Slider
C/ Camiño Real S/N 27870 Xove (Lugo) / R.E.L. 01270253
CIF:P-2702500F Teléfono: 982592001 concello@xove.es
Administración Local
Urbanismo
Deporte
Turismo Xove
Emprego
Servizos Sociais
Delegación Agricultura

Tempo
Calendario.Lab.
C.Fiscal
Teléfonos
Horario

Tempo

El tiempo - Tutiempo.net

Calendario.Lab.

 

CALENDARIO LABORAL NO TERMO MUNICIPAL DE XOVE 2024

As festas locais en todo o Termo Municipal de Xove  son as seguintes:

---> 13 de xuño de 2024 (San Antón)

---> 2 de setembro de 2024 (Festa Patronal  San Bartolomé de Xove)

C.Fiscal

CALENDARIO DE PAGO DE TRIBUTOS  

CERTI TRANS2

25 * CON CERTIFICADO DIXITAL DENDE O PORTAL DO CONTRIBUÍNTE DO SERVIZO PROVINCIAL DE RECADACIÓN  PÓDESE XESTIONAR OS RECIBOS, PAGOS E CAMBIOS DE DOMICILIACIÓN BANCARIA
PORTAL DO CONTRIBUÍNTE DA DIPUTACIÓN PROVINCIAL

  • Imposto Municipal de Vehículos :   Entre o 15 de abril  e o  15 de xuño   (datas aproximadas)
urbanismo
  • I.B.I.: Rustica e Urbana /IAE:  ---15 de setembro a 15 de novembro- (datas aproximadas) Os recibos domiciliados cargaránse na súa conta en novembro, os que non están domiciliados enviánse ó domicilio do titular. No caso de que a primeiros de novembro non recibira no seu domicilio este recibo, non ten máis que solicitalo nas oficinas do Concello para poder efectuar o abono en ABANCA (Caixa Galicia). 

Se non ten domiciliado o pago ós recibos, estos  enviánse  DENDE O SERVIZO PROVINCIAL DE RECAUDACIÓN DE LUGO (Telefono 982 242728) por correo ordinario ao principio do cobro, tendo en conta que a non recepción destos documentos non exime do seu pago. En caso de non recibir os recibos de vehículos ou de IBI, tamén poderá solicitalos no Concello (982-592001) Esta dirección de correo electrónico está protegida contra spambots. Usted necesita tener Javascript activado para poder verla..-  

Teléfonos

galaxyOficina de Turismo: Avda. Diputación, s/n, 27870 Xove  Tlf: 982592632

Cuartel Guardia Civil: C/Acceso cuartel, 27870 Xove  Tlf: 982592053

Centro de Saúde: C/ Acceso cuartel, 27870 Xove Tlf: 982592424

Farmacia: C/ Camiño Real, nº 8, 27870 Xove  Tlf: 982592057

Oficina de Información Xuvenil: C/San Bartolo, 27870 Xove  Tlf: 982571816

Horario

HORARIO DE ATENCIÓN Ó PÚBLICO: De Luns a Venres: de 8.30 a 14:30

‘Contos coas mans abertas’ sensibilizará sobre a solidariedade internacional

    04/Xuño/2010 Departamento de Emprego e Desenvolvemento Local
  • Imprimir
O Fondo Galego de Cooperación e Solidariedade promove as representacións que se desenvolverán ata finais de ano en Concellos asociados á entidade.
O espectáculo da compañía A Tropa de Trapo, dirixido a público adolescente e adulto, inclúe música en directo con instrumentos de diferentes países
TropadeTrapoBaiona, 4 de xuño de 2010. Esta fin de semana iníciase na vila ourensá e Ramirás a xira ‘Contos coas mans abertas’ promovida polo Fondo Galego de Cooperación e Solidariedade dentro das súas actividades de sensibilización. O espectáculo músico-teatral creado expresamente para esta campaña pola compañía compostelá A Tropa de Trapo percorrerá ata finais de ano un total de vinte Concellos asociados á entidade municipalista galega. Canda Ramirás, son Arteixo, Porto do Son, Xove, Ferrol, Sada, Cambre, Salceda de Caselas, A Estrada, Culleredo, Ames, Nigrán, Mos, Verín, Cangas, Carballo, Burela, Abegondo, O Valadouro e Poio os lugares seleccionados para acoller as representacións.

