Exitazo da Iª Concentración de Clásicos de Xove

Detalles

Departamento de Cultura e Comunicación

Creado en Martes, 26 Setembro 2017 14:54

Última actualización en Jueves, 28 Setembro 2017 09:30

Publicado el Martes, 26 Setembro 2017 14:54

O pasado sábado, 23 de setembro, desenvolveuse en Xove a Iª CONCENTRACIÓN DE CLÁSICOS DE XOVE, organizada pola Asociación Autoclásicos da Mariña Lucense, nunha convocatoria dirixida a coches e motos clásicos.  A organización contou, para este evento, coa colaboración do Concello de Xove e o de numerosas casas comerciais de todo o termo municipal. Para realización desta xuntanza, primeiro fíxose unha convocatoria previa na que se inscribiron 71 coches máis 16 motos. Chegado o día, todos estes vehículos concentráronse a partires das 10 da mañá na Praza do Centro Cívico de Xove. A organización recibeu vehículo por vehículo, sendo estes perfectamente ordenados na Praza.

   Hai que decir que o día foi perfecto, cun día soleado e unha temperatura moi agradables; isto fixo que a presencia de espectadores fose moi numerosa, achegándose xentes de toda a Mariña a velos distintos modelos de coches e de motos.

A última hora da mañá, sobre as 13:30 horas, tódolos coches e motos clásicos partiron para facer unha ruta pola costa do Concello, pasando polas parroquias de Lago, Morás, Portocelo e Xuances.

   A ruta continuou cara o Concello de Viveiro, facendo unha primeira parada na Praia de Area, en cuxo entorno tódolos participantes puideron tomar un pequeño refrixerio, para, de seguido, continuar ata o Restaurante Louzao, onde disfrutaron dun xantar de confraternidade.

   Ao remate do xantar, nun acto presidido polo alcalde Demetrio Salgueiro, a organización realizou a entrega dos premios nas distintas categorías.

   Como balance desta Iª edición, a organización quere mostrar a súa satisfacción pola excelente acollida que tivo esta iniciativa entre tódolos amantes dos vehículos clásicos, e espera que en vindeiras edicións esta Concentración poida seguir crecendo en tamaño e calidade.

   Por último, a organización quere dar as grazas a tódolos colaboradores (casas comerciais, Concello de Xove) e participantes pola súa presenza nesta primeira edición.

Concertos de Promoción da Escola Municipal de Música

Detalles

Departamento de Cultura e Comunicación

Creado en Viernes, 22 Setembro 2017 12:58

Última actualización en Viernes, 22 Setembro 2017 13:00

Publicado el Viernes, 22 Setembro 2017 12:58

Hoxe pola mañá, ás 11:00 horas no ximnasio do CEIP Pedro Caselles Rollán (diante de 174 alumnos/as) e ás 12:00 horas no ximnasio do IES Illa de Sarón para uns 90 alumnos/as, catro  profesores da Escola Municipal de Música de Xove (cuarteto composto por dous  violíns, unha viola  e un chelo) realizaron un pequeno concerto en cada un dos citados centros educativos, dunha duración de media hora cada un deles. Interpretaron varias pezas clásicas .Estes dous concertos organízáronse coa colaboración do CEIP Pedro Caselles e do IES Illa de Sarón. Con estes dous concertos abreuse o Curso 2017-2018 da Escola Municipal de Música de Xove. Os concertos tiveron unha doble finalidade: cultural, no senso de achegar a música aos nenos e rapaces e, por outro, promocional, xa que se aproveitaron para publicitar a Escola e animar aos alumnos destes dous centros a que se inscriban na Escola de Música.

Ata finais de setembro, no Rexistro de Entrada das Oficinas Municipais, poden realizar a preinscrición na Escola Municipal de Música para o Curso 2017-2018.

   Seguindo coa Escola Municipal de Música, decir que o luns, 2 de outubro, ás 20:00 h. terá lugar a presentación oficial do Curso 2017-2018, acto que se vai realizar na sé da Escola en Palmeiro, ao cal están invitados tódolos pais e alumnos da mesma.

