo de encontro, tradición e ilusión para toda a comunidade.

A Cabalgata de Reis 2026 este Luns en Xove

Detalles

Departamento de Cultura e Comunicación

Creado en Sábado, 03 Xaneiro 2026 12:14

Última actualización en Miércoles, 07 Xaneiro 2026 12:02

Publicado el Sábado, 03 Xaneiro 2026 12:14

A Concellería de Cultura do Concello de Xove informa da chegada das Súas Maxestades os Reis Magos de Oriente ao noso concello, unha das citas máis agardadas destas datas tan especiais. As Súas Maxestades chegarán cedo a Xove para realizar unha visita moi especial á Residencia San Bartolomé, onde os seus usuarios e usuarias, sempre tan agradecidos, recibirán aos Reis con moito cariño e emoción.

Posteriormente, os Reis Magos desprazaranse á nave-almacén do Concello, punto de saída do tradicional desfile das carrozas polas rúas de Xove, que arrancará ás 7 da tarde. O percorrido pasará por diante dos dous centros educativos do municipio, o Instituto e o Colexio, saíndo  á Avenida Deputación pola que seguiran ata o cruce do parque e baixaran pola rúa Doutor José Baamonde Illade, desde onde se dirixirán cara ao Centro Cívico.

Unha vez alí, as Súas Maxestades baixarán das carrozas  para dirixirse ao Pavillón Municipal. Neste espazo, os Reis Magos terán unhos tronos onde sacarán fotografías e recibirán a todos os nenos e nenas que queiran achegarse ao seus regazos para compartir ilusións e desexos. A noite estará amenizada con animación musical a cargo do DJ Conxuro, que fará gozar a todo o público presente.

Desde a organización estarase moi pendente da previsión meteorolóxica.  E á hora da saída , ás 7 da tarde, no caso de que as condicións do tempo sexan adversas, activarase un plan alternativo que consistirá no traslado directo dos Reis Magos e dos seus colaboradores ao pavillón municipal, garantindo así que os máis pequenos poidan gozar igualmente deste momento tan especial e non perdan a ilusión.

A Concellería de Cultura quere expresar o seu agradecemento a todas aquelas persoas que, de maneira totalmente desinteresada, colaboraron para que tanto esta Cabalgata como o conxunto das actividades de nadal programadas se desenvolveran con éxito. En especial, aos operarios municipais, e a Papá Noel, Reis Magos, paxes reais, elfos, personaxes Disney, pastores e pastoras, e cabaleiros que arribaron en Xove. 

Os acordeonistas da Mariña actuan en Xove

Detalles

Departamento de Cultura e Comunicación

Creado en Viernes, 02 Xaneiro 2026 10:29

Última actualización en Lunes, 05 Xaneiro 2026 08:46

Publicado el Viernes, 02 Xaneiro 2026 10:29

O Concello de Xove continúa coa programación cultural do Nadal 2025-2026

O Concello de Xove continúa este sábado, 3 de xaneiro, coa súa programación cultural do Nadal 25-26 cunha proposta musical dirixida a todos os públicos. A cita será ás 7 da tarde no salón de actos, onde terá lugar o concerto dos Acordeonistas da Mariña.

Este espectáculo musical fará as delicias de todos os afeccionados e afeccionadas a este instrumento tan querido e con tantos adeptos no noso concello. O público poderá gozar dun variado repertorio de pezas interpretadas ao acordeón, nunha actuación que promete emoción, tradición e calidade artística.

Desde o Concello de Xove anímase á veciñanza e visitantes a achegarse e participar nesta actividade, que forma parte dunha ampla programación cultural pensada para dinamizar o nadal e ofrecer alternativas de lecer e cultura para todas as idades.

A entrada será libre ata completar aforo.

Espectacular noite do XIII Concurso de Karaoke de Nadal

Detalles

Departamento de Cultura e Comunicación

Creado en Sábado, 27 Decembro 2025 15:22

Última actualización en Sábado, 27 Decembro 2025 15:40

Publicado el Sábado, 27 Decembro 2025 15:22

Chegou a noite do karaoke, unha das actividades do Nadal con máis expectación en Xove. A décimo terceira edición do Concurso de Karaoke 2025 volveu demostrar por que é unha das citas máis agardadas do calendario festivo, reunindo veciñanza do pobo e visitantes de fóra que se achegaron para gozar dunha noite chea de música e emoción.

A pesar da fría noite, o Pavillón de Deportes estivo ateigado de público, que agardaba con entusiasmo as actuacións dos participantes, moitos deles coñecidos da localidade. Tamén contamos con concursantes de outras localidades de A Mariña e ata participantes que chegaron dende A Coruña, Oviedo ou mesmo Cáceres e que se sentiron arroupados polo público expectante. E as expectativas non defraudaron: foron numerosos os participantes que cubriron as tres categorías do certame —peques, iúnior e veteranos—, facendo gozar aos asistentes, que non deixaron de aplaudir e animar durante toda a velada.

A noite foi todo un éxito e o xurado, formado por Xulia Nogueira, Uxío Dayán e Francisco Pico, tivo unha tarefa moi complicada á hora de elaborar a acta final, xa que en cada actuación quedou patente o talento e a paixón pola música dos participantes. A velada estivo dirixida por décimo terceiro ano tendo como presentadora á veciña Vanesa Miguez.

