Administración Local
|
Urbanismo
|
Deporte 
|
Turismo Xove
|
Emprego
|
Servizos Sociais
|
Delegación Agricultura
|
|
 |
Calendario.Lab. #twoj_fragment1-2 C.Fiscal #twoj_fragment1-3 Teléfonos #twoj_fragment1-4 Horario #twoj_fragment1-5
CALENDARIO LABORAL NO TERMO MUNICIPAL DE XOVE - 2026
As festas locais en todo o Termo Municipal de Xove son as seguintes:
---> 17 de FEBREIRO de 2026 (MARTES DE CARNAVAL)
---> 31 de AGOSTO de 2026 (Festa Patronal San Bartolomé de Xove) CALENDARIO DE PAGO DE TRIBUTOS
 * CON CERTIFICADO DIXITAL DENDE O PORTAL DO CONTRIBUÍNTE DO SERVIZO PROVINCIAL DE RECADACIÓN PÓDESE XESTIONAR OS RECIBOS, PAGOS E CAMBIOS DE DOMICILIACIÓN BANCARIA
PORTAL DO CONTRIBUÍNTE DA DIPUTACIÓN PROVINCIAL
|
|
- Imposto Municipal de Vehículos : Entre o 15 de abril e o 15 de xuño (datas aproximadas)
|
 |
- I.B.I.: Rustica e Urbana /IAE: ---15 de setembro a 15 de novembro- (datas aproximadas) Os recibos domiciliados cargaránse na súa conta en novembro, os que non están domiciliados enviánse ó domicilio do titular. No caso de que a primeiros de novembro non recibira no seu domicilio este recibo, non ten máis que solicitalo nas oficinas do Concello para poder efectuar o abono en ABANCA (Caixa Galicia).
|
Se non ten domiciliado o pago ós recibos, estos enviánse DENDE O SERVIZO PROVINCIAL DE RECAUDACIÓN DE LUGO (Telefono 982 242728) por correo ordinario ao principio do cobro, tendo en conta que a non recepción destos documentos non exime do seu pago. En caso de non recibir os recibos de vehículos ou de IBI, tamén poderá solicitalos no Concello (982-592001) Esta dirección de correo electrónico está protegida contra spambots. Usted necesita tener Javascript activado para poder verla..-
 Oficina de Turismo: Avda. Diputación, s/n, 27870 Xove Tlf: 982592632
Cuartel Guardia Civil: C/Acceso cuartel, 27870 Xove Tlf: 982592053
Centro de Saúde: C/ Acceso cuartel, 27870 Xove Tlf: 982592424
Farmacia: C/ Camiño Real, nº 8, 27870 Xove Tlf: 982592057
Oficina de Información Xuvenil: C/San Bartolo, 27870 Xove Tlf: 982571816 HORARIO DE ATENCIÓN Ó PÚBLICO: De Luns a Venres: de 8.30 a 14:30
|
|
|
IIIº Concurso de Karaoke de Xove
30/Decembro/2013
Departamento de Cultura e Comunicación
-
Celebrado este pasado sábado 28 de decembro nun Pavillón Municipal de Deportes ateigado de xente, decir que constituiu todo un éxito, tanto de participación e calidade musical, coma de público. O Xurado desta IIIª edición estivo formado por: Xulia Nogueira, Directora da Escola Municipal de Música de Xove; Javier Arca de ACIAM Xove e cunha longa tradición como gaiteiro dentro da Asociación Saiñas; e Eduardo Rodríguez, tamén de ACIAM Xove e persoa moi vinculada á musica dende hai moitos anos.
A relación de gañadores, segundo categorías, foi a seguinte:
- Categoría “PEQUES” (ata 12 anos):
1º Premio “Mellor Voz”: BRAIS BALMAYOR RODRÍGUEZ coa canción “Dime que me quieres” do grupo Tequila. Premio de 40 €uros.
2º Premio “Mellor Voz”: IAGO RIVAS BALSA co villancico popular “Los peces en el rio”. Premio de 40 €uros.
Premio a “Mellor Caracterización”: LARA RODRÍGUEZ BAÑO, TANIA FERNÁNDEZ FERNÁNDEZ E BEATRIZ EIJO GÓMEZ coa canción de Marisol “LaTómbola”. Premio de 40 €uros.
