* CON CERTIFICADO DIXITAL DENDE O PORTAL DO CONTRIBUÍNTE DO SERVIZO PROVINCIAL DE RECADACIÓN PÓDESE XESTIONAR OS RECIBOS, PAGOS E CAMBIOS DE DOMICILIACIÓN BANCARIA PORTAL DO CONTRIBUÍNTE DA DIPUTACIÓN PROVINCIAL
Imposto Municipal de Vehículos : Entre o 15 de abril e o 15 de xullo
I.B.I.: Rustica e Urbana /IAE: ---15 de setembro a 15 de novembro- Os recibos domiciliados cargaránse na súa conta en novembro, os que non están domiciliados enviánse ó domicilio do titular. No caso de que a primeiros de novembro non recibira no seu domicilio este recibo, non ten máis que solicitalo nas oficinas do Concello para poder efectuar o abono en ABANCA (Caixa Galicia).
Se non ten domiciliado o pago ós recibos, estos enviánse DENDE O SERVIZO PROVINCIAL DE RECAUDACIÓN DE LUGO (Telefono 982 242728) por correo ordinario ao principio do cobro, tendo en conta que a non recepción destos documentos non exime do seu pago. En caso de non recibir os recibos de vehículos ou de IBI, tamén poderá solicitalos no Concello (982-592001) Esta dirección de correo electrónico está protegida contra spambots. Usted necesita tener Javascript activado para poder verla..-
HORARIO DE ATENCIÓN Ó PÚBLICO: De Luns a Venres: de 8.30 a 14:30
Feira de gando de San Isidoro de Monte
19/Agosto/2010
Delegación de Agricultura
O vindeiro MARTES, 24 de AGOSTO, coincidindo co día de San Bartolo, terá lugar a tradicional FEIRA DE GANDO vacuno e cabalar en San Isidoro de Monte, no sitio coñecido como Penasagudas.
A organización deste inmemorial evento corre a cargo da Comunidade de Veciños “Costa de Laxamoura”, os cales levan varios meses traballando para que todo esté a punto para este día. Conta a Feira co importante patrocinio do Concello de Xove e a Consellería de Medio Rural da Xunta de Galicia.
O Programa da Feira é o seguinte:
12:00 horas: misa solemne na Igrexa Parroquial de San Isidoro.
12:00 horas: comeza o traballo do Xurado para o Concurso Gandeiro.
14:00 horas: Sesión Vermú.
17:00 horas: Carreira Cabalos.
18:00 horas: entrega de premios dos distintos Concursos e da Carreira de Cabalos.
18/Agosto/2010
Departamento de Cultura e Comunicación
Con entrevistas a José Demetrio Salgueiro, Alcalde do Concello; José Manuel Alvarado, Director de Alcoa; Javier Sánchez, pescador de Portocelo; José Manuel Blanco, Encargado da Piscina; e a Roberto Vilar, organizador do Festival do Humor de Xove.
Realizado por VOZAUDIOVISUaL para:
“XOVE 360º +. GRAO A GRAO”. apertura hoxe...
13/Agosto/2010
Departamento de Cultura e Comunicación
Ana Isabel Codesal, Felipe Abad, Javier Arca, Enrique Peña, Ana Isabel Lage, José Manuel Blanco, Alberto Rapa, Marta Álvarez, Andrea Castro, Santos Cordovilla, Juan Antonio Fernández, Mª Elena Fernández, Andrés García e Mateo Guerreiro conforman o Colectivo de Fotógrafos de Xove que expoñen na Sala de Exposicións do Centro Cívico nesta 3ª edición de “XOVE 360º”, que este ano se denomina “+ Grao a Grao”.
A exposición conta con 50 fotografías, ousexa, as mesmas que a edición do pasado ano. Cada participante presentou obligatoriamente 5 fotos. Destas 5 fotos, as 2 que decideu previamente cada participantes, incluíronse de inicio na exposición, polo que tódolos participantes tiveron garantizadas na exposición 2 fotografías como mínimo. As 3 fotografías restantes foron xuntos coas dos demais participantes para unha bolsa da que sairon as restantes fotos da exposición; ousexa, 30 fotos da exposición foron elexidas directamente polos participantes, e para as restantes realizouse unha votación entre tódolos fotógrafos para escoller as 20 que faltaban para completar as 50.
