Co-Responsais:Documental sobre a igualdade de xénero

12/Marzo/2013 Departamento de Servizos Sociais
• 

O TRABALLO colectivo dun grupo de rapaces e rapazas de cuarto de educación secundaria do instituto Illa de Sarón xovense viu onte a luz coa proxección do documental Co-responsais Xove. Os mozos tentaron durante todo o proceso de elaboración potenciar valores de igualdade, corresponsabilidade e respecto para favorecer condutas non violentas nas relacións persoais e na propia sociedade.

Os autores do traballo son Javiera Duarte Araya, Fernanda Duarte Araya, Iván Da Silva Martínez, José Matías Duarte Araya e Noela Bouza Bermúdez, quenes xuntaron por parellas ós representantes sociais para que analizasen polo miúdo como está a situación.

A coordinadora do traballo foi Fátima Fernández Sánchez, educadora e coordinadora técnica da empresa Senes, quen resalta que o obxectivo do documental, de 30 minutos, é concienciar á sociedade en igualdade de xénero para que se decate de que aínda quedan moitas cousas por acadar. Para elo estudiaron a linguaxe que se emprega, os anuncios e cancións sexistas e virón que o salario que cobra unha muller é inferior ó dun home polo desenrolo das mesmas funcións.

Os mozos visionaron vídeos de programas como Salvados ou Callejeros e decatáronse de que facendo a típica pregunta-resposta, o resultado sairía forzado, pois querían que fose algo natural, un vídeo no que cadaquen falase da súa experiencia de xeito espontáneo e aberto. O obxectivo conseguíuse ó preguntarlle cada un á súa parella.

ENTREVISTAS. Os rapaces xuntaron ó cura Cándido López co encargado da aula de informática da Omix xovense, Daniel López; o Alcalde, Demetrio Salgueiro, conversou co sarxento comandante do posto da Carda Civil, Jorge López; a administrativa Trinidad Santos falou coa mestra retirada Mª Dolores Díaz. O documental toca varios temas dende o traballo ata o deporte, pasando pola situación laboral. Marga di que o máis importante é que auno consideren persoa e Ana aposta poreducar en igualdade desde nenos.

Xunta de Galicia:Axudas destinadas ao alumnado con dificultades económicas

06/Marzo/2013 Departamento de Servizos Sociais
• 

Orde do 21 de febreiro de 2013 pola que se establece o procedemento de concesión, baixo o réxime de concorrencia non competitiva, de axudas destinadas ao alumnado que curse estudos universitarios, no curso académico 2012/13, nas universidades do Sistema universitario de Galicia, que por causa sobrevida ou imprevista teña dificultades económicas para continuar estudos.

Prazo de solicitude: Poderá realizarse desde o 7 de marzo ata o 1 de setembro de 2013.

Con carácter xeral, o prazo de presentación de solicitudes será dun mes desde a data en que acontecese a causa sobrevida ou imprevista, sempre que a solicitude se realice con anterioridade ao 1 de setembro de 2013.

 Requisitos:Necesidade urxente de recursos económicos para paliar a situación de emerxencia derivada dunha causa sobrevida ou imprevista (orfandade absoluta, falecemento pai/nai/titor legal, desemprego sustentador principal, enfermidade grave, violencia de xénero cara el/ela ou o/a seu/súa proxenitor/a, vítimas de actos terroristas, separación, divorcio, ruína ou quebra familiar e outras circunstancias non recollidas que, sendo xustificadas, repercutan na situación socioeconómica familiar).

• • Que a situación sobrevida ou imprevista acontecese durante o actual curso académico 2012/13.
  • Estar matriculado, no curso académico 2012/13, como mínimo en 50 créditos, en estudos universitarios presenciais conducentes ao título de grao, licenciado, enxeñeiro, arquitecto, diplomado, mestre, enxeñeiro técnico e arquitecto técnico en calquera das universidades do Sistema universitario de Galicia.
  • Que a renda per cápita da unidade familiar non sexa superior ao importe anual da pensión non contributiva individual para o ano 2013, é dicir, 5.108,60 euros (425,72 euros mensuais, incluída nesta contía a parte proporcional de dúas pagas extraordinarias).
  • Non ter percibido esta axuda con anterioridade.