Leer más:‘Contos coas mans abertas’ sensibilizará sobre a solidariedade internacional

Bico de Leite ofrecerá unha xornada sobre lactancia materna

    04/Xuño/2010 La Voz de Galicia [A Mariña]
  • Imprimir
028-128
«Destrezas básicas en lactación materna» é o título da xornada intensiva que ofrecerá mañá, sábado, todo o día en Xove a delegación mariñá da asociación lucense prol-lactación materna Bico de Leite. No salón de actos municipal, situado no Centro Cívico, de 9.00 a 14.00 e de 16.00 a 20.00 horas, intervirán como relatoras Helena Ferreiro Martínez, presidenta do colectivo Aleitar de Asturias, Patricia López Izquierdo , presidenta de Fedegalma e nai asesora de Bico de Leite, como a xovense Araceli Gutiérrez Rodríguez, de Bico de Leite na comarca da Mariña.
A nais e pais daránselles facilidades para acudir pois haberá servizo de gardería para maiores dun ano. Nesta cita, totalmente gratuíta, falarase do autoafianzamiento do bebé, microbiología da lactación materna, hipogalactia e anquiloglosia.
Inscriben e informan no teléfono 648 711 035.

Entrega de diplomas do curso de Photoshop CS2

    04/Xuño/2010 Oficina Municipal Información Xuvenil oix@xove.es
  • Imprimir

B0000DBOAX.01.LZZZZZZZ
Mañá VENRES 4 DE XUÑO, ÁS 18:00 HORAS (6 DA TARDE) no CENTRO XUVENIL (na OMIX), vai ter lugar a entrega de Diplomas do Curso PHOTOSHOP CS2, o cal tivo lugar dende o 19 de abril ao 31 de maio de 2010, os martes e xoves de 15:45 a 17:15 horas. No mesmo participaron 8 rapaces/as de 13 a 15 anos, desenvolvéndose o mesmo na Aula de Informática do Centro Xuvenil.
Dentro das materias impartidas no mesmo, temos:
  • -Técnicas de retoque: cambios de color no pelo, ollos, pel, etc.
  • -Filtro licuar: adelgaxar ou engordar persoas.
  • -Crear textos con diferentes efectos.
  • -Mellorar o brillo, contraste, enfoque, etc. das fotografías.
  • -Crear marco para imaxes.
  • -Uso de punto de fuga para perspectivas.

Actuacións culturais

    03/Xuño/2010 Departamento de Cultura e Comunicación
  • Imprimir
talia_teatro
O pasado luns tíñamos a primeira actuación  dos Circuitos Culturais/Camiños da Cultura en Xove coa actuación de Teatro do Morcego diante dos alumnos do IES Illa de Sarón. Pois ben, mañá VENRES 4 DE XUÑO, ÁS 13:00 HORAS, imos ter a segunda representación teatral con TALIA TEATRO e a obra  “Valentino rufini e âkil pillabán de viaxe a milán (e van sen un can)“ no Salón de Actos do Centro Cívico. Á mesma van acudir uns 140 alumnos do Colexio Pedro Caselles, concretamente de 1º a 6º de Educación Primaria.
Esta actividade está  organizada e patrocinada pola Concellería de Cultura do Concello de Xove en colaboración coa Consellería de Cultura da Xunta de Galicia. O orzamento total deste Programa é de 5.280 €uros, dos cales o noso Concello aporta 2.280 €uros e a Consellería de Cultura 3.000 €uros.
A OBRA:
Século XVIII.Italia. O cabaleiro Valentino Rufini de regreso á súa casa en Milán é abandonado polo seu criado, que lle marcha cos cartos. Só, carregando co seu baúl de viaxe, e coa faldriqueira baleira, decide pasar a noite nunha casa en ruínas no camiño por onde pasa a carruaxe a Milán. No mesmo lugar decide tamén pasar a noite Âkil Pillabán, a quen a súa ama deixou composto, sen cartos e cun baúl cheo de traxes de señora ostentosa vida a menos. Ambos os dous coñeceranse e compartirán a noite, e con ela, desexos, sospeitas e medos, mentres agardan a que de mañá pase a carruaxe. Farsa que respira da comedia da arte , ambientada na Italia do século XVIII e conta a historia de dous personaxes ben diferentes e, ao tempo, moi semellantes.

