* CON CERTIFICADO DIXITAL DENDE O PORTAL DO CONTRIBUÍNTE DO SERVIZO PROVINCIAL DE RECADACIÓN PÓDESE XESTIONAR OS RECIBOS, PAGOS E CAMBIOS DE DOMICILIACIÓN BANCARIA PORTAL DO CONTRIBUÍNTE DA DIPUTACIÓN PROVINCIAL
Imposto Municipal de Vehículos : Entre o 15 de abril e o 15 de xullo
I.B.I.: Rustica e Urbana /IAE: ---15 de setembro a 15 de decembro- Os recibos domiciliados cargaránse na súa conta en novembro, os que non están domiciliados enviánse ó domicilio do titular. No caso de que a primeiros de novembro non recibira no seu domicilio este recibo, non ten máis que solicitalo nas oficinas do Concello para poder efectuar o abono en ABANCA (Caixa Galicia).
Se non ten domiciliado o pago ós recibos, estos enviánse DENDE O SERVIZO PROVINCIAL DE RECAUDACIÓN DE LUGO (Telefono 982 242728) por correo ordinario ao principio do cobro, tendo en conta que a non recepción destos documentos non exime do seu pago. En caso de non recibir os recibos de vehículos ou de IBI, tamén poderá solicitalos no Concello (982-592001) Esta dirección de correo electrónico está protegida contra spambots. Usted necesita tener Javascript activado para poder verla..-
HORARIO DE ATENCIÓN Ó PÚBLICO: De Luns a Venres: de 8.30 a 14:30
Comezou en Xove "Preescolar na Casa"
08/Novembro/2010
Departamento de Servizos Sociais
O pasado 28 de outubro deu comezo no noso Concello o Curso de "PREESCOLAR NA CASA", concretamente na Biblioteca Municipal de Xove, nunha Aula que recentemente o Concello habilitou na área infantil da Biblioteca para este fin e a cal foi estrenada precisamente con esta primeira actividade do Curso.
A estas actividades poden acudir as familias cos seus fillos/as. Lóxicamente, estas reunións/clases están pensadas para nenos/as pequenos que inda non van á escola, dahí o de preescolar.
Aberto os prazos na Delegación de Agricultura para...
02/Novembro/2010
Delegación de Agricultura
ÁRBORES AUTÓCTONOS E FRUTAIS
O prazo para solicitar ÁRBORES FROITEIRAS, FORESTAIS E PRANTAS DE XARDÍN, estará aberto dende o día 25 de outubro ata o 20 de decembro de 2010.
AXUDAS PARA A LIMPEZA DE MONTES 2010/11
Prazo para facer a solicitude: Do 2 de novembro de 2010 ata o 25 de febreiro de 2011.
Prazo para rozar os montes e dar o aviso no Concello: Do 2 de novembro de 2010 ata o 4 de abril de 2011.
“Xove 360º +. Grao a Grao” agora no Club Social de Palmeiro
28/Outubro/2010
Departamento de Cultura e Comunicación
Esta exposición, que estivo aberta na Sala de Exposición do Centro Cívico de Xove do 13 ao 29 de agosto, vai estar dende hoxe 28 DE OUTUBRO ATA O 15 DE NOVEMBRO no Club Social de Palmeiro, en horario de 11 a 23 horas.
A exposición conta con 50 fotografías, ousexa, as mesmas que a edición do pasado ano. Ana Isabel Codesal, Felipe Abad, Javier Arca, Enrique Peña, Ana Isabel Lage, José Manuel Blanco, Alberto Rapa, Marta Álvarez, Andrea Castro, Santos Cordovilla, Juan Antonio Fernández, Mª Elena Fernández, Andrés García e Mateo Guerreiro conforman o Colectivo de Fotógrafos de Xove que participa nesta exposición, á cal invitamos a todos a ver en Palmeiro.
Cada participante presentou obligatoriamente 5 fotos. Destas 5 fotos, as 2 que decideu previamente cada participante incluíronse de inicio na exposición, polo que tódolos participantes tiveron garantizadas na exposición 2 fotografías como mínimo. As 3 fotografías restantes foron xuntos coas dos demais participantes para unha bolsa da que sairon as restantes fotos da exposición; ousexa, 30 fotos da exposición foron elexidas directamente polos participantes, e para as restantes realizouse unha votación entre tódolos fotógrafos para escoller as 20 que faltaban para completar as 50.
A temática das fotos desta edición foi totalmente libre, podendo ser de Xove ou non. Non se permitiron montaxes fotográficas, “versus photoshop”. Si se permitiron os efectos de cámara: brillo, contraste, saturación, balance de brancos, etc.
