Axudas municipais para situacións de emerxencia social

04/Febreiro/2014 Departamento de Servizos Sociais
• 

O pasado mes de xaneiro aprobáronse as bases que regulan as axudas de Emerxencia Social para o exercicio 2014.  Ditas axuda, de carácter non periódico, están destinadas aos veciños/as do Concello de Xove cuxos recursos resultan insuficientes para facer fronte aos gastos específicos necesarios para previr, evitar ou paliar situacións de marxinación social.

O orzamento total destas axudas é de 5.000 € que irán destinados a gastos de alimentación, de atención sanitaria, gastos de vivenda, etc.  Estas axudas poderán ser solicitadas ao longo de todo o ano 2014.

Rematan as actividades de Nadal no Concello de Xove

07/Xaneiro/2014 Departamento de Cultura e Comunicación
• 

O Concello de Xove rematou o amplo Programa de Actividades deste Nadal 2013-2014, programa que comezara o pasado 14 de decembro cun Obradoiro de Colocación de Belén  e rematou o 5 de xaneiro cos actos previos ao Día de Reis.  

 Dentro das actividades desenvolvidas nos últimos días, tivemos:

• Venres 3 de xaneiro.- TEATRO DE ASPANANE coa obra "Y AHORA, ¿CON QUIÉN ME CASO YO?, posta en escea no Salón de Actos do Centro Cívico diante dunhas 170 persoas. Tratase da obra gañadora do 3º Premios Nacional do Concurso organizado pola Dirección General de Tráfico. A obra, moi ben construida e interpretada, emocionounos a todos os que tivemos a oportunidade de vela.
• Sábado 4 de xaneiro.- DÍA DO NENO, celebrado na Piscina Municipal con inchables acuáticos e no Pavillón de Deportes con inchables e obradoiros.
• Domingo 5 de xaneiro.-  Os actos deste día, víspera de Reis, comezaron coa tradicional visita dos Reis á Residencia da 3ª Idade. Ás 19:00 horas tiña previsto comezar a Cabalgata, que acertadamente foi anulada debido aos fortísimos ventos que nese intre soplaban en Xove. Para que os nenos non se foran de vacío e viviran con ilusión este día, os Reis decidiron trasladarse á seguridade do Pavillón de Deportes, onde, durante cáseque duas horas estiveron con tódolos nenos e repartindo caramelos. Rematou esta xornada cunha Festa Infantil no Pavillón a cargo do DJ TAPI-DECIBELIOS.

Entregados os premios do concurso de postais

03/Xaneiro/2014 Departamento de Cultura e Comunicación
• 

Onte, nun acto celebrado ás 16:30 h. no Salón de Actos do Centro Cívico, o Alcalde Demetrio Salgueiro xunto coa concelleira de cultura Dolores Meitín fixeron entrega dos premios do CONCURSO DE POSTAIS DE NADAL. Este Concurso foi organizado a través da Biblioteca Pública Municipal de Xove para este Nadal 2013-2014, tal como se recolle nas Bases aprobadas pola Xunta de Goberno Local o pasado 11 de novembro de 2013; o mesmo ía destinado aos alumnos/as do CEIP Pedro Caselles Rollán e do IES Illa de Sarón.

A relación de premiados, segundo categorías, foi a seguinte:

Leer más:Entregados os premios do concurso de postais

Actividades infantís e teatro dentro da programación de nadal para mañá Venres 3

02/Xaneiro/2014 Departamento de Cultura e Comunicación
• 

O programa de Nadal do Concello continua a súa marcha, iso sí, coas primeiras actividades deste novo ano.  A programación prevista para mañá venres 3 de xaneiro é a seguinte:

• De 10:30 a 11:30 h. na Aula Multideportiva: Xogos Infantís para nenos/as de infantil ata 4º de Primaria.
• De 11:45 a 12:30 h. na Aula Multideportiva: Aeróbic para rapaces de 5º e 6º de Primaria e da ESO.