- Categoría “IUNIOR” (DE 12 ata 18 anos):
1º Premio “Mellor Voz”: NEREA RIVAS BALSA coa canción “Cómo hablar” de Amaral. Premio de 70 €uros.
2º Premio “Mellor Voz”: MARGARITA PARAPAR FERNÁNDEZ coa canción de La Oreja de Van Gogh “La Playa”. Premio de 70 €uros.
Premio a “Mellor Caracterización”: AHINOA ECHEVARRÍA OLIVER coa canción “Chas! Y aparezco a tu lado” de Alex y Cristina. Premio de 70 €uros.
- Categoría “VETERANOS” (maiores de 18 anos):
1º Premio “Mellor Voz”: MARIA DEL CARMEN LÓPEZ VIDAL coa canción “Mujer contra mujer” do grupo Mecano. Premio de 130 €uros.
2º Premio “Mellor Voz”: MARIBEL PERNAS FRA coa canción “Veneno” de Isabel Pantoja. Premio de 130 €uros.
Premio a “Mellor Caracterización”: BRENDA SUÁREZ AZOGUE coa canción de Mecano “Hijos de la luna”. Premio de 130 €uros.
A gala foi presentada por Vanesa Míguez e Rubén Pico, os cales conduciron magníficamente este espectáculo por terceiro ano consecutivo. Rematado a fase de Concurso, e mentras o Xurado deliberaba, houbo diversas intervencións musicais, previas á entrega de premios. A entrega de premios foi presidida polo Alcalde Demetrio Salgueiro, acompañado pola Concelleira de Cultura Dolores Meitín e outras autoridades.
Torneo de TENIS de mesa en Xove
28/Decembro/2013
Oficina Municipal Información Xuvenil oix@xove.es
-
Onte, venres 27 de decembro, celebrouse na OMIX de Xove o xa tradicional TORNEO DE TENIS DE MESA DE NADAL. Unha aula da OMIX foi o lugar escollido para o desenvolvemento deste evento, no que participaron un total de 13 rapaces e rapazas de idades comprendidas entre os 13 e os 17 anos. O gañador do mesmo foi Roberto Rubal, quedando Iván Silva subcampión. O Alcalde Demetrio Salgueiro, acompañado pola Concelleira de Xuventude Ana Abad, realizaron a entrega de premios.
Esta actividade englóbase dentro do amplo programa de actividades que o Concello de Xove deseñou para este Nadal 2013-2014.
IIIº CONCURSO DE KARAOKE
27/Decembro/2013
Departamento de Cultura e Comunicación
-
O programa de Nadal do Concello continua a súa marcha, tendo lugar, mañá sábado 28 de decembro, un dos pratos fortes deste amplo programa de actividades coa celebración da terceira edición do CONCURSO DE KARAOKE, que se vai desenvolver a partires das 21:30 horas no Pavillón Municipal de Deportes de Xove, esperando que, coma o pasado ano, o público encha este emblemático recinto municipal.
Este Concurso presenta tres categorías: PEQUES para menores de 12 anos; IUNIOR de 12 anos ou máis e menores de 18; VETERANOS para maiores de 18 anos. A inscrición neste Concurso é totalmente gratuita. A inscrición vai estar aberta mañá, día de celebración do Concurso, en horario de 17:00 a 19:00 horas no Pavillón Municipal, para os que inda queiran apuntarse.
Nestes intres o persoal do Concello está a traballar arreo para que mañá o Pavillón esté a punto e reluzca coas suas mellores galas.
Os participantes das distintas categorías tamén terán mañá, antes do concurso en horario de 17:00 a 19:00 h., a oportunidade de ensaiar a canción que presenten, iso sí, a orde de ensaio vaise facer tendo en conta a orde de inscrición.
En Marcha O Programa De Nadal do Concello
24/Decembro/2013
Departamento de Servizos Sociais
-
O programa de Nadal do Concello, que comezou o pasado 14 de decembro cun obradoiro de colocación do Belén na OMIX de Xove e continuou o día 20 pola mañá na Escola Infantil de Xove coa visita de Papá Noel, tivo un dos seus puntos fortes este pasado sábado 21 de decembro, onde Papá Noel, nun vehículo especialmente preparado, percorreu tódalas aldeas de Xove visitando aos nenos do noso Concello. Xa pola noite deste mesmo día 21, concretamente a partires das 21:00 horas, tivo lugar a inauguración do Belén Municipal de Xove, un Belén xigante que ocupa unha boa parte do Parque Municipal e que está conformado con diversas escenas típicas de belén e imaxes a tamaño natural. A escenificación do Belén correu a cargo do grupo de alumnos da Escola Municipal de Maiores, sendo a posta en escea realizada por Lucía Meitín.