Samaín en Xove
28/Outubro/2010
Oficina Municipal Información Xuvenil oix@xove.es
Un ano máis o Concello de Xove, a través da Oficina Municipal de Información Xuvenil (OMIX), celebra o SAMAÍN. O Programa de actividades preparado para este ano 2010, é o seguinte:
Venres, 29 de outubro, de 16:30 a 20:00 horas no Centro Xuvenil, teremos:
-Adornado do Centro Xuvenil.
- Baleirado de Cabazas.
-Xogos.
Sábado, 30 de outubro, de 16:30 a 19:30 horas no Salón de Actos do Centro Cívico, disfrutaremos de:
-Contacontos de Medo.
-Xogos.
Nova actividade do proxecto “Encontros”
26/Outubro/2010
Departamento de Servizos Sociais
MAÑÁ MÉRCORES 27 DE OUTUBRO, DE 16:30 A 18:30 HORAS, NO CENTRO SOCIAL DE MORÁS, teremos unha nova actividade dentro deste Programa de coeducación, que está subvencionado pola Secretaría Xeral de Igualdade. A organización de “Encontros” corre a cargo da Unidade de Educación Familiar e o Departamento de Igualdade do Concello de Xove en colaboración co IES Illa de Sarón.
O Encontro de mañá, no que van participar os 20 alumnos/as de 1º do IES Illa de Sarón e varias persoas da Escola de Maiores, vai versar sobre ELABORACIÓN DE PRATOS TÍPICOS CON FROITAS DE TEMPORADA. Trátase dunha repetición do proxecto celebrado o pasado 20 de outubro, tamén en Morás, pero ao que non puideron asistir os alumnos/as de 1º, dahí que se decideu repetir a experiencia para estes alumnos.
-Elaboración de pratos cos ingredentes propios desta época (marmelo, compota, confitura, mazas e castañas asadas, etc):
-Pequena degustación-merenda dos pratos mencionados.
Este proxecto pretende crear espazos nos que os rapaces/as coñezan de primeira man os traballos e oficios do noso Concello, dende empresas a traballos relacionados co agro, o mar e a casa, explicados polos propios veciños, e fomentar a igualdade de xénero. O proxecto “Encontros”, que xa se ven desenvolvendo dende o pasado ano con moito éxito, ten como obxectivos xenéricos a igualdade entre homes e mulleres, a corresponsabilidade nas tarefas domésticas e rurais e a educación en valores de respecto.
Viaxe a Argentina
26/Outubro/2010
La Voz de Galicia [A Mariña]
A viaxe permitirá aos participantes reencontrarse con familiares emigrados e tamén coñecer a capital bonaerense e outras cidades e espazos do país. Parte do grupo xa organizou un desprazamento a Montevideo.
Desde Xove sairá hoxe ás 10.00 horas un autobús que recollerá en Barreiros a outros viaxeiros deste concello. Outro autocar partirá desde Trabada para, a continuación, recoller máis viaxeiros en Lourenzá, localidade desde a que ambos os vehículos viaxarán xuntos ata Madrid. O voo con destino a Buenos Aires non está previsto que salga ata a unha da madrugada do mércores, segundo confirmou onte o alcalde de Xove, Demetrio Salgueiro, quen recoñeceu que, entre o autobús e o avión, será unha viaxe moi longa. Á vez, confesou que é a mellor fórmula para que un desprazamento con tantos viaxeiros sexa operativo. "Xove decidiu apoiar esta iniciativa pola demanda que tíñamos dos veciños"
Proxecto "Encontros 2010"
21/Outubro/2010
Departamento de Servizos Sociais
O pasado mércores, día 20 de outubro, tivo lugar no centro social de morás a actividade "recolleita de froitas e elaboración de pratos típicos". nesta ocasión, participaron 19 rapaces e rapazas do IES "Illa de Sarón", acompañados por oito persoas da escola de maiores, persoas voluntarias, a traballadora social, a educadora familiar e a Concelleira de Servizos Sociais. Durante tres horas os rapaces e rapazas aprenderon a elaborar pratos con froitos de tempada: tarta de mazá. mazás asadas, mermelada,.. coñeceron os pasos a seguir na elaboración do mermelo, do cabelo de anxo,...
Esta actividade volverase a repetir en próximas datas, debido ao gran número de alumnos anotados. Todo o proxecto, organizado pola área de Igualdade en colaboración coa Unidade de Educación Familiar, está subvencionado pola Secretaria xeral de Igualdade da Xunta de Galicia.
A Xuventude no Mundo.-
13/Outubro/2010
Departamento de Servizos Sociais
A Xunta de Galicia pon en marcha de novo o Programa Galego de Movilidade"A XUVENTUDE NO MUNDO". Na edición anterior, 5 rapaces e rapazas do noso concello viaxaron con este programa a Portugal.