Se a causa sobrevida ou imprevista ten acontecido con anterioridade á publicación desta orde, o prazo de presentación será dun mes contado a partir do día seguinte ao da publicación desta no DOG (ata o 6 de abril de 2013) |

  ENLACE E SOLICITUDE

Axudas a estudantes universitarios para estadías nun país da UE para coñecer a língua dese país durante o verán de 2013

06/Marzo/2013 Departamento de Servizos Sociais
• 

Orde do 20 de febreiro de 2013 pola se aproban as bases e se procede á convocatoria de axudas a estudantes universitarios para estadías nalgún Estado membro da Unión Europea, durante o verán de 2013, co obxecto de coñecer a lingua dese país.(DOG nº 46 do 6/3/2013) >Requisitos:

• a) Estar matriculados/as no curso 2012/13, como mínimo en 50 créditos, incluído neles o proxecto fin de carreira, en calquera das universidades do Sistema universitario de Galicia, ou nos centros asociados da UNED en Galicia, en estudos conducentes ao título de grao, licenciado, enxeñeiro, arquitecto, diplomado, mestre, enxeñeiro técnico ou arquitecto técnico.
• b) Ter superado 60 créditos no momento de presentación da solicitude en titulacións de 1º ciclo ou 120 créditos en titulacións de grao e de 1º e 2º ciclo. 
• c) Ter unha puntuación media no seu expediente académico igual ou superior aos 7,00 puntos, para alumnos das ramas de coñecemento de Artes e Humanidades, Ciencias Sociais e Xurídicas, Ciencias e Ciencias da Saúde; e 6,00 puntos, para alumnos da rama de Enxeñaría e Arquitectura. Nota media calculada de acordo cos parámetros reflectidos no protocolo de colaboración subscrito o 27 de xuño de 2011 entre esta consellería e as universidades galegas.
• d) O curso de idiomas debe ter unha duración mínima de tres semanas, cun mínimo de 15 horas lectivas semanais. O idioma que se desexe cursar deberá corresponder co idioma oficial do país elixido.

Prazo de solicitude:Un mes contado a partir do día seguinte ao da publicación.-   Ata o 6 de abril de 2013   

 ENLACE CON MÁIS INFO E TRAMITACIÓN          

O xoves 28 de marzo (Xoves Santo), XIIª festa do “Polbo da Pedra” en Xove

06/Marzo/2013 Departamento de Cultura e Comunicación
• 

NOTA INFORMATIVA: Somos un grupo de hosteleiros de Xove que queremos contribuir a promocionalo noso Pobo, para o que pensamos en organizar unha festa gastronómica, xa que esa é a área na que mellor nos desenvolvemos. O mesmo que outros lugares da Comarca, cremos que temos productos que son merecentes de ser promocionados; coincidimos todos en que o “polbo da pedra”, denominación coa que coñecemos o polbo que se captura na nosa costa, é un  producto de altísima calidade, tal como nolo amosan os numerosos viaxeiros e turistas que pasan polos nosos establecementos. Sabemos que noutros lugares de Galicia se celebran festas do polbo, pero esta queremos que naza cun xeito diferenciador, e ese xeito está en que o polbo que se traballa na Costa de Lugo (especialmente no que atinxe ós nosos portos de Morás e Portocelo) é un polbo distinto do que se acostuma a tomar noutros lugares e feiras de Galicia; o noso é un polbo cunha cor máis escura, os raxos son máis longos e a cabeza máis pequena, e cremos tamén, inda que esta é unha opinión particular, que se trata dun polbo de máis calidade que ese outro que se colle sobre todo nas grandes rias.

