Concerto musical QUEIMAN FOLKI

30/Agosto/2024 CONCELLO DE XOVE
• 

 Concerto musical QUEIMAN FOLKI de Bruxo Queiman que tivo lugar onte ás 22:00 h no pavillón municipal, dentro da programación das festas patronais de Xove.

O espectáculo de música, luz e lume fixo estremecer ao público asistente.

Pregón das Festas Patronais de Xove 2024

30/Agosto/2024 CONCELLO DE XOVE
• 

Abarrotado Salón de Actos do Centro Cívico de Xove para recibir á pregoeira das festas patronais de Xove 2024.

Onte xoves, ás 20:30 h tivo lugar o pregón das festas a cargo de Dª Lolita Barro, que foi mestra na Escola Mixta de Veiga (parroquia de A Rigueira-Xove) entre 1970 e 1976 e tamén no Colexio Público de Xove dende o 1976 ata 1996 que se xubilou.

A súa presencia encheu totalmente o salón de actos cun pregón moi emotivo, cheo de vivencias e recordos.

Actuación do Teatro O Cubo

29/Agosto/2024 CONCELLO DE XOVE
• 

 Dentro da programación das festas patronais de Xove seguimos hoxe coa actuación do Teatro O Cubo coa representación de “De Vilatriste a Vilalegre” dentro da Xira aniversario do Centro Dramático Galego.

Foron moitos nenos e nenas que a pesar da choiva puideron disfrutar da obra dentro do pavillón municipal de deportes.

Na tarde-noite de hoxe xoves 29 está previsto o pregón das festas ás 20:30 h no Salón de Actos do Centro Cívico a cargo de Dª Lolita Barro, que foi mestra na Escola Mixta de Veiga, na parroquia de A Rigueira, entre 1970 e 1976 e posteriormente no Colexio Público de Xove entre 1076 e 1996.

A continuación ás 22:00 h terá lugar o concerto musical de Queiman Folki de Bruxo Queiman na praza do concello; coa previsión de si chove poder cambiar dita actuación para o pavillón municipal.

Actuación do grupo de teatro Ghazafelhos

28/Agosto/2024 CONCELLO DE XOVE
• 

Hoxe mércores ás 12 da mañá tivo lugar na praza anexa á biblioteca a actuación do grupo de teatro Ghazafelhos coa obra “Contos de lobo” (Ler Conta Moito).

Foron moitos os nenos e nenas  e tamén maiores os que se acercaron a desfrutar da obra.

Actividades Mañás Activas e entrega de diplomas 2024

23/Agosto/2024 Oficina Municipal Información Xuvenil oix@xove.es
• 

Dende o 1 de xullo e ata o 23 de agosto un grupo de 44 rapaces e rapazas, de idades comprendidas entre os 9 e os 16 anos, participaron de luns a venres dunha variada axenda de actividades de lecer que incluían, entre outras, obradoiros temáticos de manualidades, xogos de grupo, iniciación ao hockey, robótica educativa entre outras.

Tamén gozaron de actividades deportivas ao aire libre monitorizadas por “Roq Sport” e dunha excursión a A Pontenova para facer a Ruta dos Fornos. Esta variada programación dentro do proxecto de voluntariado xuvenil “Mañás Activas” foi coordinada polo persoal técnico da Oficina de Información Xuvenil xunto co grupo de voluntariado formado por: Noah Posada Duarte, Eva Louzao Casas e Xoan Campo González aos que agradecemos a súa desinteresada participación durante os meses de verán.

O día 23 de agosto, as Concelleiras Cristina Iglesias e Dolores Meitín xunto co alcalde Demetrio Salgueiro, fixeron entrega de diplomas aos participantes e ao equipo de voluntariado como recoñecemento a súa colaboración. Deste xeito, xunto co programa “Xove Concilia Verán”, que conta neste mes de agosto con 100 participantes, dase cobertura á demanda das familias do noso Concello para así poder conciliar a vida laboral e familiar.

Presentación das festas patronais de Xove 2024 na honra a San Bartolo e á Virxe do Carme

21/Agosto/2024 CONCELLO DE XOVE
• 

Na presentación das festas estiveron os membros da comisión organizadora (Asociación de Festexos Montevelle): Benigno Canoura, José Carlos Cociña, José Luis Pico, Dalmacio Riveira e Borja Basanta xunto co alcalde de Xove Demetrio Salgueiro e as concelleiras Dolores Meitín, Cristina Iglesias, Cecilia Duarte e Tamara Soto.

PROGRAMA DE FESTAS

Charla informativa acerca da vespa velutina na OMIX

20/Agosto/2024 Oficina Municipal Información Xuvenil oix@xove.es
• 

Rapaces e rapazas que participan no programa “Mañás activas” reciben na OMIX unha charla informativa acerca da vespa velutina e de como se trampea para combatila.

Ruta dos Fornos en a Pontenova

17/Agosto/2024 Oficina Municipal Información Xuvenil oix@xove.es
• 

O mércores 14 de agosto ás 9:00 horas, un grupo de rapaces e rapazas de Xove de idades comprendidas entre os 9 e 16 anos, acompañados polas técnicas de xuventude Silvia Rodríguez Barreiro e Mónica López Sanjurjo xunto co grupo de voluntariado xuvenil que participa no programa “Mañás Activas” desprazáronse ata A Pontenova para gozar dunha experiencia inesquecible, a Ruta dos Fornos.

Os participantes, mediante unha ruta guiada, subiron ata a Mina Consuelo, onde con moita atención escoitaron ás explicacións de Xulio sobre a historia da mina e a forma de traballar dos mineiros e da actual naturalización do seu interior pouco a pouco.

E para rematar, antes do xantar, o descenso na tiroliña subiu ao tope a adrenalina dos máis osados.

Esta viaxe está organizada pola Oficina de Información Xuvenil do Concello de Xove dentro do programa de actividades do verán “Xove Xuventude”.