Día Internacional da Eliminación da Violencia contra a Muller 2023

21/Novembro/2023 Turismo, Investigación Social e Muller
• 

Dende o departamento de Muller e Igualdade, pertencente á delegación de Servizos Sociais, Sanidade, Xuventude, Muller e políticas de Igualdade do Concello de Xove organízase durante esta semana unha serie de actos en conmemoración do 25N:

• O xoves, 23 de novembro ás 11:30h. No Salón de Actos do Centro Cívico, representación da Obra Teatral da compañía galega Chévere: AS FILLAS BRAVAS DE MOMÁN: un recital teatralizado representado que actualiza a vixencia dos valores da cultura tradicional. É tamén un traballo de investigación sobre a sexualidade, as relacións de xénero e os roles da muller na sociedade tradicional que aparecen reflectidos nas coplas do cancioneiro popular galego, para o que se fixo un traballo de procura, escolma e adaptación de textos de transmisión oral publicados desde a segunda metade do século XIX. A idea é achegarse a algunhas zonas nas que intuímos que a muller gozou de autonomía, extraendo textos do cancioneiro que poidan alumear xestos de rebeldía e autoafirmación. Cuestionar esoutro estereotipo que caracteriza á sociedade galega rural como conservadora, atrasada, inmobilizada, submisa, que reduce ás mulleres ao ámbito privado da familia. A peza teatral estará interpretada polas actrices: Patricia de Lorenzo, Mónica García e Arantza Villar.
• O venres, 24 de novembro: terá lugar a iluminación da fachada do Concello de cor morada, e a colocación dun gran lazo da mesma cor, que permanecerán durante toda a fin de semana decorando a Casa Consistorial, en firme apoio á eliminación desta praga que representa a violencia contra as mulleres.

CONTACTO:Lucía Sánchez, Técnica de Turismo, Investigación social e Muller: 982592001 Ext: 241

Programa Xuntos Polo Nadal 2023

14/Novembro/2023 Departamento de Servizos Sociais
• 

PROGRAMA “XUNTOS POLO NADAL”

A Consellería de Política Social e Xuventude, a través da Dirección Xeral de Maiores e Atención Sociosanitaria organiza este programa de promoción do envellecemento activo e convivencia, destinado ás persoas maiores que se atopen soas nestas datas, xa sexa por carencia de familiares ou amigos, perda do seu cónxuxe ou por outras circunstancias.

PERSOAS BENEFICIARIAS:

a) Ter 60 anos, cumpridos no momento en que remate o prazo de presentación de solicitudes.

b) Estar empadroado nalgún concello galego.

c) Vivir só no seu domicilio e ter que pasar só/a as datas do Nadal.

d) Valerse por si mesmo e non padecer enfermidade transmisible con risco de contaxio, nin trastornos mentais ou condutuais non compensados que poidan alterar a convivencia durante o transcurso da estadía.

Recoméndase estar vacinado fronte a COVID-19 segundo o calendario sanitario vixente.

PRAZO E LUGARES DE PRESENTACIÓN DAS SOLICITUDES:

Ata o día 8 de decembro de 2023 (incluído)

As solicitudes presentaranse preferiblemente por vía electrónica a través do formulario normalizado PR004A, dispoñible na sede electrónica da Xunta de Galicia.

Opcionalmente, poderanse presentar de forma presencial en calquera dos lugares e rexistros establecidos na normativa reguladora do procedemento administrativo común e dirixiranse á xefatura territorial correspondente en función do ámbito territorial do solicitante.

PARA MAIS INFORMACIÓN:Departamento de Servizos Sociais do Concello de Xove.- Telf.: 982592001.- E-mail: Esta dirección de correo electrónico está protegida contra spambots. Usted necesita tener Javascript activado para poder verla.

 ----> web da Xunta : Xuntos polo Nadal 2023 | Política Social (xunta.gal)

Xa funciona o Punto de Recarga para Vehículos Eléctricos de Xove

14/Novembro/2023 CONCELLO DE XOVE
• 

Onte, 13 de novembro, púxose en marcha o PUNTO DE RECARGA PARA VEHÍCULOS ELÉCTRICOS instalado no entorno do Centro Cívico, concretamente no aparcamento lateral do Salón de Actos. Para instalación deste Punto de Recarga abriuse por parte do Concello un Concurso ao cal só se presentou a empresa Cargacoches S.L. Dentro deste Concurso a empresa realizou unha serie de propostas de mellora sobre as cláusulas dictadas polo Concello:Instalación dun único poste de recarga de 100 Kv con dous conectores. Período inicial de utilización gratuita dos puntos de recarga por parte dos usuarios durante TRES MESES a contar dende a formalización da correspondente Acta de Inicio. Ousexa, os usuarios poden recargar gratuitamente neste punto os seus vehículos eléctricos durante tres meses contados a partir do 13 de novembro.