FILLAS DE MARíA

    01/Xuño/2010 Departamento de Cultura e Comunicación
  • Imprimir

Poema:

Xa nos tes aquí, para festexar este día que é un día especial os das fillas de María.

 

En tempo pasado foi un día moi especial  e hoxe o pobo de Xove  volveu a recuperar.

Por iso estamos moi ledos e vimoste honrar, ¡María! e pedirche con fervor por todas estas familias.

E como estamos no mes de Maio que é o mes das frores, dende este pobo de Xove, queremos rendirche honores.

Ti eres a nosa nai ¡Oh, María! levantas ó que cae ¡Oh, María! ti calmas a dor,  es nai do amor Salve, Salve, Salve  María.

Comezan os Circuitos Culturais en Xove

    01/Xuño/2010 Departamento de Cultura e Comunicación
  • Imprimir

tmorcego

Hoxe, luns 31 de maio, tivo lugar ás 16:30 horas no Salón de Actos do Centro Cívico o comezo dos CIRCUITOS CULTURAIS/CAMIÑOS DA CULTURA coa compañía TEATRO DO MORCEGO, a cal puxo en escea  o “LAZARIÑO DE TORMES”; a esta función acudiron tódolos alumnos/as do IES Illa de Sarón.
Esta actividade está  organizada e patrocinada pola Concellería de Cultura do Concello de Xove en colaboración coa Consellería de Cultura da Xunta de Galicia.
Para edición deste ano deste importante programa cultural, o noso Concello programou catro espectáculos, tres teatrais e un de maxia. Amáis de Teatro do Morcego, o programa complétase con:
VENRES, 4 DE XUÑO
  • TALIA TEATRO - Valentino rufini e âkil pillabán de viaxe a milán (e van sen un can)
  • SALÓN DE ACTOS DO CENTRO CÍVICO – 13:00 HORAS.
  • PÚBLICO: PARA PRIMARIA DO CEIP PEDRO CASELLES ROLLÁN
MÉRCORES, 25 DE AGOSTO
  • Teatro Babaluva S.L.  con “LUME”
  • 16:00 HORAS – SALÓN ACTOS CENTRO CÍVICO
  • NENOS DE 2 A 8/10 ANOS
MÉRCORES, 25 DE AGOSTO
  • DANI GARCÍA con “ACCIÓN”
  • 20:00 HORAS – CENTRO CÍVICO –  TÓDOLOS PÚBLICOS
O orzamento total deste Programa é de 5.280 €uros, dos cales o noso Concello aporta 2.280 €uros e a Consellería de Cultura 3.000 €uros.

XVIIº Torneo concello de xove de Ximnasia Rítmica

    31/Maio/2010 Departamento de Cultura e Comunicación
  • Imprimir

Videos tu.tv
ximnasiaRitmicaO pasado sábado 29 de maio tivo lugar no Pavillón Municipal de Deportes de Xove o XVIIº TORNEO CONCELLO DE XOVE DE XIMNASIA RÍTMICA, unha das competicións deportivas de ritmica con máis solera da nosa Provincia.  O Torneo, organizado polo Concello a través da Concellería de Cultura e a Escola Municipal de Ximnasia Rítmica, deu comezo ás 17:30 horas coa presencia de  6 equipos, as Escolas Municipais de: Xove, Lugo, Vilalba, Rábade, Outeiro de Rey e Guitiriz, cunhas 130 ximnastas  de prebenxamín a xuvenil.
O Torneo, comezou ás 17:30 horas co Desfile Inaugural, dando paso a continuación á  exhibición “LA GRAN BOLA DE QUESO” a cargo das alumnas de Prebenxamín e Benxamín da Escola Municipal de Ximnasia Rítmica de Xove.