Xa imos pola XIIª edición, o que quer decir que esta Festa consolídase ano a ano, o que nos enche de orgullo. Para esta edición, que vai comezar ás 19:00 horas, ousexa, que a partires das 7 da tarde xa se vai comezar a repartir polbo, a organización dispón duns 800 kg. de polbo que vai ser preparado polos diferentes locais en multitude de variedades. Decir, neste sentido, que cada ano os distintos hosteleiros elaboramos diferentes  e novas recetas cada edición, co fin de sorprender aos visitantes, sen deixar tamén  de cociñar o polbo nas súas formas máis tradicionais.

A organización deste evento corre a cargo dos seguintes establecementos: Pulpería O Refugio, Cafetería O Roda, Bar Pepe, Cervecería Cociña, Cafetería Centro Cívico e Mesón-Pizzería A Fuga. Contamos tamén, e non podía ser doutra maneira, co importante patrocinio e colaboración  do Concello de de Xove.

Por último, aproveitamos para animar e invitar a participar nesta Festa, a toda a xente de Xove, da Mariña e doutros lugares que queiran, nesta data, disfrutar dunha importante e agradable xornada gastronómica.

Comisión para a mellora da atención ás Vítimas da Violencia de Xénero

05/Marzo/2013 Departamento de Servizos Sociais
• 

Hoxe, dia  5 de marzo de 2013, foi constituida a Comisión para a Mellora da Atención ás Vítimas da Violencia de Xénero do Concello de Xove.

 A Comisión estará integrada polos seguintes representantes: Concelleira de Sanidade, Servizos Sociais, Xuventude, Muller e Igualdade do Concello de Xove.Responsable do Posto da Garda Civil de Xove; Responsable da Unidade contra a Violencia sobre a muller da Subdelegación do Goberno en Lugo; Representante do Departamento de Servizos Sociais do Concello de Xove; Representante da Unidade de Educación Familiar do Concello de Xove; Representante do centro de Saúde de Xove; Representante do IES “Illa de Sarón” de Xove; Representante do CEIP “Pedro Caselles” de Xove

O obxectivo fundamental desta comisión será mellorar a atención, a través da coordinación entre as institucións,  e conseguir a súa adaptación ás necesidades reais das mulleres vítimas de violencia.

Deputación e o Concello colaboran na rexeneración de viais municipais

28/Febreiro/2013 Departamento de Obras
• 

Dende hai cáseque un mes está a traballar en Xove un equipo de riego da Deputación de Lugo, o cal foi lle concedido ao noso Concello. Este equipo, que vai rematar o seu traballo o vindeiro venres 8 de marzo realizou, e está a realizar, unha serie de traballos en distintos viais municipais, arranxándoos e rexenerándoos.

Neste tempo xa foron varios os viais de titularidade municipal  reparados, uns con tratamento parcial, incidindo nas partes máis abandoadas, e outros o foron integralmente, cubrindo toda a superficie do mesmo.

Dentro dos viais con reparacións parciais temos os seguintes:Varios accesos ao núcleo dos Carballás en Xove a Conexión entre Os Carballás e Aceveda e Varios viais nas parroquias de A Rigueira, Xuances e Portocelo.

Con tratamento integral temos a reparación do vial de prolongación do Camiño Real, o cal, por certo, foi visitado hoxe polo Alcalde Demetrio Salgueiro en compañía do aparejador municipal Benigno Mon. (Adxunto unha fotografía desta visita).

Estas obras están feitas en colaboración entre a Deputación e o Concello. A Deputación facilitou o equipo de riego (maquinaria), materiais e personal,  e o Concello, pola súa banda, tamén colaborou con medios materiais e humanos.

Hai que decir que esta colaboración coa Deputación nestas obras  está supoñendo un aforro considerable para o Concello.