Estádestinado á mocidade residente en Galicia, que teña entre 18 e 30 anos. O prazo de inscrición será o seguinte para cada intercambio:
- Arxentina, en Bos Aires: 18 de outubro ao 2 de novembro
- Hungría, en Hölloko e Budapest: 18 de outubro ao 4 de novembro
- Italia, en Cerdeña: 11 ao 19 de outubro
- Moldova, en Chisinau: 14 ao 21 de outubro
- Rusia, en San Petesburgo: 18 de outubro ao 2 de novembro
- Galicia, en Gandarío, Bergondo, A Coruña: 18 de outubro ao 18 de novembro
Para a admisión de participación será preciso o envío dun correo electrónicoa dirección: Esta dirección de correo electrónico está protegida contra spambots. Usted necesita tener Javascript activado para poder verla., cos datos que se solicitan no formulario de inscrición que seatopa na páxina web da Dirección Xeral de Xuventude e Voluntariado: www.xuventude.net
Aberta a inscrición para XVIIIª Festa da Terceira idade
08/Outubro/2010
Departamento de Servizos Sociais
O Concello de Xove, a través da Concellería de Servizos Sociais, organiza un ano máis a Festa da Terceira Idade, que este ano vai ser a XVIIIª. A Festa está destinada a xubilados/as maiores de 60 anos, e vaise desenvolver o vindeiro venres 22 de outubro. Tódalas persoas de Xove que cumplan os requisitos e queiran inscribirse nesta XVIIIª Festa, o poden facer ata o venres 15 de outubro, inclusive. En canto ao Programa de Actos que se vai desenvolver, é o seguinte:
12.30 HS: MISA SOLEMNE NO SALON DE ACTOS DO CENTRO CIVICO
14.00 HS: XANTAR NO RESTAURANTE LOUZAO (TOTALMENTE GRATUITA PARA OS/AS EMPADRONADOS/AS EN XOVE )
HABERÁ AUTOBUSES QUE RECORRERÁN TODAS AS PARROQUIAS PARA RECOLLER A TODOS AQUELES QUE O DESEXEN.
DESPOIS DO XANTAR HABERÁ BAILE E REGALOS.
Entrega das Axudas para Limpeza de Montes en Xove
08/Outubro/2010
Delegación de Agricultura
Na Xunta de Goberno celebrada o pasado 1 de outubro foron aprobadas as AXUDAS PARA LIMPEZA DE MONTES; un total 220 solicitantes van recibir axudas por un importe de 29.675 €uros.
O prazo para solicitar estas axudas xa rematara o 2 de abril, procedéndose despois por parte do Concello a revisión dos montes co fin de comprobar que estes estiveran realmente limpos.
A entrega destas axudas, que vai estar presidida polo Alcalde Demetrio Salgueiro, acompañado da Concelleira Dolores Meitín, vai ter lugar o vindeiro Mércores 13 de outubro ás 11:00 horas no SALÓN DE ACTOS do centro cívico de Xove.
ITV para tractores en Xove
05/Outubro/2010
Delegación de Agricultura
Dende hoxe pola mañá e ata mediodía de mañá 6 de outubro, unha unidade móvil de Inspección Técnica de Vehículos, situada diante do Cuartel da Garda Civil , está ubicada en Xove para pasar inspección aos vehículos agrícolas, nos seguintes horarios:
-Hoxe Martes 5 de outubro: de 9:30 a 13:30h. e de 15:30 a 18:00 h.
-Mañá Mércores 6 de outubro: de 9:00 a 13:30 h.
Presentación da Escola Municipal de Música
29/Setembro/2010
Departamento de Cultura e Comunicación
A Escola Municipal de Música fará a presentación do novo curso escolar 2010/2011 o vindeiro mércores 29 de setembro ás 20:00 horas no antigo Colexio de Palmeiro. Nesa presentación facilitaránse os horarios do novo curso e se presentará o equipo de mestres que ao longo deste ano impartirán clase. Para os alumnos máis novos que xa cumpriran catro anos ou estean a punto, temos a Aula de Música e Movemento, onde aprenderán xogando. Coma en anos anteriores, os maiores de 6 anos poden aprender a tocar instrumentos de corda coma violín, violonchelo, viola, contrabaixo, guitarra, etc, e instrumentos de vento coma a frauta, clarinete, óboe,.. Aos que lles gusta cantar poden apuntarse no coro e os maiores poden asistir á Aula de Formación de Adultos. No que atinxe a ensinanza de coro, polas súas propias particularidades, o prazo para inscribirse nesta modalidade vai estar aberto ao longo de todo o curso.