A temática das fotos desta edición foi totalmente libre, podendo ser de Xove ou non. Non se permitiron montaxes fotográficas, “versus photoshop”. Si se permitiron os efectos de cámara: brillo, contraste, saturación, balance de brancos, etc.
O cartel da exposición, que adxuntamos coa presente nota de prensa, foi deseñado por un dos participantes, concretamente por Felipe Abad; en canto á maquetación das fotografías foi relizada pola participante Ana Isabel Lage.
A Exposición, como dixemos, vai estar aberta na Sala de Exposicións do Centro Cívico, nos seguintes dias e horarios:
-Do 13 ao 22 de agosto: de 17:00 a 22:00 horas.
-Do 23 ao 29 de agosto: de 17:00 a 24:00 horas. (Esta Semana amplíase o horario de apertura, dado que se quer aproveitar a Semana Principal das Festas). >
Viaxar por Europa para os mozos galegos
12/Agosto/2010
Oficina Municipal Información Xuvenil oix@xove.es
A Xunta de Galicia acaba de abrir o prazo para inscribirse no programa galego de mobilidade "A Xuventude no Mundo". Este programa pretende que os mozos e mozas galegos, con idades comprendidas entre os 18 e 30 anos, coñezan outras rexións de Europa:
Italia, en Giulianova (Rexión Abruzo). Un día/noite en Roma.
Italia, en Cogolo de Peio-Trento (Rexión Trentino-Adagio).
Francia, en Evry, preto de París.
Grecia, en Thessalóniki.
Hungría, en Vezpren e Budapest.
Romanía, en Bucarest.
Bulgaria, en Veliko Tarnovo. Un día/noite en Sofía.
Portugal, en Esposende.
Portugal, en Figueira da Foz.
O prazo de inscrición está aberto ata o día 20 de agosto ou ata que se cubran as prazas.
Para máis información chamar por teléfono ao 982 57 18 16 ou persoalmente na Oficina de Información Xuvenil do Concello .
Exito do Club de Bolos de Xove nos Campionatos Galegos
11/Agosto/2010
Departamento de Cultura e Comunicación
O pasado 31 de xullo celebrouse na bolera de Camos, no Concello de Nigrán (Pontevedra), o VIIIº CAMPIONATO GALEGO DE BOLOS, competición na que o Club de Bolos Xove acadou uns extraordinarios resultados en categoría xuvenil:
CAMPIÓN:* Cristian Rodriguez Baño *
SUBCAMPIÓN: Andrés M. Rodriguez Fernandez
5º POSTO: Alejandro Meitin Serantes.
Adxuntamos coa presente información, unha fotografía dos tres xogadores xovenses posando cos trofeos acadados en Camos.
Campamento de Verán
07/Agosto/2010
Oficina Municipal Información Xuvenil oix@xove.es
Hoxe rematou a “Acampada de Verán” organizada pola Oficina de Información Xuvenil do Concello de Xove para mozos e mozas de 10 a 16 anos.
O campamento, que tivo unha duración de dous días e participaron un total de vinte rapaces, consistiu nunha acampada con tendas de acampada para pasar a noite, e diversas actividades durante a tarde do venres e a mañá do sábado, entre elas tiro con arco, golf, mini quads, kayaks, xogos na auga e na area, algunha delas organizadas na praia de Lago.
A pintora Xovense "Mary Boix" Expón en Xove
30/Xullo/2010
Departamento de Cultura e Comunicación
Estamos a falar dunha pintora, que inda que non nacida aquí, si leva vivindo algúns anos no noso Concello, onde posúe unha fermosa casa. Cun amplísimo curriculum (que adxuntamos coa presente nota), é a primeira vez que expón no noso Concello.
A exposición, que neste caso se vai ubicar na pequena pero elegante Sala de Exposicións da Oficina Municipal de Turismo de Xove, vaise abrir o domingo 1 de xullo, permanecendo aberta ata o 13 do mesmo mes. O horario de apertura da mesma é o seguinte:
-Luns a domingo: de 9:30 13:30 e 16:30 a 20:30 horas.