Xa dentro das actividades desta nova semana que comeza, hoxe pola mañá desenvolveuse un obradoiro de manualidades para nenos/as de 3º ata 6º de primaria.
Dentro das próximas actividades deste denso programa municipal, temos:
- Mañá, martes 24 de decembro, ás 16:30 horas no Salón de Actos do Centro Cívico: videoproxección da película francesa de debuxos “El Ilusionista”, para tódolos públicos, en especial nenos/as e rapaces/as.
- O mércores 25, Día de Nadal, imos ter no Pavillón Municipal de Deportes, a partires das 18:00 horas, o Espectáculo Infantil de Animación “A BAILAR”. Remataremos esta actividade no Pavillón cunha CHOCOLATADA.
- O xoves 26 é o día da música, xa que imos ter o Concerto De Nadal Da Orquestra Clásica De Xove, cun amplo Programa onde inservirán os alumnos/as da Escola Municipal de Música de Xove. Este Concerto vai desenvolverse no Salón de Actos do Centro Cívico a partires das 19:00 horas.
Tódalas actividades contidas neste programa son de carácter libre e gratuito, polo que invitamos a todos, de Xove ou visitantes no noso Concello, a participar e disfrutar das moitas actividades programadas.
Entrega de Cheques para Becas 2013-2014
23/Decembro/2013
Departamento de Servizos Sociais
-
Hoxe, ás 17:00 hs, tivo lugar no Salón de Plenos do Concello de Xove a cargo do alcalde Demetrio Salgueiro e da concelleira de servizos sociais Ana Abad, a entrega das axudas ao estudo que o Concello convoca cada curso escolar.
Nesta ocasión concedéronse as seguintes axudas:
- 15 axudas para estudos universitarios, cuxa contía ascendeu a 15.910,31 €.
- 6 axudas para ciclos formativos de especialidades que non existen na comarca cunha cantidade de 1.772,87 €.
- 8 axudas para alumnos con discapacidade cun total de 7.500 €.
- 35 axudas para compra de material escolar, cuxa contía ascendeu a 4.2400 €.
- 2 para máster, que suman un total de 1.000 €.
En total o Concello invisteu nestas becas e axudas a cantidade total de 30.423,18 €.
Papa Noel na Escola Infantil - 2013
20/Decembro/2013
Departamento de Servizos Sociais
-
O Concello de Xove fomenta o empresariado local en galego
18/Decembro/2013
Departamento de Emprego e Desenvolvemento Local
-
 O Concello de Xove está desenvolvendo unha campaña subvencionada pola Consellería de Educación e Ordenación Universitaria, para reforzar o idioma galego nas relacións comerciais e empresariais en xeral. Nestas datas, fanse máis visibles os seus resultados.
Este proxecto contou con dúas accións:
-Asesoramento ás empresas para a normalización e normativización da súa documentación, para fomentar que o galego sexa a súa lingua de comunicación.
-Campaña de agasallos:Curso de paquetería en galego. Este curso impartiuse desde o 30 de setembro ata o 17 de outubro e tiña como obxectivo formar ás persoas que traballan no sector comercial en Xove.
Imaxe única na presentación de agasallos en todos os comercios do municipio. Todos os comercios están a empregar a mesma imaxe para a paquetería de Nadal, para iso o Concello editou un papel de embalaxe no que figuran as seguintes frases: Xove, comercio local, agasallos, en galego enténdote. Tamén repartiu, en colaboración coa ACIAM, os mesmos materiais decorativos necesarios para presentar un agasallo de maneira atractiva e única.
Postal de Agasallos. O Concello deseñou unha postal para agasallar ás persoas consumidoras das empresas do municipio.
Carácter innovador: Trátase dunha campaña innovadora, xa que é a primeira vez que todos os comercios locais envolven da mesma maneira os paquetes de agasallo.
