Convocatoria de selección Brigada Contraincendios 2022

21/Xullo/2022 CONCELLO DE XOVE
• 

 Fáise pública a convocatoria de plazas temporais para a Brigada de Incendios por 3 meses de duración que se detallan a continuación:

Tres Prazas de Peón Forestal da Brigada de Incendios

1.- OBXECTO DA CONVOCATORIA..- O obxecto desta convocatoria é proceder a convocar o proceso selectivo para a provisión con carácter temporal mediante o concurso-oposición de tres prazas de peón forestal para a brigada de incendios que debe estar operativa durante 3 meses segundo o Convenio asinado coa Consellería do Medio Rural.

2.- CARACTERÍSTICAS DA PRAZA.

• GRUPO: AP .- NIVEL C.D.: 11
• NÚM. DE PRAZAS TEMPORAIS: 3
• DENOMINACIÓN: PEON FORESTAL
• XORNADA DE TRABALLO: Xornada completa
• DURACIÓN DO CONTRATO: Dende o 26 de xullo ata o 25 de outubro de 2022. En calquera caso, de non empezar o día 26 de xullo, a duración do contrato será de tres meses.
• RETRIBUCIÓNS: As retribucións a percibir serán as corresponden á praza consonte ao establecido nos art. 23 e seguintes do vixente Convenio Colectivo do Persoal Laboral do Concello de Xove .

• Anuncio Peóns de Forestais
• Solicitude Peón  de Brigada Forestal. 
• Lista admitidos/excluídos, designación Tribunal e data das probas ( 26 de xullo de 2022, martes, ás 12:30 na Aula de Formación )
   

unha praza de Técnico - Xefe da Brigada de Incendios

 1.- OBXECTO DA CONVOCATORIA..- O obxecto desta convocatoria é proceder a convocar o proceso selectivo para a provisión con carácter temporal mediante o concurso-oposición de unha praza de Técnico - Xefe da Brigada de Incendios que debe estar operativa durante 3 meses segundo o Convenio asinado coa Consellería do Medio Rural.

2.- CARACTERÍSTICAS DA PRAZA.

• GRUPO: C1 .- NIVEL C.D.: 17
• NÚM. DE PRAZAS TEMPORAIS: 1
• DENOMINACIÓN: TÉCNICO
• XORNADA DE TRABALLO: Xornada completa
• DURACIÓN DO CONTRATO: Dende o 26 de xullo ata o 25 de outubro de 2022. En calquera caso, de non empezar o día 26 de xullo, a duración do contrato será de tres meses.
• RETRIBUCIÓNS: As retribucións a percibir serán as corresponden á praza consonte ao establecido nos art. 23 e seguintes do vixente Convenio Colectivo do Persoal Laboral do Concello de Xove .
• Anuncio Xefe Brigada
• Solicitude Xefe de Brigada
• Lista admitidos/excluídos, designación Tribunal e data das probas ( 26 de xullo de 2022, martes, ás 10:00 na Aula de Formación )

Unha praza de Peón Conductor da Brigada de Incendios

1.- OBXECTO DA CONVOCATORIA. O obxecto desta convocatoria é proceder a convocar o proceso selectivo para a provisión con carácter temporal mediante o concurso-oposición de unha praza de peón condutor para a brigada de incendios que debe estar operativa durante 3 meses segundo o Convenio asinado coa Consellería do Medio Rural.

2.- CARACTERÍSTICAS DA PRAZA.