-Pechada os luns e martes pola mañá.
Mary vai expor orredor de 21 traballos, na súa meirande parte óleos de pequeno e mediano formato, así como algunha obra de técnica mixta. Unha boa parte das obras expostas, e dahí o seu atractivo tendo en conta o ano en que estamos, está adicada ao Camiño de Santiago, recollendo experiencias e imaxes da propia Mary no Camiño.
Hoxe martes, día 27 de xullo, celebrouse na Escola Infantil de Xove, a CLAUSURA do curso 2009-2010.
Durante a mañá, os nenos e nenas da gardería municipal participaron en xogos e actividades lúdicas, degustaron unha merenda infantil e a media mañá entregáronse diplomas simbólicos por parte de D. Demetrio Salgueiro, Alcalde do Concello de Xove, e Dna. Ana Abad, Concelleira de Servizos Sociais.
Os pais e nais dos menores puideron participar nesta festa infantil de clausura.
Exposición fotográfica ‘Nicaragua: unha realidade viva’
23/Xullo/2010
Departamento de Emprego e Desenvolvemento Local
As imaxes amosan o proxecto sociosanitario da ONGD Solidariedade Galega que foi cofinanciado polo Fondo Galego de Cooperación e Solidariedade.
A exposición ‘Nicaragua: unha realidade viva’ inicia o martes 27 de xullo na vila lucense de Xove o seu percorrido polas sedes de diferentes Deputacións e Concellos socios do Fondo Galego de Cooperación e Solidariedade. A mostra reúne as imaxes tomadas polo recoñecido fotógrafo vilagarcián Eduardo J. Castro no marco do proxecto ‘A formación sociosanitaria como vía de desenvolvemento’ que levou a cabo a ONGD Solidariedade Galega co cofinanciamento do Fondo nos municipios de Ocotal (Nueva Segovia) e Puerto Cabezas (Región Autónoma del Atlántico Norte).
As fotografías de ‘Nicaragua: unha realidade viva’ permanecerán no salón de actos da Casa Consistorial de Xove ata o vindeiro 9 de agosto. A exposición, con entrada de balde, abre polas tardes de luns a domingo, en horario de 17 a 22 horas. No espazo habilitarase asemade un punto de información sobre o Fondo Galego de Cooperación, onde os visitantes poderán consultar as diversas publicacións editadas pola entidade municipalista.
Educación Vial na Escola Infantil de Xove
16/Xullo/2010
Departamento de Servizos Sociais
A Escola Infantil de Xove adicou o mércores, día 14 de xullo, á EDUCACIÓN VIAL.
Durante a mañá, os nenos e nenas da gardería municipal participaron cos seus vehículos (coches, motos, triciclos) no circuito vial elaborado no patio para a ocasión.
Deste xeito tan lúdico, aprenderon a conducir polo seu carril, a coñecer sinais de tráfico (sinal de stop,..)semáforos, pasos de pións,...
A media mañá, os vixiantes municipais achegáronse ata a escola para que os nenos e nenas coñeceran un coche de policía, o son da sirena, a megafonía, as luces. Como remate, ao final da mañá levaron para as súas casas o permiso de conducir.
Novo parque biosaudable en Xove
16/Xullo/2010
Departamento de Cultura e Comunicación
O novo Parque Biosaudable de Xove, que se atopa dentro do Parque do Centro Cívico, xa é unha realidade; e é unha realidade porque nestes intres xa é operativo, despois dos traballos realizados de adecuación do entorno realizados polos alumnos/as da Escola Taller “Recunchos” de Xove, que se encargaron da zona verde que o rodea.
Este Parque conta con 11 aparellos distintos nos cales se poden practicar todo tipo de exercicios, beneficiosos para tódalas partes do noso corpo, xa que cada aparello incide nunha parte do corpo humano.
Pola súa configuración, o Parque pode ser utilizado por calquer veciño/a, pero está pensado especialmente para persoas da 3ª idade; trátase dunha ferramenta que os nosos maiores, ou calquer outra persoa, poden utilizar para porse en forma e manterse ben físicamente.