Potenciación do empresariado local:
Leer más:O Concello de Xove fomenta o empresariado local en galego
o Concello dona maquinaria ao IES Illa de Sarón
13/Decembro/2013
Departamento de Obras
-
O IES Illa de Sarón de Xove conta, dende este curso 2013-2014, cun Ciclo formativo de Grado superior de “Programación da producción en moldeo de metais e polímeros”, que é o primeiro deste tipo que se implanta en España.
Pois ben, o noso Concello, que tamén colaborou e apoiou dende un principio a implantación deste ciclo no noso Concello, ven de realizar unha importante donación ao IES Illa de Sarón, concretamente dúas máquinas que veñen a completar a Aula Taller onde os alumnos/as do Ciclo realizan as prácticas. Unha serra eléctrica con carro de ferramentas anexo e un taladro de columna son as dúas máquinas que o Concello aportou, e que foron postas en marcha hoxe, nun acto que contou coa presenza do alcalde Demetrio Salgueiro e a Concelleira Dolores Meitín por parte do Concello, e pola Directora Oliva Cabaleiro e o Secretario José María Orol por parte do IES Illa de Sarón.
Esta donación supuxo un investimento de 3.500 €uros por parte do Concello, e, como dixo o alcalde, espérase que supoña unha mellora sustancial da Aula Taller e unha importante contribución á formación práctica dos alumnos/as do ciclo.
O título de Técnico Superior en Programación da producción en moldeo de metais e polímeros ofértase por primeira vez en Galicia no IES Illa de Sarón. A duración deste ciclo formativo de grao superior é de 2.000 horas e leva asociado 384 horas de formación práctica en empresa, correspondentes ao módulo de formación en centro de traballo (FCT). Este título inclúe catro calificacións profesionais completas e unha incompleta, o que proporciona unha alta formación e cualificación profesional de nivel 3.
Lóxicamente, na implantación deste ciclo tivo moito que ver a Consellería de Educación. O Conselleiro de Industria visitou hai uns meses as instalacións do IES coincidindo coa posta en marcha da Aula Taller deste ciclo, aula na que se instalaron unha serie de máquinas onde os alumnos realizan todo tipo de prácticas. Este ciclo conta tamén coa colaboración de Alcoa, que permite ao alumnado realizar parte da formación práctica de algúns módulos na empresa.
Entrega do premio á gañadora do concurso de carteis a prol da língua
05/Decembro/2013
Departamento de Cultura e Comunicación
-
"A lingua galega mola" foi o lema gañador do Concurso de carteis a prol da lingua que o Servizo de Normalización Lingüística da Mancomunidade de Concellos da Mariña Luguesa organizou este verán para promocionar o uso da lingua galega na mocidade mariñá. Os participantes, nenos e nenas de entre 4 a 12 anos, debían realizar un deseño gráfico orixinal e un breve comentario en galego a prol da lingua, onde se valoraríase a orixinalidade e a creatividade dos debuxos e dos seus comentarios, independentemente da súa perfección técnica.
Ademais do debuxo gañador, de Saúl de oito anos e do Concello de Barreiros, seleccionáronse outros para confeccionar carteis e marcapáxinas que serán repartidos pola técnico de Normalización Lingüística da Mancomunidade e polos alcaldes polos colexios da Mariña Lucense. Neste sentido, hoxe pola mañá a Concelleira de Cultura Dolores Meitín, acompañada por Lucía Pérez, coordinadora desta actividade, realizaoulle entrega dun agasallo á gañadora en Xove deste concurso, que non foi outra que a nena Claudia Vázquez Sánchez, co lema “falando un pouco en galego a vida é sempre mellor”.
Esta actividade forma parte do Programa de Dinamización do Servizo de Normalización Lingüística coa finalidade de promocionar o o uso da lingua galega na comarca mariñá.
En marcha unha nova edición de “Educando en Familia”
05/Decembro/2013
Departamento de Servizos Sociais
-
O pasado 20 de novembro comezou en Xove una nova edición do proxecto “EDUCANDO EN FAMILIA”, que se está a desenvolver na Sala de Exposicións da Oficina de Turismo, a cal o Concello acondicionou debido ao número de familias anotadas, converténdoo nun espazo axeitado ao efecto.
O proxecto “Educando en Familia” está subvencionado polo noso Concello e, como dixemos antes, comezou o 20 de novembro cun total de 18 familias anotadas. Esta iniciativa educativa está dirixida a nenos/as con idades entre 0 e 6 anos, acompañados polos seus pais ou outro familiar directo.