Desde a organización quérese agradecer, unha vez máis, a magnífica acollida desta actividade por parte do público, así como o traballo do xurado e a implicación de todos os participantes.
Agardamos poder velos de novo na próxima edición do Karaoke de Xove, que xa será a décimo cuarta, e que, sen dúbida, volverá encher de música e ilusión unha noite do Nadal.

A lista de premiados foi a seguinte:

Categoría “PEQUES” (ata 12 anos):

• Premio “Mellor Voz”: AITANA JIMENEZ BLANCO.- Premio de 60 €..- Canción: A un paso de la luna.
• Premio “Mellor Voz”: EVA CANCELA TRASTOY, MARIA POSADA DUARTE, ALEX LOUZAO CASAS.Premio de 60 €.-Canción: La Morocha.
• Premio a “Mellor Caracterización”: AINARA SÁNCHEZ LAGE, JESÚS LÓPEZ FRANCO, ANTÓN PRETO CANOURA.-Premio de 60 €.-Canción: A quién le importa.

Categoría “JÚNIOR” (DE 12 ata 18 anos):

• Premio “Mellor Voz”: DANIELA ROBLEDO CARDOSO.-Premio de 90 €.- Canción: Hometown Glory
• Premio “Mellor Voz”: CAROLINA GOAS TRELLES E MARTINA CASTRO DIAZ. -Premio de 90 €.-Canción: Me has invitado a bailar.
• Premio “Mellor Caracterización”: NOA VILLOTA PERNAS E EMMA LOPEZ GONZALEZ.-Premio de 90 €.-Canción: Perdonarte para qué.

Categoría “VETERANOS” (maiores de 18 anos):

• Premio “Mellor Voz”: Mª ÁNGELES LEAL GARCIA.- Premio de 150 €.-Canción: Déjala correr.
• Premio “Mellor Voz”: LAURA MIGUEZ RAMOS.-Premio de 150 €.-Canción: Esta vida.
• Premio a “Mellor Caracterización”: CARLOS JIMENEZ SEIJAS.-Premio de 150 €.- Canción: Abusadora

Persoas Colaboradoras para participar na Cabalgata de Reis

Detalles

Departamento de Cultura e Comunicación

Creado en Martes, 23 Decembro 2025 11:01

Última actualización en Martes, 23 Decembro 2025 11:02

Publicado el Martes, 23 Decembro 2025 11:01

Dende o Departamento de Cultura do Concello de Xove buscan Persoas Colaboradoras

para participar na Cabalgata de Reis.

O Concello de Xove busca persoas voluntarias para acompañar o Desfile dos Reis Magos

O Concello de Xove, a través do Departamento de Cultura, fai un chamamento á veciñanza para colaborar no tradicional Desfile dos Reis Magos, que percorrerá as rúas do municipio o 5 de xaneiro a partir das 7 da tarde e co obxectivo principal de manter viva a maxia do nadal no día máis especial tanto para os máis pequenos como para os maiores.

Desde o departamento solicitamos a participación de persoas voluntarias que dispoñan de vestimenta ou atavíos propios destas datas, tales como pastores ou pastoras, paxes reais, elfos, personaxes de Disney ou outros personaxes infantís, para participar nas carrozas preparadas para acompañar aos Reis Magos no seu desfile polas rúas de Xove.

As persoas interesadas en participar poden anotarse cubrindo un impreso de voluntariado na Oficina de Información Xuvenil, sendo por motivos organizativos a data límite para a inscrición o 26 de decembro.

Desde o Concello de Xove animamos á cidadanía a sumarse a esta iniciativa e contribuír a que o Nadal siga sendo un tempo de ilusión, especialmente para a infancia.

O Concello quere agradecer de maneira moi especial a colaboración desinteresada de veciños, veciñas e voluntarios, que ano tras ano arriman o ombro para que as actividades do Nadal poidan desenvolverse con éxito e ilusión.

Arranca o novo Curso de Música na Escola Municipal

Detalles

Departamento de Cultura e Comunicación

Creado en Jueves, 02 Outubro 2025 16:36

Última actualización en Jueves, 02 Outubro 2025 16:39

Publicado el Jueves, 02 Outubro 2025 16:36

O pasado xoves 25 de setembro mestres da Escola Municipal de Música deleitaron ao alumnado e ao profesorado do CEIP Pedro Caselles Rollán e do IES Illa de Sarón cunhas pequenas pezas musicais a modo de concerto didáctico nos ximnasios de ditos centros educativos de Xove co fin de amosarlles o traballo que día a día realizan nas clases da escola á vez que intentar conseguir novos alumnos para este curso que ven de empezar.

Ademáis este mércores tivo lugar a presentación do novo curso da Escola Municipal de Música nunha aula do Colexio de Palmeiro, instalacións que usan a diario para desenvolver a sua programación.

Teatro para toda a familia

Detalles

Departamento de Cultura e Comunicación

Creado en Miércoles, 11 Xuño 2025 11:17

Última actualización en Miércoles, 11 Xuño 2025 11:18

Publicado el Miércoles, 11 Xuño 2025 11:17

Presentación do Cartel do Entroido 2025

Detalles

Departamento de Cultura e Comunicación

Creado en Martes, 11 Febreiro 2025 19:37

Última actualización en Martes, 11 Febreiro 2025 19:37

Publicado el Martes, 11 Febreiro 2025 19:37

Desde a Concellería de Cultura do Concello de Xove presentouse o cartel coa programación do Concello de Xove para o Entroido 2025.