ACTIVIDADES VERÁN CONCELLO DE XOVE

01/Xullo/2024 Oficina Municipal Información Xuvenil oix@xove.es
• 

Xa deron comezo as actividades de verán no Concello de Xove, organizadas polos Departamentos de Deporte, Xuventude, Servizos Sociais e a Oficina de Información Xuvenil, cun alto grao de participación.

O campamento para os máis pequenos “Concilia”, en marcha dende hoxe día 1 de xullo ata o día 6 de setembro para nenas e nenos desde 4º de infantil ata 4º de primaria, conta con un total de 106 participantes.

Sigue en número de participantes con 44 “Mañás Activas”, que tamén deu comezo hoxe ata o vindeiro 23 de agosto, para a rapazada a partir de 10 anos con diversas actividades. Dentro da súa programación teñen robótica educativa, iniciación ao hóckey e saídas a Roq Sport para gozar de actividades ao aire libre. Así como, unha viaxe a A Pontenova o día 14 de agosto para facer a “Ruta dos Fornos” e gozar do descenso en tirolina. Tamén visitarán o Karting de Arifran o día 10 de xullo.

O programa de verán conta tamén con actividades deportivas para variado rango de idades como son full body, ximnasia para maiores, pilates, curso de pádel e iniciación ao hóckey.

Dentro da programación de Xuventude hai un campamento de tres días en Morás, unha excursión a Ruta dos Fornos, unha visita ao Karting de Arifran e unha viaxe ao Aquapark de Cerceda. Completan a variada oferta de actividades de xuventude as monitorizadas por Roq Sport: parque de aventura, paintball, educación vial, orientación e kayaks.

O Concello de Xove tamén oferta actividades para gozar en familia, os “Domingos a Remollo” na praia de Lago os días 7, 14, 21 de xullo e 4, 11 de agosto.

Concilia Verán 2024

29/Xuño/2024 CONCELLO DE XOVE
• 

PUMP TRACK XOVE 2024

26/Xuño/2024 Concellería de Deporte e Turismo
• 

Blast Licence  ----- Right Now Licence

IX Torneo Intercontinental de Bolo Celta

24/Xuño/2024 Concellería de Deporte e Turismo
• 

O Club de Bolos Xove destaca no IX Torneo Intercontinental de Bolo Celta en Nigrán, Val Miñor. O pasado fin de semana, máis de 50 xogadores de Latinoamérica e España déronse cita en Nigrán para competir no Torneo Intercontinental de Bolo Celta, e os resultados obtidos polos xogadores do Club de Bolos Xove son excelentes.

Na categoría individual, Daniel Alonso López alzouse como Subcampeón Intercontinental 2024, tras unha emocionante partida que o enfrentou ao recoñecido J. M. Torres do Club de Bolos San Cibrán de Gondomar.

Na categoría de seleccións, a Selección Galega, composta polos xovenses Miguel López e Francisco Pérez, o baionés Adrián Rodriguez e o nigranés Cristian Lebedynski, coroouse como Subcampiona Intercontinental 2024.

Ademáis, a Selección de Lugo, integrada polos catro xogadores xovenses Daniel Alonso, Andrés Rodríguez, Cristian Rodríguez e Ginés Rodríguez, logrou unha destacada cuarta posición final.Estos incríbles resultados son un testemuño do talento, esforzo e dedicación dos xogadores do Club de Bolos Xove.

Remate da Escola de Maiores 2024

24/Xuño/2024 CONCELLO DE XOVE
• 

O venres día 21 de xuño, fixose entrega dos diplomas aos alumnos e alumnas que este ano participaron na Escola de Maiores, que imparte a Educadora Familiar do Concello de Xove Angélica Casabella Quelle dende fai máis de 20 anos. A entrega tivo lugar ás 13:00 horas no salón de plenos do Concello da man de Tamara Soto, concelleira de Servizos Sociais e de Dolores Meitín, 1ª Tte de Alcalde, nun acto moi emotivo e de agradecemento á profesora.

Logo da entrega de diplomas tivo lugar unha comida de confraternidade entre todos os alumnos e a profesora, e tamén coa asistencia do alcalde Demetrio Salgueiro, que agradeceu enormemente a adicación e profesionalidade de Angélica durante todos estes anos dirixindo esta Escola. A Escola de Maiores do Concello de Xove empezou a marchar no ano 2002 e seguiu funcionando de forma ininterrumpida cada ano e sempre con moita afluencia de alumnos e alumnas; sendo, ademáis, a pioneira de todas as Escolas de Maiores de Galicia e a partir da cal xurdiron a posteriori todas as demáis.

O curso iniciase cada ano en outubro e dura ata xuño, coas suas pertinentes vacacións (nadal, entroido, Semana Santa…). Ten 8 sesións ao mes, repartidas en 2 cada semana dunha duración de hora e media cada sesión. Este ano foron 25 alumnos os inscritos. Angélica Casabella encárgase de impartirlles todas as materias, que a maiores compleméntanse con un taller de memoria que se realiza durante todo o mes de xullo a razón de 3 horas semanais. Tamén nesta Escola de Maiores levanse a cabo ao longo do curso dúas viaxes de tipo cultural para coñecer Galicia ou mesmo algunha localidade límitrofe. Para estes alumnos tamén se organizan charlas que poden ser do seu interese como por exemplo seguridade cidadá, educación vial etc…

Curso de Cría de Raiñas con Abella Autóctona

24/Xuño/2024 Delegación de Agricultura
• 

Restraso do programa Xove Concilia Verán ata xullo 2024

20/Xuño/2024 Turismo, Investigación Social e Muller
• 

“AVISO IMPORTANTE: Dende a Delegación de Servizos Sociais, Sanidade, Muller e Políticas de Igualdade do Concello de Xove INFORMAMOS que o programa Xove Concilia Verán, que había comezar o luns, 24 de xuño, RETRASA o seu inicio ata o mes de xullo. Moi pronto COMUNICAREMOS a data exacta do empezo.  Desculpen as molestias”.

Concurso Literario e de Artes Plásticas do Día das Letras Galegas

12/Xuño/2024 Turismo, Investigación Social e Muller
• 

Na mañá deste pasado luns, 10 de xuño, tivo lugar no CEIP Pedro Caselles Rollán de Xove a entrega de premios do CONCURSO LITERARIO E DE ARTES PLÁSTICAS DO DÍA DAS LETRAS GALEGAS dedicado neste 2024 a Luisa Villalta Gómez e que cada ano organiza a concellería de cultura do Concello de Xove.

Na entrega participaron o alcalde de Xove Demetrio Salgueiro e a concelleira de cultura Mª Dolores Meitín, que agradeceron a todas e a todos a sua participación e a colaboración dos centros educativos de Xove: o CEIP Pedro Caselles Rollán e o IES Illa de Sarón.

Tamén destacaron o difícil labor do xurado recoñecendo o seu traballo e felicitaron a todos os premiados.

A continuación detallase a relación dos premiados:

Leer más:Concurso Literario e de Artes Plásticas do Día das Letras Galegas