Mañás Activas 2025

26/Maio/2025 Oficina Municipal Información Xuvenil oix@xove.es
• 

Aberto o prazo de inscrición para o programa Mañás Activas ata o 14 de xuño.

A inscrición para este programa pode facerse de forma telemática pola sede electrónica do Concello de Xove ou de forma presencial na OMIX.

Xove Concilia Verán 2025

20/Maio/2025 Oficina Municipal Información Xuvenil oix@xove.es
• 

  Aberto o prazo de inscrición no programa Xove Concilia Verán ata o 7 de xuño na OMIX.

Video Infantil do San Antonio Rigueira

19/Maio/2025 CONCELLO DE XOVE
• 

 VÍDEO INFANTIL DA ROMARÍA DO SAN ANTONIO VENTUREIRO DA RIGUEIRA

O Concello de Xove vén de colaborar co CEIP Pedro Caselles Rollán nun proxecto educativo relacionado coas festas tradicionais, que titularon “DE FESTA EN FESTA PORQUE ME PRESTA”. Cada curso elixiu unha festa tradicional da contorna, na cal traballaron ao longo de todo o ano escolar 2024/25. As festas tradicionais elixidas foron:

• • 4⁰ EI: San Antonio (A Rigueira).
  • 5⁰ EI: Maruxaina (San Ciprián).
  • 6⁰ EI: Queimada popular (Cervo).
  • 1⁰ EP: San Xoán.
  • 2⁰ EP: Feira do bonito (Burela).
  • 3⁰ EP: San Lucas (Mondoñedo).
  • 4⁰ EP (A-B): Festa do Carme.
  • 5⁰ EP: Arde Lucus.
  • 6⁰ EP: Mercado Medieval (Alfoz).

Neste punto, o Concello de Xove respondeu á solicitude de colaboración de 4º de Educación Infantil, que elixiu a romaría do San Antonio Ventureiro da Rigueira, declarada Festa de Interese Turístico de Galicia no ano 2023. A titora do curso solicitou documentación ó departamento de Investigación Social, que lle proporcionou a publicación editada polo Concello de Xove e a Xunta de Galicia: A festa no aire. Tradición e lecer no Xove de antes. Ademais de entregarlles dípticos informativos do proxecto de recuperación da romaría e das 8 rutas de romaxe. Completaron o traballo desde a clase cun intercambio interxeracional, solicitando a colaboración de catro avós e familiares maiores do alumnado, persoas veciñas da parroquia de A Rigueira, que compartiron con nenas e nenos os seus recordos e contestaron preguntas da festa do San Antonio Ventureiro.

Para rematar, solicitaron ó Concello de Xove colaboración para comprender a importancia social que tiña o San Antonio da Rigueira, e por que esta festa gozaba antigamente de tanta fama en todo o municipio e fóra del. A encomenda non foi doada, pois houbo que adaptar unha das posibles explicacións sociolóxicas de participación na festa a un público de moi curta idade. Así, a Socióloga do Concello creou un conto infantil narrado e apoiado con debuxos, que foi proxectado a todo o alumnado de Educación Infantil do CEIP Pedro Caselles, titulado: A Historia da miñoca Icía e Roi, o caracol. Antes da proxección do conto agasallóuselles aos nenos/as con cadanseu pano do San Antonio da Rigueira, aqueles panos cos que se identifica á romaxe o día 13 de xuño.

Presentación da Festa das Flores 2025

15/Maio/2025 CONCELLO DE XOVE
• 

Onte tivo lugar a presentación do cartaz da Festa das Flores, tamén coñecida como Festa das Fillas de María, que se vai celebrar este sábado 17 de maio no concello de Xove, coincidindo tamén coa festividade do día das Letras Galegas.
Na presentación do cartaz estivo Demetrio Salgueiro acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio.
Dende aqui invitamos a veciños/as e visitantes a disfrutar deste día de alegría e todos/as vestidos de branco.

Presentación da Feira de Gando Cabalar 2025

12/Maio/2025 Delegación de Agricultura
• 

A 27º Feira de Gando Cabalar será  en Lago (Concello de Xove) o vindeiro domingo 18 de maio.

Na presentación estaba Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde de Xove Demetrio Salgueiro e a concelleira de agricultura Dolores Meitín.

Dende o Concello de Xove invitamos a toda a veciñanza e tamén a todos aos afeccionados/as ao mundo do gando a que se acerquen disfrutar dunha xornada familiar na parroquia de Lago.

VII Rally da Mariña 2025

06/Maio/2025 CONCELLO DE XOVE
• 

Ioga para adolescentes 2025

02/Maio/2025 Departamento de Servizos Sociais
• 

IV Concurso Fotográfico do Día Mundial do Medio Ambiente

28/Abril/2025 Turismo, Investigación Social e Muller
• 

• OBXECTIVO: Poñer en valor aqueles lugares do concello de Xove menos coñecidos.
• PRAZO: Desde o 1 ao 23 de maio ás 00:00 horas.
• INSTRUCIÓNS: -CUBRIR a Folla de Inscrición e presentala no REXISTRO de Entrada do Concello de Xove (de xeito presencial ou a través da sede electrónica: https://xove.sedelectronica.gal/
• ENVIAR as fotografías por correo electrónico, dentro do mesmo prazo que para o envío da solicitude, ao enderezo Esta dirección de correo electrónico está protegida contra spambots. Usted necesita tener Javascript activado para poder verla., con indicación do NOME da mesma, así como o NÚMERO de REXISTRO de entrada da solicitude de participación ou folla de inscrición.

BASES DA CONVOCATORIA ----------  FICHA DE INSCRIPCIÓN