Tirada de Bolos -Centro Social Morás-

Detalles

Departamento de Cultura e Comunicación

Creado en Martes, 12 Marzo 2019 10:45

Última actualización en Martes, 12 Marzo 2019 11:01

Publicado el Martes, 12 Marzo 2019 10:45

 Tarde agradable e campo en bo estado para práctica dos bolos

Liga Senior Masculina.- HAI PARTIDO. Arturo Vigo, a quen con quedar por diante de Miguel López lle chegaba para proclamarese campión desta XXX Edición, veu como nesta penúltima tirada se lle esfumou prácticamente toda a renda que tiña, de 13 puntos pasou a 2. A victoria de Miguel López, a quen non lle temblou a man a hora de executar as tiradas, permítelle achegarse ao líder; os dous puntos que lle separan de Arturo poden ser unha renda perfectamente superable. Inda así, Arturo parte con vantaxe, xa que a súa posición de líder permítelle tirar en último lugar, polo cal cando tire, vai saber sempre o que fixo o seu rival; isto lóxicamente, en principio é unha vantaxe, pero en determinadas circunstancias pode converterse nun problema. Polo tanto, Arturo e Miguel vanse disputar esta edición especial do noso torneo, que xa acada tres décadas, nesta última tirada de Vilachá. Quen si deu un paso importante, càseque definitivo, foi o vixente campión Alex Meitín, que prácticamente se asegurou a terceira posición final; inda matemáticamente Javier Rodríguez podería empatarlle se gañase en Vilachá e tivese a mellor bolada, e Alex Meitín non puntuase, empresa que cremos prácticamente imposible. Pero bueno, matemáticamente Alex inda non ten a terceira praza asegurada.

Liga Senior Feminina.- Con Julia López xa campiona, a emoción nesta categoría estase a centrar na loita polo segundo posto. Nesta tirada de Morás Belén Meitín non aproveitou esta penúltima bala e perdeu un punto con respecto a Carmen Roca, quen, con seis puntos de vantaxe sobre Belén, prácticamente ten asegurado o subcampionato. Pero bueno, Belén inda ten algunhas opcións, iso sí, mínimas. Nesta categoría reciben premio e trofeo finais as 5 primeiras clasificadas; neste sentido, tamén hai unha importante loita polo 4º posto final, no que Concepción Piñeiro parte con dous puntos de vantaxe sobre Dolores Baño.

Liga Sub 16.- Con Javier Alonso como campión e Hugo Pérez como subcampión, a emoción estaba en ver quen se facía co terceiro posto final, se Christian Rodríguez ou Izan Maragoto; pois ben, Christian Rodríguez impúxose claramente por diante de Izan Maragoto nesta tirada de Morás, conseguindo tamén a mellor bolada; isto permítelle gañar matemáticamente a 3ª praza final, polo cal nesta categoría podemos decir que está todo o pescado vendido.

PRÓXIMA E ÚLTIMA TIRADA DA XXX EDICIÓN DOS BOLOS DE XOVE:

Sábado 16 de marzo de 2019 a partires das 16:00 h. na BOLERA DO CENTRO SOCIAL DE   VILACHÁ.

Entroido 2019

Detalles

Departamento de Cultura e Comunicación

Creado en Sábado, 02 Marzo 2019 19:53

Última actualización en Domingo, 03 Marzo 2019 10:12

Publicado el Sábado, 02 Marzo 2019 19:53

para ver las fotografías es preciso tener instalado el Adobe Flash Player --> descarga

Programa de actividades do Concello para o Entroido 2019

Detalles

Departamento de Cultura e Comunicación

Creado en Miércoles, 13 Febreiro 2019 14:21

Última actualización en Miércoles, 20 Febreiro 2019 11:35

Publicado el Miércoles, 13 Febreiro 2019 14:21

Venres, 1 de marzo.- Este día a Concellería de Servizos Sociais organiza o FESTIVAL DE ENTROIDO da Escola Infantil de Xove, que terá como prólogo un desfile polas rúas de Xove para rematar co propio Festival no Salón de Actos do Centro Cívico a partires das 11:00 horas.

   Os actos centrais do Entroido, que a Concellería de Cultura preparou para este ano, vanse desenvolver o SÁBADO, 2 DE MARZO. O Programa para este día é o seguinte:

   -16:00 horas.- Pasacalles por Xove a cargo da “CHARANGA “OS CHARANGOS”. Como paso previo a charanga vai ofrecer unha pequena actuación na Residencia da 3ª Idade San Bartolo de Xove.