Festa do Ramo no Alto do Cruceiro- Xuances
29/Setembro/2010
Departamento de Cultura e Comunicación
A Comisión de Festas de Xuances organizamos por quinto ano consecutivo a FESTA DO RAMO, a cal vai ter lugar no Alto do Cruceiro o venres, 1 de outubro e o sábado 2 de outubro. Antes de pasar a outras cousas, decir que esta Festa a recuperamos despois de 17 anos sen celebrarse. O lugar onde se vai celebrar vai ser o Alto do Cruceiro, estando o campo ao lado da carretera Viveiro-Ribadeo, polo que o acceso á mesma é moi fácil e sinxelo. Inda que desexamos con todas as nosas forzas ter uns bós dias climatolóxicos, pode pasar que non sexa así, e prevendo isto, decir que a Festa VAISE CELEBRAR BAIXO UNHA CARPA, polo que, de todas todas, imos estar a cuberto de inclemencias climatolóxicas. E para unha maior comodidade dos nosos visitantes, dispoñemos de amplos aparcamentos no entorno do campo da festa.
En canto ao amplo programa de actividades, destacamos a celebración, na súa CUARTA EDICIÓN, da FESTA DOS CALLOS o venres, 1 de outubro. Trátase, loxicamente, dunha festa gastronómica, dun producto tan noso como son os callos, e a proposta que lles facemos aos asistentes consiste no seguinte: os participantes, pola módica cantidade de 5 €uros, van poder degustar dunha abundante ración de callos, pan e un viño. En total temos preparadas máis de 1.000 racións, que esperamos que se agoten. Para conseguir estas racións, no mesmo lugar da festa imos ter un posto onde os visitantes van poder adquirir tikets por valor de 5 €uros, os cales despois cambiarán polas conseguintes racións de callos. Co estómago ben cheo, remataremos a Festa cun bó programa de baile a partires das 10 da noite, baile que estará amenizado por dúas grandes orquestras, "POCEIRO" e "SUAVECITO".
En canto ao programa de actividades do sábado, 2 de outubro, temos:
-13:00 horas: Misa Solemne e Procesión.
-14:00 horas: Sesión Vermú a cargo do GRUPO NARANJA.
-17:00 horas: IIª Torneo Universidade de Cambridge "Solteiros/Casados".
-22:00 horas (10 da noite): Verbena coa "ORQUESTA MARIMBA" e o "GRUPO NARANJA".
Por último, a Comisión quere darlle as gracias a tódalas persoas, institucións, empresas, etc. que desinteresadamente colaboran coas nosas Festas, agradecemento que queremos sexa especial para tódolos nosos veciños.
Entrega de Diplomas en Xove
21/Setembro/2010
Departamento de Emprego e Desenvolvemento Local
Onte, 20 de setembro, tivo lugar no Salón de Plenos do Concello a entrega de diplomas as persoas alumnas pertencentes aos cursos subvencionados pola Consellería de Traballo e Benestar da Xunta de Galicia, de AUXILIAR DE AXUDA A DOMICILIO e CAMAREIRO DE RESTAURANTE-BAR correspondentes ao ano 2009, nun acto presidido polo alcalde Demetrio Salgueiro acompañado da axente de emprego e desenvolvemento local, Rosa Lage.
Os citados cursos desenvolveronse nas distintas dependencias municipais e contaron diariamente coa asistencia de 16 persoas alumnas por curso que superaron o desenvolvemento das accións formativas con éxito.
Actividades de Outono na Omix
07/Setembro/2010
Oficina Municipal Información Xuvenil oix@xove.es
Amplíase o prazo para preinscrición na Escola Municipal de música
27/Agosto/2010
Departamento de Cultura e Comunicación
O Concello de Xove, a través da Concellería de Cultura, acaba de ampliar o prazo de preinscrición para Escola Municipal de Música, prazo que estaba previsto rematara o martes 31 de agosto, pero dado que o mes de agosto é un mes tradicional de vacacións, é posible que moitos veciños/alumnos non se enteraran do prazo de preinscrición ou ben por razóns de desprazamentos non puideran preinscribirse. Debido a isto, dende a Concellería se lles quer facilitar este proceso, razón pola cal se decideu ampliar o prazo de preinscrición a todo o mes de setembro; polo tanto, o novo prazo de preinscrición vai rematar agora o XOVES 30 DE SETEMBRO.
Dende o Concello quérese animar a tódolos veciños/as de Xove amantes da música a que aproveiten a oportunidade e se preinscriban na Escola Municipal de Música de Xove.
A preinscrición hai que realizala nas Oficinas Municipais, concretamente no Rexistro que se atopa na entrada da Casa Consistorial. Os impresos os facilitan na mesma Oficina de Rexistro, e é necesario levar o DNI do alumno/a que realice a preinscrición e unha fotografía tamaño carné.
A Xunta de Galicia pon en marcha de novo o 
Na Xunta de Goberno celebrada o pasado 1 de outubro foron aprobadas as 
A Escola Municipal de Música fará a presentación do 
