Festa do Ramo no Alto do Cruceiro- Xuances 2018

Detalles

Departamento de Cultura e Comunicación

Creado en Miércoles, 03 Outubro 2018 17:32

Última actualización en Miércoles, 03 Outubro 2018 17:41

Publicado el Miércoles, 03 Outubro 2018 17:32

Esta Festa está organizada pola ASOCIACIÓN CULTURAL E DE FESTEXOS "ALTO DO CRUCEIRO", da cal formamos parte e, organizamos por duodécimo ano consecutivo a FESTA DO RAMO, a cal terá lugar o venres 5 de outubro e o sábado 6 de outubro, no Alto do Cruceiro. Antes de seguir con outras cousas, decir que esta festa a recuperamos despois de 12 anos sen celebrarse. O lugar de celebración será no CAMPO DA FESTA "ONOFRE LOUZAO", un recinto inaugurado hai un tres anos en honra a Don Onofre Louzao, máximo promotor desta festa e falecido hai 5 anos. Este recinto está ubicado nas inmediacións do centro social do Alto do Cruceiro, a uns 150 metros da estrada nacional Viveiro-Ribadeo, polo que acceso á mesma é moi fácil e sinxelo. Inda que esperamos e desexamos con todas as nosas forzas ter uns bos días climatolóxicos, pode que non sexa así, polo que dispoñemos DUNHA GRAN CARPA. Para unha maior comodidade dos visitantes dispoñemos de amplos aparcamentos no entorno do campo da festa.

 En canto ao amplo programa de actividades, destaca a celebración da FESTA DOS CALLOS, no seu DUODÉCIMO ANIVERSARIO, e que terá lugar o venres 5 de outubro a partires das 8 da tarde. Trátase dunha festa gastronómica, dun producto tan noso como son os callos, e a proposta que lles facemos é a seguinte: os participantes, polo módico prezo de 5 €uros, van poder degustar unha abundante ración de callos, pan e viño. En total contaremos con máis de 1000 racións, as cales esperamos que se agoten. Para conseguir estas racións, no mesmo lugar da festa contamos cun posto onde os visitantes van poder adquirir tickets por valor de 5 €uros, cos cales despois cambiarán polas conseguintes racións de callos. Co estómago ben cheo, remataremos a Festa cun bo programa de baile a partires das 11 da noite, amenizado pola orquestra LOS SATÉLITES e unha Disco Móvil.

   En canto ao programa de actividades previsto para o sábado 6 de outubro, temos:

• •       ás 13:00 horas: Misa Solemne e Procesión.-
  •       ás 14:00 horas: Sesión Vermú a cargo do GRUPO PEKADOS.-
  •       ás 18:00 horas: Partido solteiros contra casados, no campo anexo ao da Festa.-
  •       ás 22:30 horas: Verbena co GRUPO PEKADOS e a ORQUESTA NEVADA.-

Para rematar, a Comisión quere darlle as grazas a tódalas persoas, institucións, empresas, etc. que, de forma desinteresada, colaboran coas nosas Festas: Concello de Xove, comercios da zona e un especial agradecemento para os nosos veciños.

Un cordial saludo,   Asinado: A Comisión de Festas     

II CONCENTRACIÓN DE CLÁSICOS DE XOVE

Detalles

Departamento de Cultura e Comunicación

Creado en Sábado, 29 Setembro 2018 20:15

Última actualización en Sábado, 29 Setembro 2018 20:18

Publicado el Sábado, 29 Setembro 2018 20:15

Hoxe, sábado 29 de setembro, desenvolveuse a II CONCENTRACIÓN DE VEHÍCULOS CLÁSICOS E HISTÓRICOS, organizada pola Asociación Autoclásicos da Mariña Lucense, nunha convocatoria dirixida a coches e motos clásicos, na súa maioría de Galicia e Asturias.

   A organización contou, para este evento, coa colaboración do Concello de Xove e o de numerosas casas comerciais de toda a Comarca.

   O Programa de actividades foi o seguinte:

Leer más:II CONCENTRACIÓN DE CLÁSICOS DE XOVE

Xulia Lopez, do Club de Bolos Xove, Campeona de España de bolos celtas

Detalles

Departamento de Cultura e Comunicación

Creado en Miércoles, 26 Setembro 2018 13:34

Última actualización en Miércoles, 26 Setembro 2018 14:04

Publicado el Miércoles, 26 Setembro 2018 13:34

O pasado sábado, 22 de setembro, nos campos de Camos (Nigran) escribeuse unha das páxinas máis gloriosas do Club de Bolos Xove gracias á xovencísima xogadora xovense Xulia Lopez.Certo é que todolos afeccionados aos bolos celtas tiñan a Xulia coma unha potencial gañadora do Campeonato de España absoluto, debido a súa progresión ano a ano. Pero o certo é que ninguén pensaba que puidera facelo este ano e menos diante das dúas xogadoras que prácticamente gañan o 100% das suas partidas nas súas rexions : Paula Lopez en Galicia e Sandra Suárez en Asturias. Pero este sábado Xulia saiu totalmente lanzada a polo tótulo e xa deu a sorpresa ao clasificarse primeira no clasificatorio (o que lle daba a opción de ter man ao comezo de tódalas partidas) En semifinais, Xulia atopuose cunha grandísima rival, Belen Rodriguez (á postre campeona de España por parellas), pero gañou Xulia con soltura.

