“CONECTA COA CULTURA” no Concello de Xove.
03/Agosto/2021
Turismo, Investigación Social e Muller
-
CONECTA COA CULTURA
Este luns, 2 de agosto, ás 11 da mañá o Concello de Xove dentro do programa “Conecta coa Cultura”, incluído na programación de verán da Concellería de Xuventude propuxo unha obra de Raquel Queizas titulada O segredo do tendal que tivo lugar na praza das árbores, con aforo limitado e seguindo as normas de prevención ante o covid-19.
A protagonista contanos que preparou este espectáculo para presentar a tradición oral á nova xeración de nativos dixitais e que se inspirou nas lembranzas de moitas tardes escoitando as historias de súa avoa mentres tendían a roupa ao sol de agosto.
RAPEL CON ROQ SPORT 2021
23/Xullo/2021
Oficina Municipal Información Xuvenil oix@xove.es
-
Seguimos coas actividades de aventura en plena natureza, hoxe día 22 de xullo tocou rapel. Ás 10:30 horas, 25 rapaces e rapazas de Xove de idades comprendidas entre os 10 e 16 anos desprazáronse ao monte San Roque de Viveiro ás instalacións de Roq Sport acompañados polas técnicas de xuventude Silvia Rodríguez Barreiro e Mónica López Sanjurjo xunto co grupo de voluntariado xuvenil que participa no programa “Conect@ co Voluntariado”, para aprender a descender rapeleando unha parede con seguridade ante a atenta mirada dos monitores.
Esta viaxe está organizada pola Oficina de Información Xuvenil do Concello de Xove dentro do programa de actividades do verán “Conect@ Verán ”.
ORIENTACIÓN CON ROQ SPORT 2021
15/Xullo/2021
Oficina Municipal Información Xuvenil oix@xove.es
-
Hoxe, día 15 de xullo, ás 10:30 horas, 24 rapaces e rapazas de Xove de idades comprendidas entre os 10 e 16 anos desprazáronse ao monte San Roque de Viveiro ás instalacións de Roq Sport acompañados polas técnicas de xuventude Mónica López Sanjurjo e Silvia Rodríguez Barreiro xunto co grupo de voluntariado xuvenil que participa no programa “Conect@ co Voluntariado”, para realizar unha actividade de orientación en plena natureza onde deberán guiarse con un mapa e un compás para localizar os puntos marcados.
Esta viaxe está organizada pola Oficina de Información Xuvenil do Concello de Xove dentro do programa de actividades do verán “Conect@ Verán”.
Actividades con “A Balea Verde” 2021
13/Xullo/2021
Oficina Municipal Información Xuvenil oix@xove.es
-
Hoxe, día 13 de xullo, ás 10:30 horas, 22 rapaces e rapazas de Xove de idades comprendidas entre os 10 e 16 anos desprazáronse ata o Portiño de Moras, onde están situadas as instalacións de “A Balea Verde”, acompañados polas técnicas de xuventude Silvia Rodríguez Barreiro e Mónica López Sanjurjo xunto co grupo de voluntariado xuvenil que participa no programa “Conect@ co Voluntariado”, para gozar dunha mañá ao aire libre facendo unha ruta de sendeirismo pola costa, unha saída en kayaks e para rematar, fomentando entre a mocidade o respecto e coidado do medio ambiente, fixemos limpeza da praia.
Esta viaxe está organizada pola Oficina de Información Xuvenil do Concello de Xove dentro do programa de actividades do verán “Conect@ Verán ”.
Recepción do Alcalde ó Equipo Xuvenil SD Xove FS
12/Xullo/2021
CONCELLO DE XOVE
-
O equipo xuvenil da SD XOVE FS foi recibido este venres no CONCELLO DE XOVE polo Alcalde Demetrio Salgueiro. O rexidor xovense felicitou aos xogadores, técnicos e directivos do clube polo titulo de campións de PRIMERA GALICIA JUVENIL E POLO ASCENSO Á LIGA GALLEGA. O equipo conseguíu o ascenso á liga autonómica ó quedar na primeira posición do seu grupo e o título de campión ó imporse na final en Naron ó Emdem Futsal de A Coruña.