O Parque supuxo un investimento de 8.456 €uros, sendo financiados polo noso Concello e por unha subvención da Secretaría Xeral para o Deporte.
Preinscrición para a Escola Municipal de Música de Xove
15/Xullo/2010
Departamento de Cultura e Comunicación
Durante todo o mes de agosto vai estar aberta a PREINSCRICIÓN para o Curso 2010/2011 da Escola Municipal de Música.
Para realizar a PREINSCRICIÓN hai que rexistrar a Ficha de Preinscrición (con tódolos datos cubertos) no Rexistro Municipal do Concello, para o cal estará aberto, tal como xa dixemos, un prazo durante todo o mes de agosto do presente ano, en horario normal das Oficinas Municipais.
Os/as solicitantes terán que achegar, xunto coa Ficha cuberta, o DNI e unha fotografía. As Fichas de Preinscrición estarán a disposición de tódolos/as solicitantes no mesmo rexistro municipal
Rematada a preinscrición, farase pública no taboleiro do Concello a LISTA DE ADMITIDOS na Escola, tendo os mesmos/as un prazo máximo de 15 días para formalizar a matrícula, para o cal só será necesario realizar unha transferencia bancaria de 35 €uros en concepto de matrícula por alumno e curso completo, no número de conta bancaria que lles indiquemos.
Visita de 35 rapaces ao aquapark de cerceda
13/Xullo/2010
Oficina Municipal Información Xuvenil oix@xove.es
O Concello de Xove, a través da Concellería de Servizos Sociais e Xuventude, organizou unha viaxe o 10 de xullo ao Aquapark de Cerceda no que participaron un total de 35 rapaces e rapazas. Durante un expléndido día, puideron disfrutar das diferentes instalacións do Parque: piscinas, tobogans, etc.
A viaxe a fixeron acompañadas pola Técnica de Información Xuvenil María José Alonso e polo Monitor de Natación José Manuel Blanco. Esta actividade forma parte da ampla programación de VERÁN XUVENTUDE 2010 organizada pola Concellería.
Xa temos Bandeira Azul na Praia de Esteiro
09/Xullo/2010
Departamento de Cultura e Comunicación
A Praia de Esteiro, na parroquia de Xuances, de novo con Bandeira Azul por ser unha plaia de augas cristalinas, con tódolos servizos necesarios, froito das últimas remodelacións no acondicionamento dos accesos e zona de dunas.
Celebrado Torneo de Play “Pro 2010”
06/Xullo/2010
Oficina Municipal Información Xuvenil oix@xove.es
O pasado venres 2 de xullo, na Oficina Municipal de Información Xuvenil, celebrouse o TORNEO DE PLAY “PRO 2010”.
No mesmo particparon 14 rapaces. Os gañadores do Torneo foron Óscar Pérez e David Naya, quens recibiron da Concelleira de Xuventude Ana Abad un premio consistente nunha tenda de acampada para cada un.
Esta actividade, desenvolvida pola Concellería de Xuventude, forma parte da Programación de “Verán Xuventude 2010”.
Inauguración da Exposición de Pintura de Marysol Rios
02/Xullo/2010
Departamento de Cultura e Comunicación
Mañá sábado, 3 de xullo, ás 19:00 horas (7 da tarde), vai ter lugar a inauguración da exposición de pintura isto é o meu sentir” da pintora coruñesa Marysol Rios na sala de exposicións da oficina municipal de turismo de Xove.
Esta exposición vai estar aberta ata o 24 de xullo, nos seguintes horarios:
Luns a domingo de 9:30 horas a 13:30 e 16:30 a 20:30 horas.
Pechada os luns e martes pola mañá.
En total a pintora presenta nesta exposición 23 obras, unha parte óleos e outra con técnica mixta, e con formatos pequenos e medianos. É a primeira exposición da pintora en Xove, e desexamos que a mesma teña o éxito que a calidade das telas se merecen.
O vindeiro 
Durante todo o mes de agosto vai estar aberta a PREINSCRICIÓN para o Curso 2010/2011 da Escola Municipal de Música.