Un día á semana a monitora Estefanía Eijo axuda ás familias a tomar conciencia do seu papel como educadores, axudando a crear espazos de intercambio de experiencias e inquietudes.
Entrega Diplomas de Informática na OMIX
04/Decembro/2013
Oficina Municipal Información Xuvenil oix@xove.es
-
Ontes, martes 3 de decembro, na OMIX do Concello de Xove tivo lugar a entrega de diplomas do CURSO BÁSICO DE INFORMÁTICA, dirixido a persoas maiores. Na entrega participou o alcalde Demetrio Salgueiro, acompañado da Concelleira de Servicios Sociais Ana Abad, xunto coas 21 persoas participantes, con idades entre os 43 e os 71 anos.
As materias impartidas durante mes e medio, ao longo dunhas 20 horas, foron: manexo do sistema operativo Windows, elaboración de documentos con Microsoft Word 2007 e coñecemento do uso e manexo do correo electrónico e navegación pola Rede.
Manifesto contra a violencia de xénero
25/Novembro/2013
Departamento de Servizos Sociais
-
No día de hoxe, 25 de novembro, o Concello de Xove conmemora o “Día Internacional contra a Violencia de Xénero”. Un problema que nos afecta a todos e todas, impedindo que na nosa sociedade primen os valores de tolerancia e igualdade.
Dende o ano 1999 máis de 900 mulleres perderon a vida tan só en España a mans das súas parellas, e moitas son tamén as que a diario son vítimas da Violencia de Xénero; algunhas aínda anónimas, en silencio. Pero non só as mulleres sofren esta lacra, senón que, como coñecimos este ano a través da prensa, este tipo de violencia ten tamén outras vítimas inocentes, máis vulnerables: os nenos e nenas. A finalidade dos asasinos é arrancar a vida dos fillos e fillas para someter ás mulleres ao maior grao de dor posible. Nenas e nenos, vítimas asasinadas a mans dos seus pais, pero tamén testemuñas das agresións que sufriron e sofren as súas nais. Non podemos ser só espectadores das graves consecuencias que esta eiva social pode ter para a infancia.
Así mesmo, habemos poñer atención tamén á xuventude do noso municipio. Debemos ensinalos/las a que recoñezan a Violencia de Xénero nas súas formas máis sutís e aceptadas socialmente. Para que, sendo persoas críticas, axuden a construír unha sociedade máis xusta e igualitaria. Mostrándolles do mesmo xeito a posibilidade de elixir o que desexen, superando os estereotipos masculinos e femininos, e ofrecéndolles a posibilidade de alcanzar maiores cotas de liberdade.
A Violencia de Xénero é o maior síntoma dunha sociedade desigual na que homes e mulleres non teñen as mesmas oportunidades, tolerando o dominio do home sobre a muller. Este nunca é un problema da esfera privada das mulleres, polo que as administracións públicas e a sociedade en xeral, deben ser partícipes da erradicación dunha das maiores lacras sociais. O crime xa non é invisible, senón que cada día produce máis alarma e rexeite social.
Polo tanto, é imprescindible, traballar conxunta e activamente en formar as bases dunha sociedade baseada na Igualdade de Oportunidades. Neste sentido, o Concello de Xove presenta o seu III Plan de Igualdade 2014-2017. Documento que reúne novos obxectivos transversais e actuacións positivas, que permiten cambios de valores e actitudes máis igualitarias.
O Concello de Xove fai patente o seu contundente rexeitamento contra a Violencia contra as mulleres e comprométese políticamente a traballar pola Igualdade e contra da Violencia de Xénero; a priorizar a prevención; e a sensibilizar a toda a cidadanía para traballar de forma integral contra a violencia hacia as mulleres.
o Concello adquire unha nova desbrozadora para o departamento de obras
21/Novembro/2013
Departamento de Obras
-
O Departamento de Obras do Concello ven de adquirir unha desbrozadora de brazo lateral recto, a cal se acopla a un tractor desbrozador. Esta nova desbrozadora, lóxicamente, sustitúe a unha vella que xa finalozou a súa vida operativa. Hoxe, o alcalde Demetrio Salgueiro, acompañado do encargado de personal de obras, estivo vendo “in situ” o funcionamento desta nova desbrozadora, podendo comprobar unha mellora de prestacións respecto á vella; unha das melloras sinaladas é o maior alcance do brazo, que vai permitir rozar máis e mellor, e tamén chegar a zonas onde a vella non podía.