Leer más:XVIIº Torneo concello de xove de Ximnasia Rítmica

Xove recupera a festa primaveral Fillas de María

    31/Maio/2010 La Voz de Galicia [A Mariña]
  • Imprimir
«Ata finais dá década dúas cincuenta -sinálase no díptico que os establecementos asociados á Aciam reparten sobre a festa- as Fillas de María celebrábase en Xove a finais de maio.
As mulleres solteiras acudían á celebración relixiosa de branco (símbolo de pureza e cor da vestimenta co que invitan a acudir á próxima cita festiva), e cunha cinta azul colgaban unha medalla dá Virxe dá Inmaculada Concepción ao colo.
Á saída dá misa non bailaban, xa que ou baile estaba reservado para as casadas». A Asociación de Comerciantes, Industriais e Autónomos do Municipio de Xove (Aciam) organiza a recuperación dunha festa local que se celebraba antigamente a finais do mes de maio asemellándose aos tradicionais «maios» nos que se adoitaba festexar a primavera. Xa no libro A festa non aire. Tradición e lecer non Xove de antes, editado polo Concello, as autoras Nelle Pérez e Lucía Sánchez inclúen esta tradición, coñecida como a Festa dás Fillas de María ou a Festa dás Flores, segundo recorda na publicación un veciño, entre as que se celebraban outrora en Xove. Segundo a organización do festexo e tamén como se sinala en devandito libro, «é unha adaptación cristiá dá festa dos maios. A fecundidade dous campos é representada pola nai de todas as nais dous cristiáns», por iso dedícase á Virxe María, á que rendían homenaxe con poesías as nenas, e en xeral ás mulleres.

Imagen_015


Poema:
  • Xa nos tes aquí, para festexar este día que é un día especial os das fillas de María.
  • En tempo pasado foi un día moi especial  e hoxe o pobo de Xove  volveu a recuperar.
  • Por iso estamos moi ledos e vimoste honrar, ¡María! e pedirche con fervor por todas estas familias.
  • E como estamos no mes de Maio que é o mes das frores, dende este pobo de Xove, queremos rendirche honores.
  • Ti eres a nosa nai ¡Oh, María! levantas ó que cae ¡Oh, María! ti calmas a dor,  es nai do amor Salve, Salve, Salve  María.

 

Comezan os Circuitos Culturais en Xove

    28/Maio/2010 Departamento de Cultura e Comunicación
  • Imprimir

lazarilloO vindeiro luns 31 de maio dan comezo no Concello de Xove os CIRCUITOS CULTURAIS (“CAMIÑO DA CULTURA 2010”) no noso Concello, actividade organizada e patrocinada pola Concellería de Cultura do Concello de Xove en colaboración coa Consellería de Cultura da Xunta de Galicia.

Para edición deste ano deste importante programa cultural, o noso Concello programou catro espectáculos, tres teatrais e un de maxia.

Como dixemos, a primeira función vai ter lugar o próximo luns 31 de maio ás 16:30 horas no Salón de Actos do Centro Cívico coa compañía TEATRO DO MORCEGO, a cal vai por en escea  o “LAZARIÑO DE TORMES”; a esta función van acudir tódolos alumnos/as do IES Illa de Sarón.

PROGRAMA COMPLETO DOS CIRCUITOS CULTURAIS 2010

LUNS, 31 DE MAIO

Teatro do Morcego  con Lazariño de Tormes

SALÓN DE ACTOS DO CENTRO CÍVICO – HORA: 16:30 HORAS PARA ALUMNOS/AS DE E.S.O. DO IES ILLA DE SARÓN ...

Leer más:Comezan os Circuitos Culturais en Xove

Entrega dos premios do Concurso Letras Galegas 2010

    27/Maio/2010 Departamento de Cultura e Comunicación
  • Imprimir
PREMIADOS_LETRAS_GALEGAS_2010

Hoxe, xoves 27 de maio, ás 18:00 horas (6 da tarde) no Salón de Actos do Centro Cívico, tivemos a entrega de Diplomas e Premios do CONCURSO LETRAS GALEGAS 2010 organizado pola Concellería de Cultura; a entrega foi presidida polo Alcalde Demetrio Salgueiro  acompañado de varios membros do Xurado, o cal estivo composto por:

  • -Dº Ovidio Rouco Otero, pola ACD Xove.
  • -Dª Margarita Gutiérrez Gómez,  polo CEIP Pedro Caselles Rollán.
  • -Dº María Castelo Sobrino, pola APA do Ceip Pedro Caselles Rollán.
  • -Dª María Arce Rodríguez,  polo Instituto de Ensinanza Secundaria Illa de Sarón.
  • -Dª Lucía González Suárez, pola Asociación de Mulleres Bolboretas.
  • -Dº Jacobo Díaz Meitín, pola Asociación Cultural Saiñas.
  • -Dª Élida Álvarez Rodríguez, pola Biblioteca Municipal de Xove.