Por parte do Alcalde, quérese agradecer á Deputación Provincial de Lugo esta colaboración para mellora dos viais de titularidade municipal.

SAIÑAS organiza a VIIIª Festa do Lacón

27/Febreiro/2013 Departamento de Cultura e Comunicación
• 

Un ano máis, e xa van sete, a ASOCIACIÓN CULTURAL SAIÑAS organiza en Xove a “VIIª FESTA DO LACÓN”, importante acontecemento cultural-gastronómico que se vai desenvolver o vindeiro SÁBADO 2 DE MARZO A PARTIR DAS 8 DA TARDE NO PAVILLÓN MUNICIPAL DE XOVE.

Este evento, o mesmo ca pasados anos, está aberto a todo o público en xeral, dahí que nos gustaría que ao mesmo acudira o maior número de persoas. Temos previstas sobor de 300 racións, que van ser elaboradas “in situ”, no Pavillón, dahí que vai ser unha boa e moi barata opción para cenar ese día, e degustar un menú tan típico noso, e tan típico das datas.

A RACIÓN vai costar 8 €, e a mesma vai incluir: SOPA, PATACA, CHOURIZO, LACÓN, PAN E BEBIDA. Os tickets para as racións hai que mercalos o mesmo día da Festa, na entrada do Pavillón. Tamén se poden adquirir previamente, en venda anticipada a 7 €uros/ticket, nos seguintes lugares de Xove: Click Informática, Peluquería Rosa e Estética Marta.

Co estómago ben cheo, unha vez rematada a LACONADA, e para alixeirar a dixestión, temos preparado para tódolos/as asistentes unha FESTA RACHADA con baile a tope coa DISCO MÓVIL PEGASO a partires das 23:00 horas.

Pola noite, durante a Festa Rachada, as persoas que colleron o tícket da ración van disfrutar tamén dunha chocolatada, que se vai repartir pola medianoite.

As persoas que veñan disfrutar con nós, van disfrutar durante os intermedios da Disco Móvil de SORTEOS DE DIVERSOS PRODUTOS.

Como organizadores deste evento, queremos tamén agradecer a colaboración de: Concello de Xove, Establecementos Rey, Restaurante Pulpería o Refugio, Cesáreo Eijo, Hormigones a Mariña, Banco Santander en Xove, Ferrxove S.L., e Mariñalim, Mariñasec.

Concerto musical en Xove

15/Febreiro/2013 Departamento de Cultura e Comunicación
• 

Mañá sábado 16 de FEBREIRO, a partires das 20:00 horas, vai ter lugar un CONCERTO DE ÓPERA, ORATORIO E CANTATA no Salón de Actos do Centro Cívico. O concerto vai contar coa participación da CORAL HOSPITAL-LUGO E A ORQUESTRA DE XOVE. Trátase a última actividade incluida no Programa que a Concellería de Cultura do Concello organizou dentro do Antroido 2013 en Xove. Este espectáculo está subvencionado pola Vicepresidencia Primeira da Deputación Provincial de Lugo.

O concerto é o primeiro dunha serie de tres concertos, a celebrar, ademáis de Xove,  en Chantada e Vilalba os sábados 23 de febreiro e 2 de marzo.

O contido do concerto é unha escolma de coros e arias famosas de ópera, cantata e oratorio, dende o barroco (Haendel, Vivaldi) ate o século XX (Puccini), sen esquecer a Giuseppe Verdi, pois no ano 2013 estase a celebrar a efeméride dos 200 anos do seu nacemento.

No concerto intervirá o Coro do hospital Xeral - Calde de Lugo (que dirixe Fernando Gómez Jácome) e a Orquestra Municipal de Xove, todos baixo a dirección de Xan Carballal. Tamén detacará a intervención da soprano Paloma Suanzes, na famosa aria "O mio babbino caro" de Puccini.

Leer más:Concerto musical en Xove