Xa pola tarde, ás 20:00 horas no Salón de Actos do Centro Cívico TEATRO ASPANANE coa obra “Y AHORA, ¿CON QUIÉN ME CASO YO?”. Trátase da obra gañadora do 3º Premio Nacional do Concurso organizado pola Dirección General de Tráfico.

IIIº Concurso de Karaoke de Xove

30/Decembro/2013 Departamento de Cultura e Comunicación
• 

Celebrado este pasado sábado 28 de decembro nun Pavillón Municipal de Deportes ateigado de xente, decir que constituiu todo un éxito, tanto de participación e calidade musical, coma de público. O Xurado desta IIIª edición estivo formado por: Xulia Nogueira, Directora da Escola Municipal de Música de Xove; Javier Arca de ACIAM Xove e cunha longa tradición como gaiteiro dentro da Asociación Saiñas; e Eduardo Rodríguez, tamén de ACIAM Xove e persoa moi vinculada á musica dende hai moitos anos. 

A relación de gañadores, segundo categorías, foi a seguinte:

• Categoría “PEQUES” (ata 12 anos):

1º Premio “Mellor Voz”: BRAIS BALMAYOR RODRÍGUEZ coa canción “Dime que me quieres” do grupo Tequila. Premio de 40 €uros.

2º Premio “Mellor Voz”: IAGO RIVAS BALSA co villancico popular “Los peces en el rio”. Premio de 40 €uros.

Premio a “Mellor Caracterización”: LARA RODRÍGUEZ BAÑO, TANIA FERNÁNDEZ FERNÁNDEZ E BEATRIZ EIJO GÓMEZ coa canción de Marisol “LaTómbola”. Premio de 40 €uros.

• Categoría “IUNIOR” (DE 12 ata 18 anos):

1º Premio “Mellor Voz”: NEREA RIVAS BALSA coa canción “Cómo hablar” de Amaral. Premio de 70 €uros.

2º Premio “Mellor Voz”: MARGARITA PARAPAR FERNÁNDEZ coa canción de La Oreja de Van Gogh “La Playa”. Premio de 70 €uros.

Premio a “Mellor Caracterización”: AHINOA ECHEVARRÍA OLIVER coa canción “Chas! Y aparezco a tu lado” de Alex y Cristina. Premio de 70 €uros.

• Categoría “VETERANOS” (maiores de 18 anos):

1º Premio “Mellor Voz”: MARIA DEL CARMEN LÓPEZ VIDAL coa canción “Mujer contra mujer” do grupo Mecano. Premio de 130 €uros.

2º Premio “Mellor Voz”: MARIBEL PERNAS FRA coa canción “Veneno” de Isabel Pantoja. Premio de 130 €uros.

Premio a “Mellor Caracterización”: BRENDA SUÁREZ AZOGUE coa canción de Mecano “Hijos de la luna”. Premio de 130 €uros.

A gala foi presentada por Vanesa Míguez e Rubén Pico, os cales conduciron magníficamente este espectáculo por terceiro ano consecutivo. Rematado a fase de Concurso, e mentras o Xurado deliberaba, houbo diversas intervencións musicais, previas á entrega de premios. A entrega de premios foi presidida polo Alcalde Demetrio Salgueiro, acompañado pola Concelleira de Cultura Dolores Meitín e outras autoridades.

Torneo de TENIS de mesa en Xove

28/Decembro/2013 Oficina Municipal Información Xuvenil oix@xove.es
• 

Onte, venres 27 de decembro, celebrouse na OMIX de Xove o xa tradicional TORNEO DE TENIS DE MESA DE NADAL. Unha aula da OMIX foi o lugar escollido para o desenvolvemento deste evento, no que participaron un total de 13 rapaces e rapazas de idades comprendidas entre os 13 e os 17 anos. O gañador do mesmo foi Roberto Rubal, quedando Iván Silva subcampión. O Alcalde Demetrio Salgueiro, acompañado pola Concelleira de Xuventude Ana Abad, realizaron a entrega de premios.