O Concurso constou de 2 modalidades: CONCURSO LITERARIO (narracións, poesías, etc)  e CONCURSO ARTES PLÁSTICAS (debuxo, cómic,..), habendo tres premios (un 1º, un 2º e un 3º) por cada curso e modalidade, agás os/as nenos/as máis pequenos ata 5 anos, que lóxicamente, pola súa idade, só participan artes plásticas. Este Concurso dirixiuse a tódolos alumnos/as do Colexio  "Pedro Caselles" e do IES "Illa de Sarón".

Cada premio deste Concurso consisteu en: un Diploma Acreditativo e un lote de libros en galego.

CONCURSO  “LETRAS GALEGAS” 2010

TRABALLOS PREMIADOS NO C.E.I.P. “PEDRO CASELLES ROLLÁN”

Leer más:Entrega dos premios do Concurso Letras Galegas 2010

XVIIº Torneo Concello de Xove de Ximnasia Rítmica

    27/Maio/2010 Departamento de Cultura e Comunicación
  • Imprimir
O sábado 29 de maio vai ter lugar no Pavillón Municipal de Deportes de Xove o XVIIº TORNEO CONCELLO DE XOVE DE XIMNASIA RÍTMICA, unha das competicións deportivas de ritmica con máis solera da nosa Provincia.  O Torneo, organizado polo Concello a través da Concellería de Cultura e a Escola Municipal de Ximnasia Rítmica, vai dar comezo ás 17:30 horas coa presencia de  6 equipos, as Escolas Municipais de: Xove, Lugo, Vilalba, Rábade, Outeiro de Rey e Guitiriz, cunhas 130 ximnastas  de prebenxamín a xuvenil.
O Torneo, como é preceptivo, vai comezar antes da hora citada co quencemento e paso previo polo tapiz de tódalas participantes. Ás 17:30 horas vaise abrir coa EXHIBICIÓN “LA GRAN BOLA DE QUESO” a cargo de tódalas alumnas da Escola Municipal de Ximnasia Rítmica de Xove. Rematada a exhibición, vai comezar acompetición propiamente dita coa modalidade de conxuntos da categoría pre-benxamín.  Continuaremos con conxuntos benxamín, para pasar a continuación ás categorías alevín, infantil, iunior e xuvenil; nestas últimas catro categorías competirase tanto en conxuntos como en individual. Salientamos que na categoría xuvenil imos ter tamén competición en individual masculino, con Jonathan en mazas.
Rematará o Torneo co desfile e a entrega de trofeos e medallas a tódolas participantes, acto que estará presidido polo Alcalde Demetrio Salgueiro.

Entrega de premios do Concurso Letras Galegas 2010

    26/Maio/2010 Departamento de Cultura e Comunicación
  • Imprimir
22Mañá xoves, 27 de maio, ás 18:00 horas no Salón de Actos do Centro Cívico, vai ter lugar a entrega de Premios e Diplomas do Concurso Letras Galegas 2010, nun acto que vai ser presidido polo Alcalde Demetrio Salgueiro, quen vai estar acompañado polos membros do Xurado.
En total vanse entregar 46 premios a alumnos/as do CEIP Pedro Caselles Rollán e do IES Illa de Sarón. Os premios a cada gañador/a consisten en Diploma Acreditativo e un Lote de Libros en Galego.