Dende o clube, dar as grazas como siempre ao CONCELLO DE XOVE polo seu apoio, sen o cal todos estos éxitos non serían posibles. Intentaremos formar un bon equipo para poder competir na categoría autonómica que será todo un reto para o clube e para os nosos xogadores.
PARQUE DE AVENTURA 2021
08/Xullo/2021
Oficina Municipal Información Xuvenil oix@xove.es
-
Hoxe, día 8 de xullo, ás 10:30 horas, 23 rapaces e rapazas de Xove de idades comprendidas entre os 10 e 16 anos desprazáronse ao monte San Roque de Viveiro ás instalacións de Roq Park acompañados polas técnicas de xuventude Silvia Rodríguez Barreiro e Mónica López Sanjurjo xunto co grupo de voluntariado que participa no programa “Conect@ co Voluntariado”, para gozar dunha tarde ao aire libre en plena natureza nos catro circuítos entre árbores, tirolinas e demais actividades que ofrece este parque multiaventura.
Esta viaxe está organizada pola Oficina de Información Xuvenil do Concello de Xove dentro do programa de actividades do verán “Conect@ Verán ”.-
Convocatoria Becas Transporte Estancia e Comedor 2020-2021
08/Xullo/2021
Departamento de Servizos Sociais
-
As bolsas e axudas ao estudo da presente convocatoria teñen por obxecto atender a sufragar os gastos derivados de:
A) Gastos de comedor para: Estudantes de ensinos en centros públicos da comarca da Mariña que precisen comer fóra de Xove a causa dos seus horarios, cando ditos estudos, aos que se refiren as presentes bases, non sexan impartidos nos centros de ensino do Concello de Xove
B) Gastos de estancia para:
1. Estudantes universitarios en universidades españolas.
2. Estudantes de ciclos formativos que non existan na comarca.
3. Estudantes de ensinos artísticos, profesionais e superiores e de ensinos deportivos, profesionais e superiores.
C) Gastos de desprazamento para:
1.- Estudantes que cursen estudos existentes en San Cibrao, Viveiro ou Burela, cando o seu horario escolar non sexa compatible coa liña regular de transporte de viaxeiros.Ademáis, poderanse beneficiar desta axuda os/as estudantes afectados polo retraaso na posta en marcha da “TMG Tarxeta Xente Nova” da Consellería de Infraestruturas e Mobilidade da Xunta de Galicia (antes bus municipal) unha vez iniciado o curso escolar e ata a entrada en vigor desta tarxeta de transporte.
2.- Estudantes de ciclos formativos en centros da Mariña Lucense, agás os recollidos no punto anterior.
3.- Estudantes de ciclos formativos que non existan na comarca.
4.- Estudantes de ensinos artísticos, profesionais e superiores e de ensinos deportivos, profesionais e superiores.
5.- Estudantes universitarios en universidades españolas.
No caso dos/as estudantes afectados polo retraso na posta en marcha da “TMG Tarxeta Xente Nova”, deberán presentar os tickets do desprazamento aboados antes do inicio da posta en marcha de dita tarxeta, ou xustificación das viaxes efectivamente realizadas a través da empresa de transporte.
OPCIÓNS DE PRESENTACIÓN DAS SOLICITUDES:
-
- NO REXISTRO DO CONCELLO DE XOVE (DE 8 A 14 HORAS) ---> poden recoller os formularios no Concello si non desexa imprimilos.
- A TRAVÉS DA SEDE ELECTRÓNICA https://xove.sedelectronica.gal/ ---> Usando a opción de INSTANCIA XERAL e adxuntando a solicitude de beca e demais documentación pertinente.
DESCARGA DE ARCHIVOS
PRAZO PARA SOLICITAR: DO 08 DE XULLO AO 02 DE AGOSTO DE 2021