• GRUPO: AP .-  NIVEL C.D.: 12
• NÚM. DE PRAZAS TEMPORAIS: 1
• DENOMINACIÓN: PEON CONDUTOR
• XORNADA DE TRABALLO: Xornada completa
• DURACIÓN DO CONTRATO: Dende o 26 de xullo ata o 25 de outubro de 2022. En calquera caso, de non empezar o día 26 de xullo, a duración do contrato será de tres meses.
• RETRIBUCIÓNS: As retribucións a percibir serán as corresponden á praza consonte ao establecido nos art. 23 e seguintes do vixente Convenio Colectivo do Persoal Laboral do Concello de Xove .
• Anuncio conductor
• Solicitude conductor
• Lista admitidos/excluídos, designación Tribunal e data das probas ( 26 de xullo de 2022, martes, ás 11:30 na Aula de Formación )
  

situación da aula de formación do concello (fronte ó centro terceira idade) 

Arranxo do vial a Canelas e Portocelo

19/Xullo/2022 Departamento de Obras
• 

Investidos 197.000 Euros no vial a Canelas e Portocelo.- Trátase dunha obra englobada dentro do Plan Único 2021 da Deputación Provincial. O proxecto consisteu en acondicionar e mellorar o vial que une os núcleos de Portocelo e Canelas coa Estrada Provincial LU-2601. Trátase dun vial de 1.980 mts, cunha anchura media de algo máis de 3 metros, moi usado e con bastante tráfico, mesmo no verán onde é moi utilizado polas autocaravanas. Debido a súa antigüidade o pavimento atopábase moi deteriorado, presentando estreiteces en algúns tramos.

Resumidamente, a actuación neste vial consisteu primeriro nunha limpeza de todo o vial, para pasar posteriormente a darlle unha capa de asfaltado en quente; posteriormente dotouse a estrada cunha cuneta de 60 cm revestida de formigón. A actuación neste vial rematou coa completa sinalización horizontal (pintado do vial) e vertical, a cal acaba de finalizarse.

   Grazas a esta actuación o vial pasou a ter 5 metros de ancho, frente aos 3 mts iniciais, dotando tamén o vial con algunhas zonas de sobreancho. Esta obra, que conta cun investimento importante de 197.230 €uros, vai permitir unha maior comodida e unha mellor seguridade nos desprazamentos.

   A financiación, compartida polo Concello e a Deputación, foi a seguinte:Concello: 12.064,70 €  e dende a  Deputación de Lugo: 185.165,30 €

Clausurado o VIII Obradoiro de Emprego Sendas de Burela, Cervo e Xove

15/Xullo/2022 CONCELLO DE XOVE
• 

Coa presenza do Delegado Provincial da Xunta, os alcaldes de Xove e Cervo e a Concelleira de Medioambiente de Burela, hoxe clausurouse este obradoiro na súa VIII edición.

Contou cun orzamento duns 360.000 €uros, financiados pola Xunta de Galicia. Dentro dos traballos realizados, desglosados por concello, temos:

   Xove. Especialidade de xardinería, contou con 7 alumnos. Traballos realizados:

   -Acondicionamento do Parque Centro Cívico.

   -Poda de árbores de Palmeiro e Xove.

   -Limpeza e desbroce da Senda “Ruta dos Muiños”.

   -Acondicionamento do entorno do Centro Social de San Cristovo.

   -Acondicionamento da Área de Autocaravanas da Praia de Esteiro.

   -Acondicionamento do Parque Etnográfico da Baleeira de Morás.

   Cervo. Especialidade de xardinería, contou con 6 alumnos. Traballos realizados:

-Acondicionmento e mantemento de parques e xardíns dos núcleos de Cervo e San Cibrao.

   -Mantemento da Área Sargadelos (Conxunto Histórico Artístico).

   -Creación de xardfíns secos no Parque Reina Sofía de San Cibrao.

   -Mantemento da zona da Antiga Fábrica de Salazón e entorno da Ponte Medieval.

   Burela. Especialidade en pintura e revestimentos, contou con 7 alumnos. Traballos realizados:

   -Acondicionamento integral interior da Casa de Cultura de Burela.

   -Traballos de impermeabilización de fachada e pintado da mesma na antiga Biblioteca de Burela.

   -Pintado, barnizado e mantemento xeral do mobiliario urbán do núcleo de Burela.

   A nivel de persoal, o Curso contou con 20 alumnos, 3 monitores, 1 administrativo e 1 director.