En marcha o programa “Verán Xuventude 2010”

    25/Maio/2010 Oficina Municipal Información Xuvenil oix@xove.es
  • Imprimir
15

 

O Concello de Xove, a través da Oficina Municipal de Información Xuvenil, pertencente á Concellería de Xuventude, ben de por en marcha o Programa “VERÁN XUVENTUDE 2010”, programa básicamente de ámbito estival que se vai desenvolver durante os meses de xuño, xullo, agosto e setembro.  O público ao que vai dirixido é múltiple e variado, dende nenos/as  de 5 ou 6 anos, ata rapaces/as  de 35 anos, abarcando todo este arco de idades.

Imos agora desglosar as actividades por meses:

XUÑO.-ROMARÍA SAN ANTONIO.-Vaise celebrar o 13 de xuño, tal como é preceptivo. Trátase dunha actividade para tódalas idades, na que se pode inscribir ata o 11 de xuño no teléfono 982592001 (preguntando por Lucía). A saída da ruta cara o San Antonio vai ser ás 10:00 horas dende o Centro Cívico, habendo dous puntos de encontro, seguindo a Ruta dos Muiños:

  • 10:30 h: Casa do Muiño en Vila
  • 11:00 h: Cruce do Tarolo

TORNEO DE PLAY “PRO 2010.- Desenvolverase o 26 de xuño no Centro Xuvenil. Actividade para maiores de 12 anos.

“TEÑO UNHA PREGUNTA PARA VOSTEDE” .- O Alcalde de Xove, Demetrio Salgueiro, respostará ás preguntas dos rapaces e rapazas do Concello . Esta actividade vaise celebrar o 30 de xuño ás 16:30 horas, e na mesma cóntase coa presencia de rapaces/as de entre 10 e 18 anos.

XULLO.- CURSOS DE INFORMÁTICA

Vanse desenvolver  do 5 ao 29 de xullo. Están programados dous:

  • “MANEXO DE WINDOWS, WORD E INTERNET, dirixido a nenos e nenas de 6 a 9 anos, con 2 horas á semana.
  • “CURSO DE INFORMÁTICA E INTRODUCCIÓN A PHOTOSHOP” . Destinado a rapaces/as de 10 a 12 anos, con 2 horas á semana.

AQUAPARK  CERCEDA.- Destinado a rapaces/as de 13 a 35 anos, vai ter lugar esta visita a Cerceda o 10 de xullo, saíndose de  Xove ás 9:30 horas e retornando de Cerceda ás 20:00 horas.

PAINT BALL.- Desta actividade vanse celebrar dúas xornadas, unha o 14 de xullo para rapaces de 12 a 16 anos, con saída de Xove ás 16:00 h. e retorno ás 19:30, e outra para rapaces de 16 a 35 anos, co mesmo horario da anterior.

Bolboretas celebra o seu XXº aniversario cunha exposición

    20/Maio/2010 Departamento de Cultura e Comunicación
  • Imprimir

bolboretasA Asociación Xovense “ASOCIACIÓN DE MUJERES BOLBORETAS” celebra este ano 2010 o seu vixésimo aniversario, para o cal prepararon, como feito máis relevante, unha exposición XXº ANIVERSARIO – 1.990/2.010.
Na citada exposición pretenden mostrar o traballo feito pola Asociación, e lóxicamente polas socias, ao longo destas dúas décadas, traballos saídos, moitos deles, de cursos, obradoiros, etc. Ao longo deste tempo foi moito o realizado, polo que non foi fácil realizar a montaxe. Entre os numerosos obxectos expostos, temos traballos de: arte floral, cestería, bolillos, patchwork, coiro, tiffany, óleo, cerámica, ….
A Exposición vai desenvolverse na Sala de Exposición da Oficina Municipal de Turismo de Xove dende o 22 ao 29 de maio.  A mesma vai estar aberta tódolos días de 17:00 a 20:00 horas, e o mércores 26 e o sábado 29 vai abrir tamén pola mañá de 11:00 a 13:00 horas.
A inauguración da Exposición vai ter lugar o venres 21 de maio ás 20:00 horas (8 da tarde) na Sala de Exposicións da Oficina de Turismo, estando invitados á mesma numerosas persoas, autoridades municipais e outros.
A organización desta Exposición corre a cargo da Asociación Bolboretas, para o cal contou coa colaboración do Concello de Xove.