O investimento realizado nesta máquina foi de 40.000 €uros, séndolle adquirida á empresa Agrícola Curtis S.L. Desta cantidade total, o noso Concello aportou 12.000 €uros, correspondendo os restantes 28.000 €uros a unha subvención da Consellería de Presidencia, concretamente a liña de concorrencia competitiva do Fondo de Compensación Ambiental, destinada a entidades locais de Galicia, que ven recollida nunha orde do pasado 13 de maio e que saiu publicada no DOG do 16 de maio deste ano.
ACD'Xove .- Sendeirismo pola Costa de Xove (clausura da tempada)
08/Novembro/2013
Concellería de Deporte e Turismo
-
Este domingo día 10, o Grupo de Sendeirismo da ACD.XOVE, realizou a Ruta Clausura de Tempada-2013. O Grupo formado por 90 Sendeiristas , e nesta ocasión acompañados polo Alcalde de Xove, Demetrio Salgueiro e a Concelleira de Turismo Cristina Iglesias, desprazaronse ata a aldea de Vilacha, onde deron comezo a unha espectacular Ruta da Costa de Xove. A saída de Vilacha fixose as 9:30h. da mañan, e despois de percorrer preto de 16 km. chegaron o Cabo de Morás sobre as 14:00h. da tarde.
O Grupo tuvo a ocasión de disfrutar dun dia estupendo para o sendeirismo, asimesmo dunha Costa que ten una enorme beleza natural, pois debido os grandes acantilados e o mar de fondo existente, con forte oleaxe, poideron verse unhas imaxes espectaculares.
Despois da andaina, o Grupo degustou un gran Cocido Galego, ofrecido polo Restaurante A Cancela de Morás.
PROGRAMA “ XUNTOS POLO NADAL”
04/Novembro/2013
Departamento de Servizos Sociais
-
Dende a Secretaria Xeral de Política Social convocase un total de 240 prazas para participar neste Programa, distribuídas do seguinte xeito: Residencia de Tempo Libre do Carballiño (120 prazas): 60 para a provincia de Pontevedra e 60 para a da Coruña.- Residencia de Tempo Libre de Panxón en Nigrán (120 prazas): 60 para a provincia de Lugo e 60 para a de Ourense. - Vaise desenvolver nas datas comprendidas entre o 23 de decembro de 2013 e o 2 de xaneiro de 2014.
O Programa contempla o aloxamento, en habitacións compartidas e manutención en réxime de pensión completa, durante 11 días (10 noites) que se computarán desde o momento de saída do lugar de orixe ata o momento da saída do centro no que se leva a cabo.
Para a selección dos participantes daráselle preferencia ás persoas que: Realmente vivan soas e non teñan con quen pasar estas datas e teñan un menor nivel de ingresos económicos e non participaran neste ano en ningunha quenda do Programa de Benestar en balnearios, nin en pasadas edicións do Programa Xuntos polo Nadal e teñan máis idade.
Aínda obtendo unha puntuación que lles permita o acceso o Programa, poderanse excluír aqueles solicitantes que xa participaron outros anos e non se adaptaron as normas de convivencia establecidas.
As solicitudes deberanse formular no modelo deseñado ao efecto acompañada de informe social e declaración responsable, cumprimentándose todos os datos requiridos.
Os solicitantes cuns ingresos inferiores ao IPREM (532,51 €), asistirán de forma gratuíta ao programa, mentres que aqueles cuns ingresos superiores a dito importe contribuirán ao pagamento da estadía coa achega de 50 €.
Prazo de presentación de solicitudes: Ata o 25 de novembro de 2013. Tramitación: Servizos sociais comunitarios dos concellos, servizos sociais de atención primaria de saúde, xefaturas territoriais e centros sociocomunitarios de benestar dependentes da Consellería de Traballo e Benestar. Información: TELEFONO SOCIAL 900 333 666 Páxina web da Consellería de Traballo e Benestar:http://benestar.xunta.es
|
|
|
|
|
Piscina Municipal
|
Información Xuvenil
|
Escola Infantil
|
Medio Ambiente
|
Consumo
|
Escola de Música
|
Bolos
|
Punto Limpo
|
|
.JPG)