XORNADA ARQUEOLÓXICA 2022

13/Xullo/2022 Turismo, Investigación Social e Muller
• 

XORNADA ARQUEOLÓXICA O VINDEIRO VENRES, 15 DE XULLO

DE 19:00H A 21:00H  NO SALÓN DE ACTOS DO CENTRO CÍVICO

Dada a importancia de moitos dos seus recursos arqueolóxicos, e a campaña de sondaxes e posta en valor iniciada no xacemento de San Tirso de Portocelo no ano 2020, o Concello de Xove continúa cos labores de divulgación do seu patrimonio coa organización da Xornada Arqueolóxica do próximo venres 15 de xullo. Os relatorios serán os seguintes:  

• 19:00h-20:00h. Presentación da publicación A memoria da paisaxe, a cargo de Sergio Pereira, arqueólogo membro de NOSO cooperativa, autores da mesma.
• 20:00h-21:00h. Presentación dos resultados da I Fase da Escavación do Xacemento de San Tirso de Portocelo, a cargo de David Fernández Abella, arqueólogo director da intervención.
• 21:00h. Clausura da Xornada. 

Mañás Activas na OMIX 2022

11/Xullo/2022 Oficina Municipal Información Xuvenil oix@xove.es
• 

O grupo de Mañás Activas fixo sendeirismo dende o Portiño á praia de Lago recollendo refugallos polo camiño e tamén na praia.

Programa Verán Xove 2022: “Mañáns Activas”

07/Xullo/2022 Oficina Municipal Información Xuvenil oix@xove.es
• 

 Esta semana deu comezo o programa de voluntariado xuvenil "Mañáns Activas" coa supervisión das dúas técnicas de xuventude e a colaboración de catro persoas voluntarias que faran actividades de lecer como manualidades, informática, xogos, etc. cun grupo de 38 rapaces e rapazas de idades comprendidas entre os 10 e 16 anos, durante as mañáns de xullo e agosto de luns a venres. O grupo de "Mañáns Activas" tamen gozará de actividades deportivas como balonmán e baile moderno e de actividades na natureza con Roq Sport e A Balea Verde.

Praza de Encargado de Brigada de Obras.-Proceso de selección....

07/Xullo/2022 Departamento de Recursos Humanos
• 

Por Resolución de Alcaldía de 7 de marzo de 2022 aprobáronse a BASES REGULADORAS DA CONVOCATORIA PARA A PROVISIÓN, COMO PERSOAL FUNCIONARIO INTERINO, DE UNHA PRAZA DE ENCARGADO DE BRIGADA DE OBRAS E MANTEMENTO, POLO SISTEMA DE CONCURSO-OPOSICIÓN LIBRE que a seguir se transcriben na súa integridade:

1.- OBXECTO DA CONVOCATORIA.

O obxecto desta convocatoria é proceder a convocar o proceso selectivo para a provisión con carácter de interinidade de unha praza de Encargado de brigada de obras e mantemento, polo sistema de Concurso Oposición Libre; atopándose vacante dita praza no Cadro de Persoal e non resultando posible a súa cobertura como funcionario de carreira.

2.- CARACTERÍSTICAS DA PRAZA.

GRUPO: C1

NÚM. DE VACANTES: 1

DENOMINACIÓN: ENCARGADO DE BRIGADA DE OBRAS E MANTEMENTO. A praza atópase encadrada no Grupo C, Subgrupo C1 (art. 76 RDL 5/2015, de 30 de outubro), Escala de Administración Especial, Subescala de Servizos Especiais (Art. 167 e seguintes do RDL 781/1986, de 18 de abril).

 (...) 

•   Resolución de convocatoria 2º Ejercicio

Mañás Activas na OMIX

07/Xullo/2022 Oficina Municipal Información Xuvenil oix@xove.es
• 

Onte,  as nenas e nenos de "Mañás Activas" estiveron gozando dunha mañá super divertida en A Balea Verde con obradoiros de pintura de camisetas e reciclaxe.