   -17:00 horas.- DESFILE DE ENTROIDO polas rúas de Xove, con saída do Campo Municipal de Fútbol e chegada no Centro Cívico. Do Desfile, premios e da forma de inscribirse no mesmo, falamos nun apartado a continuación.

   -18:30 a 20:30 horas.- BAILE INFANTIL DE DISFRACES coa DISCOTECA MÓBIL DECIBELIOS no Pavillón de Deportes. Nun intermedio deste baile faranse entrega dos premios do Desfile en categorías infantil individual e infantil parellas.

   -22:30 horas en diante.- BAILE DE DISFRACES coa actuación do GRUPO “FÉNIX” e a DISCOTECA MÓBIL DECIBELIOS no Pavillón Municipal de Deportes. Nun intermedio deste Baile, sobre as 00:00 horas, faranse entrega dos restantes premios do Desfile de Entroido.

   A entrada a estes bailes é de carácter totalmente libre e gratuito.

   Dado a inestabilidade do tempo e prevendo que o tempo poida empeorar e a climatoloxía non axude, o Concello vai dispor dunha CARPA que cubra prácticamente toda a praza do Centro Cívico, co fin de que garantir a celebración do desfile inda que choiva.

XA ESTÁ ABERTA A INSCRICIÓN PARA PARTICIPAR NO DESFILE "ENTROIDO 2019" EN XOVE

   O período de inscrición xa está aberto, e a mesma hai que realizala en:

      -No Concello, na oficina do Técnico de Cultura ata o venres 1 DE MARZO incluido, ou ben, chamando por teléfono ao 982592001.

      -O mesmo día do desfile (2 de marzo) no punto de saída ubicado na Nave-almacén situada ao carón do Campo Municipal de Fútbol, dende as 15:00 ata as 16:30 horas. Dende as 16:30 ata as 17.00 horas non se permitirá ningunha anotación máis, e só se poderán recoller os dorsais daqueles que se inscribiran con anterioridade via telefónica ou presencial.

   O Concello ten previsto que tódolos/as participantes a nivel individual, como parella, grupo, comparsa/grupo ou carroza que se houberan inscrito previamente no desfile (antes do 1 de marzo) reciban un agasallo de parte da Organización. Os/as que se inscriban o mesmo día do desfile non terán dereito a este agasallo. O agasallo se lles entregará ao final do Desfile, dentro do Pavillón de Deportes, entregando o ticket facilitado previamente pola Organización.

PREMIOS QUE SE VAN ENTREGAR NO DESFILE

---->BASES REGULADORAS

---->PROGRAMA DE ACTIVIDADES

O perigo da velutina abordado nunha charla en Xove

Detalles

Departamento de Cultura e Comunicación

Creado en Miércoles, 13 Febreiro 2019 14:15

Última actualización en Miércoles, 13 Febreiro 2019 14:20

Publicado el Miércoles, 13 Febreiro 2019 14:15

Este pasado luns 11 de febreiro, ás 13:30 h no Salón de Plenos do Concello, o alcalde mantivo unha xuntanza cos apicultores afeccionados do noso Concello para falar da problemática que estamos a sofrer dende hai unhs anos, concretamente dende que a velutina nos invadeu.

Aparte de abordar a problemática na xuntanza, o alcalde ofreceulles unha mensaxe de esperanza, pedíndolles unión, decindo que, entre todos, pódense tomar medidas de prevención que permitan erradicalas.

 Ao final fíxolles entrega a tódolos participantes dun líquido para combatilas, animándoos tamén a pór trampas xa que estamos na mellor época do ano para facelo.

Karaoke 2018

Detalles

Departamento de Cultura e Comunicación

Creado en Miércoles, 13 Febreiro 2019 09:24

Última actualización en Miércoles, 13 Febreiro 2019 18:58

Publicado el Miércoles, 13 Febreiro 2019 09:24

Coro de Adultos no Conservatorio de Viveiro

Detalles

Departamento de Cultura e Comunicación

Creado en Miércoles, 06 Febreiro 2019 14:09

Última actualización en Miércoles, 06 Febreiro 2019 14:09

Publicado el Miércoles, 06 Febreiro 2019 14:09

XIII Tirada do Campionato de Bolos Xove 2019

Detalles

Departamento de Cultura e Comunicación

Creado en Martes, 05 Febreiro 2019 14:09

Última actualización en Martes, 05 Febreiro 2019 14:37

Publicado el Martes, 05 Febreiro 2019 14:09

A pesares dos presaxios tivemos unha boa tarde climatolóxica, xa que non nos choveu e a temperatura non foi excesivamente fria. Excelente participación con 33 inscritos.