Xornadas de promoción dos bolos en Xove

Detalles

Departamento de Cultura e Comunicación

Creado en Miércoles, 20 Setembro 2017 13:43

Última actualización en Miércoles, 20 Setembro 2017 13:59

Publicado el Miércoles, 20 Setembro 2017 13:43

Un ano máis, e antes de comezar a XXIX Tirada de Bolos Concello de Xove, o Concello, a través da súa Concellería de Deporte, xunto co Colexio Pedro Caselles Rollán e o IES Illa de Sarón de Xove, organizan unhas XORNADAS destinadas a promocionar o xogo dos bolos entre os alumnos/as de ámbalas dúas institucións educativas.   Polas Xornadas deste ano 2017 van pasar 22 alumnos/as de 5º e 18 de 6º de Educación Primaria do Pedro Caselles, e 21 alumnos/as de 1º de ESO do IES Illa de SArón. Nas mesmas se lles van explicar os fundamentos deste xogo autóctono, e todos terán, asimesmo, a oportunidade de xogar.As xornadas van ter unha doble vertente, con explicacións teóricas a cargo do Técnico de Cultura Mario Eijo, e unha parte práctica a cargo do veterano xogador José González Rodríguez, quen se vai a encargar de explicarlles de forma práctica como se tira, como hai que coller a bola, etc.

   As Xornadas comezaron hoxe na Bolera do Campo Municipal de Fútbol de Xove, contándose coa participación dos 22 alumnos/as de 5º de Educación Primaria do CEIP Pedro Caselles, os cales estiveron acompañados polos profesores Mª José Burón e Daniel Jardón.

As Xornadas van continuar con arranxo ao seguinte calendario:

• Mércores 27 de Setembro: -De 13:30 a 14:20 h: 21 alumnos/as de 1º de ESO do IES Illa de Sarón.
• Venres 29  de Setembro: -De 10:30 a 11:20 h: 18 alumnos/as de 6º de Primaria do CEIP Pedro Caselles.

O obxectivo destas Xornadas, amáis da promoción deste deporte en sí, é o de incorporar novos xogadores/as á Liga de Bolos Municipal, dado que hai uns anos tivemos un baixón no número de xogadores ao retirarse moitos dos vellos xogadores e non haber relevo; debido a isto, o Concello hai 16 anos decidiu crear unha Liga Sub 16 co fin de ir preparando xogadores/as que puideran cubrir as vacantes producidas polas citadas retiradas de vellos xogadores.   Lóxicamente, por idade, os mellores sitios onde se poderían atopar novos xogadores serían os centros educativos, reset caso o CEIP Pedro Caselles e o IES Illa de Sarón.

Estas Xornadas véñense celebrando dende hai varios anos, contándose para o mesmo, nesta edición, coa colaboración dos departamentos de educación física do Colexio Pedro Caselles e do IES Illa de Sarón.

Dende o Concello só nos queda agradecerlle aos profesores Mª José Burón e Daniel Jardón do Colexio Pedro Caselles e ao profesor Luis Rico do IES Illa de SArón toda a colaboración prestada na organización destas Xornadas.

Éxito das xogadoras do Club de Bolos Xove

Detalles

Departamento de Cultura e Comunicación

Creado en Jueves, 14 Setembro 2017 12:11

Última actualización en Jueves, 14 Setembro 2017 12:24

Publicado el Jueves, 14 Setembro 2017 12:11

O pasado fin de semana celebrouse en Gijón o CAMPEONATO FEMENINO DE ESPAÑA DE BOLO CELTA, no que participaron 31 xogadoras das Federacións galega, asturiana e madrileña. O Club de Bolos Xove desprazou a este campionato 5 xogadores que acadaron uns brillantes resultados:

Na categoría individual, Julia López tentou revalidar o subcampeonato acadado o pasado ano, pero esta vez a sorte non estivo do seu lado, quedando clasificada en quinta posición, seguida en sexta tamén pola xovense Salomé Cardoso. Tanto Julia como Salomé son dúas das xoves xogadoras con máis futuro do bolo en Galicia; recordamos tamén que Julia é a actual campiona da Liga Sub 16 de Xove e Salomé quedou 3ª na Liga Senior.

No que atinxe ao campionato por parellas, as xovenses Carmen Roca e Salomé Cardoso acadaron a 3ª posición final, cedendo únicamente diante das campeonas. Tamén a xogadora xovense Julia López, formando parella coa asturiana Noemi, acadaron a 4ª posición final neste Campeonato de España.