A Escola Municipal de Ximnasia Rítmica prepara os Campionatos Escolares Galegos

    12/Maio/2010 Departamento de Cultura e Comunicación
  • Imprimir

GimnasiaRitmica_12O pasado 24 de abril a Escola Municipal de Ximnasia Rítmica de Xove desprazouse a Guitiriz co fin de participar na Fase Provincial Escolar de Ximnasia Rítmica de Lugo.
A esta importante cita deportiva a Escola Municipal presentou dous equipos, o benxamín e o infantil, obtendo un excelente resultado.  Os dous equipos clasificáronse para Fase Final, ousexa, para o Campionato Escolar Galego, que con toda probabilidade se vai desenvolver en Ourense, posiblemente o vindeiro 22 de maio.  Nesta cita de Guitiriz o equipo benxamín quedou en terceira posición, ocupando o infantil a segunda, practicamente coa mesma puntuación que o equipo gañador de Guitiriz.
Para esta trascendental cita a nivel galego, os nosos equipos, dirixidos pola Profesora Ana María Iglesias, acompañado pola súa axudante Vanesa Recio, están traballando duro para que a participación nos galegos sexa o máis satisfactoria posible.

Seguindo con resultados competitivos do noso equipo de rítmica, decir que este pasado fin de semana, concretamente o 8 de maio, participamos no Torneo Terra Cha de Rábade, xunto cos equipos de Vilalba, Outeiro de Rei, Lugo, Gutiriz e Rábade. Os resultados obtidos pola nosa Escola, foron:
  • Categoría benxamín conxuntos – modalidade “mans libres”: 2º clasificados.
  • Categoría infantil conxuntos – modalidade “pelotas”:  3º clasificados.
  • Categoría infantil individual – modalidade “aro”: Noela Bouza 3ª clasificada.
  • Categoría xuvenil conxuntos – modalidade “aros”: 3º clasificados.
Para rematar, o noso conxunto cadete, xunto coa individual infantil Noela Bouza, vai participar o vindeiro sábado 15 de maio no campionato de promoción que se vai celebrar en Ribadeo.

EXPOSICIÓN “A PAZ, CUESTIÓN DE FONDO”

    10/Maio/2010 Departamento de Servizos Sociais
  • Imprimir
Os estudantes de Xove reflexionan sobre a violencia e a pobreza a través da exposición ‘A Paz Cuestión de Fondo’ - O alumnado traballa arredor da idea de paz con unidades didácticas complementarias á mostra que segue aberta ao público xeral no Centro Cívico - A iniciativa está organizada polo Concello de Xove no marco de actividades do Fondo Galego de Cooperación e Solidariedade, do cal o municipio é socio.
A_PAZ_CUESTIN_DE_FONDO
Alumnos e alumnas dos centros públicos de Xove están a traballar estes días sobre ideas como a pobreza, o racismo ou a violencia a través da exposición ‘A Paz Cuestión de Fondo’ organizada polo Concello en calidade de membro do Fondo Galego de Cooperación e Solidariedade.
Na última semana visitaron a mostra 65 rapazas e rapaces do IES Illa de Sarón pertencentes aos catro cursos de Secundaria e mais ao Programa de Diversificación Curricular. Nos vindeiros días está previsto que se acheguen os escolares de 5º e 6º de Primaria do colexio Pedro Caselles.
A ambos os dous centros facilitáronselles as unidades didácticas elaboradas polo Fondo Galego canda a exposición, nas que se pretende familiarizar ao alumnado cos conceptos básicos necesarios para unha comprensión axeitada da paz nun sentido amplo, os factores que a ameazan e mais os instrumentos, actitudes ou ideas que contribúen a promovela. Trátase de que entendan que a paz non é só a ausencia de guerra, pois existen outros tipos de violencia que atentan contra ela. Ao mesmo tempo, inténtase desenvolver nos máis novos un espírito crítico coa realidade.

Leer más:EXPOSICIÓN “A PAZ, CUESTIÓN DE FONDO”

.histórico de noticias.
Novo-->XeoPortal
Piscina Municipal
Información Xuvenil
Escola Infantil
Medio Ambiente
Consumo
Escola de Música
Bolos
Punto Limpo

   tux                                    © 2009-2012 Concello de Xove            

        -Politica de privacidade, Aviso Legal e Política de Cookies -