• Liga Senior Masculina.- Despois de dúas tiradas aciagas, un enrabietado pero moi concentrado Miguel López impúxose con contundencia nesta decimoterceira tirada, celebrada no Municipal de Xove; esta victoria permítelle recortar en catro puntos a diferenza con Arturo Vigo, estando agora a 14 puntos do liderato con 5 tiradas inda por disputar; tamén lle permite a Miguel alonxar a Javier Rodríguez, quen non foi capaz siquer de puntuar.

Segundo na tirada o vixente campión Alex Meitín, o que lle permite acadar o 4º posto en solitario, a só 5 puntos do 3º. Por detrais temos a César Cancelos e Francisco Pérez, inda con moitas posibilidades de acceder, polo menos, ao terceiro posto final.

• Liga Senior Feminina.- Tamén Julia López é humana e, despois de 5 victorias consecutivas, onte tivo que conformarse cun 4º posto na tirada. Inda así lévalle 20 puntos a Belén Meitin (2ª) e 24 a Carmen Roca (3ª). A falla de 5 tiradas para acabar, esta importante diferenza tenlle que chegar a Julia para acadar o seu primeiro entorchado na categoría senior, nesta súa primeira participación.

Pero bueno, imos ter emoción ata o final, xa que Belén Meitín e Carmen Roca están moi igualadas, intercambiándose na clasificación segundo sexa a xornada. Estas tres xogadoras van copar con toda seguridade os tres primeiros postos finais.

• Liga Sub 16.- Sigue o dominio absoluto de Javier Alonso quen, a vindeira semana, dependendo sempre da clasificación, xa se podería proclamar matemáticamente campión da categoría. O seu dominio é incontestable. A segunda posición tamén ten dono, e non é outro que Hugo Pérez. A emoción nesta categoría vai estar na loita pola terceira praza entre Christian Cociña (24 puntos) e Izan Maragoto (22 puntos).

CLASIFICACION DA LIGA SENIOR

Nace Xove Costa -Trail

Detalles

Departamento de Cultura e Comunicación

Creado en Viernes, 25 Xaneiro 2019 13:18

Última actualización en Viernes, 25 Xaneiro 2019 13:26

Publicado el Viernes, 25 Xaneiro 2019 13:18

 Unha nova iniciativa deportiva acaba de porse en marcha no noso Concello, Xove Costa Trial (XCT). O día escollido para esta cita é o domingo, 24 de marzo. Nesta carreira imos ter dúas distancias: unha de 25 km (XCT25KM) e outra de 13 km (XCT13KM), así como unha andaina de 11 Km. A saída desta carreira farase dende o Cabo de Morás, transcurrindo pola costa de Xove, pasando por lugares tan atractivos coma a Illa de Sarón, Coto da Vela, Punta Merixe, Praia de Portocelo, San Tirso, Roncadoira, Ensenada de Coído, Punta Mansa, Praia do Muiñelo, etc. ata chegar ao Centro Cívico.   O percorrido vai pasar polas seguintes parroquias do Concello: Morás, Portocelo, Xuances, Sumoas, Lago e Xove.

   A concentración inicial realizarase na Praza do Centro Cívico, onde os participantes recollerán os dorsais, bolsa de corredores, …. A organización ten previsto autobuses para levar aos corredores ao punto de saída.  Unha vez rematada a carreira, a organización ten disposta unha pinchada para tódolos participantes.

As inscricións para Xove Costa Trail hai que facelas na Web championchipnorte. O seguimento de todo o relativo a esta carreira pódese realizar a través de Facebook en xovecostatrail. A organización deste evento corre a cargo da SECCIÓN DE MONTAÑA E SENDEIRISMO DA ACD XOVE e de ROQUE SPORT, contándose co Patrocinio do Concello de Xove e a colaboración de comercios e negocios da localidade.