Na outra semifinal enfrontábanse as dúas top ten no que parecía a final anticipada (Paula Lopez contra Sandra Suárez), saíndo gañadora deste lance a xogadora de Boiro Paula Lopez. Na final Xulia continuou no seu ritmo e gañoulle claramente a Paula por 5-2, confirmando que era o seu gran dia; un resultado extraordinario para unha rapaza de tan só 15 anos, vixente campiona da Liga de Bolos de Xove na súa categoría Sub 16.

Destacar que Salomé Cardoso e Carmen Roca, ámbalas dúas do Club de Bolos Xove, acadaron neste Campeonato Individual a 5ª e 7ª prazas respectivamente. O domingo 23 celebrouse o campeonato de parellas e Xulia volveo a demostrar o seu gran momento de forma; formando parella coa asturiana Inma Menendez, acadaron unha fantástica 3ª praza, perdendo só un partido contra as xogadoras Belen Rodriguez e Rocio Menendez, as cales foron as campeonas de España finalmente. Na segunda praza quedaron Sandra Suarez e Susana Barrero ambas de Asturias. Nesta categoría a parella formada por Carmen Roca e Belen Meitin (do Club de Bolos Xove) acadaron un 5º posto e Salome Cardoso (do Club de Bolos Xove) formando parella coa xovencísima Noemi Gonzalez (ten a mesma edade que Xulia) quedaron nun meritorio 7º posto.

Leer más:Xulia Lopez, do Club de Bolos Xove, Campeona de España de bolos celtas

Xacio Baño: Director de Cine

Detalles

Departamento de Cultura e Comunicación

Creado en Miércoles, 26 Setembro 2018 11:49

Última actualización en Miércoles, 26 Setembro 2018 12:10

Publicado el Miércoles, 26 Setembro 2018 11:49

 Hoxe é o día máis importante a nivel profesional para este xovense que presentará no festival de San Sebastián a súa primeira longametraxe. 'Trote' conta a historia de Carme, unha muller que vive nunha aldea do interior de Galicia xunto a súa nai enfermae o seu pai, co cal apenas se fála. A película é unha produción española lituana cón gran carga visual.

Con que sensacións chega á presentación do filme hoxe no Festival de Cine de San Sebastián? o de entre quedar nun lugar a coidar de alguén e ter que marchar para buscar outras inquedanzas. A paisaxe é parte importante da película.

Chegou a gravar algo na súa terra natal? Gravouse en Galicia, en concreto en Amil, en Pontevedra, e en Ames, preto de Santiago. Non gravamos nada en Xove nin na Mariña. Queda para a próxima pelicula. Chama a atención que este filme conte coa presenza dunha produtora lituana. Como se deron as circunstancias para que iso fose posible? Pois foi porque eu coincidira coa produtora lituana, que se chama Ciobreliai Films, en varios festivais nos que participei.

 Para un concello pequeno como Xove, é moi resefiable a cantidade de xente que se dedica ás artes audiovisuais, como é o caso de Xacio Baño ou o tamén director cinematográfico Lázaro Louzao. A qué cree que se debe que Xove, con apenas 2.000 habitantes, teña tanta xente dedicada ao cine? A verdade é que é moi curioso porque Xove é un concello pequeno. Debe ser que o temos metido no ADN (risas). Penso que son coincidencias que ás veces ocorren. En Meira pasa algo parecido, hai varios cineastas. Igual ten que ver coa personalidade de ser dun concello pequeno en medio de concellos tamén pequenos, pero en calquer caso máis grandes que Xove. Penso que igual buscamos a nosa identidade e o cine é un sitio estupendo onde expresala.

Presentada a II Concentración de Clásicos de Xove

Detalles

Departamento de Cultura e Comunicación

Creado en Viernes, 21 Setembro 2018 14:37

Última actualización en Viernes, 21 Setembro 2018 14:50

Publicado el Viernes, 21 Setembro 2018 14:37

Hoxe presentouse na Praza do Centro Cívico de Xove a II CONCENTRACIÓN DE VEHÍCULOS CLÁSICOS E HISTÓRICOS, organizada pola Asociación Autoclásicos da Mariña Lucense, nunha convocatoria dirixida a coches e motos clásicos, na súa maioría de Galicia e Asturias. A CONCENTRACIÓN vaise desenvolver en Xove o vindeiro sábado, 29 de setembro, durante todo o día. A organización conta, para este evento, coa colaboración do Concello de Xove e o de numerosas casas comerciais de toda a Comarca.  Para realización desta xuntanza, fíxose unha convocatoria, que vai estar aberta ata o mesmo día da concentración. Nestes momento as inscricións tanto de coches como de motos van a moi bó ritmo. O Programa de actividades vai ser o seguinte:

• De 9:00 a 11:00 horas.- RECEPCIÓN de vehículos (coches e motos) na Praza do Centro Cívico. Durante este período, todo o público asistente poderá admirar libremente os vehículos participantes, podendo ademáis compartir experiencias cos seus propietarios.
• Sobre as 11:30 horas:- Realización dun CIRCUITO polo Concello, duns 10 km: saída do Centro Cívico cara a Vila, na parroquia de A Rigueira, continuando cara a Igrexa de San Miguel, en cuxa explanada se van ubicar os vehículos. Os participantes van aproveitar que é a Festa do San Miguel na Rigueira, co cal van poder participar na Misa e na Procesión, e visitar o fermoso entorno, coa área recreativa e a Ruta dos Muiños. Por parte da organización está previsto ofrecerlles un pequeño refrixerio na Área Recreativa.

   A continuación a comitiva vai seguir cara o Cruceiro, para dirixirse á A Vara, pasando por Os Faroles, Igrexa de Xuances e baixada cara Area, onde tódolos participantes, sobor das 15:00 horas, van disfrutar dun xantar no Restaurante Louzao. Unha vez rematado o xantar, a organización ten prevista a entrega de PREMIOS, para finalizar co sorteo dunha serie de produtos doados polos establecementos comerciais colaboradores.

Cine ó Aire Libre na PRAZA DO CONCELLO

Detalles

Departamento de Cultura e Comunicación

Creado en Jueves, 20 Setembro 2018 13:15

Última actualización en Jueves, 20 Setembro 2018 13:44

Publicado el Jueves, 20 Setembro 2018 13:15

Proxección de Pérez, o Ratiño dos teus soños

A proxección vaise desenvolver mañá, venres 21 de setembro, a partires das 21:30 horas na Praza do Centro Cívico. Se non valese para realizar a proxección na Praza, por calquer razón climatolóxica, a mesma pasaríase ao interior do Pavillón, polo cal, podemos decir, que a proxección está garantida xa que  está organizada pola Rede de Dinamización Lingüística, dentro do Programa Redecinema da Xunta de Galicia. Nesta actividade colabora a Concellería de Cultura do Concello de Xove. A entrada a esta proxección é de carácter totalmente libre e gratuita. Dende o Concello invitamos a tódolos nenos de Xove e de A Mariña a que asistan a esta proxección, actividade coa que o noso Concello pon punto final a unha intensa programación estival.

Pérez, o ratiño dos teus soños é unha coproducción galega de animación, dirixida por Juan Pablo Buscarini en 2006. Está producida por Castelao Productions, Filmax y Patagonik Film Group. Película de calidade que recibeu, entre outros moitos premios, un Goya á mellor película de animación.

ACDXOVE: Presentación da nova tempada 2018/2019

Detalles

Departamento de Cultura e Comunicación

Creado en Jueves, 20 Setembro 2018 09:37

Última actualización en Jueves, 20 Setembro 2018 09:37

Publicado el Jueves, 20 Setembro 2018 09:37

Atentado ecolóxico no Rio da Rigueira – Xove

Detalles

Departamento de Cultura e Comunicación

Creado en Martes, 18 Setembro 2018 14:57

Última actualización en Martes, 18 Setembro 2018 15:01

Publicado el Martes, 18 Setembro 2018 14:57

Na ponte que cruza o rio da Rigueira, en Regosanguento, acaba de producirse un atentado ecolóxico. Acaban de aparecer restos de mobiliario e outros enseres (restos dun equipo de son, entre outros desperdicios) tirados no rio ao carón mesmo da ponte. O lugar, onde está ubicada unha pequena área de esparcimento, pertencente á ruta dos muiños, apareceu hoxe con eses restos tirados no rio. Este feito, incomprensible desde calquer punto de vista, xa que no Concello, o mesmo que en moitos outros da Comarca, hai un punto limpo onde se poden despositar gratuitamente este tipo de refugallos.

Dende o Concello descoñécese quen puido ser o/a responsable deste verdadeiro atentado. Pero bueno, o Concello puxo en marcha unha investigación para dar co/coa responsable/s deste lamentable feito, co fin de que o peso da lei caiga sobor del/es. Tamén o personal do SEPRONA está a investigar este feito, agravado ademáis por ser o río o depositario do lixo. Trátase dun atentado grave, no que ao haber aparellos electrónicos, a sanción por estes feitos está tipificada no código legal con ata 31.000 €. Recordo, outra vez, que Xove dispón dun PUNTO LIMPO, onde se pode depositar gratuitamente o refugallo durante toda a semana nos seguintes horarios:

• Luns, de 8:00 a 14:30.
• Martes a venres: de 8:00 a 15:00 horas.
• Sábados: de 10:00 a 13:00 horas.

Ademáis, o Concello de Xove ten un servicio gratuito de recollida deste tipo de residuos polas casas; só hai que chamar ao Concello, e personal do mesmo pasará a recoller este material para depositalo no PUNTO LIMPO.