Esta actividade englóbase dentro do amplo programa de actividades que o Concello de Xove deseñou para este Nadal 2013-2014.

IIIº CONCURSO DE KARAOKE

27/Decembro/2013 Departamento de Cultura e Comunicación
• 

O programa de Nadal do Concello continua a súa marcha, tendo lugar, mañá sábado 28 de decembro, un dos pratos fortes deste amplo programa de actividades coa celebración da terceira edición do CONCURSO DE KARAOKE, que se vai desenvolver a partires das 21:30 horas no Pavillón Municipal de Deportes de Xove, esperando que, coma o pasado ano, o público encha este emblemático recinto municipal.

Este Concurso presenta tres categorías: PEQUES para menores de 12 anos; IUNIOR de 12 anos ou máis e menores de 18; VETERANOS para maiores de 18 anos. A inscrición neste Concurso é totalmente gratuita. A inscrición vai estar aberta mañá, día de celebración do Concurso, en horario de 17:00 a 19:00 horas no Pavillón Municipal, para os que inda queiran apuntarse.

Nestes intres o persoal do Concello está a traballar arreo para que mañá o Pavillón esté a punto e reluzca coas suas mellores galas.

Os participantes das distintas categorías tamén terán mañá, antes do concurso en horario de 17:00 a 19:00 h., a oportunidade de ensaiar a canción que presenten, iso sí, a orde de ensaio vaise facer tendo en conta a orde de inscrición.

En Marcha O Programa De Nadal do Concello

24/Decembro/2013 Departamento de Servizos Sociais
• 

O programa de Nadal do Concello, que comezou o pasado 14 de decembro cun obradoiro de colocación do Belén na OMIX de Xove e continuou o día 20 pola mañá na Escola Infantil de Xove coa visita de Papá Noel, tivo un dos seus puntos fortes este pasado sábado 21 de decembro, onde Papá Noel, nun vehículo especialmente preparado, percorreu tódalas aldeas de Xove visitando aos nenos do noso Concello. Xa pola noite deste mesmo día 21, concretamente a partires das 21:00 horas, tivo lugar a inauguración do Belén Municipal de Xove, un Belén xigante que ocupa unha boa parte do Parque Municipal e que está conformado con diversas escenas típicas de belén e imaxes a tamaño natural. A escenificación do Belén correu a cargo do grupo de alumnos da Escola Municipal de Maiores, sendo a posta en escea realizada por Lucía Meitín.

Xa dentro das actividades desta nova semana que comeza, hoxe pola mañá desenvolveuse un obradoiro de manualidades para nenos/as de 3º ata 6º de primaria.

Dentro das próximas actividades deste denso programa municipal, temos:

• Mañá, martes 24 de decembro, ás 16:30 horas no Salón de Actos do Centro Cívico: videoproxección da película francesa de debuxos “El Ilusionista”, para tódolos públicos, en especial nenos/as e rapaces/as.
• O mércores 25, Día de Nadal, imos ter no Pavillón Municipal de Deportes, a partires das 18:00 horas, o Espectáculo Infantil de Animación “A BAILAR”. Remataremos esta actividade no Pavillón cunha CHOCOLATADA.
• O xoves 26 é o día da música, xa que imos ter o Concerto De Nadal Da Orquestra Clásica De Xove, cun amplo Programa onde inservirán os alumnos/as da Escola Municipal de Música de Xove. Este Concerto vai desenvolverse no Salón de Actos do Centro Cívico a partires das 19:00 horas.

Tódalas actividades contidas neste programa son de carácter libre e gratuito, polo que invitamos a todos, de Xove ou visitantes no noso Concello, a participar e disfrutar das moitas actividades programadas.