Por parte do Concello concedeuse á empresa a CONCESIÓN DEMANIAL DE USO PRIVATIVO DE ESPAZOS DE DOMINIO PÚBLICO PARA A INSTALACIÓN DE PUNTOS DE RECARGA DE VEHÍCULOS ELÉCTRICOS NO TERMO MUNICIPAL DE XOVE. Pola súa parte, a empresa Cargacoches comprométese a aboar ao Concello de Xove como canon da concesión e de acordo coa oferta presentada o 11% da facturación dos puntos de recarga.

Novo prazo solicitudes Turismo Imserso 2023-2024

09/Novembro/2023 Departamento de Servizos Sociais
• 

Novo prazo de presentación de solicitudes para participar no Programa de Turismo do Imserso na tempada 2023-2024 O Imserso informa que desde o 06/11/2023 hasta 01/05/2024 abrese un novo prazo de presentación para participar no Programa de Turismo para persoas maiores que xestiona este Instituto.

Todas as persoas interesadas en poder gozar das viaxes que non estean dadas de alta e que cumpran cos requisitos legais de participación, deberán cubrir a solicitude e presentala por calquera dos medios previstos na Orde SCB/926/2018, do 10 de setembro, pola que se regula o Programa de Turismo do Imserso:

• De forma telemática a través da Sede electrónica do Imserso. Este procedemento non require autenticación electrónica (Cl@ve, certificado electrónico ou DNI electrónico) por parte da persoa interesada.
• Descargando o formulario de solicitude de participación no Programa de Turismo para a tempada 2023-2024 -->DESCARGAR Solicitude . Unha vez cuberto deberá remitilo por algún dos seguintes medios:
  • A través dos rexistros electrónicos e oficinas relacionados no artigo 7 da Orde SCB/926/2018, do 10 de setembro, pola que se regula o programa de Turismo do Imserso.
  • En sobre franqueado, non por correo certificado, á dirección: Programa de Turismo do Imserso, apartado de correos 10.140, 28080 Madrid.

A presentación da solicitude é indispensable para que o Imserso, tras efectuar as comprobacións oportunas, poida ditar a Resolución que acredita a condición de persoa beneficiaria do Programa de Turismo, que recibirá o solicitante no seu domicilio ou poderá descargala na súa Dirección Electrónica Habilitada Única; desta forma, o titular da acreditación, poderá reservar e comprar as prazas dispoñibles.

Máis información  Información sobre ou Programa de Turismo Social para maiores do IMSERSO 2022-2023 E NO DEPARTAMENTO DE SERVIZOS SOCIAIS DO CONCELLO DE XOVE (982-592001)

Programa de Turismo del Imserso - Sede Electrónica - Instituto de Mayores y Servicios Sociales

Solicitude Arbores Autóctonos e Frutais 2023

07/Novembro/2023 Delegación de Agricultura
• 

Bonificación IBI familias numerosas

02/Novembro/2023 Departamento de Servizos Sociais
• 

Recordatorio

Desde o departamento de servizos sociais se recorda a todas as familias numerosas recoñecidas, tanto as de categoría xeral como especial, que desexen beneficiarse do dereito á bonificación na cota íntegra do imposto de bens inmobles no exercicio 2024, deberán presentar a solicitude antes do 31 de decembro deste ano.

As solicitudes facilitaranse nas oficinas xerais do concello e deberán aportar a seguinte documentación:

ü     Certificado de empadronamento no concello de xove de todas as persoas integrantes da unidade familiar.

ü     Copia auténtica do documento que acredite a propiedade do inmoble

ü     Certificación ou documento análogo acreditativo da condición de familia numerosa, expedida polo órgano competente da comunidade autónoma de galicia ou das restantes comunidades autónomas.

.

Contenedor Marrón: Residuos domésticos....

26/Outubro/2023 Concellería de Medio Ambiente
• 

XXIX FESTA DA TERCEIRA IDADE EN XOVE

26/Outubro/2023 CONCELLO DE XOVE
• 

A FESTA DA TERCEIRA IDADE, que xa vai pola súa XXIX edición, vai dirixida ás persoas pensionistas maiores de 60 anos cos seus cónxuxes ou parellas do noso Concello.  A mesma vai desenvolverse MAÑÁ VENRES 27 DE OUTUBRO con actividades ao longo de todo o día, e con arranxo ao seguinte programa:

•    -12:30 horas.- Misa na Igrexa Parroquial de Xove, acompañada por un Trio de Cordas da Escola Municipal de Música.
•    -14:00 horas.- Xantar no Restaurante Louzao de Area.

   Unha vez rematado o xantar, por parte do Concello, vaise facer entrega dun agasallo aos máis maiores da Festa, home e muller.

Posteriormente todos os participantes van disfrutar dun baile.O Concello, o mesmo que en edicións anteriores, pon autobuses gratutitos a disposición de tódolos participantes que así o queiran, tanto para ida como para o retorno.