Festival SAiñas 2017

Detalles

Departamento de Cultura e Comunicación

Creado en Martes, 12 Setembro 2017 14:26

Última actualización en Martes, 12 Setembro 2017 14:26

Publicado el Martes, 12 Setembro 2017 14:26

SOBRE 600 PERSOAS ASISTIRON Ó FESTIVAL "IDENTIDADE" QUE PUXO EN ESCEA, HAI UNS DÍAS, A ASOCIACIÓN CULTURAL SAIÑAS, CON 50 BAILADORES E MÚSICOS, ACADANDO UN GRAN ÉXITO ENTRE O PÚBLICO ASISTENTE, QUE PUIDO DISFRUTAR DOS BAILES E CANTOS QUE AINDA SE SEGUEN REPRESENTANDO EN POBOS E PARROQUIAS DE TODA GALICIA, CON UN COLORIDO NO VESTUARIO DO MÁIS VISTOSO.

Festival Identidade

Detalles

Departamento de Cultura e Comunicación

Creado en Viernes, 01 Setembro 2017 13:47

Última actualización en Viernes, 01 Setembro 2017 13:47

Publicado el Viernes, 01 Setembro 2017 13:47

Hoxe tivo lugar a presentación do espectáculo IDENTIDADE da Asociación Cultural Saiñas de Xove no Salón de Plenos do Concello, acto que contou coa presenza da Concelleira de Cultura Dolores Meitín, o Presidente de Saiñas Andrés Piñeiro e o Director do espectáculo Pablo Rivas.

Escola Municipal de Música...

Detalles

Departamento de Cultura e Comunicación

Creado en Miércoles, 30 Agosto 2017 11:48

Última actualización en Jueves, 31 Agosto 2017 09:20

Publicado el Miércoles, 30 Agosto 2017 11:48

      Aberta a preinscrición para a Escola Municipal de Música de Xove – Curso 2017/2018      

Dende o venres 1 ata o venres 29 de setembro, ámbolos dous días incluídos, vai estar aberta nas oficinas do Concello a Preinscrición para o Curso 2017-2018 na Escola Municipal de Música de Xove. Tódolos alumnos/as que queiran preinscribirse deberán pasar polo Rexistro Municipal en horario normal de oficinas a formalizar a súa preinscrición. Para realizar a mesma, hai que rexistrar unha ficha (con tódolos datos cubertos) no Rexistro Municipal do Concello; esta ficha pódese obter no mesmo rexistro. 

A primeira semana de OUTUBRO fárase público no tablón de anuncios do Concello o listado de NOVOS admitidos/as na Escola Municipal de Música para o curso 2.017/18. Unha vez que o alumno/a sexa admitido, para a FORMALIZAR A SÚA MATRÍCULA deberá entregar no Rexistro Municipal o comprobante de ter feito a transferencia bancaria de 50 € en concepto de matrícula por alumno e curso completo no nº de conta ES26- 0238-8166-9606-6000-0173 do Banco Pastor ANTES DO 17 DE OUTUBRO de 2017. De non ser así, considerarase desestimada a matrícula por parte do alumno/a. A formalización da matrícula por parte dos admitidos/as será requisito imprescindible para poder asistir ás clases. Recordar que esta preinscrición é para novos alumnos. Os alumnos que desenvolveron a súa actividade na Escola durante o Curso 2016/2017 xa tiveron a posibilidade de matricularse durante o pasado mes de xuño.

Día dos Nenos no Centro Civico de Xove 2017

Detalles

Departamento de Cultura e Comunicación

Creado en Martes, 22 Agosto 2017 08:54

Última actualización en Martes, 22 Agosto 2017 08:59

Publicado el Martes, 22 Agosto 2017 08:54

Onte, na Praza do Centro Cívico a partires das 17:00 horas, desenvolveuse o DÍA DOS NENOS, os cales, cun sol expléndido, puideron disfrutar dos numerosos inchables e xogos acuáticos.   A organización deste evento coincideu co festivo local, xa que hoxe e un dos dous festivos locais (o outro foi martes de entroido) dos que disfruta o noso Concello.